Vientiane Times/ANN

ວຽງຈັນ (ວຽງຈັນທາມສ໌/ANN) – ການສ້າງ ແລະ ເປີດຕົວເວັບໄຊ www.ned.gov.la ຈະຊ່ວຍອຳນວຍຄວາມສະດວກໃຫ້ແກ່ບັນດາຜູ້ປະກອບການ, ນັກລົງທຶນ ແລະ ຜູ້ທີ່ມີຄວາມສົນໃຈໃນການເຮັດທຸລະກິດ.ເວັບໄຊດັ່ງກ່າວແມ່ນການລິເລີ່ມຂອງກົມທະບຽນ ແລະ ຄຸ້ມຄອງວິສາຫະກິດ (ERMD) ພາຍໃຕ້ກະຊວງອຸດສາຫະກຳ ແລະ ການຄ້າ. ເຊິ່ງມີຂໍ້ມູນທີ່ໜ້າເຊື່ອຖືກ່ຽວກັບກົດໝາຍການເງິນຂອງລາວ, ຂັ້ນຕອນການຂຶ້ນທະບຽນທຸລະກິດ ແລະ ຄ່າທຳນຽມໃນການດຳເນີນການ. ນອກນີ້​ຍັງໃຫ້ຄຳແນະນຳສຳລັບຜູ້ປະກອບການ ໃນການຄົ້ນຫາຊ່ອງທາງການລົງທຶນທີ່ເໝາະສົມສຳລັບເຂົາເຈົ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນສຸກແລ້ວນີ້ ສະພາແຫງຊາດໄດ້ອະນຸມັດກົດໝາຍໃໝ່ ວ່າດ້ວຍມາດຕະການຕອບໂຕ້ການທຸ່ມຕະຫຼາດ ແລະ ການອຸດໜູນ ເພື່ອປົກປ້ອງຜະລິດຕະພັນທ້ອງຖິ່ນຈາກສິນຄ້ານຳເຂົ້າທີ່ບໍ່ເປັນທຳ.ເນື່ອງຈາກປະເທດລາວໄດ້ມີການລວມຕົວໃນພາກພື້ນ, ຈຶ່ງຈຳເປັນຕ້ອງປະກາດໃຊ້ກົດໝາຍເພື່ອປົກປ້ອງປະເທດຈາກການແຂ່ງຂັນການຄ້າທີ່ບໍ່ເປັນທຳ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ກ່າວໃນກອງປະຊຸມສະໄໝສາມັນຂອງສະພາແຫ່ງຊາດໃນວັນສຸກແລ້ວນີ້ວ່າ ການປະກາດໃຊ້ກົດໝາຍສະບັບດັ່ງກ່າວແມ່ນສ່ວນໜຶ່ງຂອງພາລະກິດເພື່ອບັນລຸຂໍ້ພັນທະ ໃນຖານະສະມາຊິກຂອງອົງການການຄ້າໂລກ (WTO).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ຕາງໜ້າຈາກອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ຮ່ວມປະຊຸມທີ່ນະຄອວຫຼວງວຽງຈັນໃນອາທິດແລ້ວນີ້ ໃນກອງປະຊຸມຄະນະກຳມະການປະສານງານຮ່ວມຄັ້ງທຳອິດຂອງໂຄງການ ເພື່ອເຊື່ອມໂຍງໂຄງການເກັບກຸ້ລະເບີດແຫ່ງຊາດ ເຂົ້າກັບການຫຼຸດຜ່ອນຄວາມທຸກຍາກ.ກອງປະຊຸມດັ່ງກ່າວມີການເຂົ້າຮ່ວມຂອງທ່ານ ບຸນພະມິດ ສົມວິຈິດ ອຳນວຍການອົງການເກັບກູ້ລະເບີດແຫ່ງຊາດລາວ (UXO-Laos) ແລະ ທ່ານນາງ ອະກິໂກະ ສະນະດະ ຜູ້ຕາງໜ້າລະດັບສູງຂອງອົງການ JICA ປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫົວໜ້າສະພາທະນາຍຄວາມແຫ່ງສາທາລະນະລັດສິງກະໂປ (AGC) ແລະ ຫ້ອງການຜູ້ພິພາສາປະຊາຊົນສູງສຸດຂອງລາວຕົກລົງເຮັດວຽກຮ່ວມກັນ ໃນການຕ້ານການກໍ່ອາສະຍາກຳຂ້າມປະເທດ.ບົດບັນທຶກຄວາມເຂົ້າໃຈກ່ຽວກັບບັນຫາດັ່ງກ່າວໄດ້ຮັບການລົງນາມຫວ່າງໝໍ່ໆມານີ້ ລະຫວ່າງທ່ານ ລູຊຽນ ວອງ ປະທານສະພາທະນາຍຄວາມຂອງສິງກະໂປ ແລະ ທ່ານ ຄຳແສນ ສຸວົງ ໄອຍະການສານປະຊາຊົນສູງສຸດ ທີ່ນະຄອນຫຼວງວຽງຈັນ, ຕາມການເປີດເຜີຍຕໍ່ສື່ມວນຊົນຂອງ AGC.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານກຳລັງພະຍາຍາມຄວບຄຸມລາຄາສິນຄ້າຕ່າງໆໃຫ້ມີສະຖຽນລະພາບ ເຊັ່ນສິນຄ້າອາຫານ, ເພື່ອຮັບມືຕໍ່ກັບຕົ້ນທຶນໃນອຸດສາຫະະກຳປຸງແຕ່ງທີ່ເພີ່ມສູງຂຶ້ນ, ນາຍົກລັດຖະມົນຕີກ່າວຕໍ່ສະພາແຫ່ງຊາດ.ມູນຄ້າການຊື້ຂາຍສິນຄ້າໃນຊ່ວງສີ່ເດືອນຕົ້ນປີນີ້ແມ່ນຢູ່ທີ່ 15,500 ຕື້ກີບ, ເພີ່ມຂຶ້ນ 11.8 ເປີເຊັນທຽບກັບໄລຍະດຽວກັນຂອງປີກາຍ. ມູນຄ່າດັ່ງກ່າວແມ່ນກວມ 23.8 ເປີເຊັນຂອງແຜນການປະຈຳປີທີ່ຮັບຮອງໂດຍສະພາແຫ່ງຊາດ, ທ່ານ ທອງລຸນ ສີສຸລິດ ນາຍົກລັດຖະມົນຕີກ່າວໃນກອງປະຊຸມສະໄໝສາມັນຄັ້ງທີ 7 ຂອງສະພາແຫ່ງຊາດໃນອາທິດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ສັ່ງຫ້າມກົມກອງຂອງລັດໃນການຈ້າງພະນັກງານສັນຍາຈ້າງ ແລະ ອາສາສະໝັກ ເນື່ອງຈາກພະແນກການຂອງລັດມີຈຳນວນເຈົ້າໜ້າທີ່ ແລະ ພະນັກງານເກີນອັດຕາຢູ່ແລ້ວ.ຕໍ່ກັບຄຳຖາມຂອງສະມາຊິກສະພາແຫ່ງຊາດໃນອາທິດແລ້ວນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີກ່າວວ່າ ນີ້ແມ່ນບັນຫາສະເພາະຂອງປະເທດລາວ ທີ່ວ່າຫຼາຍກົມກອງຂອງລັດຖະບານໄດ້ມີການຈ້າງພະນັກງານສັນຍາຈ້າງ ແລະ ອາສາສະໝັກເພີ່ມເຕີມ ທັງໆທີ່ລັດຖະບານໄດ້ສັ່ງຈຳກັດຈຳນວນໂກຕາພະນັກງານໃນແຕ່ລະປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການປົກປັກຮັກສາປ່າໄມ້ ແລະ ສົ່ງເສີມການປູກຕົ້ນໄມ້ທົ່ວປະເທດ ແມ່ນເປົ້າໝາຍຫຼັກໃນກົດໝາຍປ່າໄມ້ສະບັບດັດແກ້, ເຈົ້າໜ້າທີ່ການນຳລັດຖະບານກ່າວ.ທ່ານ ປອ ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ສະເໜີຮ່າງກົດໝາຍປ່າໄມ້ສະບັບດັດແກ້ໃນກອງປະຊຸມສະພາແຫ່ງຊາດທີ່ກຳລັງດຳເນີນ ທີ່ວຽງຈັນ ວານນີ້.ແຜນການເຄື່ອນໄຫວດັ່ງກ່າວແມ່ນເພື່ອຮອງຮັບແນວທາງນະໂຍບາຍຂອງລັດຖະບານກ່ຽວກັບການພັດທະນາເສດຖະກິດສີຂຽວ ແລະ ການພັດທະນາແບບຍືນຍົງ ເພື່ອຫຼຸດຜ່ອນການອີງໃສ່ຊັບພະຍາກອນທຳມະຊາດໃນການພັດທະນາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ງານວາງສະແດງສິນຄ້າມືອາຊີບທີ່ໃຫຍ່ທີ່ສຸດໃນປະເທດ, ລາວທອບ 3 ເອັກສ໌ໂປ 2019, ຈະມີຂຶ້ນທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໃນອາທິດໜ້າ ແລະ ຜະລິດຕະພັນທີ່ວາງສະແດງລວມມີ ສິນຄ້າກ່ຽວກັບອາຄານ, ການກໍ່ສ້າງ, ນ້ຳປະປາ, ​ອາຫານ ແລະ ເຄື່ອງດື່ມ ແລະ ການຄ້າ.ງານວາງສະແດງ ທຣີອິນວັນ ຊຶ່ງຈະຈັດຂຶ້ນໃນລະຫວ່າງວັນທີ 20-22 ມິຖຸນານີ້ ຈະລວມເອົາງານ LAOBUILD 2019 ວາງສະແດງສິນຄ້າກ່ຽວກັບອາຄານ ແລະ ການກໍ່ສ້າງສາກົນຂອງລາວ, ງານ LAOFOOD 2019 ວາງສະແດງຜະລິດຕະພັນອາຫານ ແລະ ເຄື່ອງດື່ມຂອງລາວ ແລະ ງານ LAOWATER 2019 ວາງສະແດງເທັກໂນໂນຢີກ່ຽວກັບນ້ຳ ແລະ ນ້ຳເສຍສາກົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ກຳລັງດຳເນີນການກວດສອບສວນກ້ວຍທົ່ວປະເທດ ແລະ ຊີ້ນຳເຈົ້າຂອງກິດຈະການໃຫ້ດຳເນີນການຜະລິດຕາມວິທີການຜະລິດກະສິກຳແບບຍືນຍົງ.ຈຳນວນນັກລົງທຶນ ແລະ ສວນກ້ວຍໃນທົ່ວປະເທດ ໄດ້ຫຼຸດປະລິມານລົງ ພາຍຫຼັງລັດຖະບານສັ່ງຫ້າມການອະນຸມັດທີ່ດິນຕອນໃໝ່ສຳລັບປູກກ້ວຍ ແລະ ສັ່ງປິດກິດຈະການທຸລະກິດທີ່ລະເມີດລະບຽບກົດໝາຍ, ທ່ານ ປອ ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ຕອບຄຳຖາມໃນລະຫວ່າງກອງປະຊຸມສະໄໝສາມັນຄັ້ງທີ 7 ຂອງສະພາແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ການນຳລາວ ແລະ ຍີ່ປຸ່ນຮ່ວມຫາລື ທີ່ວຽງຈັນ ກ່ຽວກັບການຍົກລະດັບຄວາມຮູ້ດ້ານການວາງແຜນການນຳສຳລັບເຈົ້າໜ້າທີ່ການນຳຂອງລາວ, ການຄຸ້ມຄອງເສດຖະກິດມະຫາພາກ, ຄວາມຍືນຍົງ, ການພັດທະນາພື້ນຖານໂຄງລ່າງໃນລາວ.ການຫາລືໄດ້ມີຂຶ້ນໃນລະຫວ່າງການພົບປະ ລະຫວ່າງທ່ານນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ ແລະ ທ່ານນາງ ໂຕຊິໂກະ ອາເບ ລັດຖະມົນຕີກະຊວງການຕ່າງປະເທດຂອງຍີ່ປຸ່ນ ທີ່ເດີນທາງມາຢ້ຽມຢາມ ສປປ ລາວໃນຕົ້ນອາທິດນີ້.ອ່ານຕໍ່ ...