News

ແຂວງສະຫວັນນະເຂດ: ລັດຖະບານ, ສະຫະພາບຢຸໂຣບ (ອີຢູ) ແລະ ອົງການຢູນິເຊັບ ກຳລັງເພີ່ມທະວີຄວາມພະຍາຍາມ ພາຍໃຕ້ໂຄງການຮ່ວມມືເພື່ອການປັບປຸງໂພຊະນາການ ເຊິ່ງມີເປົ້າໝາຍແນໃສ່ປັບປຸງດ້ານໂພຊະນາການສຳລັບເດັກນ້ອຍ.ເຖິງຈະມີຄວາມກ້າວໜ້າໃນຊຸມປີຜ່ານມາ, ແຂວງສະຫວັນນະເຂດຍັງຄົງມີອັດຕາເດັກທີ່ຢູ່ໃນພາວະເຕ້ຍ, ນ້ຳໜັກຫຼຸດເກນ ແລະ ຈ່ອຍ ທີ່ສູງ ເຊິ່ງເປັນບັນຫາດ້ານສາທະລະນະສຸກ ຕາມບົດລາຍງານທີ່ເຜີຍແຜ່ຕໍ່ສື່ມວນຊົນໃນລະຫວ່າງການຢ້ຽມຢາມແຂວງສະຫວັນນະເຂດ ໃນລະຫວ່າງວັນທີ 21-22 ຕຸລານີ້, ພາຍໃຕ້ການສະໜັບສະໜູນໂດຍອົງການຢູນິເຊັບ ແລະ ອີຢູ.ອ່ານຕໍ່ ...

(ຂປລ) ການເຂົ້າເຖິງໂພຊະນາການທີ່ຈຳເປັນ, ນ້ຳສະອາດ ແລະ ສຸຂາພິບານທີ່ພຽງພໍ ແມ່ນກຸນແຈໄປສູ່ການມີສຸຂະພາບ ແລະ ການດຳລົງຊີວິດທີ່ດີຂອງປະຊາກອກໃນທົ່ວໂລກ ໂດຍສະເພາະໃນປະເທດກຳລັງພັດທະນາໃນອາຊີໃຕ້ຄື ສປປ ລາວ.ນີ້ແມ່ນເປົ້າໝາຍລວມຂອງໂຄງການສົ່ງເສີມໂພຊະນາການ ແລະ ສ້າງພື້ນຖານໂຄງລ່າງ WASH (SUNWIP) ເຊິ່ງໄດ້ມີການຈັດກອງປະຊຸມປະຈຳປີຂຶ້ນທີ່ນະຄອນວຽງຈັນ ໃນວັນອັງຄານທີ 22 ຕຸລານີ້.ອ່ານຕໍ່ ...

(ຂປລ) ການນຳໃຊ້ວິທີການວາງແຜນຄອບຄົວແບບໃໝ່ (FP) ແມ່ນວິທີທີ່ດີທີ່ສຸດໃນການຫຼຸດຜ່ອນການຖືພາໂດຍບໍ່ຕັ້ງໃຈ ແລະ ຄວາມສ່ຽງຈາກການຖືພາ ແລະ ການເກີດລູກ.ໃນ ສປປ ລາວ, ການນຳໃຊ້ວິທີການວາງແຜນຄອບຄົວແບບໃໝ່ ຍັງຄົງສືບຕໍ່ເພີ່ມຂຶ້ນຢ່າງຊ້າໆ ໃນອັດຕາ 1% ຕໍ່ປີ ເຊິ່ງໝາຍຄວາມວ່າປະເທດລາວອາດບໍ່ສາມາດບັນລຸເປົ້າໝາຍອັດຕາການການຄຸມກຳເນີດ (CPR) 65% ພາຍໃນປີ 2025.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ໄທ ຈະສືບຕໍ່ການຮ່ວມມືໃນຂະແໜງການສຶກສາ ແລະ ການພັດທະນາຊັບພະຍາກອນມະນຸດ ເພື່ອສືບຕໍ່ສົ່ງເສີມສາຍພົວພັນມິດຕະພາບ.ນີ້ແມ່ນຄຳເຫັນໃນກອງປະຊຸມລະຫວ່າງຄະນະຜູ້ແທນຈາກສະຖານທູດໄທປະຈຳລາວ, ເຊິ່ງນຳໂດຍທ່ານ ກຽດຕິຄຸນ ຊາປະສິດ ເອກອັກຄະລາດຊະທູດໄທ ແລະ ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາຂອງລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຫະພາບຢູໂຣບ (ອີຢູ) ໄດ້ແຈ້ງກ່ຽວກັບການຈັດສັນທຶນ €200,000 ຢູໂຣ (1.95 ຕື້ກີບ) ເພື່ອການຊ່ວຍເຫຼືອເພື່ອມະນຸດສະທຳສຳລັບຄອບຄົວທີ່ປະສົບໄພນ້ຳຖ້ວມໃນລາວ ທີ່ໄດ້ຮັບຜົນກະທົບຈາກພະຍຸເຂດຮ້ອນທີ່ຜ່ານມາ.ຕາມບົດຂ່າວໃນເວັບໄຊຂອງຄະນະຜູ້ແທນສະຫະພາບຢູໂຣບປະຈຳລາວ, ທຶນຊ່ວຍເຫຼືອດັ່ງກ່າວແມ່ນມາຈາກໜ່ວຍງານຊ່ວຍເຫຼືອເພື່ອມະນຸດສະທຳ ແລະ ປົກປ້ອງສັງຄົມຢູໂຣບ (ECHO) ໂດຍຜ່ານ ກົນໄກເຄື່ອງມືຂະໜາດນ້ອຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຂດເສດຖະກິດພິເສດບໍ່ເຕັນ ແຂວງຫຼວງນ້ຳທາ ຫວັງເພີ່ມທະວີການດຶງດູດນັກລົງທຶນໃຫ້ຫຼາຍຂຶ້ນ, ໂດຍສະເພາະໃນຂະແໜງການສຶກສາ ແລະ ການແພດ.ພິທີເປີດເຂດອຸດສາຫະກຳການສຶກສາ ແລະ ການແພດ ໄດ້ມີຂຶ້ນໃນວັນສຸກແລ້ວນີ້. ພາຍໃຕ້ການເຂົ້າຮ່ວມຂອງຕາງໜ້າຈາກລັດຖະບານ, ນັກລົງທຶນຕ່າງປະເທດ ແລະ ແຂກທີ່ຖືກເຊີນ.“ເຂດເສດຖະກິດດັ່ງກ່າວໄດ້ແບ່ງເປັນ 4 ເຂດພັດທະນາຄື ເຂດການຄ້າ, ການທະນາຄານ ແລະ ການເງິນ, ເຂດການຂົນສົ່ງ, ເຂດການສຶກສາ ແລະ ການແພດ, ​ແລະ ເຂດການທ່ອງທ່ຽວ.” ເມື່ອສຳເລັດການກໍ່ສ້າງຄາດວ່າຈະມີຜູ້ຢູ່ອາໄສປະມານ 300,000 ຄົນ. ສະນັ້ນ ຂະແໜງການສຶກສາ ແລະ ສາທາລະນະສຸກຈຶ່ງມີຄວາມສຳຄັນ,” ທ່ານ ຈູ ກຸນ ປະທານກຸ່ມຕະຫຼາດຫຸ້ນອຸດສາຫະກຳ ຢຸນນານ ໄຫ ເຈິງ ກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການສາກົນບໍລິການປະຊາຊົນ (PSI) ຈະໃຫ້ທຶນ US$4.9 ລ້ານໂດລາ ເພື່ອຊ່ວຍເຫຼືອລາວໃນການປັບປຸງຂະແໜງສາທາລະນະສຸກ ແຕ່ປີ 2019 ເຖິງ 2020.ຊຸດການຊ່ວຍເຫຼືອໃໝ່ໃນຫົວຂໍ້ “ການສ້າງຄວາມເຂັ້ມແຂງໃຫ້ແກ່ສູນປະຕິບັດການສຸກເສີນດ້ານສາທາລະນະສຸກ ເພື່ອເລັ່ງມືໃນການລຶບລ້າງພະຍາດໄຂ້ປ່າ ແລະ ຮັບມືເຫດສຸກເສີນດ້ານສາທາລະນະສຸກ ໃນ ສປປ ລາວ” ຈະຊ່ວຍເຫຼືອກະຊວງສາທາລະນະສຸກໃນການຮັບປະກັນ ຄວາມສາມາດໃນການກວດກາ ແລະ ຮັບມືກັບເຫດສຸກເສີນດ້ານສາທາລະນະສຸກ, ສະກັດກັ້ນການລະບາດຂອງພະຍາດ (ລວມທັງໄຂ້ປ່າ), ແລະ ຫຼຸດຜ່ອນຜົນກະທົບຂອງພະຍາດຕໍ່ຊຸມຊົນໃຫ້ຫຼາຍທີ່ສຸດ.ອ່ານຕໍ່ ...

ສະຖາບັນວັດທະນະທຳ ແລະ ການພັດທະນາຶອາຊີ (IACD) ປະຈຳລາວ ເຊິ່ງມີສຳນັກງານໃຫຍ່ຢູ່ສາທາລະນະລັດເກົາຫຼີ ຈະສືບຕໍ່ໃຫ້ການບໍລິການປິ່ນປົວສຸຂະພາບ ແລະ ອຸປະກອນດ້ານການແພດໂດຍບໍ່ເສຍຄ່າສຳລັບແຂວງບໍລິຄຳໄຊ ເພື່ອສົ່ງເສີມສຸຂະພາບຂອງປະຊາຊົນທ້ອງຖິ່ນ.ທ່ານ ດຣ ໂຮຊິກ ອິມ ອຳນວຍການ IACD ກ່າວໃນວານນີ້ວ່າ ໃນປີ 2020 ທາງສະຖາບັນຈະເລັ່ງໃສ່ການປິ່ນປົວສຸຂະພາບຢູ່ເມືອງບໍລິຄັນ, ວຽງທອງ ແລະ ຄຳເກີດ.ອ່ານຕໍ່ ...

ບໍລິສັດການບິນໄທສາກົນ ມີແຜນຍົກເລີກເສັ້ນທາງການບິນ 6 ສາຍໃນ 4 ປະເທດອາຊຽນ ຄື: ກຳປູເຈຍ, ຫວຽດນາມ, ມຽນມາ ແລະ ລາວ.ເສັ້ນທາງການບິນດັ່ງກ່າວ, ເຊິ່ງທັງໝົດແມ່ນເດີນທາງຈາກສະໜາມບິນສຸວັນນະພູມຂອງໄທ, ໄດ້ແກ່ເສັ້ນທາງໄປພະນົມເປັນ, ຮ່າໂນ້ຍ, ໂຮຈິມິນ, ຢ້າງກຸ້ງ, ວຽງຈັນ ແລະ ຫຼວງພະບາງ, ຕາມການລາຍງານຂອງສຳນັກຂ່າວ The Nation.ແຫຼ່ງຂ່າວຍັງໃຫ້ຂໍ້ມູນຕື່ມວ່າ ທ່ານ ສຸເມດ ດຳຣຸງໃຈທຳ ປະທານບໍລິສັດການບິນໄທ ກ່າວວ່າ ເສັ້ນທາງເຫຼົ່ານີ້ມີຈຳນວນຖ້ຽວບິນໜ້ອຍ ແລະ ມີປະລິມານລູກຄ້າຕ່ຳ.ທ່ານ ສຸເມດ ຍັງໄດ້ກ່າວເພີ່ມເຕີມວ່າ ການບິນໄທ ຈະມອບໝາຍໃຫ້ສາຍການບິນ ໄທສະມາຍແອເວ ຄອບຄຸມເສັ້ນທາງການບິນເຫຼົ່ານີ້ ເມື່ອມີຂໍ້ສະຫຼຸບກ່ຽວກັບແຜນຍົກເລີກດັ່ງກ່າວ.ອ່ານຕໍ່ ...

ນະຄອນຫຼວງວຽງຈັນຂອງລາວ ໄດ້ຮັບການຈັດໃຫ້ເປັນໜຶ່ງໃນເຈັດຕົວເມືອງຂອງໂລກທີ່ເໝາະແກ່ການຍ່າງເລາະຊົມ ໂດຍເວັບໄຊ Booking.com ຍີ່ປຸ່ນ.ເວັບໄຊ Booking.com ຍີ່ປຸ່ນ ແມ່ນເຄືອຂ່າຍໃນຍີ່ປຸ່ນຂອງເວັບໄຊ Booking.com, ເວັບໄຊບໍລິການຈອງປີ້ຍົນຂອງເນເທີແລນ ແລະ ລະບົບຈອງທີ່ພັກໃນການທ່ອງທ່ຽວ.ຕາມການສຳຫຼວດຂອງເວັບໄຊ Booking.com ຍີ່ປຸ່ນ, ວຽງຈັນ ໄດ້ຮັບການຈັດໃຫ້ເປັນເມືອງທີ່ດີທີ່ສຸດສຳລັບການຍ່າງເລາະທ່ຽວ ໃນອາຊີຕາເວັນອອກສຽງໃຕ້ ທີ່ນັກທ່ອງທ່ຽວສາມາດຍ່າງເລາະຊົມຕົວເມືອງໄດ້ທັງກາງເວັນ ແລະ ກາງຄືນ.ອ່ານຕໍ່ ...