ພຸດທະສາຊະນິກະຊົນຫຼາຍພັນຄົນ ຮ່ວມພິທີຕັກບາດພຣະທາດຫຼວງ
ວຽງຈັນ (ວຽງຈັນທາມສ໌/ANN) – ພຸດທະສາຊະນິກະຊົນທຸກຊັ້ນຄົນ ຮ່ວມພິທີຕັກບາດທີ່ເດີ່ນພຣະທາດຫຼວງ ໃນຕອນເຊົ້າຂອງວັນຈັນຜ່ານມານີ້ ເຊິ່ງເປັນມື້ສຸດທ້າຍຂອງບຸນນະມັດສະການພະທາດຫຼວງ ບຸນປະເພນີປະຈຳປີຂອງຊາວລາວ.
ເຈົ້າໜ້າທີ່ການນຳ, ພ້ອມທັງປະຊາຊົນລາວຈາກທົ່ວປະເທດ ແລະ ນັກທ່ອງທ່ຽວຕ່າງປະເທດ ໄດ້ເຂົ້າຮ່ວມພິທີຕັກບາດເທໂວທີ່ເດີ່ນພຣະທາດຫຼວງ, ເຊິ່ງມີພະສົງ ແລະ ສາມະເນນຈາກປະເທດລາວ ແລະ ປະເທດເພື່ອນບ້ານ ມາຮັບຖວາຍບິນທະບາດ.
ນອກຈາກພິທີຕັກບາດ ປະຊາຊົນລາວຍັງມີການນຸ່ງຖືຊຸດພື້ນເມືອງ ພ້ອມນຳເອົາເຄື່ອງສັກກາລະບູຊາຕ່າງໆ ມາຮ່ວມບູຊາພຣະທາດຫຼວງ.
ວິສິດ ເທບພະລັດ
