ທຸລະກິດຂະໜາດນ້ອຍ ແລະ ຂະໜາດກາງ (SME)

ວຽງຈັນ (ວຽງຈັນທາມສ໌/ANN) – ລາຄາປາລ້ຽງທີ່ວາງຂາຍໃນນະຄອນຫຼວງວຽງຈັນໃນປະຈຸບັນ ແມ່ນສູງກວ່າລະດັບທີ່ລັດຖະບານກຳນົດ ຫຼັງຈາກທີ່ຊາວກະສິກອນທີ່ລ້ຽງປາຫຼາຍເຈົ້າປະສົບສະພາບຂາດທຶນເນື່ອງຈາກໄພນ້ຳຖ້ວມໃນໄລຍະທີ່ຜ່ານມາ.ນອກຈາກນີ້ ເຂົາເຈົ້າຍັງຕ້ອງແບກຮັບພາລະຕົ້ນທຶນໃນການລ້ຽງປາທີ່ເພີ່ມສູງຂຶ້ນ.ເພື່ອເປັນການປົກປ້ອງຜູ້ບໍລິໂພກ ແລະ ປ້ອງກັນການສວຍໂອກາດຂຶ້ນລາຄາ, ໃນເດືອນພຶດສະພາທີ່ຜ່ານມາ ພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໄດ້ອອກແຈ້ງການກ່ຽວກັບລາຄາຂາຍປາດັ່ງກ່າວບໍ່ໃຫ້ເກີນ 20,000 ກີບຕໍ່ໜຶ່ງກິໂລ. ແຕ່ມາໃນປະຈຸບັນ ລາຄາທີ່ຂາຍຕາມທ້ອງຕະຫຼາດແມ່ນເພີ່ມຂຶ້ນຮອດ 23,000-25,000 ກີບຕໍ່ກິໂລ.ອ່ານຕໍ່  ...

ພາຍຫຼັງການຕອບຮັບທີ່ດີຈາກການຈັດງານຄັ້ງທຳອິດໃນປີຜ່ານມາຢູ່ແຂວງຫຼວງພະບາງ, ງານວາງສະແດງຊ່ອງທາງທຸລະກິດການທ່ອງທ່ຽວແບບຍືນຍົງ (STSE) ຈະຈັດຂຶ້ນໃນອາທິດນີ້ ທີ່ນະຄອນວຽງຈັນ ໃນລະຫວ່າງວັນທີ 27-28 ກັນຍານີ້ ທີ່ໂຮງແຮມຄຼາວພຼາຊາ. ງານ STSE ແມ່ນຕະຫຼາດນັດສຳລັບອຸດສະຫະກຳການທ່ອງທ່ຽວຊັ້ນນຳຂອງພາກພື້ນ ເພື່ອສະເຫຼີມສະຫຼອງ, ຄົ້ນຫາ, ແລະ ວາງສະແດງທ່າອ່ຽງ, ຄວາມຮູ້ ແລະ ເທັກໂນໂລຢີຫຼ້າສຸດ ໃນດ້ານການທ່ອງທ່ຽວແບບຍືນຍົງ ແລະ ການໃຫ້ບໍລິການ.ໃນງານດັ່ງກ່າວຈະມີໜ່ວຍງານວາງສະແດງທັງໝົດ 54 ໜ່ວຍງານຈາກລາວ ແລະ ພາກພື້ນແມ່ນ້ຳຂອງ ເຊິ່ງຈະສະແດງຜະລິດຕະພັນ, ການບໍລິການ ແລະ ການລິເລີ່ມຂອງຕົນ ໃນໄລຍະການວາງສະແດງສອງວັນ, ເຊິ່ງສາມາດເຂົ້າຊົມໄດ້ໂດຍບໍ່ເສຍຄ່າ. ຫົວໜ່ວຍທຸລະກິດເຫຼົ່ານີ້ ມີຫຼາຍປະເພດທຸລະກິດທີ່ກ່ຽວຂ້ອງກັບຫົວຂໍ້ຂອງງານເຊັ່ນ ເຄື່ອງໃຊ້ໃນໂຮງແຮມທີ່ເປັນມິດຕໍ່ສິ່ງແວດລ້ອມ, ເຄື່ອງຫັດຖະກຳ, ອາຫານປອດສານພິດ, ການລິເລີ່ມ ແລະ ໂຄງການຕ່າງໆ ກໍຄືກິດຈະກຳທົວ ແລະ ທີ່ພັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ງານວາງສະແດງສິນຄ້າຈີນ-ອາຊຽນ (CAEXPO) ໄດ້ປະກອບສ່ວນຕໍ່ການຮ່ວມມືດ້ານການຄ້າ, ການລົງທຶນ ແລະ ການທ່ອງທ່ຽວ ລະຫວ່າງອາຊຽນ ແລະ ຈີນ ໃນຕະຫຼອດ 16 ​ປີ, ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ກ່າວໃນວັນເສົາແລ້ວນີ້ ໃນການກ່າວຄຳເຫັນໃນພິທີເປີດງານວາງສະແດງສິນຄ້າຄັ້ງທີ 16 ທີ່ເມືອງໜານໜິງ ປະເທດຈີນ.ງານວາງສະແດງດັ່ງກ່າວຈະຊ່ວຍສົ່ງເສີມການຮ່ວມມືດ້ານເສດຖະກິດລະຫວ່າງຈີນ ແລະ ອາຊຽນ. ປະຈຸບັນ ຈີນແມ່ນຄູ່ຄ້າລາຍໃຫຍ່ທີ່ສຸດ ທັງເປັນຜູ້ສະໜອງການລົງທຶນໂດຍກົງຈາກຕ່າງປະເທດອັນດັບສາມ ໃນກຸ່ມປະເທດອາຊຽນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ອອກຄຳສັ່ງຢຸດຕິການກວດສອບຄຸນນະພາບຂອງອຸປະກອນເຄື່ອງໃຊ້ໄຟຟ້າ, ອິເລັກໂທຣນິກ ເຊິ່ງນຳເຂົ້າຜ່ານຂົວມິດຕະພາບລາວ-ໄທ 1. ນັບແຕ່ມີການຈັດຕັ້ງປະຕິບັດ ບາດກ້າວດັ່ງກ່າວໄດ້ສົ່ງຜົນກະທົບຕໍ່ຂະແໜງທຸລະກິດ. ເຊິ່ງມັນໄດ້ນຳໄປສູ່ການເພີ່ມຂະບວນການນຳເຂົ້າສິນຄ້າ ລວມທັງຕົ້ນທຶນການນຳເຂົ້າ, ຕາມຂໍ້ມູນຫຼ້າສຸດຈາກເວັບໄຊທາງການຂອງກະຊວງອຸດສາຫະກຳ ແລະ ການຄ້າ.ຫ້ອງວ່າການສຳນັກງານນາຍົກລັດຖະມົນຕີຈຶ່ງໄດ້ແຈ້ງການເພື່ອຢຸດຕິການກວດສອບຄຸນນະພາບ ຂອງອຸປະກອນເຄື່ອງໃຊ້ໄຟຟ້າ, ອິເລັກໂທຣນິກ ເຊິ່ງນຳເຂົ້າຜ່ານຂົວມິດຕະພາບລາວ-ໄທ 1.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກລົງທຶນ, ນາຍໜ້າລົງທຶນ, ນັກສຶກສາການເງິນ ແລະ ຕາງໜ້າຈາກບໍລິສັດທີ່ຈົດທະບຽນໃນຕະຫຼາດຫຼັກຊັບ ເຂົ້າຮ່ວມການແລກປ່ຽນໄລຍະສອງວັນ ທີ່ຕະຫຼາດຫຼັກຊັບລາວ (LSX) ເພື່ອເສີມຂະຫຍາຍຄວາມຮູ້ກ່ຽວກັບຕະຫຼາດທຶນ ຈາກຊ່ຽວຊານທີ່ມີປະສົບການຈາກລາວ ແລະ ໄທ.ງານປະຕູສູ່ການລົງທຶນ 2019 ໃນຫົວຂໍ້ ‘ການຂະຫຍາຍທຸລະກິດໃນຕະຫຼາດທຶນ’ ມີຜູ້ເຂົ້າຮ່ວມຫຼາຍຮ້ອຍຄົນ ທີ່ມີຄວາມສົນໃຈຮຽນຮູ້ກ່ຽວກັບວຽກງານຂອງຕະຫຼາດການເງິນ, ທຶນ, ແລະ ເງິນ ຈາກຜູ້ຊ່ຽວຊານສະເພາະດ້ານ.ອ່ານຕໍ່ ...

ວຽງຈັນ (ວຽງຂຈັນທາມສ໌/ANN) – ງານວາງສະແດງວິທະຍາສາດ ແລະ ເທັກໂນໂລຢີລາວ-ຈີນ ຈະຈັດຂຶ້ນຢູ່ນະຄອນຫຼວງວຽງຈັນ ໃນລະຫວ່າງວັນທີ 10-16 ຕຸລານີ້ ເພື່ອສ້າງໂອກາດໃຫ້ສອງຊາດ ວາງສະແດງຜົນງານນະວັດຕະກຳຫຼ້າສຸດຕໍ່ມະຫາຊົນ.ງານວາງສະແດງດັ່ງກ່າວຈະໄດ້ຈັດຂຶ້ນຢູ່ທີ່ຫໍປະຊຸມແຫ່ງຊາດ ເຊິ່ງຈະເປັນເວທີວາງສະແດງຂອງຂະແໜງວິທະຍາສາດ ແລະ ເທັກໂນໂລຢີຂອງສອງຊາດ ພາຍໃຕ້ຫົວຂໍ້ “ການສົ່ງເສີມການນຳໃຊ້ເທັກໂນໂລຢີສະຫຼາດ ເພື່ອບັນລຸເປົ້າໝາຍການຫັນເປັນອຸດສາຫະກຳ ແລະ ທັນສະໃໝ.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ໄດ້ອອກດຳລັດນາຍົກລັດຖະມົນຕີກ່ຽວກັບການຈັດຕັ້ງກອງທຶນ ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ (SME), ເຊິ່ງຄາດວ່າການແຊກແຊງດັ່ງກ່າວ ຈະຊ່ວຍສົ່ງເສີມການເຂົ້າເຖິງແຫຼ່ງທຶນຂອງຫົວໜ່ວຍທຸລະກິດ.ໃນວັນທີ 4 ກັນຍານີ້ ທ່ານ ທອງລຸນ ສີສຸລິດ ນາຍົກລັດຖະທົນຕີ ໄດ້ລົງນາມຮັບຮອງເອົາດຳລັດວ່າດ້ວຍກອງທຶນສົ່ງເສີມ SME ເພື່ອເພີ່ມທະວີກົງຈັກນິຕິບັນຍັດ ໃນການສະໜັບສະໜູນການຈັດຕັ້ງ ແລະ ການດຳເນີນການຂອງຫົວໜ່ວຍທຸລະກິດ ເພື່ອຂົນຂວາຍການອັດສິດແຫຼ່ງທຶນສຳລັບທຸລະກິດຂະໜາດນ້ອຍ ແລະ ຂະໜາດກາງ.ອີງຕາມດຳລັດທີ່ເຜີຍແຜ່ຜ່ານທາງເວັບໄຊຈົດໝາຍເຫດແຫ່ງຊາດລາວ ເຊິ່ງເປັນໜຶ່ງໃນຊ່ອງທາງຂອງລັດຖະບານ ໃນການເຜີຍແຜ່ແຜນນະໂຍບາຍ, ລະບຽບການ ແລະ ກົດໝາຍຕ່າງໆ, ກອງທຶນ SME ຈະເປັນອົງການຈັດຕັ້ງໜຶ່ງຂອງລັດທີ່ຂຶ້ນກັບກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທຸລະກິດຂະໜາດນ້ອຍ ແລະ ຂະໜາດກາງ (SMEs) ຂອງລາວຕ້ອງເພີ່ມທະວີຄວາມສາມາດໃນການຜະລິດສິນຄ້າທີ່ສ້າງຄວາມປະທັບໃຈສຳລັບຕະຫຼາດຕ່າງປະເທດ ຍ້ອນວ່າມັນເປັນທາງດຽວທີ່ສາມາດເຮັດໄດ້, ຕາມເຈົ້າໜ້າທີ່ສູນການຄ້າສາກົນ (ITC).“ລາວບໍ່ສາມາດຜະລິດສິນຄ້າໃນປະລິມານຫຼາຍໃນລາຄາທີ່ຕ່ຳ. ສະນັ້ນ ນີ້ຈຶ່ງບໍ່ແມ່ນທາງເລືອກສຳລັບປະເທດລາວ. ລາວຕ້ອງຜະລິດສິນຄ້າປະລິມານໜ້ອຍໃນລາຄາທີ່ສູງ.” ທ່ານນາງ ອາຣັນຊາ ກອນຊາເລັສ໌ ອຳນວຍການສູນ ITC ກ່າວໃນການສຳພາດກັບສຳນັກຂ່າວວຽງຈັນທາມສ໌ໃນວັນທີ 9 ກັນຍາຜ່ານມານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດສົ່ງເສີມກະສິກຳໃນລາວຫຼາຍແຫ່ງໄດ້ຈຳກັດປະລິມານການສົ່ງອອກເຂົ້າສານ ເນື່ອງຈາກຄວາມຂາດແຄນດ້ານການສະໜອງພາຍໃນປະເທດ ທ່າມກາງຄວາມຕ້ອງການທີ່ສູງຈາກຕ່າງປະເທດ.ລາຄາເຂົ້າທີ່ເພີ່ມສູງຂຶ້ນ ແລະ ຜົນກະທົບຈາກໄພນ້ຳຖ້ວມໃນປະເທດໃນລະດູຝົນນີ້ ແມ່ນສາເຫດຕົ້ນຕໍທີ່ຊາວກະສິກອນເກັບສຳຮອງເຂົ້າສານໄວ້ເພື່ອບໍລິໂພກເອງ, ຕາມການເປີດເຜີຍຂອງຂະແໜງອຸດສາຫະກຳ ແລະ ການຄ້າ.ໃນໄລຍະຜ່ານມາ ລາວໄດ້ສົ່ງອອກເຂົ້າສານພຽງແຕ່ 1,350 ໂຕນໄປປະເທດຈີນ ໃນຈຳນວນໂກຕາການສົ່ງອອກທັງໝົດ 50,000 ໂຕນຕາມຂໍ້ຕົກລົງລະຫວ່າງລັດຖະບານລາວ ແລະ ບໍລິສັດທັນຍະພືດ, ນ້ຳມັນ ແລະ ສະບຽງອາຫານແຫ່ງຊາດຈີນ (COFCO).ອ່ານຕໍ່ ...

ກອງປະຊຸມຂອງຄະນະລັດຖະບານກຳປູເຈຍໃນວັນພຸດນີ້ ໄດ້ຕົກລົງວ່າ ລັດຖະບານກຳປູເຈຍຈະຊື້ໄຟຟ້າ 2,400 ເມກາວັດຈາກລາວ.ລາຍງານດັ່ງກ່າວໄດ້ຮັບການຢັ້ງຢືນຈາກລາຍງານຫຍໍ້ ທີ່ອັບໂຫຼດຂຶ້ນທາງໜ້າເຟສ໌ບຸກ ໂດຍທ່ານໄພ ສີພັນ ໂຄສົກລັດຖະບານກຳປູເຈຍ.ເຊິ່ງມີເນື້ອໃນວ່າ ກຳປູເຈຍຈະຊື້ໄຟຟ້າຈາກສະເພາະຈາກໂຮງງານໄຟຟ້າພະລັງຖ່ານຫີນຂອງລາວສອງແຫ່ງຄື  – ບໍລິສັດໄຟຟ້າ ແລະ ບໍ່ແຮ່ TSBP ເຊກອງ ຈຳກັດ ເຊິ່ງມີກຳລັງການຜະລິດ 600 ເມກາວັດ, ແລະ ບໍລິສັດໄຟຟ້າພະລັງຄວາມຮ້ອນເຊກອງ ຈຳກັດ ເຊິ່ງມີກຳລັງການຜະລິດ 1,800 ເມກາວັດ.ອ່ານຕໍ່ ...