ວຽງຈັນ (ວຽງຈັນທາມສ໌/ANN) – ວານນີ້ ສະມາຊິກສະພາແຫ່ງຊາດໄດ້ສຸມໃສ່ການຫາລືວິທີການໃນການແກ້ໄຂບັນຫາດ້ານເສດຖະກິດ, ການສະແດງຄວາມກັງວົນຕໍ່ໜີ້ສິນຂອງຊາດທີ່ກຳລັງເພີ່ມພູນ, ການຂາດດູນລາຍຮັບ, ການຫຼຸດລົງຂອງຄັງສຳຮອງເງິນຕາຕ່າງປະເທດ, ກໍຄືການຫຼຸດຜ່ອນການຂະຫຍາຍຕົວຂອງເສດຖະກິດ.ໃນຂະນະທີ່ຫາລືບົດລາຍງານການພັດທະນາເສດຖະກິດ-ສັງຄົມ ແລະ ແຜນງົບປະມານຂອງລັດຖະບານໃນກອງປະຊາມສະໄໝສາມັນວານນີ້, ສະມາຊິກສະພາໄດ້ຮຽກຮ້ອງໃຫ້ລັດຖະບານສືບຕໍ່ແກ້ໄຂບັນຫາປາກທ້ອງຂອງປະຊາຊົນ ແລະ ການຫຼຸດຜ່ອນຄວາມທຸກຍາກ.ການຫາລືດັ່ງກ່າວກໍເນື່ອງຈາກວ່າປະເທດລາວກຳລັງຜະເຊີນກັບບັນຫາທາງດ້ານເສດຖະກິດ. ເສດຖະກິດຂອງຊາດຍັງບໍ່ທັນເຂັ້ມແຂງຕໍ່ຜົນກະທົບຈາກພາຍນອກ ແລະ ຕ້ອງມີທັດສະນະການເມືອງທີ່ເຂັ້ມແຂງໃນການແກ້ໄຂບັນຫາດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວກຳລັງຈະເປັນອີກໜຶ່ງປະເທດທີ່ອະນຸຍາດໃຫ້ນັກທ່ອງທ່ຽວສາມາດສະໝັກວິຊາແບບອອນໄລ, ເພື່ອຈຸດປະສົງເພີ່ມປະລິມານນັກທ່ອງທ່ຽວຕ່າງປະເທດ.ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແລະ ຕາງໜ້າຈາກຂະແໜງການຕ່າງໆ ເຂົ້າຮ່ວມເປັນສັກຂີພະຍານໃນພິທີກົດປຸ່ມເພື່ອເປີດການໃຫ້ບໍລິການອີວີຊາ ເຊິ່ງຈັດຂຶ້ນທີ່ສະໜາມບິນສາກົນວັດໄຕ ນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການບໍລິການຂົນສົ່ງສິນຄ້າທາງລົດໄຟຂ້າມຊາຍແດນທີ່ຫາກໍ່ເປີດໂຕ ຕ້ອງການການຂົນສົ່ງສິນຄ້າຈາກລາວໄປໄທທີ່ເພີ່ມຂຶ້ນເພືື່ອຄວາມສຳເລັດທາງທຸລະກິດ.ຂະບວນລົດໄຟດັ່ງກ່າວສາມາດຂົນສົ່ງສິນຄ້າ 10 ເຖິງ 20 ຕູ້ເຂົ້າ ແລະ ອອກປະເທດ, ແຕ່ວ່າປະເທດລາວມີຈຳນວນຜູ້ສົ່ງອອກໜ້ອຍກວ່າຈຳນວນຜູ້ນຳເຂົ້າ. ນີ້ແມ່ນບັນຫາທີ່ພາກສ່ວນທີ່ກ່ຽວຂ້ອງຕ້ອງຮ່ວມກັນແກ້ໄຂ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້ ໄດ້ຊຸກຍູ້ໃຫ້ເຈົ້າໜ້າທີ່ ເຊິ່ງປະຈຳຢູ່ດ່ານຊາຍແດນຫວຽດ ແລະ ຈີນ ໃຫ້ເຂັ້ມງວດເປັນພິເສດ ໃນການກວດກາການນຳເຂົ້າໝູ ແລະ ຊີ້ນໝູຜິດກົດໝາຍໃນຊ່ວງປີໃໝ່ລາວ.ຊ່ວງໄລຍະພັກເປັນຊ່ວງທີ່ສຳຄັນ ແລະ ຕ້ອງການສະບຽງອາຫານຊີ້ນໝູໃນປະລິມານຫຼາຍ ດັ່ງນັ້ນ ຜູ້ບໍ່ຫວັງດີອາດພະຍາຍາມລັກລອບນຳເຂົ້າຜະລິດຕະພັນທີ່ຜິດກົດໝາຍດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການປ້ອງກັນຫຼຸດຜ່ອນຄວາມສ່ຽງໄພ ຂອງສະຫະລັດອາເມລິກາ ໄດ້ໃຫ້ທຶນຊ່ວຍເຫຼືອ 5.4 ຕື້ກວ່າກີບ (US$617,744 ໂດລາ) ເພື່ອດຳເນີນໂຄງການພັດທະນາເຄືອຂ່າຍເຝົ້້າລະວັງການລະບາດຂອງພະຍາດສັດປ່າໃນລາວ.ບົດບັນທຶກຄວາມເຂົາໃຈຂອງໂຄງການດັ່ງກ່າວ ໄດ້ມີການລົງນາມທີ່ນະຄອນວຽງຈັນ ໃນວັນສຸກຜ່ານມານີ້ ລະຫວ່າງທ່ານ ປອ. ສີທອງ ພິພຸຄະວົງ ຮອງຫົວໜ້າກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້, ແລະ ທ່ານ ປອ. ສັນຕິ ໄຊປັນຍາ ຫົວໜ້າອົງການອະນຸລັກສັດປ່າປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມະຫາຊົນຮຽກຮ້ອງໃຫ້ສະພາແຫ່ງຊາດ ຊຸກຍູ້ໃຫ້ລັດຖະບານເພີ່ມເງິນເດືອນໃຫ້ແກ່ພະນັກງານ ເພື່ອຮອງຮັບຕໍ່ຄ່າຄອງຊີບທີ່ເພີ່ມສູງຂຶ້ນ, ຕາມເຈົ້າໜ້າທີ່ການນຳສະພາແຫ່ງຊາດ.ໃນຕອນທ້າຍຂອງກອງປະຊຸມສະພາໃນວັນສຸກແລ້ວນີ້, ທ່ານນາງ ສວນສະຫວັນ ວິຍະເກດ ຫົວໜ້າເລຂາທິການສະພາແຫ່ງຊາດ ໄດ້ກ່າວວ່າ ສະພາໄດ້ເປີດສາຍດ່ວນ ເພື່ອຮັບຟັງຄຳຄິດເຫັນຈາກມະຫາຊົນ ກ່ຽວກັບບັນຫາທີ່ສະພາແຫ່ງຊາດຄວນເອົາໃຈໃສ່.ຕະຫຼອດໄລຍະຂອງກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ແຕ່ວັນທີ 7 ພະຈິກ ເຖິງ 6 ທັນວານີ້, ສະພາແຫ່ງຊາດໄດ້ຮັບສາຍໂທລະສັບທັງໝົດ 731 ສາຍ ຜ່ານໝາຍເລກສາຍດ່ວນ 113 ຈາກມະຫາຊົນທົ່ວປະເທດ.ອ່ານຕໍ່  ...

ລາວ ແລະ ຈີນຕົກລົງສ້າງສູນທົດສອບ ແລະ ກວດກາຄຸນນະພາບອຸປະກອນການກໍ່ສ້າງແຫ່ງທຳອິດໃນລາວ ທີ່ນະຄອນຫຼວງວຽງຈັນ ເຊິ່ງເປັນສ່ວນໜຶ່ງຂອງການຮ່ວມມືປະຈຸບັນໃນຂະແໜງວິທະຍາສາດ ແລະ ເຕັກໂນໂລຊີ. ໂຄງການກໍ່ສ້າງສູນດັ່ງກ່າວ, ຈະໃສ່ຊື່ທາງການວ່າ “ສູນກວດກາ ແລະ ທົດສອບຄຸນນະພາບວິສະວະກຳການກໍ່ສ້າງ”, ມີມູນຄ່າປະມານ 8 ລ້ານໂດລາສະຫະລັດ. ອ່ານຕໍ່ ...

ມູນນິທິຮອລໂລວເຟຼດ ຈະສືບຕໍ່ຊ່ວຍເຫຼືອປະຊາຊົນລາວໃນ 10 ແຂວງທີ່ມີບັນຫາກ່ຽວກັບສາຍຕາ, ໂດຍສະເພາະແມ່ນຜູ້ທີ່ເປັນພະຍາດຕໍ້ກະຈົກ ເພື່ອຮັບປະກັນການສົ່ງເສີມການເບິ່ງເຫັນ ແລະ ຄຸນນະພາບຊີວິດທີ່ດີຂຶ້ນ.ບົດບັນທຶກຄວາມເຂົ້າໃຈ (MOU) ເພື່ອສືບຕໍ່ໂຄງການປິ່ນປົວສາຍຕາຄົບວົງຈອນແບບຍືນຍົງ ໄດ້ມີການລົງນາມຢູ່ນະຄອນວຽງຈັນ ໃນວັນພະຫັດແລ້ວນີ້ ລະຫວ່າງທ່ານ ດຣ ພຸກ ຫວຽນ ທັນ ຫົວໜ້າມູນນິທິຮອລໂລວເຟຼດພາກພື້ນອາຊີຕາເວັນອອກ, ແລະ ທ່ານ ດຣ ບົວຂັນ ພະຄູນທອງ ຮອງຫົວໜ້າກົມປິ່ນປົວ ແລະ ຟື້ນຟູສຸຂະພາບ ກະຊວງສາທາລະນະສຸກ.ອ່ານຕໍ່ ...

ເຈົາໜ້າທີ່ລັດຖະບານປະຊຸມຮ່ວມກັບລັດຖະບານລຸກຊຳບວກທີ່ວຽງຈັນວານນີ້ ເພື່ອທົບທວນຄວາມຄືບໜ້າຂອງໂຄງການສິດສອນ ແລະ ຝຶກອົບຮົມກ່ຽວກັບກົດໝາຍ ແລະ ການສົ່ງເສີມລະບຽບຫຼັກການ LAO-031 ແລະ ສ້າງແຜນໃນຕໍ່ໜ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງພວມດຳເນີນການສ້ອມແປງພື້ນຖານໂຄງລ່າງ ແລະ ສິ່ງອຳນວຍຄວາມສະດວກຕ່າງໆເຊັ່ນ ຖະໜົນ, ຂົວ, ໂຮງຮຽນ ແລະ ໂຮງໝໍ ເພື່ອຮັບປະກັນໃຫ້ຜູ້ປະສົບໄພທີ່ສູນຊ່ວຍເຫຼືອ ມີສຸຂະພາບທີ່ສົມບູນ ແລະ ໄດ້ຮັບອາຫານ ແລະ ນ້ຳດື່ມຢ່າງພຽງພໍ, ຕາມເຈົ້າໜ້າທີ່ການນຳ.ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ເປີດເຜີຍໃນກອງປະຊຸມຕໍ່ສື່ມວນຊົນທີ່ນະຄອນວຽງຈັນ ໃນມື້ວານນີ້ວ່າ ທາງອຳນາດການປົກຄອງຍັງຄົງສືບຕໍ່ເຮັດວຽກຮ່ວມກັບເຈົ້າໜ້າທີ່ຕຳຫຼວດ, ທະຫານ ກໍຄືອາສາສະໝັກ ໃນການຈັດຕັ້ງການຊ່ວຍເຫຼືອສຸກເສີນ. ທີມປະເມີນເຫດສຸກເສີນຍົງຄົງສືບຕໍ່ລົງພື້ນທີ່ ເພື່ອປະເມີນຄວາມເສຍຫາຍ ແລະ ຄວາມຕ້ອງການຂອງປະຊາຊົນ ເພື່ອໃຫ້ອຳນາດການປົກຄອງຟື້ນຟູສະຖານະການຫຼັງໄພພິບັດໃຫ້ກັບສູ່ສະພາບປົກກະຕິ ໃຫ້ໄວທີ່ສຸດເທົ່າທີ່ຈະເປັນໄປໄດ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະດຳເນີນບາດກ້າວ ເພື່ອຍົກລະດັບດັດສະນີຄວາມສະດວກໃນການດຳເນີນທຸລະກິດ (EDB) ຂອງລາວຂອງທະນາຄານໂລກ ພາຍໃນຊ່ວງໄລຍະທີ່ເຫຼືອຂອງປີນີ້, ເພື່ອການປັບປຸງສະພາບແວດລ້ອມການລົງທຶນໃນລາວ.ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ໄດ້ລາຍງານຜ່ານສຳນັກຂ່າວວຽງຈັນທາມສ໌ວ່າ ລັດຖະບານຈະເລັ່ງຄວາມພະຍາຍາມໃນການຈັດການກັບຂໍ້ປັດໄຈທີ່ບໍ່ສ້າງຄວາມຄືບໜ້າຕາມທີ່ຄາດໝາຍ.ອ່ານຕໍ່ ...

(ຂປລ) ງານວາງສະແດງອະສັງຫາລິມະຊັບ Laorealestate.la Expo 2019 ຄັ້ງທຳອິດໃນປະເທດລາວ ຈະຈັດຂຶ້ນທີ່ໂຮງແຮມດອນຈັນພາເລສ໌ ໃນວັນທີ 1 ແລະ 2 ເດືອນມີນາ ເຊິ່ງຈະມີບໍລິສັດອະສັງຫາກວ່າ 40 ແຫ່ງເຂົ້າຮ່ວມວາງສະແດງ.ອ່ານຕໍ່  ...

ຊາວບ້ານທີ່ອາໄສຢູ່ໃກ້ກັບເຂື່ອນໄຟຟ້າ ດອນສະໂຮງ ເຊິ່ງເປັນເຂື່ອນໄຟຟ້າຂະໜາດໃຫຍ່ໃນສາຍແມ່ນ້ຳຂອງ ເຊິ່ງການກໍ່ສ້າງໃກ້ຈະສຳເລັດແລ້ວ ລາຍງານວ່າຫາປາໄດ້ໜ້ອຍລົງ.ເຂື່ອນດັ່ງກ່າວ ເຊິ່ງຈະທຳການທົດສອບລະບົບໄລຍະສຸດທ້າຍໃນຕົ້ນເດືອນໜ້າ ຈະເລີ່ມເປີດດຳເນີນການເຕັມໂຕພາຍໃນທ້າຍປີນີ້.ເຂື່ອນໄຟຟ້າ ດອນສະໂຮງ ແມ່ນໜຶ່ງໃນເຂື່ອນຂະໜາດໃຫຍ່ຈຳນວນຫ້າແຫ່ງຂອງລາວ ທີ່ມີແຜນການກໍ່ສ້າງໃນສາຍແມ່ນ້ຳຂອງ, ຕາມຍຸດທະສາດຂອງລາວໃນການເປັນ “ໝໍ້ໄຟ” ແຫ່ງພາກພື້ນອາຊີຕາເວັນອອກສຽງໃຕ້, ແຕ່ຫຼາຍຄົນກໍມີຄວາມກັງວົນວ່າ ແຜນການອັນສູງສົ່ງດັ່ງກ່າວ ຈະສົ່ງຜົນກະທົບທີ່ຮ້າຍແຮງຕໍ່ສິ່ງແວດລ້ອມ ແລະ ສັງຄົມ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ເຫັນດີກັບແນວຄິດໃນການຈັດຕັ້ງຄະນະສະເພາະກິດ ຕາມການສະເໜີຂອງ ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI), ເພື່ອແກ້ໄຂບັນຫາທີ່ຍັງຄົງຄ້າງ ກ່ຽວກັບການປັບປຸງສະພາບແວດລ້ອມການດຳເນີນທຸລະກິດ.ທ່ານນາຍົກ ໄດ້ໃຫ້ການສະໜັບສະໜູນການສ້າງຕັ້ງກຸ່ມເຮັດວຽກພິເສດ ໃນກອງປະຊຸມທຸລະກິດລາວ ຄັ້ງທີ 12 ໃນວັນອັງຄານນີ້, ໂດຍເຫັນວ່າເປັນການສົ່ງເສີມ ແລະ ເພີ່ມທະວີປະສິດທິຜົນດ້ານການຮ່ວມມືລະຫວ່າງຂະແໜງການລັດ ແລະ ເອກະຊົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາຄາປາລ້ຽງທີ່ວາງຂາຍໃນນະຄອນຫຼວງວຽງຈັນໃນປະຈຸບັນ ແມ່ນສູງກວ່າລະດັບທີ່ລັດຖະບານກຳນົດ ຫຼັງຈາກທີ່ຊາວກະສິກອນທີ່ລ້ຽງປາຫຼາຍເຈົ້າປະສົບສະພາບຂາດທຶນເນື່ອງຈາກໄພນ້ຳຖ້ວມໃນໄລຍະທີ່ຜ່ານມາ.ນອກຈາກນີ້ ເຂົາເຈົ້າຍັງຕ້ອງແບກຮັບພາລະຕົ້ນທຶນໃນການລ້ຽງປາທີ່ເພີ່ມສູງຂຶ້ນ.ເພື່ອເປັນການປົກປ້ອງຜູ້ບໍລິໂພກ ແລະ ປ້ອງກັນການສວຍໂອກາດຂຶ້ນລາຄາ, ໃນເດືອນພຶດສະພາທີ່ຜ່ານມາ ພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໄດ້ອອກແຈ້ງການກ່ຽວກັບລາຄາຂາຍປາດັ່ງກ່າວບໍ່ໃຫ້ເກີນ 20,000 ກີບຕໍ່ໜຶ່ງກິໂລ. ແຕ່ມາໃນປະຈຸບັນ ລາຄາທີ່ຂາຍຕາມທ້ອງຕະຫຼາດແມ່ນເພີ່ມຂຶ້ນຮອດ 23,000-25,000 ກີບຕໍ່ກິໂລ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ສຸມໃສ່ການສົ່ງເສີມຄວາມຮູ້ກ່ຽວກັບການຕ້ານການສໍ້ລາດບັງຫຼວງ ໃນຖັນແຖວລັດຖະກອນ ແລະ ນັກຮຽນນັກສຶກສາ ເພື່ອເພີ່ມທະວີຄວາມໂປ່ງໃສໃນປະເທດ, ຕາມເຈົ້າໜ້າທີ່ການນຳ.ທ່ານ ປອ ບຸນທອງ ຈິດມະນີ ປະທານອົງການກວດສອບແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫຼວງ, ຮອງນາຍົກລັດຖະມົນຕີ ໄດ້ກ່າວຄຳເຫັນ ເນື່ອງໃນພິທີສະເຫຼີມສະຫຼອງ ວັນຕ້ານການສໍ້ລາດບັງຫຼວງສາກົນ ທີ່ນະຄອນຫຼວງວຽງຈັນ ວານນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຜະລິດກາເຟທົ່ວປະເທດຕ້ອງສືບຕໍ່ໃນການພັດທະນາ ໃນຂະນະດຽວກັນກໍຕ້ອງມີການສົ່ງເສີມດ້ານຄຸນນະພາບ ໃຫ້ສອດຄ່ອງກັບຄວາມຕ້ອງການທີ່ເພີ່ມຂຶ້ນຂອງຕະຫຼາດທັງພາຍໃນ ແລະ ຕ່າງປະເທດ, ຕາມເຈົ້າໜ້າທີ່ການນຳ. ທ່ານ (ປອ) ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ໃຫ້ຄຳແນະນຳໃນກອງປະຊຸມຂອງສະມາຄົມກາເຟລາວ (Conseil National Du Cafe Lao)  ເຊິ່ງຈັດຂຶ້ນທີ່ວຽງຈັນໃນວັນສຸກຜ່ານມາ.ອ່ານຕໍ່ ...

ກອງປະຊຸມຂອງສະພາແຫ່ງຊາດ ໄດ້ອັດລົງດ້ວຍການຮັບຮອງເອົາບັນດາເອກະສານກົດໝາຍ ເພື່ອແນໃສ່ສ້າງເງື່ອນໄຂສະດວກໃຫ້ແກ່ລັດຖະບານ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ.ພິທີປິດກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ໄດ້ຈັດຂຶ້ນໃນວັນສຸກແລ້ວນີ້ ທີ່ຫ້ອງປະຊຸມໃຫຍ່ສະພາແຫ່ງຊາດ ຫຼັກ 6 ນະຄອນຫຼວງວຽງຈັນ ພາຍໃຕ້ການເຂົ້າຮ່ວມຂອງທ່ານປະທານປະເທດ ບຸນຍັງ ວໍລະຈິດ, ທ່ານປະທານສະພາແຫ່ງຊາດ ປານີ ຢ່າທໍ່ຕູ້  ແລະ ທ່ານນາຍົກລັດຖະມົນຕີ ທອງລຸນ ສີສຸລິດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕາງໜ້າຂະແໜງການລັດ ແລະ ເອກະຊົນຈາກລາວ ແລະ ຍີ່ປຸ່ນ ຮ່ວມປະຊຸມຢູ່ນະຄອນວຽງຈັນໃນວັນຈັນນີ້ ເພື່ອຫາລືກ່ຽວກັບການແກ້ໄຂອຸປະສັກຂອງບັນດາບໍລິສັດຍີ່ປຸ່ນ ໃນການດຳເນີນທຸລະກິດໃນລາວ.ກອງປະຊຸມສົນທະນາຮ່ວມຂະແໜງການລັດ ແລະ ເອກະຊົນລາວ-ຍີ່ປຸ່ນ (Lao-Japan PPSJD) ປະຈຳປີ ຄັ້ງທີ 13 ແມ່ນຈັດຂຶ້ນເພື່ອແນໃສ່ສົ່ງເສີມການລົງທຶນຈາກປະເທດດິນແດນອາທິດອຸໄທ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງແຮງງານ ແລະ ສະຫວັດດີການສັງຄົມ ແລະ ອົງການແຮງງານສາກົນ (ILO) ໄດ້ປະຊຸມກັນ ຢູ່ນະຄອນຫຼວງວຽງຈັນ ໃນອາທິດແລ້ວນີ້ ເພື່ອທົບທວນກ່ຽວກັບສຸຂະພາບ ແລະ ຄວາມປອດໄພໃນອາຊີບ ເພື່ອແນໃສ່ປົກປ້ອງຄວາມເປັນຢູ່ທີ່ດີຂອງຜູ້ອອກແຮງງງານ. ເຂົ້າຮ່ວມໃນກອງປະຊຸມດັ່ງກ່າວມີ ທ່ານນາງ ກຼິສ໌ຕີນາ ເຄີດ ທີ່ປຶກສາອົງການ ILO/ກອງທຶນ Vision Zero, ພ້ອມດ້ວຍເຈົ້າໜ້າທີ່ລະດັບສູງຈາກກະຊວງ ແລະ ແຂກທີ່ຖືກເຊີນ.ໃນກອງປະຊຸມ ບັນດາຜູ້ເຂົ້າຮ່ວມ ໄດ້ຫາລືຄວາມຄືບໜ້າໃນການຈັດຕັ້ງປະຕິບັດໂຄງການກອງທຶນ Vision Zero ໃນຂະແໜງຕັດຫຍິບໃນແຂວງຈຳປາສັກ.ອ່ານຕໍ່ ...