ທະນາຄານຫວຽດຕິນ ເປີດສຳນັກງານໃຫຍ່ຢູ່ນະຄອນວຽງຈັນ
ທະນາຄານພານິດຮ່ວມຫຸ້ນ ເພື່ອອຸດສາຫະກຳ ແລະ ການຄ້າ ຫວຽດນາມ (ຫວຽດຕິນແບັງ) ໄດ້ເປີດສຳນັກງານໃຫຍ່ ຢູ່ນະຄອນຫຼວງວຽງຈັນ, ເພື່ອສົ່ງເສີມບາດກ້າວໃນການຂະຫຍາຍການຮ່ວມມືລະຫວ່າງລາວ ແລະ ຫວຽດນາມ ໃນຂະແໜງການເງິນ ແລະ ການທະນາຄານ.ທະນາຄານຫວຽດຕິນ ໄດ້ເປີດສາຂາທຳອິດໃນລາວໃນປີ 2012, ເຊິ່ງໄດ້ມີການຍົກລະດັບເປັນທະນາຄານຫວຽດຕິນລາວໃນປີ 2015 ເຊິ່ງເປັນເຄືອຂ່າຍຂອງທະນາຄານຫວຽດຕິນ. ຈາກນັ້ນໄດ້ມີການເປີດສາຂາເພີ່ມຢູ່ແຂວງຈຳປາສັກໃນເດືອນກັນຍາ ປີ 2016.ອ່ານຕໍ່ ...
Taejun Kang
https://laotiantimes.com/2019/09/19/vietinbank-opens-laos-headquraters-in-vientiane/
ລັດຖະບານລາວຫາລືນະໂຍບາຍເພື່ອຮັກສາລະດັບການຂະຫຍາຍຕົວຂອງເສດຖະກິດ
ລັດຖະບານໄດ້ມີການຫາລືທາງດ້ານນະໂຍບາຍ ແລະ ອະນຸມັດແຜນບູລິມະສິດສຳລັບປີນີ້ ເພື່ອສູ້ຊົນຂັນເຂື່ອນປະເທດຕາມເສັ້ນທາງການຂະຫຍາຍຕົວຂອງເສດຖະກິດທີ່ເໝາະສົມ.ຕາມການເປີດເຜີຍຂອງສຳນັກງານນາຍົກລັດຖະມົນຕີຕໍ່ສື່ມວນຊົນ, ກອງປະຊຸມປະຈຳເດືອນຂອງລັດຖະບານ ເຊິ່ງໄດ້ຈັດຂຶ້ນໃນວັນທີ 24 ແລະ 25 ມັງກອນນີ້ ພາຍໃຕ້ການນຳພາຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ໄດ້ມີການຫາລີຂໍ້ສະເໜີຈຳນວນໜຶ່ງ ແລະ ມີການອະນຸມັດແຜນວາລະກິດຈະກຳທີ່ຈະດຳເນີນໂດຍລັດຖະບານສຳລັບປີນີ້.ອ່ານຕໍ່ ...
ເອກະພອນ ພູທອນສີ
ຜູ້ຮັບເໝົາຈີນສຳເລັດການສ້າງຖານຂົວຂ້າມນ້ຳຂອງ ສຳລັບທາງລົດໄຟ
ວຽງຈັນ(ຊິນຫົວ) — ການເທເບຕົງສຳລັບຖານຂົວທາງລົດໄຟຫຼວງພະບາງໄດ້ຮັບຜົນສຳເລັດ ເຊິ່ງເປັນໜ້າວຽກການກໍ່ສ້າງຖານຂົວຂ້າມນ້ຳຂອງສອງແຫ່ງສຳລັບເສັ້ນທາງລົດໄຟລາວ-ຈີນ.ອ່ານຕໍ່ ...
ວຽງຈັນທາມສ໌
ການຍົກລະດັບຊົນລະປະທານ ຊ່ວຍສົ່ງເສີມຊາວກະສິກອນເມືອງຫີນບູນ
(ຂປລ) ຊາວກະສິກອນໃນສອງບ້ານຂອງເມືອງຫີນບູນ ແຂວງຄຳມ່ວນ ໄດ້ນຳໃຊ້ລະບົບຊົນລະປະທານໃໝ່ ທີ່ໄດ້ຮັບການກໍ່ສ້າງໂດຍບໍລິສັດໄຟຟ້າ ເທີນ-ຫີນບູນ.ໃນປະຈຸບັນ ບ້ານນາເຕີຍ ແລະ ໜອງດົງ ມີລະບົບຊົນລະປະທານຍົກລະດັບ ໄລຍະ 300 ແມັດ, ເພື່ອສະໜອງນ້ຳໃຫ້ແກ່ພື້ນທີ່ກະສິກຳ ລວມ 60 ເຮັກຕາ.ລະບົບຊົນລະປະທານໃນແຕ່ລະບ້ານລວມມີ 10 ປະຕູນ້ຳ ເພື່ອຄວບຄຸມການໄຫຼຂອງນ້ຳ ຕາມຄວາມຕ້ອງການໃນແຕ່ລະລະດູ, ເຊິ່ງນ້ຳຊົນລະປະທານແມ່ນສູບດ້ວຍໂປມໄຟຟ້າ ມາຈາກແມ່ນ້ຳຫີນບູນ. ອ່ານຕໍ່ ...
ໂຕະຂ່າວ ຂປລ
ຜູ້ຜະລິດເຟີນີເຈີລາວປະສົບຂໍ້ຫຍຸ້ງຍາກດ້ານການຄ້າຂາອອກ
ວຽງຈັນ (ວຽງຈັນທາມສ໌/ANN) – ສະມາຄົມເຟີນີເຈີລາວຮ້ອງຂໍໃຫ້ເຈົ້າໜ້າທີ່ຊ່ວຍເຫຼືອໃນທຸກຂັ້ນຕອນການສົ່ງອອກຜະລິດຕະພັນໄມ້ ແລະ ເຟີນີເຈີ ທີ່ສັ່ງຊື້ໂດຍລູກຄ້າຕ່າງປະເທດໃນງານວາງສະແດງສິນຄ້າຕ່າງໆໃນລາວ.ຜູ້ຜະລິດຜະລິດຕະພັນໄມ້ ແລະ ເຟີນີເຈີລາວ ໄດ້ຜະເຊີນຂໍ້ຫຍຸ້ງຍາກຫຼາຍຢ່າງ ໃນການສົ່ງອອກຜະລິດຕະພັນໃຫ້ແກ່ລູກຄ້າຕ່າງປະເທດ ຫຼັງຈາກທີ່ລັດຖະບານລາວໄດ້ມີຄຳສັ່ງຈຳກັດຂະໜາດຂອງຜະລິດຕະພັນໄມ້ທີ່ສາມາດສົ່ງອອກ ພາຍໃຕ້ຄຳສັ່ງເລກທີ 15 ຂອງນາຍົກລັດຖະມົນຕີ.ອ່ານຕໍ່ ...
ໂຕະຂ່າວ
ລາວເດີນໜ້າປັບປຸງສະພາບແວດລ້ອມການດຳເນີນທຸລະກິດ
ເຈົ້າໜ້າທີ່ລາວໄດ້ຮັບຮອງເອົາມາດຕະການ ເພື່ອສ້າງຄວາມສະດວກໃນການເຂົ້າເຖິງສິນເຊື່ອ ແລະ ໃຫ້ການປົກປ້ອງນັກລົງທຶນລາຍຍ່ອຍ ເພື່ອເດີນໜ້າການປັບປຸງສະພາບແວດລ້ອມການດຳເນີນທຸລະກິດໂດຍລວມຂອງປະເທດ.ການເຂົ້າເຖິງສິນເຊື່ອ ແລະ ການປົກປ້ອງຜູ້ລົງທຶນລາຍຍ່ອຍ ແມ່ນສອງໃນ 11 ຕົວຊີ້ວັດໃນການສຳຫຼວດການປະເມີນຄວາມສະດວກໃນການດຳເນີນທຸລະກິດ (EDB) ໃນທົ່ວໂລກຂອງທະນາຄານໂລກ.ອ່ານຕໍ່ ...
ສຸກສາຄອນ ແຫວນແກ້ວ
ການປ່ອຍເງິນກູ້ຢືມຈາກທະນາຄານຊັກຊ້າລົງທ່າມກາງສະພາບເສດຖະກິດທີ່ຫຼຸດຜ່ອນການຂະຫຍາຍ
ວຽງຈັນ (ວຽງຈັນທາມສ໌/ANN) – ການປ່ອຍສິນເຊື່ອຂອງທະນາຄານເຂົ້າສູ່ເສດຖະກິດຍັງສືບຕໍ່ຊັກຊ້າ ທັງໆທີ່ລັດຖະບານໄດ້ອອກມາດຕະການປັບປຸງສະພາບແວດລ້ອມການລົງທຶນສຳລັບຂະແໜງເອກະຊົນ.ອີງຕາມບົດລາຍງານຫຼ້າສຸດຂອງລັດຖະບານ, ການເຕີບໂຕຂອງສິນເຊື່ອຍັງຄົງສືບຕໍ່ຊັກຊ້າໃນອັດຕາ 3.13 ເປີເຊັນໃນຊ່ວງສາມເດືອນຜ່ານມາ, ເຊິ່ງກວມພຽງແຕ່ 46.32 ເປີເຊັນຂອງລວມຍອດຜະລິດຕະພັນພາຍໃນ (GDP).ອັດຕາການຂະຫຍາຍຕົວຂອງສິນເຊື່ອແມ່ນຕ່ຳກວ່າຄາດໝາຍທີ່ສະເໜີຕໍ່ສະພາແຫ່ງຊາດຄື 55 ເປີເຊັນຂອງ GDP ຫຼັງຈາກທີ່ມີການເຕີບໂຕສູງສຸດໃນຊຸມປີຜ່ານມາ.ອ່ານຕໍ່ ...
ສົມສັກ ພົງຂາວ
http://annx.asianews.network/content/bank-lending-slows-amid-economic-downturn-laos-100123
ໄພແຫ້ງແລ້ງທຳລາຍຄວາມຫວັງຂອງຊາວກະສິກອນລາວ
ວຽງຈັນ (ວຽງຈັນທາມສ໌/ANN) – ປະລິມານຝົກຕົກທີ່ຕ່ຳ ບວກກັບອຸນນະພູມທີ່ເພີ່ມສູງຂຶ້ນ ກຳລັງທຳລາຍເຄື່ອງປູກຂອງຝັງຂອງຊາວກະສິກອນລາວທົ່ວປະເທດ ພາຍໃຕ້ສະຖານະການໄພແຫ້ງແລ້ງທີ່ກຳລັງເກີດຂຶ້ນໃນທົ່ວພາກພື້ນອາຊີຕາເວັນອອກສຽງໃຕ້.ນັກວິເຄາະກ່າວວ່າ ປະລິມານນ້ຳຝົນໃນລະດູທີ່ຕ່ຳທີ່ສຸດໃນຮອບຫຼາຍທົດສະວັດ ບໍ່ພຽງແຕ່ສົ່ງຜົນກະທົບຮ້າຍແຮງຕໍ່ຊີວິດການເປັນຢູ່ຂອງຊາວກະສິກອນ ແຕ່ຍັງກະທົບເຖິງຄວາມໝັ້ນຄົງດ້ານສະບຽງອາຫານ.ທ່ານ ບຸນກວ້າງ ຄຳບຸນເຮືອງ ຮອງລັດຖະມົນຕີກະຊວງກະສິກຳ ແລະ ປ່າໄມ້ ລາຍງານຜ່ານສຳນັກຂ່າວວຽງຈັນທາມສ໌ວານນີ້ວ່າ ການປັກດຳນາປີໃນທົ່ວປະເທດຫາກໍ່ສຳເລັດພຽງແຕ່ 40 ເປີເຊັນ.ອ່ານຕໍ່ ...
ສົມສັກ ພົງຂາວ
http://annx.asianews.network/content/drought-destroying-future-lao-farmers-100731
ການທົດລອງເພື່ອປົກປ້ອງອຸດສາຫະກຳປູກກ້ວຍຂອງລາວ
ວຽງຈັນ (ວຽງຈັນທາມສ໌/ANN) – ລັດຖະບານລາວໄດ້ຕົກລົງເຮັດວຽກຮ່ວມກັບບໍລິສັດຂອງອອສ໌ເຕຣເລຍ ເພື່ອດຳເນີນການທົດລອງຄວາມສາມາດຂອງຕົວສ້າງຄວາມຊຸ່ມຂອງດິນ “NSA Wilt Stop” ເພື່ອຄວບຄຸມພະຍາດຈາກເຊື້ອລາໃນສວນກ້ວຍຂອງລາວ.ກົມປູກຝັງພາຍໃຕ້ກະຊວງກະສິກຳ ແລະ ປ່າໄມ້ ແລະ ບໍລິສັດ Soils North Pty ຈຳກັດຂອງອອສ໌ເຕຣເລຍ ໄດ້ລົງນາມໃນຂໍ້ຕົກລົງຄັ້ງວັນທີ 22 ເພື່ອການຮ່ວມມືໃນໂຄງການ. ໜຶ່ງໃນວັດຖຸປະສົງຂອງໂຄງການແມ່ນການກຳນົດປະສິດທິຜົນຂອງ NSA Wilt Stop ຕໍ່ກັບພະຍາດແຫ່ວທີ່ເກີດຈາກເຊື້ອລາ Fusarium.ອ່ານຕໍ່ ...
ໂຕະຂ່າວ
ລາວຈະສ້າງແຜນວາດຊ່ອງທາງສຳລັບການປະຕິຮູບການລົງທຶນ
ວຽງຈັນ (ວຽງຈັນທາມສ໌/ANN) – ແຜນວາດການປະຕິຮູບການລົງທຶນ (IRM) ແມ່ນກົນໄກສຳຄັນອັນໜຶ່ງສຳລັບການພັດທະນານະໂຍບາຍການລົງທຶນ ເພື່ອດຶງດູດການລົງທຶນໂດຍກົງຈາກຕ່າງປະເທດ (FDI) ແລະ ສາມາດຊ່ວຍເຫຼືອປະເທດທີ່ມີຄວາມຕ້ອງການພັດທະນາ ແລະ ດຶງດູດການລົງທຶນ.ໃນພິທີເປີດກອງປະຊຸມປຶກສາຫາລື ກ່ຽວກັບຮ່າງບົດລາຍງານກ່ຽວກັບແຜນວາດການປະຕິຮູບການລົງທຶນສຳລັບປະເທດລາວຂອງກະຊວງແຜນການ ແລະ ການລົງທຶນ ໃນອາທິດແລ້ວນີ້, ທ່ານນາງ ຄຳຈັນ ວົງແສງບຸນ ຮອງລັດຖະມົນຕີ ໄດ້ກ່າວວ່າ ເປົ້າໝາຍຂອງແຜນວາດ IRM ແມ່ນການສະເໜີການຄົ້ນຄວ້າດ້ານການຄຸ້ມຄອງ ແລະ ວາງທິດທາງສຳລັບການມີສ່ວນຮ່ວມຕົວຈິງໃນການລົງທຶນ.ອ່ານຕໍ່ ...
ໂຕະຂ່າວ
ມາເລເຊຍບໍລິຈາກ 100,000 ໂດລາສະຫະລັດເພື່ອຊ່ວຍເຫຼືອຜູ້ປະສົບໄພນ້ຳຖ້ວມໃນລາວ
(ຂປລ) ທ່ານ ໂມດ ອາທານ ເອກອັກຄະລັດຖະທູດເມເລເຊຍປະຈຳລາວເຂົ້າພົບທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ເພື່ອແຈ້ງກ່ຽວກັບການມອບທຶນຊ່ວຍເຫຼືອຈຳນວນ 100,000 ໂດລາສະຫະລັດ ເພື່ອບັນເທົາທຸກຜູ້ປະສົບໄພນ້ຳຖ້ວມໃນລາວອ່ານຕໍ່ ...
ຂປລ
ເຈົ້າໜ້າທີ່ຈະຖືກຫ້າມບໍ່ໃຫ້ເປີດເຜີຍເອກະສານທີ່ເປັນຄວາມລັບ
ລັດຖະກອນຖືກສັ່ງຫ້າມບໍ່ໃຫ້ສົ່ງຕໍ່ ແລະ ເຜີຍແຜ່ ຫຼື ທຳລາຍເອກະສານທີ່ເປັນຄວາມລັບຂອງຊາດ ເຊັ່ນ ຂໍ້ກົດໝາຍທີ່ອາດສົ່ງຜົນເສຍຫາຍຕໍ່ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງບ້ານເມືອງ.ທ່ານ ຄຳໝັ້ນ ສຸນວິເລີດ ລັດຖະມົນຕີກະຊວງພາຍໃນ ໄດ້ສະເໜີຮ່າງກົດໝາຍກ່ຽວກັບການເກັບມ້ຽນເອກະສານ ເພື່ອຫາລືໃນກອງປະຊຸມສະໄໝສາມັນຂອງສະພາແຫ່ງຊາດທີ່ກຳລັງດຳເນີນ.ອ່ານຕໍ່ ...
ສົມສັກ ພົງຂາວ
ສະຫະລັດສືບຕໍ່ຊ່ວຍເຫຼືອວຽກງານເກັບກູ້ລະເບີດໃນລາວເປັນທຶນ 14.5 ລ້ານໂດລາສະຫະລັດ
ລັດຖະບານສະຫະລັດອາເມລິກາຢືນຢັນສືບຕໍ່ໃຫ້ການຊ່ວຍເຫຼືອເປັນທຶນຈຳນວນ 14.5 ລ້ານໂດລາສະຫະລັດ ສຳລັບອົງການເກັບກູ້ລະເບີດແມັກລາວ ໃນການດຳເນີນການສຳຫຼວດ ແລະ ເກັບກູ້ລະເບີດທີ່ຍັງບໍ່ທັນແຕກ (ລບຕ) ໃນເຈັດເມືອງເປົ້າໝາຍໃນແຂວງຊຽງຂວາງ.ອ່ານຕໍ່ ...
ນັກຂ່າວວຽງຈັນທາມສ໌
ກະຊວງແຮງງານ, ຄູ່ຮ່ວມພັດທະນາເພີ່ມທະວີຄວາມພະຍາຍາມໃນດານສົ່ງເສີມການມີວຽກເຮັດງານທຳໃນຊົນນະບົດ
ຕາງໜ້າຄູ່ຮ່ວມພັດທະນາ, ຖັນແຖວກົມກອງປະຊວງແຮງງານ ແລະ ສະຫວັດດີການສັງຄົມ ແລະ ພະນັກງານຂັ້ນແຂວງໄດ້ຮ່ວມກອງປະຊຸມໃນວັນພະຫັດຜ່ານມາ ທີ່ນະຄອນວຽງຈັນ ເພື່ອທົບທວນຄວາມພະຍາຍາມໃນການເພີ່ມທະວີໂອກາດໃນການມີວຽກເຮັດງານທຳໃນພື້ນທີ່ຊົນນະບົດ.“ກອງປະຊຸມຄະນະກຳມະການຊີ້ນຳໂຄງການ ກ່ຽວກັບຍຸດທະສາດການສົ່ງເສີມການມີວຽກເຮັດງານທຳໃນຊົນນະບົດແຫ່ງຊາດໃນ ສປປ ລາວ – ເພື່ອກ້າວໄປສູ່ການເພີ່ມໂອກາດສຳລັບການມີວຽກເຮັດງານທຳທີ່ດີ ແລະ ມີປະສິດທິຜົນໃນພື້ນທີ່ຊົນນະບົດ” ມີການເຂົ້າຮ່ວມຂອງທ່ານນາງ ໃບຄຳ ຂັດຕິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນສະມາຊິກພັກ, ທ່ານນາງ ໂຈນີ ຊິມສັນ ຜູ້ຕາງໜ້າອົງການຈັດຕັ້ງແຮງງານສາກົນ (ILO), ພ້ອມດ້ວຍເຈົ້າໜ້າທີ່ແຮງງານຈາກບັນດາແຂວງເປົ້າໝາຍ ແລະ ກະຊວງ.ອ່ານຕໍ່ ...
ເພັດໂພໄຊ ແສງປະເສີດ
ນາຍົກສັ່ງໃຫ້ແຂວງອຸດົມໄຊກວດສອບໂຄງການພັດທະນາ
ອຸດົມໄຊ, ລາວ (ວຽງຈັນທາມສ໌/ANN) – ທ່ານທອງລຸນ ສີສຸລິດ ນາຍົກລັດຖະມົນຕີ ໄດ້ຮຽກຮ້ອງໃຫ້ການນຳແຂວງອຸດົມໄຊ ກວດສອບລາຍລະອຽດໂຄງການລົງທຶນຂອງຂະແໜງເອກະຊົນ ເພື່ອຮັບປະກັນການຂັບເຂື່ອນການຂະຫຍາຍຕົວດ້ານເສດຖະກິດຂອງໂຄງການ ແລະ ແຜນພັດທະນາໃຫ້ມີຄຸນນະພາບສູງ.ນາຍົກໄດ້ໃຫ້ຄຳແນະນຳດັ່ງກ່າວໃນວັນທີ 12 ເມສາ ໃນໂອກາດຢ້ຽມຢາມແຂວງ ເຊິ່ງໄດ້ພົບປະກັບທ່ານ (ປອ) ຄຳພັນ ພືຍະວົງ ເຈົ້າແຂວງໆອຸດົມໄຊ ແລະ ເຈົ້າໜ້າທີ່ການນຳອື່ນໆ. ທ່ານໄດ້ແນະນຳວ່າໂຄງການລົງທຶນທຸກໂຄງການຕ້ອງສອດຄ່ອງກັບຄວາມຮຽກຮ້ອງຕ້ອງການດ້ານການພັດທະນາຂອງແຂວງ.ອ່ານຕໍ່ ...
ໂຕະຂ່າວ
ອອກກົດລະບຽບໃໝ່ກ່ຽວກັບການແຕ່ງງານຂອງຄົນລາວ-ຕ່າງປະເທດ
ໄດ້ມີການອອກຄູ່ມືືແນະນຳສະບັບໃໝ່ສຳລັບຊາວຕ່າງປະເທດ ກ່ຽວກັບກົດລະບຽບເພີ່ມເຕີມທີ່ຕ້ອງປະຕິບັດໃນການແຕ່ງດອງກັບຄົນລາວ. ທ່ານ ຄຳໝັ້ນ ສຸວິເລີດ ລັດຖະມົນຕີກະຊວງພາຍໃນໄດ້ລົງນາມຮັບຮອງປຶ້ມຄູ່ມືດັ່ງກ່າວໃນວັນທີ 28 ມັງກອນປີນີ້, ເຊິ່ງອະນຸຍາດໃຫ້ເຈົ້າໜ້າທີ່ກະຊວງພາຍໃນ ສາມາດຮ້ອງຂໍເບິ່ງເອກະສານສະໜັບສະໜູນຕ່າງໆຈາກຊາວຕ່າງປະເທດທີ່ຕ້ອງການຢາກແຕ່ງດອງກັບຄົນລາວ.ອ່ານຕໍ່ ...
ເອກະພອນ ພູທອນສີ
ຕະຫຼາດຫຼັກຊັບເປີດການຊື້ຂາຍຫຸ້ນບໍລິສັດ ລານໂກ
(ຂປລ) ໃນວັນພະຫັດນີ້ ຕະຫຼາດຫຼັກຊັບລາວໄດ້ເປີດການຊື້ຂາຍຫຸ້ນບໍລິສັດລາວອາຊຽນເຊົ່າສິນເຊື່ອ (ລານໂກ) ເຊິ່ງເປັນບໍລິສັດລາຍທີ 11 ທີ່ຈົດທະບຽນໃນຕະຫຼາດຫຼັກຊັບລາວ.ໃນມື້ເປີດໂຕ ລາຄາຊື້ຂາຍຫຸ້ນດັ່ງກ່າວແມ່ນຢູ່ທີ່ 3,000 ກີບຕໍ່ຫຸ້ນ, ປັບໂຕເພີ່ມຂຶ້ນຈາກລາຄາ 2,700 ກີບໃນມື້ເປີດຈອງໃນຕົ້ນເດືອນນີ້.ອ່ານຕໍ່ ...
ໂຕະຂ່າວ ຂປລ
http://kpl.gov.la/En/Detail.aspx?id=48752
ລາວຍັງຄົງອີງໃສ່ການສະໜອງເບ້ຍໄມ້ນຳເຂົ້າ
ວຽງຈັນ (ວຽງຈັນທາມສ໌/ANN) – ຊາວກະສິກອນລາວ ແລະ ສູນກ້າເບ້ຍໄມ້ໃນນະຄອນຫຼວງວຽງຈັນ ຍັງຄົງອີງໃສ່ເບ້ຍໄມ້ນຳເຂົ້າຈາກປະເທດເພື່ອນບ້ານ ໂດຍສະເພາະແມ່ນປະເທດໄທ ຕາມຄຳເຫັນຂອງເຈົ້າຂອງສວນກ້າເບ້ຍໄມ້ໃນລາວ.“ໃນແຕ່ລະປີ ຂ້າພະເຈົ້າໄດ້ນຳເຂົ້າເບ້ຍໄມ້ຫຼາຍພັນເບ້ຍ ເພື່ອນຳມາຂາຍຍ່ອຍ ເນື່ອງຈາກເບ້ຍໄມ້ບາງຊະນິດແມ່ນບໍ່ພຽງພໍກັບຄວາມຕ້ອງການ ອີກທັງມີລາຄາຖືກກວ່າພາຍໃນ,” ນາງມະນີວັນ ຈັນທະລັງສີ ເຈົ້າຂອງສວນກ້າເບ້ຍໄມ້ຈັນທາກ່າວ.ອ່ານຕໍ່ ...
ສຸກສະໄໝ ບູລົມ
http://annx.asianews.network/content/laos-still-reliant-imported-plant-supplies-100021
ລາວ, ບຣູໄນສັນເສີນສາຍພົວພັນສອງຝ່າຍ
ທ່ານນາຍົກ ທອງລຸນ ສີສຸລິດ ໃນຖານະແຂກ ແລະ ພະນະທ່ານສຸລະຕານ ຮາຈິ ຮາດຊະນັນ ບໍເກຍ ໄດ້ກ່າວສັນເສີນສາຍພົົວພັນ ແລະ ການຮ່ວມມືລະຫວ່າງສອງຊາດ.ນາຍົກລັດຖະມົນຕີລາວໄດ້ເດີນທາງຢ້ຽມຢາມປະເທດບຣູໄນ ດາຣູຊາລຳ ຢ່າງເປັນທາງການເປັນເວລາສອງວັນ ແຕ່ວັນທີ 16-17 ກຸມພາ ຕາມຄຳເຊື້ອເຊີນຂອງລາດຊະອານາຈັກບຣູໄນ.ອ່ານຕໍ່ ...
ບັນນາລັກວຽງຈັນທາມສ໌
ການຂະຫຍາຍຕົວທາງດ້ານເສດຖະກິດຂອງລາວບໍ່ໄດ້ຊ່ວຍຫຼຸດຜ່ອນຄວາມທຸກຍາກ
ວຽງຈັນ (ວຽງຈັນທາມສ໌/ANN) – ອັດຕາການຂະຫຍາຍຕົວດ້ານເສດຖະກິດຂອງລາວແມ່ນມີສູງທຽບກັບປະເທດເພື່ອນບ້ານ ແລະ ບັນດາປະເທດໃນພາກພື້ນ, ແຕ່ວ່າສິ່ງນີ້ບໍ່ໄດ້ເຮັດໃຫ້ຄວາມທຸກຍາກພາຍໃນປະເທດຫຼຸດຜ່ອນລົງ.ອັດຕາການຂະຫຍາຍຕົວຂອງເສດຖະກິດລາວແຕ່ປີ 2005 ເຖິງ 2018 ສະເລ່ຍແມ່ນປະມານ 7.66% ຕໍ່ປີ, ໃນຂະນະທີ່ປະເທດໄທມີພຽງ 3.27%, ຫວຽດນາມ 6.11% ແລະ ກຳປູເຈຍ 6.60%, ຕາມບົດລາຍງາຍຈາກສູນຄົ້ນຄວ້ານະໂຍບາຍເສດຖະກິດມະຫາພາກ ແລະ ການຟື້ນຟູເສດຖະກິດ (CMER) ພາຍໃຕ້ສະຖາບັນຄົ້ນຄວ້າເສດຖະກິດແຫ່ງຊາດ (NEIR).ອ່ານຕໍ່ ...
ໂຕະຂ່າວ