ຂປລ-ຂ່າວສານປະເທດລາວ

(ຂປລ) ສະຖານທູດມາເລເຊຍ ວຽງຈັນ ສປປ ລາວ ຮ່ວມກັບອົງການການສຶກສາມາເລເຊຍຈັດ “ນິທັດສະການການສຶກສາໃນມາເລເຊຍ 2018” ທີ່ໂຮງຮຽນມັດທະຍົມສົມບູນວຽງຈັນ ໃນວັນທີ 8 ກັນຍາ 2018. ເຂົ້າຮ່ວມໃນງານດັ່ງກ່າວມີແຂກ ແລະ ຜູ້ເຂົ້າຮ່ວມກວ່າ 400 ຄົນ ເຊິ່ງລວມມີລັດຖະກອນ, ຫົວໜ້າອຳນວນການໂຮງຮຽນ, ອຳນວຍການວິທະຍາໄລ, ທີ່ປຶກສານັກຮຽນ, ພະນັກງານ ແລະ ນັກຮຽນນັກສຶກສາຈາກສະຖາບັນຕ່າງໆໃນລາວ.ອ່ານຕໍ່ ...

(ຂປລ) ອົງການ IFC, ສະມາຊິກກຸ່ມທະນາຄານໂລກ ເລັ່ງມືໃນການສະໜັບສະໜູນລັດຖະບານລາວເພື່ອປັບປຸງບັນຍາກາດການລົງທຶນ ແລະ ການເຮັດທຸລະກິດໃນລາວ. ສະພາບແວດລ້ອມການລົງທຶນທີ່ໂປ່ງໃສ ແລະ ສາມາດເຊື່ອຖືໄດ້ຈະຊ່ວຍດຶງດູດການລົງທຶນໂດຍກົງຈາກຕ່າງປະເທດ (FDI), ສ້າງວຽກເຮັດງານທຳ ແລະ ສົ່ງເສີມການຂະຫຍາຍຕົວແບບທົ່ວເຖິງ.ອ່ານຕໍ່ ...

(ທ່ານ ມາກ ຟິວ ລັດຖະມົນຕີຕ່າງປະເທດອາຊີ ແລະ ປາຊິຟິກ ແຫ່ງລາດຊະອານາຈັກ)(ຂປລ) ໃນລະຫວ່າງການການຢ້ຽມຢາມລາວຄັ້ງທຳອິດໃນຫວ່າງບໍ່ດົນມານີ້ ຂ້າພະເຈົ້າໄດ້ຮັບຮູ້ພາບລວມກ່ຽວກັບສະພາບການເກັບກູ້ລະເບີດທີ່ຍັງບໍ່ທັນແຕກໃນລາວຈາກອົງການເກັບກູ້ລະເບີດແມັກ (ແມັກ) ແລະ ອົງການຮາໂລທຣັສ໌ (ຮາໂລ) ນອນນີ້ ຂ້າພະເຈົ້າຍັງໄດ້ໄປຢ້ຽມຢາມສູນຂໍ້ມູນຂ່າວສານຂອງອົງການເກັບກູ້ລະເບີດລາວທີ່ແຂວງຫຼວງພະບາງ ເພື່ອຮຽນຮູ້ກ່ຽວກັບການປະຕິບັດການເກັບກູ້ລະເບີດ. ມັນເປັນເລື່ອງທີ່ໜ້າສະເທືອນໃຈທັັງໆທີ່ປະເທດລາວໄດ້ຮັບເອກະລາດມາຫຼາຍທົດສະວັດ ແຕ່ປະຊາຊົນລາວຈຳນວນໜຶ່ງຍັງຄົງລົ້ມຕາຍ ແລະ ໄດ້ຮັບບາດເຈັບຈາກລະເບີດທີ່ຍັງບໍ່ທັນແຕກທີ່ຍັງຄົງຄ້າງ ແລະ ຖືກລືມເລືອນ, ຜູ້ປະສົບເຄາະສ່ວນໃຫຍ່ແມ່ນໄດ້ຮັບຜົນກະທົບຈາກລະເບີດລູກຫວ່ານທີ່ມາຈາກລະເບີດຕໍ່ຕ້ານຂ້າເສິກ.ໃນມື້ນີ້ ລັດຖະບານອັງກິດຢືນຢັນການສືບຕໍ່ຊ່ວຍເຫຼືອພາຍໃຕ້ໂຄງການເກັບກູ້ລະເບີດໂລກຄັ້ງທີສອງຕໍ່ກັບອົງການຮາໂລ ແລະ ແມັກ ເປັນມູນຄ່າລວມເກືອບ 46 ລ້ານປອນອັງກິດ ເພື່ອສະໜັບສະໜູນບັນດາໂຄງການເກັບກູ້ລະເບີດທົ່ວອາຟຣິກາ ແລະ ອາຊີ ເຊິ່ງເປັນສ່ວນໜຶ່ງຂອງສັນຍາການຊ່ວຍເຫຼືອຈຳນວນ 100 ລ້ານປອນໃນວຽກງານເກັບກູ້ລະເບີດພາຍໃນປີ 2020.ອ່ານຕໍ່ ...

(ຂປລ) ທ່ານ ທອງລຸນ ສີສຸລິດ ນາຍົກລັດຖະມົນຕີ ພິຈາລະນາໂຄງການເຂື່ອນໄຟຟ້ານ້ຳຕົກຂະໜາດໃຫຍ່, ເຂື່ອນໄຟຟ້ານ້ຳເທີນ 2, ເປັນຕົວຢ່າງທີ່ດີໃນແງ່ຂອງການພັດທະນາປະເທດຊາດ, ການສ້າງລາຍຮັບແຫ່ງງຊາດ ແລະ ການປົກປັກຮັກສາສິ່ງແວດລ້ອມ.ອ່ານຕໍ່ ...

(ຂປລ) ກະຊວງການຕ່າງປະເທດສິງກະໂປໃຫ້ທຶນການຝຶກອົບຮົມສຳລັບລັດຖະກອນລາວຈຳນວນ 31 ຄົນ ໃນຫຼັກສູດ “ພາສາອັງກິດພື້ນຖານ ແລະ ທັກສະໃນການສື່ສານ” ແຕ່ວັນທີ 13 ຫາ 31 ສິງຫາ 2018 ທີ່ຜ່ານມາ.ອ່ານຕໍ່ ...

(ຂປລ) ອົງການອະນຸລັກສິ່ງແວດລ້ອມ WWF (ໃນວັນທີ 6 ກັນຍາ) ໄດ້ສະແດງຄວາມຍິນດີຕໍ່ລັດຖະບານລາວໃນການຈັດກອງປະຊຸມລະດັບພາກພື້ນທີ່ສຳຄັນກ່ຽວກັບການຄ້າສັດປ່າຂ້າມຊາຍແດນຜິດກົດໝາຍ ແລະ ຕໍ່ຄຳໝັ້ນຂອງລາວທີ່ຈະຈັດການກັບອາດຊະຍາກຳການຄ້າສັດປ່າ ເຊິ່ງສ້າງໄພຄຸກຄາມຕໍ່ພັນສັດປ່າໃກ້ສູນພັນ ເຊັ່ນ ຊ້າງ, ເສືອ, ໝີ ແລະ ລິ່ນ.ອ່ານຕໍ່ ...

(ຂປລ) ກະຊວງການຕ່າງປະເທດສິງກະໂປໄດ້ໃຫ້ທຶນສຳລັບຫຼັກສູດຝຶກອົບຮົມໜຶ່ງອາທິດກ່ຽວກັບ “ເຕັກນິກການສຶບສວນອຸບັດຕິເຫດເຮືອບິນ” ສຳລັບເຈົ້າໜ້າທີ່ລາວຈຳນວນ 19 ຄົນແຕ່ວັນທີ 27-31 ສິງຫາ 2018 ທີ່ຜ່ານມາ.ອ່ານຕໍ່ ...

(ຂປລ) ໃນວັນທີ 31 ສິງຫາທີ່ຜ່ານມາ ບໍລິສັດຂຸດຄົ້ນບໍ່ຄຳຈີເຟັງຈີຫຼົງ ຫຼືເອີ້ນສັ້ນໆວ່າບໍລິສັດຈີເຟັງ ເຈົ້າຂອງໃໝ່ກິດຈະການບໍລິສັດຂຸດຄົນບໍ່ແຮ່ລ້ານຊ້າງມິເນໂຣຈຳກັດ ໄດ້ມອບລົດກູ້ໄພສຸກເສີນສອງຄັນ ພ້ອມດ້ວຍອຸປະກອນການກູ້ໄພ ລວມມູນຄ່າ 100,000 ໂດລາສະຫະລັດ ໃຫ້ແກ່ມູນນິທິກູ້ໄພແຂວງສະຫວັນນະເຂດ ແລະ ໂຮງໝໍເມືອງວິລະບູລີ.ອ່ານຕໍ່ ...

(ຂປລ) ພັກແລ້ງປີ 2018 ຈະມີບັນຍາກາດທີ່ຄຶກຄັກສຳລັບຄູ ແລະ ນັກຮຽນຈຳນວນ 10 ຄົນໃນຂະແໜງການສອນພາສາເພື່ອການເວົ້າພາສາຝຣັ່ງ ເຊິ່ງລວມມີການນຳໃຊ້ພາບເຄື່ອນໄຫວ, ການພົບປະ, ການຝຶກອົບຮົມ ແລະ ການເດີນທາງຢ້ຽມຢາມປະເທດຝຣັ່ງ ເຊິ່ງໄດ້ຮັນທຶນແລກປ່ຽນການສຶກສາດ້ານພາສາຈາກສະຖານທູດຝຣັ່ງ.ອ່ານຕໍ່ ...

(ຂປລ) ທ່ານ ໂມດ ອາທານ ເອກອັກຄະລັດຖະທູດເມເລເຊຍປະຈຳລາວເຂົ້າພົບທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ເພື່ອແຈ້ງກ່ຽວກັບການມອບທຶນຊ່ວຍເຫຼືອຈຳນວນ 100,000 ໂດລາສະຫະລັດ ເພື່ອບັນເທົາທຸກຜູ້ປະສົບໄພນ້ຳຖ້ວມໃນລາວອ່ານຕໍ່ ...