News

ວຽງຈັນ (ວຽງຈັນທາມສ໌/ANN) – ລັດວິສາຫະກິດເພື່ອການບໍລິການດ້ານກະສິກຳ (SAS) ແຫ່ງປະເທດລາວໄດ້ລົງນາມໃນຂໍ້ຕົກລົງຮ່ວມກັບບໍລິສັດພັດທະນາກະສິກຳກວາງໂຈວ ຈຳກັດ (GZAD) ຂອງຈີນ ແລະ ບໍລິສັດ UAB Global ຈຳກັດ ຂອງຮ່ອງກົງ ເພື່ອການຮ່ວມມືການລົງທຶນ ດ້ານການພັດທະນາອຸດສາຫະກຳ ແລະ ຕະຫຼາດການກະເສດ.ຂໍ້ຕົກລົງກ່ຽວກັບການສ້າງຕັ້ງວິສາຫະກິດຮ່ວມປະສົມ CSU Agricultural Innovation Co., Ltd. (CSU) ໄດ້ມີການລົງນາມທີ່ວຽງຈັນ ໃນອາທິດແລ້ວນີ້ ໂດຍທ່ານ ວຽງທອງ ພົມມະຫາໄຊ ອຳນວຍການ SAS, ທ່ານ ຈົງ ໝິງ ອຳນວຍການບໍລິສັດ GZAD, ແລະ ທ່ານ ວູ ຮິວ ຊູ ປະທານບໍລິສັດ UAB.ອ່ານຕໍ່ ...

ປະເທດລາວ ແລະ ກຳປູເຈຍຕົກລົງກ່ຽວກັບຫຼັກການພື້ນຖານໃນການຮ່າງຂໍ້ກຳນົດການປະຕິບັດ (TOR) ເພື່ອເລັ່ງມືການແກ້ໄຂຂໍ້ຂັດແຍ່ງໃນພື້ນທີ່ຊາຍແດນ.ນີ້ແມ່ນຜົນຂອງກອງປະຊຸມລະຫວ່າງການນຳກະຊວງການຕ່າງປະເທດລາວ ແລະ ກຳປູເຈຍ, ເຊິ່ງຈັດຂຶ້ນຢູ່ນະຄອນວຽງຈັນໃນວັນສຸກແລ້ວນີ້.ອ່ານຕໍ່ ...

ໃນອາທິດແລ້ວນີ້ ເຈົ້າໜ້າທີ່ລັດຖະບານ ແລະ ທະຫານໄດ້ນຳໃຊ້ເຮືອບິນ ແລະ ລົດບັນທຸກຂອງກອງທັບປະຊາຊົນລາວ ເພື່ອລຳລຽງເຄື່ອງຊ່ວຍເຫຼືອສຸກເສີນ ເຊັ່ນນ້ຳດື່ມ, ອາຫານ, ເຮືອ, ເຕັ້ນທີ່ພັກ ແລະ ເຄື່ອງໃຊ້ສອຍປະຈຳວັນທີ່ຈຳເປັນ ໄປມອບໃຫ້ແກ່ປະຊາຊົນຫົກແຂວງ ທີ່ໄດ້ຮັບຜົນກະທົບຈາກໄພນ້ຳຖ້ວມ.ພະຍຸໝູນເຂດຮ້ອນໂພດູ ແລະ ລະບົບສະພາບອາກາດທີ່ກ່ຽວຂ້ອງ ທີ່ພັດຜ່ານພາກໃຕ້ ແລະ ພາກກາງຂອງລາວມາແຕ່ທ້າຍເດືອນສິງຫາ ເຮັດໃຫ້ເກີດຝົນຕົນໜັກຕິດຕໍ່ກັນ, ສົ່ງຜົນໃຫ້ເກີດໄພນ້ຳຖ້ວມເປັນບໍລິເວນກວ້າງຢູ່ແຂວງຄຳມ່ວນ, ສະຫວັນນະເຂດ, ອັດຕະປື, ສາລະວັນ, ຈຳປາສັກ ແລະ ເຊກອງ.ອ່ານຕໍ່ ...

(ຂປລ) ປະຊາຊົນ 122,800 ກວ່າຄົວເຮືອນໃນຫົກແຂວງ ໄດ້ຮັບຜົນກະທົບຈາກໄພນ້ຳຖ້ວມຢູ່ພາກໃຕ້ຂອງລາວ ເຊິ່ງຜູ້ເສຍຊີວິດລວມ 14 ຄົນ, ຕາມການລາຍງານຂອງຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ.ຫົກແຂວງທີ່ໄດ້ຮັບຜົນກະທົບລວມມີ ແຂວງຄຳມ່ວນ, ສະຫວັນະເຂດ, ສາລະວັນ, ເຊກອງ, ຈຳປາສັກ ແລະ ອັດຕະປື.ແຂວງຈຳປາສັກມີຜູ້ເສຍຊີວິດ 5 ຄົນ, ແຂວງອັດຕະປື 4 ຄົນ, ແຂວງສະຫວັນນະເຂດ 3 ຄົນ ແລະ ແຂວງສາລະວັນ 2 ຄົນ.ອ່ານຕໍ່ ...

(ຂປລ) ໃນວັນທີ 4 ກັັນຍານີ້ ມະຫາວິທະຍາໄລສະຫວັນນະເຂດໄດ້ເປີດໂຄງການປັບປຸງການຈັດການໃນມະຫາວິທະຍາໄລ ໂດຍນຳໃຊ້ວິທີການດ້ານຄຸນນະພາບ.ໂຄງການດັ່ງກ່າວແມ່ນໄດ້ຮັບການສະໜັບສະໜູນ ແລະ ທຶນຊ່ວຍເຫຼືອຈາກອົງການຟຼັງໂກໂຟນ (Agence Universitaire de la Francophonie – AUF ) ແລະ ຈະດຳເນີນການໃນໄລຍະສາມປີ.ເປັນກຽດເຂົ້າຮ່ວມໃນພິທີເປີດໂຄງການດັ່ງກ່າວມີທ່ານ ບຸນເຮືອງ ນິນຈະເລີນ ຮອງປະທານມະຫາວິທະຍາໄລສະຫວັນນະເຂດ, ທ່ານ ລໍຣອງ ແຊັກເມ ສາດສະດາຈານຈາກສະຖາບັນຄົ້ນຄວ້າການເມືອງແຂວງເອກຊອງ (Aix en Provence), ແລະ ທ່ານ ອັງຕວນ ໂບຼມວິສ໌ ຫົວໜ້າຫ້ອງການ AUF ນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ປະຈຸບັນ ຫຼາຍພື້ນທີ່ຂອງລາວກຳລັງປະສົບກັບໄພນ້ຳຖ້ວມ ຫຼັງຈາກມີຝົນຕົກໜັກຕິດຕໍ່ກັນເປັນເວລາຫຼາຍວັນ ເຮັດໃຫ້ປະຊາຊົນຫຼາຍຄົວເຮືອນໃນທົ່ວປະເທດ ໄດ້ຮັບຜົນກະທົບ.ປະຊາຊົນຈຳນວນຫຼາຍຕ້ອງສູນເສຍພືດຜົນການຜະລິດ, ວັດຖຸສິ່ງຂອງ ແລະ ສັດລ້ຽງຂອງຕົນ.ເຖິງຢ່າງໃດກໍຕາມ ບາງເຂດກໍ່ບໍ່ໄດ້ຮັບຜົນກະທົບຈາກໄພນ້ຳຖ້ວມ ແລະ ຊາວບ້ານກໍຍັງສືບຕໍ່ກິດຈະກຳການຫາປາໃນເຂດທີ່ລະດັບນ້ຳບໍ່ຂຶ້ນສູງເກີນໄປ.ບ້ານໂນນ ເຊິ່ງຕັ້ງຢູ່ລຽບແຄມນ້ຳງື່ມ ເມືອງປາກງື່ມ ເຊິ່ງຕັ້ງຢູ່ຫ່າງຈາກໃຈກາງນະຄອນຫຼວງວຽງຈັນປະມານ 80 ກມ, ຊາວບ້ານຍັງຄົງອາໄສສະພາບແວດລ້ອມແມ່ນ້ຳໃນການດຳລົງຊີວິດ ທັງໃນລະດູແລ້ງ ແລະ ລະດູຝົນ.ເມື່ອນ້ຳຂຶ້ນ, ປະຊາຊົນບາງພ່ອງກໍໃຊ້ເວລາໝົດມື້ ໃນການຫາປາຕາມປະເພນີ ເຊິ່ງສາມາດຕອບສະໜອງແຫຼ່ງປາໄດ້ກຸ້ມທັງຄອບຄົວ.ອ່ານຕໍ່ ...

ຜູ້ຊົມໂທລະພາບທ້ອງຖິ່ນ ກຳລັງຈະໄດ້ຮັບຊົມພາບທີ່ແຈ້ງກວ່າເດີມ ພາຍຫຼັງການມອບຮັບໂຄງການຍົກລະດັບລະບົບໂທລະພາບຄວາມລະອຽດສູງ (HD) ສຳລັບສະຖານນີໂທລະພາບລາວ (LNTV) ຊ່ອງ 3 ທີ່ນະຄອນວຽງຈັນ ພາຍໃຕ້ໂຄງການຊ່ວຍເຫຼືອຈາກຈີນ.ໂຄງການຍົກລະດັບມູນຄ່າ 63 ຕື້ກີບ (52 ລ້ານຢວນ) ແມ່ນການຍົກລະດັບອຸປະກອນເຕັກນິກມາດຕະຖານຂອງຊ່ອງ 3 ໃຫ້ເປັນລະບົບ HD, ເພື່ອເສີມຂະຫຍາຍຄຸນນະພາບການຜະລິດຂອງສື່ໂທລະພາບທ້ອງຖິ່ນ.ອາ່ນຕໍ່ ...

ສາວງາມຊາວມົ້ງກຳລັງທະຍອຍກັນສະໝັກເຂົ້າປະກວດໃນງານປະກວດນາງສາວມົ້ງ ເຊິ່ງຈະຈັດຂຶ້ນໃນເດືອນທັນວາປີນີ້.ງານປະກວດນາງສາວມົ້ງລວມມີການສະແດງແບບຕ່າງໆ ເຊິ່ງສະແດງເຖິງເອກະລັກ ແລະ ວັດທະນະທຳຂອງຊົນເຜົ່າມົ້ງ, ເພື່ອສົ່ງເສີມມູນມໍລະດົກທາງວັດທະນະທຳໃນເວທີລາວ ແລະ ສາກົນ.ອ່ານຕໍ່. ...

ວຽງຈັນ (ວຽງຈັນທາມສ໌/ANN) – ອົງການການຄ້າຕ່າງປະເທດຍີ່ປຸ່ນ (JETRO) ວຽງຈັນຈະເຮັດວຽກຮ່ວມກັບບໍລິສັດພັດທະນາໃນສີ່ເຂດເສດຖະກິດພິເສດ (SEZs) ເພື່ອສົ່ງເສີມການລົງທຶນຂອງບໍລິສັດຍີ່ປຸ່ນ, ສົ່ງເສີມສາຍພົວພັນທາງການຄ້າ ແລະ ເສດຖະກິດລະຫວ່າງສອງປະເທດລາວ ຍີ່ປຸ່ນ.ບົດບັນທຶກການຮ່ວມມືໄດ້ມີການລົງນາມທີ່ນະຄອນຫຼວງວຽງຈັນໃນວັນອັງຄານນີ້ ໂດຍທ່ານ ກັດຊູອິຈິ ອີວາກາມິ ຫົວໜ້າອົງການ JETRO ວຽງຈັນ, ແລະ ຜູ້ພັດທະນາໃນເຂດ.ເຂດເສດຖະກິດເປົ້າໝາຍສີ່ແຫ່ງມີຄື ເຂດເສດຖະກິດພິເສດ SME ປາກເຊ-ຍີ່ປຸ່ນ, ນິຄົມອຸດສາຫະກຳສະຫວັນ, ເຂດພັດທະນາໄຊເສດຖາ, ເຂດພັດທະນາອຸດສາຫະກຳ ແລະ ການຄ້າວຽງຈັນ (ນິຄົມອຸດສາຫະກຳ VITA).ອ່ານຕໍ່. ...

ວຽງຈັນ (ວຽງຈັນທາມສ໌/ANN) – ລາວພວມເດີນໜ້າສົ່ງເສີມການພັດທະນາເສັ້ນທາງລົດໄຟ ເພື່ອເສີມຂະຫຍາຍຜົນປະໂຫຍດທາງດ້ານເສດຖະກິດຕາມແລວທາງການຂົນສົ່ງຫຼາຍຊ່ອງທາງ ເພື່ອການເຊື່ອມຕໍ່ພາກພື້ນ.ເຈົ້າໜ້າທີ່ການນຳໂຍທາທິການ ແລະ ຂົນສົ່ງ ຍົກສູງພາລະກິດຂອງລັດຖະບານ ຈາກຄຳເຫັນໃນກອງປະຊຸມກຸ່ມເຮັດວຽກກ່ຽວກັບເສັ້ນທາງລົດໄຟສິງກະໂປ-ຄຸນໝິງ (SWG-SKRL) ທີ່ວຽງຈັນໃນວັນພະຫັດຜ່ານມານີ້.ອ່ານຕໍ່ ...