Vientiane Times/ANN

ວຽງຈັນ (ວຽງຈັນທາມສ໌/ANN) – ບໍລິສັດ Gentop ຈຳກັດ ຜູ້ຊ່ຽວຊານ ແລະ ມີປະສົບການກ່ຽວກັບກ້ອງວົງຈອນປິດ, ລະບົບຄວບຄຸມການຈອດລົດ ແລະ ການຝຶກອົບຮົມໃຫ້ແກ່ຂະແໜງການຂອງລັດຖະບານເກົາຫຼີ ຈະຮ່ວມມືໃນການດຳເນີນໂຄງການພິເສດ ກັບບໍລິສັດການລົງທຶນພັດທະນາ ແລະກໍ່ສ້າງເອເຊຍຈຳກັດຜູ້ດຽວ (AIDC) ຂອງລາວ.ສອງບໍລິສັດ ມີແຜນຮ່ວມມືກັນໃນຂະແໜງການກໍ່ສ້າງ, ວິສະວະກຳຂົວທາງ, ພະລັງງານ, ໂທລະຄົມມະນາຄົມ ແລະ ອຸປະກອນຊ່ຽວຊານ ພາຍໃຕ້ແຜນການຂະຫຍາຍການປະຕິບັດການ.ເພື່ອເປັນສ່ວນໜຶ່ງຂອງການຮ່ວມມືໃນຄັ້ງນີ້ ໃນວັນສຸກຜ່ານມາ ບໍລິສັດ Gentop ໄດ້ສະໜອງລະບົບກ້ອງ CCTV ມູນຄ່າ S$20,000 ໃຫ້ແກ່ບໍລິສັດ AlDC  ເພື່ອທົດລອງນຳໃຊ້ໃນນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວມີສະພາບການຄ້າເກີນດູນ US$178 ລ້ານໂດລາ ໃນຊ່ວງເກົ້າເດືອນທຳອິດຂອງປີ (ເຖິງທ້າຍໄຕມາດທີສາມ), ເຖິງວ່າການເຄື່ອນໄຫວໂອນເງິນ ຍັງຕ່ຳກວ່າເປົ້າໝາຍ.ມູນຄ່າການສົ່ງອອກ ແລະ ນຳເຂົ້າສິນຄ້າໃນໄຕມາດທີສາມຂອງປີ 2019 ບັນລຸໄດ້ US$8,582 ລ້ານໂດລາ ຫຼືທຽບເທົ່າກັບ 76 ສ່ວນຮ້ອຍຂອງຕົວເລກທີ່ມີການຮັບຮອງໂດຍສະພາແຫ່ງຊາດ.ຕົວເລກດັ່ງກ່າວເພີ່ມຂຶ້ນ 41 ສ່ວນຮ້ອຍທຽບກັບໄລຍະດຽວກັນຂອງປີກາຍ, ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ແລະ ລັດຖະມົນຕີກະຊວງແຜນການ ແລະ ການລົງທຶນ ລາຍງານຕໍ່ທີ່ປະຊຸມສະພາແຫ່ງຊາດໃນອາທິດແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພຸດທະສາຊະນິກະຊົນທຸກຊັ້ນຄົນ ຮ່ວມພິທີຕັກບາດທີ່ເດີ່ນພຣະທາດຫຼວງ ໃນຕອນເຊົ້າຂອງວັນຈັນຜ່ານມານີ້ ເຊິ່ງເປັນມື້ສຸດທ້າຍຂອງບຸນນະມັດສະການພະທາດຫຼວງ ບຸນປະເພນີປະຈຳປີຂອງຊາວລາວ.ເຈົ້າໜ້າທີ່ການນຳ, ພ້ອມທັງປະຊາຊົນລາວຈາກທົ່ວປະເທດ ແລະ ນັກທ່ອງທ່ຽວຕ່າງປະເທດ ໄດ້ເຂົ້າຮ່ວມພິທີຕັກບາດເທໂວທີ່ເດີ່ນພຣະທາດຫຼວງ, ເຊິ່ງມີພະສົງ ແລະ ສາມະເນນຈາກປະເທດລາວ ແລະ ປະເທດເພື່ອນບ້ານ ມາຮັບຖວາຍບິນທະບາດ.ນອກຈາກພິທີຕັກບາດ ປະຊາຊົນລາວຍັງມີການນຸ່ງຖືຊຸດພື້ນເມືອງ ພ້ອມນຳເອົາເຄື່ອງສັກກາລະບູຊາຕ່າງໆ ມາຮ່ວມບູຊາພຣະທາດຫຼວງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນວັນຈັນນີ້ວ່າ ອົງການຈັດຕັ້ງຫຼັກແຫຼ່ງ ເຊັ່ນ ຄະນະກຳມາທິການແຫ່ງຊາດເພື່ອການພັດທະນາແມ່ຍິງ, ແມ່ ແລະ ເດັກນ້ອຍ ຈະສືບຕໍ່ປະຕິບັດໜ້າທີ່ ເພື່ອການປົກປ້ອງ, ສົ່ງເສີມ ແລະ ພັດທະນາເດັກນ້ອຍລາວ ເພື່ອໃຫ້ເຂົາເຈົ້າເຕີບໃຫຍ່ມາເປັນກ້ອນກຳລັງແຮງທີ່ມີປະສິດທິພາບຂອງສັງຄົມ.ທ່ານນາຍົກໄດ້ກ່າວຄຳເຫັນດັ່ງກ່າວໃນກອງປະຊຸມລາວໃນຍຸກ 2030 ເຊິ່ງຈັດຂຶ້ນທີ່ນະຄອນວຽງຈັນ ເພື່ອສະເຫຼີມສະຫຼອງ ວັນສ້າງຕັ້ງສົນທິສັນຍາວ່າດ້ວຍສິດທິເດັກ ຄົບຮອບ 30 ປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດລາວ ສ້າງຄວາມປະທັບໃຈໃນກຸ່ມນັກທຸລະກິດ ດ້ວຍຜົນງານທີ່ເດັ່ນໃນງານລາຕີ ມອບລາງວັນທຸລະກິດອາຊຽນ (ABA) 2019 ເຊິ່ງຈັດຂຶ້ນໃນທຸກໆປີ ໂດຍສະພາທີ່ປຶກສາທຸລະກິດອາຊຽນ ນັບແຕ່ມີການກໍ່ຕັ້ງໃນປີ 2007 ເພື່ອໃຫ້ການຍ້ອງຍໍຫົວໜ່ວຍທຸລະກິດທີ່ມີຜົນງານດີເດັ່ນໃນທົ່ວພາກພື້ນອາຊຽນ ທີ່ໄດ້ປະກອບສ່ວນຢ່າງໃຫຍ່ຫຼວງຕໍ່ການຂະຫຍາຍຕົວທາງດ້ານເສດຖະກິດ ແລະ ຄວາມຈະເລີນຂອງພາກພື້ນອາຊຽນ ໃນຂະນະດຽວກັບກໍເປັນຕົວແບບທີ່ດີ ເພື່ອສົ່ງເສີມການຂະຫຍາຍເສດຖະກິດ, ຄວາມຍືນຍົງ ແລະ ນະວັດຕະກຳ ໃນປະເທດບ້ານເກີດເມືອງນອນຂອງຕົນ.ງານ ABA ສ້າງໂອກາດອັນດີໃນການເປີດຫູເປີດຕາ ໃນລະດັບພາກພື້ນ ໃຫ້ແກ່ບັນດາຫົວໜ່ວຍທຸລະກິດ  ແລະ ການຂະຫຍາຍເຄືອຂ່າຍ ໃນຊຸມຊົນທຸລະກິດອາຊຽນ. ງານດັ່ງກ່າວໃຫ້ຄວາມໃສ່ໃຈເປັນພິເສດ ຕໍ່ຫົວໜ່ວຍທຸລະກິດຂະໜາດນ້ອຍ ແລະ ຂະໜາດກາງ (SMEs) ທີ່ດີເດັ່ນ ທີ່ມີທ່າແຮງໃນການຂະຫຍາຍຕົວສູ່ລະດັບພາກພື້ນໃນໄລຍະສັ້ນ ແລະ ລະດັບໂລກໃນໄລຍະຍາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2019 ໄດ້ຜະເຊີນກັບຂໍ້ຫຍຸ້ງຍາກຫຼາຍປະການໃນທົ່ວປະເທດ, ທ່ານຮອງນາຍົກລັດຖະມົນຕີ ກ່າວໃນພິທີເປີດກອງປະຊຸມສະໄໝສາມັນ ຂອງສະພາແຫ່ງຊາດ ໃນຕອນເຊົ້າມື້ວານນີ້.ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງແຜນການ ແລະ ການລົງທຶນ ກ່າວ່າ ເສດຖະກິດມະຫາພາກແມ່ນຢູ່ພາຍໃຕ້ຄວາມກົດດັນ ເນື່ອງຈາກການຂາດດູນດ້ານງົບປະມານ ແລະ ການເຄື່ອນໄຫວຂອງຕ່າງປະເທດ ແລະ ຄັງສຳຮອງເງິນຕາຕ່າງປະເທດຕົກຕ່ຳ, ເຊິ່ງເຮັດໃຫ້ເງິນກີບອ່ອນຄ່າ ແລະ ສົ່ງຜົນໃຫ້ລາຄາສິນຄ້າ ແລະ ການບໍລິການເພີ່ມສູງຂຶ້ນ ແລະ ຄ່າຄອງຊີບກໍສູງຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຈີນ ຈະສືບຕໍ່ການຮ່ວມກັນສົ່ງເສີມການທ່ອງທ່ຽວ, ເພື່ອແນໃສ່ສົ່ງເສີມການຮ່ວມມືທາງດ້ານເສດຖະກິດ ແລະ ການພົວພັນການຄ້າ.ຫ້ອງການວັດທະນະທຳ ແລະ ທ່ອງທ່ຽວແຂວງຄຸນໝິງ ແລະ ບໍລິສັດທ່ອງທ່ຽວລາວແຮັບປີ້ສາກົນ ຈຳກັດ ໄດ້ຈັດກິດຈະກຳ ໃນອາທິດແລ້ວນີ ທີ່ນະຄອນວຽງຈັນ ເພື່ອສົ່ງເສີມການທ່ອງທ່ຽວໃນຄຸນໝິງ.ກິດຈະກຳດັ່ງກ່າວແມ່ນພາຍໃຕ້ການເຂົ້າຮ່ວມຂອງຄະນະຜູ້ແທນຈາກອົງການພັນທະມິດການທ່ອງທ່ຽວຕົວເມືອງມິດຕະພາບສາກົນ ກໍຄືຄະນະນັກທ່ອງທ່ຽວຈີນຈາກຄຸນໝິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການທ່ອງທ່ຽວມາເລເຊຍ ຈະໝູນໃຊ້ບຸນນະມັດສະການພະທາດຫຼວງປະຈຳປີ ໃນການໂຄສະນາສົ່ງເສີມການທ່ອງທ່ຽວໃນມາເລເຊຍ ເພື່ອດຶງດູດນັກທ່ອງທ່ຽວໃຫ້ມາຢ້ຽມຊົມສະຖານທີ່ທ່ອງທ່ຽວທາງທຳມະຊາດ ແລະ ວັດທະນະທຳ.ອົງການທ່ອງທ່ຽວດັ່ງກ່າວໄດ້ເປີດຮ້ານວາງສະແດງໃນງານບຸນ ເພື່ອເຜີຍແຜ່ຂໍ້ມູນການທ່ອງທ່ຽວ ແລະ ໂຄສະນາສະຖານທີ່ທ່ອງທ່ຽວ ເພື່ອດຶງດູດນັກທ່ອງທ່ຽວຈາກລາວ ເຊິ່ງເປັນໜຶ່ງໃນຕະຫຼາດເປົ້າໝາຍຂອງປະເທດມາເລເຊຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມົນລະພິດທາງອາກາດທີ່ມາຈາກຄວັນໄຟແຕ່ງກິນ ແລະ ຢາສູບມີຢູ່ທົ່ວໄປ; ຈາກການສຳຫຼວດພົບວ່າ ເກືອບສາມໃນສີ່ຄົວເຮືອນ ມີການສູບດົມຄວັນຢາສູບພາຍໃນເຮືອນ ແລະ ຄວັນໄຟຈາກການແຕ່ງກິນໃນເຮືອນ.ເມື່ອປະເມີນລວມຊ່ອງທາງຕ່າງໆໃນການຫາຍໃຈເອົາທາດອາຍພິດ ພົບວ່າ ໜຶ່ງໃນສາມຄົວເຮືອນມີການຫາຍໃຈເອົາຄວັນພິດ ທັງຈາກການສູບຢາມືສອງ ແລະ ຈາກການແຕ່ງກິນພາຍໃນເຮືອນ.ອ່ານຕໍ່ ...

ໃນອາທິດແລ້ວນີ້ ມະຫາວິທະຍາໄລສະຫວັນນະເຂດ ໄດ້ເປັນເຈົ້າພາບຈັດກິດຈະກຳເພື່ອສະເຫຼີມສະຫຼອງວັນສ້າງຕັ້ງມະຫາວິທະຍາໄລຄົບຮອບ 10 ປີ, ເປັນມະຫາວິທະຍາໄລຂອງລັດແຫ່ງທີ່ສີ່ຂອງປະເທດລາວ, ພາຍຫຼັງມີການເປີດຮັບນັກສຶກສາມາແຕ່ເດືອນຕຸລາປີ 2009, .ນັກສຶກສາຈາກທົ່ວປະເທດ ສະແຫວງຫາສະຖານການສຶກສາລະດັບມະຫາວິທະຍາໄລໃນອັດຕາທີ່ເພີ່ມຂຶ້ນ ແລະ ປະຈຸບັນທາງມະຫາວິທະຍາໄລຮັບນັກສຶກສາມາແລ້ວທັງໝົດ 8,811 ຄົນ.ມະຫາວິທະຍາໄລດັ່ງກ່າວປະກອບໄປດ້ວຍຄະນະວິຊາຕ່າງໆ ຄື ກະເສດສາດ ແລະ ສິ່ງແວດລ້ອມ, ບໍລິຫານທຸລະກິດ, ພາສາສາດ, ມະນຸດສາດ, ເທັກໂນໂລຢີ ແລະ ຂໍ້ມູນຂ່າວສານ, ວິທະຍາສາດການປຸງແຕ່ງອາຫານ, ການສຶກສາ, ວິທະຍາສາດທຳມະຊາດ, ແລະ ວິສະວະກຳສາດ.ອ່ານຕໍ່ ...