ວຽງຈັນທາມສ໌

ກົມສົ່ງເສີມການຄ້າ ກະຊວງອຸດສະຫະກຳ ແລະ ການຄ້າ ຮ່ວມກັບກຸ່ມຊາວກະສິກອນນະຄອນຫຼວງວຽງຈັນ ຈັດການສົ່ງເສີມການຂາຍຜົນຜະລິດທີ່ປູກໃນຄົວເຮືອນ ໃຫ້ແກ່ຜູ້ບໍລິໂພກທ້ອງຖິ່ນ ຜ່ານງານຕະຫຼາດນັດພືດພັນ.ທາງກົມຈະຈັດງານຕະຫຼາດນັດພືດພັນວຽງຈັນ ທີ່ສູນການຄ້າລາວ-ໄອເຕັກ ໃນວັນເສົານີ້,​ ເພື່ອຊ່ວຍສົ່ງເສີມຊາວກະສິກອນ ໃນການຂະຫຍາຍຖານລູກຄ້າ ແລະ ສົ່ງເສີມໃຫ້ຜູ້ບໍລິໂພກ ຫັນມາຊື້ຜົນຜະລິດຈາກຟາມທ້ອງຖິ່ນ.ງານຕະຫຼາດນັດດັ່ງກ່າວ ຈະເນັ້ນສະແດງຜົນຜະລິດຈາກເກົ້າຕົວເມືອງ ໃນນະຄອນຫຼວງວຽງຈັນ.ອ່ານຕໍ່ ...

ໃນວັນຈັນນີ້ ຄະນະກຳມະການມໍລະດົກໂລກ ຂອງອົງການຢູເນັສ໌ໂກ (UNESCO) ໄດ້ມອບໃບຢັ້ງຢືນການຂຶ້ນທະບຽນມໍລະດົກໂລກທົ່ງໄຫຫີນ ໃຫ້ແກ່ປະເທດລາວ.ທ່ານ ຮສ.ປອ ບໍ່ແສງຄຳ ວົງດາລາ ທູດພິເສດຂອງລັດຖະບານລາວ ເປັນຜູ້ຮັບໃບຢັ້ງຢືນດັ່ງກ່າວໃນກອງປະຊຸມລັດຖະມົນຕີວັດທະນະທຳ ໃນຂອບຂອງກອງປະຊຸມໃຫຍ່ UNESCO ສະໄໝທີ 40 ເຊິ່ງຈັດຂຶ້ນທີ່ນະຄອນປາຣີສ, ຝຼັ່ງ.ອ່ານຕໍ່ ...

ລັດຖະບານລາວ ແລະ ຈີນ ເສີມຂະຫຍາຍສາຍພົວພັນ ເພື່ອຈຸດປະສົງຮັດແໜ້ນການຮ່ວມມື ແລະ ການເຮັດວຽກຢ່າງໃກ້ຊິດໃນການສ້າງສາພັດທະນາທັງສອງປະເທດ.ນີ້ແມ່ນຫົວຂໍ້ຫຼັກໃນການຫາລືໃນລະຫວ່າງການຢ້ຽມຢາມປະເທດລາວຢ່າງເປັນທາງການຂອງທ່ານ ຫວັງ ຢາງ ສະມາຊິກຄະນະປະຈຳ ຫ້ອງການກົມການເມືອງສູນກາງພັກຄັອມມຸຍນິດຈີນ ແລະ ປະທານຄະນະກຳມະການກອງປະຊຸມປຶກສາການເມືອງປະຊາຊົນຈີນ.ອ່ານຕໍ່ ...

31 ຄອບຄົວ ທີ່ຕ້ອງສູນເສຍເຮືອນຊານໃນກອງໄຟທີ່ລຸກໄໝ້ ຢູ່ບ້ານສົ້ນຂົວເໜືອ ເມືອງຫົວເມືອງ ແຂວງຫົວພັນ ໃນເດືອນແລ້ວນີ້ ໄດ້ຮັບເຄື່ອງໃຊ້ສອຍທີ່ຈຳເປັນຈາກຜູ້ໃຈບຸນແລ້ວ ແຕ່ກໍຍັງຕ້ອງການການຊ່ວຍເຫຼືອໃນການກໍ່ສ້າງເຮືອນຊານໃໝ່.ເຫດອັກຄີໄພດັ່ງກ່າວ ໄດ້ທຳລາຍເຮືອນປະຊາຊົນຈຳນວນ 22 ຫຼັງ ແລະ ອີກແປັດຫຼັງໄດ້ຮັບຄວາມເສຍຫາຍຢ່າງໜັກ. ທັງນີ້ກໍຍ້ອນເຮືອນທີ່ຖືກໄຟໄໝ້ສ່ວນໃຫຍ່ ແມ່ນເຮັດດ້ວຍໄມ້.ຊາວບ້ານ 152 ຊີວິດ ເຊິ່ງໃນປະຈຸບັນບໍ່ມີທີ່ຢູ່ອາໄສ ໄດ້ສູນເສຍຊັບສິນເກືອບໝົດທຸກຢ່າງ. ເຫດໄຟໃໝ້ດັ່ງກ່າວ ເຊິ່ງເຊື່ອວ່າເກີດຈາກໄຟຟ້າລັດວົງຈອນ, ໄດ້ສ້າງຄວາມເສຍຫາຍຄາດຄະເນເກືອບ 2 ຕື້ກີບ.ສຳລັບຜູ້ໃຈບຸນທີ່ຕ້ອງການໃຫ້ການຊ່ວຍເຫຼືອ, ບໍລິຈາກອຸປະກອນການກໍ່ສ້າງ, ຫຼື ອຸປະກອນເຄື່ອງໃຊ້ຕ່າງໆ ສາມາດຕິດຕໍ່ທ່ານຮ້ອຍໂທ ເພັງສີ ໄດ້ທີ່ໝາຍເລກ 020 5555 6089, ຫຼື ອຳນາດການປົກຄອງທ້ອງຖິ່ນ ໝາຍເລກ 020 5993 6934.ເພີ່ມເຕີມ ...

ເດັກນ້ອຍນັກຮຽນ ເມືອງດັກຈຶ້ງ ແຂວງເຊກອງ ໄດ້ຮັບໂຮງຮຽນມັດທະຍົມແຫ່ງໃໝ່, ມູນຄ່າການກໍ່ສ້າງ 9 ຕື້ກີບ (US$1 ລ້ານໂດລາ) ພາຍໃຕ້ທຶນຊ່ວຍເຫຼືອລ້າ ຈາກລັດຖະບານຫວຽດນາມ.ໂຮງຮຽນ ບ້ານໂນນສະຫວັນ ດັ່ງກ່າວ ໄດ້ມີການມອບຮັບຢ່າງເປັນທາງການ ໃຫ້ແກ່ອຳນາດການປົກຄອງ ໃນອາທິດແລ້ວນີ້.ເຂົ້າຮ່ວມໃນພິທີມອບຮັບດັ່ງກ່າວມີທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ແລະ ຮອງຫົວໜ້າຫ້ອງວ່າການທຳນຽບປະທານປະເທດ, ​ທ່ານ ຮສ.ປອ ກອງສີ ແສງມະນີ ຮອງລັດຖະມົນຕີກະຊວງສຶກສາທິການ ແລະ ກິລາ, ແລະ ທ່ານ ຫງວຽນ ປາ ຮຸງ ເອກອັກຄະລັດຖະທູດຫວຽດນາມປະຈຳລາວ.ໂຮງຮຽນຂະໜາດສອງຊັ້ນດັ່ງກ່າວ ປະກອບດ້ວຍຫົກຫ້ອງຮຽນ, ສີ່ຫ້ອງທົດລອງ, ສອງຫ້ອງຄັອມພິວເຕີ, ຫ້ອງພັກຄູ, ຫ້ອງສະໝຸດ, ຫ້ອງປະຊຸມ, ແລະ ສອງຫ້ອງສາງ ພ້ອມດ້ວຍຫ້ອງນ້ຳ ແລະ ສິ່ງອຳນວຍຄວາມສະດວກອື່ນໆ.ອ່ານຕໍ່ ...

ອຳນາດການປົກຄອງເມືອງວັງວຽງ ແຂວງວຽງຈັນ ຮັບປະກັນຄວາມພ້ອມ ໃນການຕ້ອນຮັບນັກທ່ອງທ່ຽວ ທີ່ຄາດວ່າຈະຫຼັ່ງໄຫຼເຂົ້າມາໃນຊ່ວງລະດູການທ່ອງທ່ຽວທີ່ຈະມາເຖິງນີ້.ທ່ານເຈົ້າເມືອງ ຄຳຜອງ ດວງວິໄລ ໄດ້ກ່າວຕໍ່ສຳນັກຂ່າວວຽງຈັນທາມສ໌ ວ່າ “ພວກເຮົາກຽມພ້ອມ ເພື່ອຕ້ອນຮັບນັກທ່ອງທ່ຽວ ແລະ ໄດ້ກະກຽມສິ່ງອຳນວຍຄວາມສະດວກທຸກຢ່າງ, ເຊັ່ນ ໂຮງແຮມລະດັບສູງ ແລະ ບ້ານພັກ, ລວມເຖິງ ຮ້ານອາຫານ ແລະ ກິດຈະກຳທ່ອງທ່ຽວພັກຜ່ອນຫຼາກຫຼາຍສີສັນ.” “ຈຳນວນນັກທ່ອງທ່ຽວຕອນນີ້ ເລີ່ມຈະເພີ່ມຂຶ້ນແລ້ວ ໂດຍສະເພາະແມ່ນນັກທ່ອງທ່ຽວຈາກຈີນ, ເກົາຫຼີໃຕ້ ແລະ ຝຣັ່ງ. ໜຶ່ງໃນສິ່ງອຳນວຍຄວາມສະດວກໃໝ່ທີ່ພວກເຮົາໄດ້ກະກຽມສຳລັບນັກທ່ອງທ່ຽວ ກໍຄື ຂົວຂ້າມນ້ຳຊອງໃໝ່ ເຊິ່ງປະຊາຊົນ ແລະ ນັກທ່ອງທ່ຽວສາມາດນຳໃຊ້ໂດຍບໍ່ເສຍຄ່າ,” ທ່ານກ່າວເພີ່ມເຕີມ.ອ່ານຕໍ່ ...

ແຂວງຈຳປາສັກ ປະສົບຜົນສຳເລັດໃນການດຶງດູດນັກທ່ອງທ່ຽວ ຜ່ານການຍົກລະດັບດ້ານການບໍລິການ, ເຊິ່ງຈຳນວນນັກທ່ອງທ່ຽວໃນລະດູການນີ້ຄາດວ່າຈະມີເກີນ 1 ລ້ານຄົນ.ທ່ານນາງ ມາລາ ຈັນທະລາມ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກ່າວຕໍ່ສຳນັກຂ່າວວຽງຈັນທາມສ໌ ວ່າ ທາງແຂວງໄດ້ທຳການຍົກລະດັບມາດຕະຖານໂຮງແຮມ, ຮ້ານອາຫານ ແລະ ສະຖານທີ່ທ່ອງທ່ຽວທີ່ມີຊື່ສຽງຂອງແຂວງ.ອ່ານຕໍ່ ...

ອົງການ World Concern ລາວ (WCL) ແລະ ກະຊວງສາທາລະນະສຸກ ຈະຮ່ວມມືໃນການເປີດໂຕໂຄງການພັດທະນາແບບບູລະນາການ ໄລຍະທີ 3 ເພື່ອສົ່ງເສີມສຸຂະພາບຊຸມຊົມ ທີ່ເມືອງໂພນທອງ ແຂວງຈຳປາສັກ.ໂຄງການດັ່ງກ່າວ ຈະດຳເນີນແຕ່ປີ 2020 ເຖິງ 2022 ແລະ ຈະສ້າງປະໂຫຍດໃຫ້ແກ່ປະຊາຊົນຢ່າງໜ້ອຍ 3,000 ຄົນໃນແປດຊຸມຊົນ.ອ່ານຕໍ່ ...

ສອງໂຄງການໃໝ່ ຄື ໂຄງການຫຼຸດຜ່ອນຄວາມທຸກຍາກໃນຊົນນະບົດ ແລະ ຄວາມບົກພ່ອງທາງໂພຊະນາການ, ແລະ ໂຄງການສົ່ງເສີມນ້ຳປະປາ, ສຸຂະອະນາໄມ ແລະ ສຸຂາພິບານ ໄດ້ມີການເປີດໂຕທີ່ນະຄອນຫຼວງວຽງຈັນ ໃນວັນພຸດນີ້ ເພື່ອແກ້ໄຂບັນຫາການຂາດສານອາຫານໃນເດັກນ້ອຍ.ໂຄງການດັ່ງກ່າວແມ່ນຢູ່ພາຍໃຕ້ການສະໜັບສະໜູນຂອງທະນາຄານໂລກ ມີມູນຄ່າໂຄງການ  460 ຕື້ກີບ (US$52 ລ້ານໂດລາ).ໂຄງການລິເລີ່ມດັ່ງກ່າວຈະດຳເນີນແຕ່ປີ 2019-2024 ຢູ່ໃນສີ່ແຂວງທີ່ມີອັດຕາການຂາດສານອາຫານສູງ ຄື ແຂວງຊຽງຂວາງ, ຫົວພັນ, ຜົ້ງສາລີ ແລະ ອຸດົມໄຊ.ອ່ານຕໍ່   ...

ກະຊວງແຜນການ ແລະ ການລົງທຶນ ພ້ອມດ້ວຍຖັນແຖວການຈັດຕັ້ງທີ່ກ່ຽວຂ້ອງ ໄດ້ຈັດກອງປະຊຸມແລກປ່ຽນຄວາມຄິດເຫັນກ່ອນການຫາລືຢ່າງເປັນທາງການ ເພື່ອຫາລືກ່ຽວກັບການຈັດຕັ້ງປະຕິບັດຖະແຫຼງການວຽງຈັນ ວ່າດ້ວຍການຮ່ວມງານ ເພື່ອການຮ່ວມມືດ້ານການພັດທະນາທີ່ມີປະສິດທິພາບ.ກອງປະຊຸມດັ່ງກ່າວ ໄດ້ຈັດຂຶ້ນເພື່ອຊຸກຍູ້ໃຫ້ອຳນາດການປົກຄອງທຸກຂັ້ນ ມີສ່ວນຮ່ວມໃນການແລກປ່ຽນແນວຄິດກ່ຽວກັບເນື້ອໃນ ເພື່ອຮັບປະກັນປະສິດທິພາບໃນການຈັດຕັ້ງ, ການຕິດຕາມ ແລະ ການລາຍງານ ແຜນດຳເນີນງານຖະແຫຼງການວຽງຈັນ (VDCAP) 2016-2025.ອ່ານຕໍ່ ...