ວຽງຈັນ (ວຽງຈັນທາມສ໌/ANN) – ນັກທຸລະກິດລາວໄດ້ເຊື້ອເຊີນໃຫ້ນັກທຸລະກິດຄູ່ພາຄີຈາກກຳປູເຈຍ ເພີ່ມທະວີການລົງທຶນ ແລະ ເຮັດທຸລະກິດໃນລາວ ເພື່ອສົ່ງເສີມການລົງທຶນດ້ານການຄ້າ ແລະ ການປະກອບທຸລະກິດລະຫວ່າງສອງຊາດ.ການຮ່ວມມືດັ່ງກ່າວຈະຊ່ວຍໃຫ້ຜູ້ປະກອບການໜຸ່ມລາວ ແລະ ກຳປູເຈຍສ້າງເຄືອຂ່າຍເພື່ອການຮ່ວມມື ແລະ ການດຳເນີນທຸລະກິດໃນອະນາຄົດ ເພື່ອຂະຫຍາຍທຸລະກິດຂອງຕົນ, ທ່ານ ປອ ຄຳແສນ ສີສະຫວົງ ປະທານສະມາຄົມນັກທຸລະກິດໜຸ່ມລາວ (YEAL), ກ່າວໃນລະຫວ່າງກອງປະຊຸມການຈັບຄູ່ທາງດ້ານທຸລະກິດລະຫວ່າງ YEAL ແລະ ສະມາຄົມນັກທຸລະກິດໜຸ່ມກຳປູເຈຍ ທີ່ນະຄອນວຽງຈັນໃນອາທິດແລ້ວນີ້.ອ່ານຕໍ່ ...

ແຜນການກໍ່ສ້າງເຂື່ອໄຟຟ້ານ້ຳຂອງແຫ່ງໃໝ່ຂອງລາວ ໄດ້ສ້າງຄວາມກັງວົນຢ່າງຍິ່ງໃນກຸ່ມອົງການທີ່ບໍ່ຂຶ້ນກັບລັກຖະບານ (NGOs) ເພື່ອສິ່ງແວດລ້ອມໃນປະເທດໄທ, ເຊິ່ງກ່າວວ່າການສ້າງເຂື່ອນໄຟຟ້າຂະໜາດໃຫຍ່ແຫ່ງທີຫ້າຂອງລາວ ຈະສ້າງຜົນເສຍຫາຍຢ່າງຮ້າຍແຮງຕໍ່ປາ ແລະ ຄົນໃນພາກພື້ນ.ໂຄງການກໍ່ສ້າງເຂື່ອນໄຟຟ້າຫຼວງພະບາງ ຈະເປັນເປັນເຂື່ອນໄຟຟ້າຂະໜາດໃຫຍ່ແຫ່ງທີຫ້າໃນແມ່ນ້ຳຂອງ. ລັດຖະບານລາວໄດ້ແຈ້ງຕໍ່ຄະນະກຳມາທິການແມ່ນ້ຳຂອງ (MRC) ໃນວັນທີ 31 ກໍລະກົດຜ່ານມາວ່າ ຈະຍື່ນຂໍ້ສະເໜີໂຄງການ ເພື່ອດຳເນີນຕາມຂະບວນການປຶກສາຫາລືລ່ວງໜ້າຫົກເດືອນ ຕາມຂັ້ນຕອນການແຈ້ງການ, ການປຶກສາຫາລືລ່ວງໜ້າ ແລະ ການຕົກລົງ (PNPCA) ຂອງ MRC.ອ່ານຕໍ່ ...

(ຂປລ) ໃນວັນທີ 17-18 ພຶດສະພາ 2019, ສະຖານທູດສະຫະລັດ ນະຄອນຫຼວງວຽງຈັນ ໄດ້ນຳພານັກສ້າງຮູບເງົາຈາກໂຄງການງານວາງສະແດງຮູບເງົາອາເມລິກາ ໃນການຢ້ຽມຢາມສະຖາບັນທາງກົດໝາຍຕ່າງໆຂອງລາວ ແລະ ນຳສະເໜີຕົວຢ່າງຈາກຮູບເງົາສາລະຄະດີທີ່ສ້າງກ່ຽວກັບເລື່ອງເພດ ແລະ ລະບຽບກົດໝາຍ.ນັກສ້າງຮູບເງົາຊາວອາເມລິກາ ຊາຣອນ ໂຣເວັນ ໄດ້ຈັດການສະແດງຜົນງານທີ່ສະຖາບັນຍຸດຕິທຳແຫ່ງຊາດ, ສະຫະພັນແມ່ຍິງລາວ ແລະ ຄະນະນິຕິສາດມະຫາວິທະຍາໄລແຫ່ງຊາດລາວ.ອ່ານຕໍ່ ...

ເຈົ້າໜ້າທີ່ກະຊວງສາທາລະນະສຸກໃນຂະແໜງນາລີເວດ ແລະ ສຸຕິສາດ ໄດ້ຈັດຕັ້ງກອງປະຊຸມປະຈຳປີທີ່ນະຄອນຫຼວງວຽງຈັນວານນີ້ ເພື່ອທົບທວນຄວາມຄືບໜ້າ ແລະ ຫາລືແຜນການປີ 2019.ຜູ້ເຂົ້າຮ່ວມກອງປະຊຸມໄດ້ລາຍງານຄວາມຄືບໜ້າຂອງກິດຈະກຳຕ່າງໆ ແລະ ແລກປ່ຽນແຜນການໃນຕໍ່ໜ້າ.ໃນນີ້ລວມມີການລາຍງານກ່ຽວກັບອັດຕາການຕາຍ, ການຮັກສາມະເລັງເຕົ້ານົມແບບທັນສະໄໝ, ພາວະເລືອດອອກຜິດປົກກະຕິຈາກມົດລູກ, ແນວທາງການປິ່ນປົວພະຍາດຕິດຕໍ່ທາງເພດສຳພັນແຫ່ງຊາດ, ໂພຊະນາການສຳລັບເດັກຫຼັງເກີດ, ແນວທາງປ້ອງກັນການເອົາລູກອອກແບບບໍ່ປອດໄພ ແລະ ກໍລະນີສຶກສາອື່ນໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງໄປສະນີ ແລະ ໂທລະຄົມມະນາຄົມຕົກລົງເດີນໜ້າຄຸ້ມຄອງການປະຊຸມທາງອອນໄລ (video conferences) ຂອງລັດຖະບານ ພາຍໃຕ້ຄວາມສ່ຽງກ່ຽວກັບການຮົ່ວໄຫຼຂອງຂໍ້ມູນຄວາມລັບຂອງປະເທດ.ທ່ານ ທັນສະໄໝ ກົມມະສິດ ລັດຖະມົນຕີກະຊວງໂທລະຄົມ ໄດ້ລົງນາມໃນຂໍ້ຕົກລົງລັດຖະມົນຕີ ກ່ຽວກັບການຈັດຕັ້ງກົດລະບຽບ ແລະ ມາດຕະການ ສຳລັບກົມກອງຂອງລັດຖະບານ ໃນການຕິດຕັ້ງ ແລະ ດຳເນີນການປະຊຸມທາງອອນໄລ, ເຊິ່ງເປັນສ່ວນໜຶ່ງຂອງມາດຕະການເພື່ອສະກັດກັ້ນການຮົ່ວໄຫຼຂອງຂໍ້ມູນຄວາມລັບທາງລັດຖະການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວໄດ້ປັບຫຼຸດລະດັບຄາດໝາຍມູນຄ່າການຄ້າ ເຊິ່ງລວມທັງການນຳເຂົ້າ ແລະ ສົ່ງອອກສິນຄ້າກັບເກົາຫຼີໃຕ້ໃນປີນີ້ເມື່ອທຽບກັບມູນຄ່າປີກາຍ ຫຼັງຈາກມູນຄ່າການຄ້າປະຈຳປີລະຫວ່າງສອງປະເທດຫຼຸດລົງ.ໃນປີຜ່ານມາ, ເປົ້າໝາຍການຄ້າລະຫວ່າງສອງປະເທດແມ່ນ US$94.1 ລ້ານໂດລາ ເຊິ່ງໃນນີ້ມູນຄ່າການສົ່ງອອກແມ່ນ US$11.2 ລ້ານໂດລາ ແລະ ການນຳເຂົ້າແມ່ນ US$82.9 ລ້ານໂດລາ. ແຕ່ໃນຕົວຈິງ ສາມາດບັນລຸມູນຄ່າລວມໄດ້ພຽງແຕ່ US$69.6 ລ້ານໂດລາ, ເຊິ່ງມູນຄ່າການສົ່ງອອກມີ US$4.5 ແລະ ການນຳເຂົ້າແມ່ນ US$65.1 ລ້ານໂດລາ, ອີງຕາມກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະຍົກລະດັບແຜນງານການອຳນວຍຄວາມສະດວກດ້ານການຄ້າສູ່ມາດຕະຖານສາກົນ ພາຍໃນເດືອນພຶດສະພານີ້​, ຕາມການເປີດເຜີຍຂອງການນຳໃນກອງປະຊຸມໃນວັນສຸກຜ່ານມາ.ການຍົກລະດັບດັ່ງກ່າວຈະອີງໃສ່ຫຼັກການ, ເກນ ແລະ ເງື່ອນໄຂ ທີ່ກຳນົດໃນແຜນງານມາດຕະຖານເພື່ອການຮັບປະກັນ ແລະ ອຳນວຍຄວາມສະດວກດ້ານການຄ້າໂລກ (SAFE) ຂອງອົງການສຸລະກາກອນໂລກ ແລະ ຂໍ້ຕົກລົງກ່ຽວກັບການອຳນວຍຄວາມສະດວກດ້ານການຄ້າຂອງອົງການການຄ້າໂລກ (WTO-TFA).ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວຄາດວ່າລາຍຮັບຈາກການສົ່ງອອກເຂົ້າໃນປີ 2019 ຈະຫຼຸດລົງ ເນື່ອງຈາກໄພນ້ຳຖ້ວມເປັນບໍລິເວນກວ້າງໃນທົ່ວປະເທດໃນປີຜ່ານມາ.ລາວວາງເປົ້າໝາຍການສົ່ງອອກເຂົ້າໃນປີຜ່ານມາທີ່ US$45.6 ລ້ານໂດລາ, ແຕ່ວ່າສາມາດບັນລຸໄດ້ພຽງ US$31.4 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ໃນປີນີ້ ລັດຖະບານຄາດວ່າຈະສ້າງລາຍຮັບຈາກການສົ່ງອອກເຂົ້າພຽງແຕ່ US$25.2 ລ້ານໂດລາ ເຊິ່ງຫຼຸດລົງຫຼາຍທຽບກັບຕົວເລກໃນປີຜ່ານມາ.ຜົນຜະລິດເຂົ້າໃນ 16 ແຂວງ ແມ່ນໄດ້ໜ້ອຍເນື່ອງຈາກໄພນ້ຳຖ້ວມເປັນບໍລິເວນກວ້າງໃນລະດູຝົນປີກາຍ, ຕາມລາຍງານຂອງກະຊວງກະສິກຳ ແລະ ປ່າໄມ້. ປີກາຍນີ້ ພື້ນທີ່ປູກເຂົ້າຈຳນວນ 101,000 ເຮັກຕາໄດ້ຮັບຜົນກະທົບຈາກໄພນ້ຳຖ້ວມ, ຄິດເປັນ 12% ຂອງເນື້ອທີ່ປູກເຂົ້າທັງໝົດ 817,800 ເຮັກຕາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນປີນີ້ ລາວຈຳເປັນຕ້ອງສຸມໃສ່ຫ້າປັດໄຈສຳຄັນ ເພື່ອສົ່ງເສີມການຂະຫຍາຍຕົວທາງດ້ານເສດຖະກິດແບບຍືນຍົງ ແລະ ໝັ້ນທ່ຽງ, ສະຖາບັນຄົ້ນຄວ້າເສດຖະກິດແຫ່ງຊາດ (NIER) ແນະນຳ. ປັດໃຈທຳອິດຈະແມ່ນການຈັດຕັ້ງປະຕິບັດນະໂຍບາຍຂອງລັດຖະບານ ເພື່ອປັບປຸງລະບຽບການ ແລະ ການປະສານງານຍຸດທະສາດ ເພື່ອຫຼີກລ່ຽງການຫົດຕົວທາງເສດຖະກິດ ແລະ ງົບປະມານພາກລັດ, ໃນຂະນະດຽວກັນ ກໍຮັກສາຄັງສຳຮອງເງິນຕາຕ່າງປະເທດໃຫ້ພຽງພໍ ແລະ ລຶບລ້າງສິ່ງກີດກັ້ນຕໍ່ການດຳເນີນທຸລະກິດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຂື່ອນໄຟຟ້ານ້ຳພາໃຫຍ່ ແຂວງໄຊສົມບູນ ໄດ້ເລີ່ມການຜະລິດກະແສໄຟຟ້າຢ່າງເປັນທາງການ ພາຍຫຼັງທີ່ສຳເລັດການກໍ່ສ້າງ ໃນເດືອນກັນຍາທີ່ຜ່ານມາ.ພິທີເປີດເຂື່ອນດັ່ງກ່າວ ໄດ້ຈັດຂຶ້ນໃນອາທິດແລ້ວນີ້ ທີ່ບ້ານພານ້ອຍ ເມືອງລ່ອງແຈ້ງ ແຂວງໄຊສົມບູນ, ເຂົ້າຮ່ວມໃນພິທີດັ່ງກ່າວມີທ່ານ ຈັນສີ ໂພສີຄຳ ສະມາຊິກຫ້ອງການກົມການເມືອງ ແລະ ຫົວໜ້າຈັດຕັ້ງ ແລະ ບຸກຄະລາກອນ ຄະນະກຳມະການສູນກາງພັກ, ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານພົນເອກ ຄຳລຽງ ອຸທະໄກສອນ ເຈົ້າແຂວງແຂວງໄຊສົມບູນ, ແລະ ທ່ານ ໄຊຍະສິງ ຊະນະແກ້ວ ປະທານບໍລິສັດກຸ່ມ D.S.K.ອ່ານຕໍ່ ...

ລັດຖະບານຈະສະໜອງຂໍ້ມູນກ່ຽວກັບຕະຫຼາດແຮງງານຜ່ານການຮ່ວມງານຄັ້ງໃໝ່ກັບເຈົ້າຂອງເວັບໄຊຊອກວຽກທີ່ໃຫຍ່ທີ່ສຸດໃນປະເທດລາວ, 108 Jobs, ເພື່ອແກ້ໄຂບັນຫາການບໍ່ມີວຽກເຮັດງານທຳທີ່ເພີ່ມສູງຂຶ້ນ.ພາຍໃຕ້ຂໍ້ຕົກລົງສະບັບວັນທີ 27 ມິຖຸນາ, ສູນບໍລິການແຮງງານ ພາຍໃຕ້ກະຊວງແຮງງານ ແລະ ສະຫວັດດີການສັງຄົມ ແລະ ກຸ່ມບໍລິສັດ 108-1009 ກຣຸບນະຄອນຫຼວງວຽງຈັນ ຈະຮ່ວມມືກັນພັດທະນາລະບົບຂໍ້ມູນຂ່າວສານຕະຫຼາດແຮງງານເພື່ອເຜີຍແຜ່ຂໍ້ມູນການຮັບສະໝັກຕຳແໜ່ງງານຕ່າງໆ ຜ່ານທາງເວັບໄຊຂອງກະຊວງ www.lmi.molsw.gov.la ແລະ ເວັບ 108.jobs.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) – ປະຊາຊົນແຂວງຫຼວງນ້ຳທາ ເຊິ່ງໂຄງການທາງລົດໄຟລາວ-ຈີນທີ່ພວມຢູ່ໃນໄລຍະການກໍ່ສ້າງຈະຕັດຜ່ານ ລວມຕົວກັນຕອບຮັບຕໍ່ໂຄງການ ແລະ ສະແດງຄວາມພ້ອມທີ່ຈະເປີດຮັບໂອກາດໃນການພັດທະນາທີ່ຈະເຂົ້າມາເຖິງພື້ນທີ່.ປະຊາຊົນທີ່ນີ້ມີຄວາມເຂົ້າໃຈຕໍ່ນະໂຍບາຍພັກລັດກ່ຽວກັບການພັດທະນາປະເທດຊາດ ເຊິ່ງຈະເຮັດໃຫ້ຊີວິດການເປັນຢູ່ຂອງເຂົາເຈົ້າດີຂຶ້ນ. ການຮ່ວມມືຂອງປະຊາຊົນໝາຍຄວາມວ່າ ການກໍ່ສ້າງທາງລົດໄຟທີ່ຫຼວງນ້ຳທາຈະດຳເນີນໄປໄດ້ດີ, ເຊັ່ນດຽວກັບໃນຫຼາຍພື້ນທີ່ໃນແຂວງຫຼວງພະບາງ.ອ່ານຕໍ່ ...

ວຽງຈັນ, 10 ທັນວາ (Xinhua) — ອຳນາດການປົກຄອງກ່າວວ່າ ໃນຂະນະທີ່ໃນປະຈຸບັນ ຄົນສ່ວນໃຫຍ່ສາມາດເຂົ້າເຖິງການບໍລິການທາງການແພດທີ່ມີຄຸນນະພາບກວ່າເກົ່າ, ການເຂົ້າເຖິງການບໍລິການດ້ານສຸຂະພາບຈະເລີນພັນ ຍັງຄົງເປັນສິ່ງທ້າທາຍສຳລັບຫຼາຍໆຄົນ, ໂດຍສະເພາະແມ່ນແມ່ຍິງທີ່ທຸກຍາກ.ແມ່ຍິງ ແລະ ຄົນໜຸ່ມສາວໃນລາວ ຍັງຄົງຂາດຂໍ້ມູນກ່ຽວກັບການເຂົ້າເຖິງບໍລິການດ້ານສຸຂະພາບຈະເລີນພັນ, ຕາມບົດລາຍງານຫຼ້າສຸດຂອງອົງການກອງທຶນປະຊາກອນ ສະຫະປະຊາຊາດ (UNFPA). ເວັ້ນເສຍແຕ່ຈະຈັດການເລັ່ງດ່ວນ ຕໍ່ບັນຫາຄວາມບໍ່ສະເໝີພາບ, ແມ່ຍິງທີ່ທຸກຍາກ ຈຶ່ງຈະມີອຳນາດໃນການຕັດສິນໃຈກ່ຽວກັບຊີວິດຂອງເຂົາເຈົ້າ, ຖ້າບໍ່ດັ່ງນັ້ນ ລາວກໍຕ້ອງຜະເຊີນກັບສິ່ງທ້າທາຍຕໍ່ເປົ້າໝາຍການພັດທະນາ.ອ່ານຕໍ່ ...

ຜູ້ຕາງໜ້າຈາກຊົນເຜົ່າຕ່າງໆທົ່ວປະເທດ ແລະ ກຸ່ມຄົນລາວຢູ່ຕ່າງປະເທດ ເຂົ້າຢ້ຽມຄຳນັບທ່ານປະທານປະເທດ ບຸນຍັງ ວໍລະຈິດ ໃນມື້ວານນີ້ ກ່ອນໜ້າກອງປະຊຸມຊົນເຜົ່າແຫ່ງຊາດຄັ້ງທີ 3 ທີ່ນະຄອນວຽງຈັນ.ກອງປະຊຸມຊົນເຜົ່າ ເຊິ່ງຈະຈັດຂຶ້ນທີ່ສູນປະຊຸມແຫ່ງຊາດໃນມື້ນີ້ ມີເປົ້າໝາຍສົ່ງເສີມບົດບາດຂອງປະຊາຊົນບັນດາເຜົ່າທົ່ວປະເທດ ໃນການປະກອບສ່ວນໃນວຽກງານປົກປັກຮັກສາ ແລະ ສ້າງສາປະເທດຊາດ.ອ່ານຕໍ່ ...

ລັດຖະບານໄດ້ຮ່າງມາດຕະການເພື່ອສົ່ງເສີມລາຍຮັບແຫ່ງຊາດສຳລັບປີ 2020 ໃນຂະນະດຽວກັບກໍ່ເພື່ອຮັບປະກັນປະສິດທິພາບຂອງໂຄງການລົງທຶນຂອງລັດ.ຄຳສັ່ງແນະນຳຂອງນາຍົກລັດຖະມົນຕີສະບັບຫຼ້າສຸດ ໄດ້ແນະນຳໃຫ້ພາກສ່ວນທີ່ກ່ຽວຂ້ອງຮັດເຂັມຂັດໃນການເບີກຈ່າຍງົບປະມານ ໂດຍການຕັດຢອນງົບປະມານດ້ານການບໍລິຫານ, ທັງເລື່ອນການຈັດຕັ້ງປະຕິບັດໂຄງການພັດທະນາທີ່ບໍ່ຈຳເປັນໄປກ່ອນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນປີຜ່ານມາລາວໄດ້ພະຍາຍາມຫຼຸດຜ່ອນຜົນກະທົບຂອງໄພພິບັດທາງທຳມະຊາດ ແຕ່ຍັງຜະເຊີນກັບສີ່ງທ້າທາຍຈຳນວນໜຶ່ງເຊັ່ນ ຂໍ້ຈຳກັດດ້ານງົບປະມານ.ເຈົ້າໜ້າທີ່ແຮງງານຍອມຮັບວ່າ ພວກເຂົາມີຄວາມກັງວົນວ່າຈະບໍ່ສາມາດບັນລຸຕາມເປົ້າໝາຍທີ່ວາງໄວ້ ເນື່ອງຈາກຂໍ້ຈຳກັດດ້ານງົບປະມານໃນປະຈຸບັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ພາກລັດກ່າວວ່າຈະບໍ່ມີການປ່ຽນແປງທາງດ້ານນະໂຍບາຍໃດໆກ່ຽວກັບການນຳເຂົ້າລົດຈັກ ລວມເຖິງອັດຕາອາກອນ ເຖິງວ່າຈະມີການຮຽກຮ້ອງໃຫ້ມີການປ່ຽນແປງເນື່ອງຈາກຍອດຂາຍລົດຈັກຫຼຸດຜ່ອນລົງ.“ນະໂຍບາຍການນຳເຂົ້າລົດຈັກຈະບໍ່ມີການປ່ຽນແປງໃນປີນີ້. ອາກອນນຳເຂົ້າ ລວມເຖິງຂັ້ນຕອນ ແລະ ນະໂຍບາຍຕ່າງໆຍັງຄົງປະຕິບັດໃນລັກສະນະດຽວກັບປີຜ່ານມາ.”ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການກວດສອບໂຄງການເຂື່ອນໄຟຟ້າແມ່ນຈັດຢູ່ໃນວາລະບູລິມະສິດສູງສຸດຂອງລັດຖະບານລາວ ເພື່ອຮັບປະກັນຄວາມປອດໄພຂອງເຂື່ອນທັງໝົດໃນປະເທດ, ເຈົ້າໜ້າທີ່ການນຳຢືນຢັນ.ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ລາຍງານຜ່ານສື່ມວນຊົນທ້ອງຖິ່ນໃນຫວ່າງໝໍ່ໆມານີ້ວ່າ ລັດຖະບານຈະກວດສອບມາດຕະຖານຂອງໂຄງການເຂື່ອນໄຟຟ້າທັງໝົດໃນລາວເປັນປົກກະຕິ ເພື່ອສ້າງຄວາມໝັ້ນໃຈໃຫ້ແກ່ປະຊາຊົນທີ່ອາໃສຢູ່ຕາມລ້ອງແມ່ນ້ຳ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕາງໜ້າບໍລິສັດພະລັງງານຈາກລາວ ແລະ ເກົາຫຼີໃຕ້ປະຊຸມຢູ່ນະຄອນຫຼວງວຽງຈັນ ເພື່ອຫາລືກ່ຽວກັບທ່າແຮງການຮ່ວມມື ແລະ ການພັດທະນາໃນຂະແໜງອຸດສາຫະກຳພະລັງງານໃນລາວ.ກອງປະຊຸມນັກທຸລະກິດເກົາຫຼີ-ລາວໄດ້ຈັດຂຶ້ນທີ່ນະຄອນວຽງຈັນ ພາຍໃຕ້ການເຂົ້າຮ່ວມຂອງບໍລິສັດຮ່ວມມືນິວເຄຼຍເກົາຫຼີ (KNP), ບໍລິສັດພະລັງງານໄຟຟ້າ & ນິວເຄຼຍເກົາຫຼີ (KHNP) ແລະ ບໍລິສັດໄຟຟ້າແຫ່ງປະເທດລາວ (EDL).ອ່ານຕໍ່ ...

ການຄົ້ນຄວ້າຫຼ້າສຸດສະແດງວ່າ ຕົ້ນທຶນດ້ານການບໍລິການຂົນສົ່ງໃນລາວອາດຖືກລົງ ຖ້າລັດຖະບານລາວອະນຸຍາດໃຫ້ບໍລິສັດຕ່າງປະເທດໃນການໃຫ້ບໍລິການ.ການຄົ້ນຄວ້າ ພາຍໃຕ້ການສະໜັບສະໜູນທຶນຂອງກຸ່ມທະນາຄານໂລກ ແລະ ຄູ່ຮ່ວມພັດທະນາສາກົນໃນລາວ ສະແດງວ່າຕົ້ນທຶນຂອງການບໍລິການຂົນສົ່ງຕາມເສັ້ນທາງ ອາດຫຼຸດຜ່ອນລົງໄດ້ ຖ້າລັດຖະບານອະນຸຍາດໃຫ້ບໍລິສັດຕ່າງປະເທດເຂົ້າມາດຳເນີນກິດຈະການ ແທນທີ່ການຜູກຂາດບໍລິສັດຂົນສົ່ງພາຍໃນ.ອ່ານຕໍ່ ...