News

ນັກສ້າງຮູບເງົາເຈົ້າຂອງລາງວັນພູລີເຊີ ເອຣິນ ແມັກກ໊ອຟ ກຳລັງດຳເນີນກິດຈະກຳຂົນຂວາຍແຫຼ່ງທຶນອິນດີໂກໂກ ໄລຍະ 30 ວັນ ເພື່ອຊ່ວຍສົມທົບທຶນຈຳນວນ 37,000 ໂດລາ ເພື່ອສ້າງຮູບເງົາສາລະຄະດີໃນຝັນ ທີ່ສະທ້ອນການຖິ້ມລະເບີດປິດລັບໃນລາວ, ເຊິ່ງເປັນສາກສົງຄາມລັບສຸດຍອດທີ່ເຂັ້ມຂຸ້ນໃນໄລຍະຂັດແຍ່ງກັບຫວຽດນາມ.ອ່ານຕໍ່ ...

ລັດຖະບານລາວ ແລະ ກອງທຶນອະນຸລັກທຳມະຊາດໂລກໄດ້ຕົກລົງຈັດຕັ້ງປະຕິບັດໂຄງການຕັດ ແລະ ຜະລິດໄມ້ໄຜ່-ຫວາຍແບບຍືນຍົງໄລຍະທີ 5. ບົດບັນທຶກຄວາມເຂົ້າໃຈຂອງໂຄງການດັ່ງກ່າວໄດ້ມີການລົງນາມກັນໃນວັນຈັນທີ່ຜ່ານມານີ້ ທີ່ສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ ທີ່ວຽງຈັນ.ອ່ານຕໍ່ ...

ອຳນາດການປົກຄອງແຂວງຈຳປາສັກ ປະເທດລາວ ແລະ ຈັງຫວັດອຸບົນລາດຊະທານີ ປະເທດໄທ ສືບຕໍ່ຮ່ວມມືກັນໃນໂຄງການປົກປ້ອງແຮງງານແມ່ຍິງ ແລະ ເດັກນ້ອຍຈາກການຄ້າປະເວນີທີ່ຜິດກົດໝາຍ ແລະ ການຄ້າມະນຸດ. ຕາມການລາຍງານຂອງສຳນັກຂ່າວຈຳປາໃໝ່, ການປະຊຸມດັ່ງກ່າວໄດ້ຈັດຂຶ້ນທີ່ຈັງຫວັດອຸບົນລາດຊະທານີ ເພື່ອແລກປ່ຽນປະສົບການ ແລະ ທັກສະຕ່າງໆໃນການຈັດການກັບການຄ້າມະນຸດໃນພື້ນທີ່ຊາຍແດນລະຫວ່າງສອງແຂວງ.ອ່ານຕໍ່ ...

ສຳນັກຂ່າວນິເຄອິຂອງຍີ່ປຸ່ນໄດ້ລາຍງານໃນວານນີ້ວ່າ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ກ່າວໃນກອງປະຊຸມທີ່ປະເທດຍີ່ປຸ່ນວ່າ ເສັ້ນທາງລົດໄຟລາວ-ຈີນ ເຊິ່ງເປັນສ່ວນໜຶ່ງການລິເລີ່ມເສັ້ນທາງເຊື່ອມໂຍງດ້ານການຄ້າຂອງຈີນ ຈະສ້າງຜົນປະໂຫຍດໃຫຍ່ຫຼວງຕໍ່ເສດຖະກິດ ແລະ ພາບລວມການພັດທະນາຂອງລາວ. ຈາກເປົ້າໝາຍການຫຼຸດພົ້ນຈາກສະຖານະພາບດ້ອຍພັດທະນາທີ່ສຸດ ທ່ານນາຍົກໄດ້ກ່າວໃນກອງປະຊຸມວ່າດ້ວຍອະນາຄົດຂອງອາຊີ ທີ່ກຸງໂຕກຽວວ່າ ລັດຖະບານລາວມີເຈດຈຳນົງຫັນປ່ຽນປະເທດລາວຈາກປະເທດທີ່ບໍ່ມີທາງອອກສູ່ທະເລ ໄປສູ່ປະເທດທີ່ເປັນຂົວຕໍ່ເຊື່ອມໂຍງພາກພື້ນ ແລະ ການສ້າງເສັ້ນທາງລົດໄຟນີ້ແມ່ນໜຶ່ງໃນບາດກ້າວສຳຄັນຂອງແຜນການດັ່ງກ່າວ.ອ່ານຕໍ່ ...

ສະຖາບັນຕຣີນອນ ຄອລເລຈຽມ ແພລກຕິຄັມ ແຫ່ງປະເທດເຢຍລະມັນໃຫ້ທຶນຊ່ວຍເຫຼືອປະມານ 1 ລ້ານໂດລາສະຫະລັດ (ຫຼືກວ່າ 8 ຕື້ກີບ) ແກ່ລາວ ເພື່ອປັບປຸງການບໍລິການດ້ານສຸຂະພາບຊ່ອງປາກ ແຕ່ປີ 2018-2021. ພິທີເຊັນຂໍ້ຕົກລົງໄລຍະ 3 ຂອງໂຄງການຍົກລະດັບວຽກງານດ້ານທັນຕະກຳດັ່ງກ່າວ ໄດ້ຈັດຂຶ້ນທີ່ວຽງຈັນ ໃນວັນຈັນທີ່ຜ່ານມາ.ອ່ານຕໍ່ ...

(ຂປລ) ນັກເສດຖະສາດສະເໜີໃຫ້ລັດຖະບານນຳໃຊ້ຄັງສຳຮອງຕ່າງປະເທດເພື່ອກົດລາຄານ້ຳມັນເຊື້ອໄຟທີ່ຖີບຕົວສູງຂຶ້ນ ທັງເຕືອນວ່າການເພີ່ມຂຶ້ນຂອງລາຄານ້ຳມັນດັ່ງກ່າວອາດເຮັດໃຫ້ເກີດໄພເງິນເຟີ້.ອ່ານຕໍ່ ...

ໃນມື້ວານນີ້ ສະມາຊິກສະພາແຫ່ງຊາດໄດ້ຮຽກຮ້ອງໃຫ້ລັດຖະບານທຳການປັບປຸງການຄຸ້ມຄອງ ແລະ ຈັດສັນທີ່ດິນໃຫ້ເໝາະສົມກັບຈຸດປະສົງການນຳໃຊ້ຕ່າງໆ ເມື່ອນັກກົດໝາຍຫາລືແຜນແມ່ບົດແຫ່ງຊາດກ່ຽວກັບການຈັດສັນທີ່ດິນ.ອ່ານຕໍ່ ...

ສະພາແຫ່ງຊາດໄດ້ຮຽກຮ້ອງໃຫ້ລັດຖະບານດຳເນີນການຄວບຄຸມການນຳໃຊສານເຄມີໃນການກະສິກຳ ແລະ ສະກັດກັ້ນການນຳເຂົ້າຢາຂ້າຫຍ້າ ແລະ ຢາປາບສັດຕູພືດທີ່ບໍ່ຖືກຕາມລະບຽບກົດໝາຍ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ກ່າວຕໍ່ທີ່ປະຊຸມສະພາແຫ່ງຊາດໃນວັນສຸກແລ້ວນີ້ວ່າໂຄງການລົງທຶນຂອງລັດຖະບານໃນຊຸມປີທີ່ຜ່ານມາມີມູນຄ່າເກີນຈິງເຖິງໜຶ່ງພັນຕື້ກີບ. ນີ້ແມ່ນຜົນຈາກການກວດສອບລັດຖະບານອ່ານຕໍ່ ...

ໃນອາທິດແລ້ວນີ້ ບໍລິສັດກະສິກຳປ່າໄມ້ບູຣະພາ ໄດ້ປູກໄມ້ວິກ, ໄມ້ກະຖິນນະລົງ, ໄມ້ແຕ້ຫໍ້ ແລະ ໄມ້ຂະຍູງ ໃນສວນໄມ້ປູກທົດລອງແບບປະສົມປະສານ ເພື່ອສະຫຼອງວັນປູກຕົ້ນໄມ້ແຫ່ງຊາດ. ປ່າໄມ້ປູກທົດລອງຂະໜາດ 18 ເຮັກຕານີ້ແມ່ນຕັ້ງຢູ່ບ້ານແສນອຸດົມ, ເມືອງໄຊທານີ, ວຽງຈັນ, ມີຈຸດປະສົງເພື່ອປົກປັກຮັກສາສິ່ງແວດລ້ອມ ແລະ ສ້າງວຽກເຮັດງານທຳໃຫ້ແກ່ຊຸມຊົນທ້ອງຖິ່ນ.ອ່ານຕໍ່ ...