News

ເຈົ້າໜ້າທີ່ກະຊວງສາທາລະນະສຸກທົ່ວປະເທດໄດ້ເຂົ້າຮ່ວມກອງປະຊຸມປະຈຳປີ ທີ່ນະຄອນວຽງຈັນມື້ວານນີ້ ເພື່ອທົບທວນຄວາມຄືບໜ້າຂອງຂະແໜງການ ແລະ ຫາລືແຜນການສຳລັບປີ 2019.ໃນກອງປະຊຸມມີການທົບທວນວຽກງານການສົ່ງເສີມສຸຂະພາບ ແລະ ສຸຂະອະນາໄມ, ການປ້ອງກັນ ແລະ ຄວບຄຸມພະຍາດຕິດຕໍ່ໃນແຂວງເປົ້າໝາຍ, ການຫຼຸດຜ່ອນອັດຕາການຕາຍຂອງແມ່ ແລະ ເດັກ, ການປິ່ນປົວ ແລະ ຟື້ນຟູສຸຂະພາບ, ການຄຸ້ມຄອງອາຫານ ແລະ ຢາ, ແລະ ການປັບປຸງການວາງແຜນການເງິນ ແລະ ການຈັດງົບປະມານພາຍໃນຂະແໜງສາທາລະນະສຸກ.ອ່ານຕໍ່ ...

ອຳນາດການປົກຄອງແຂວງອຸດົມໄຊ ພວມເລັ່ງມືໃນການພັດທະນາພື້ນຖານໂຄງລ່າງ ເພື່ອດຶງດູດນັກທ່ອງທ່ຽວເຂົ້າສູ່ແຂວງຜ່ານການປັບປຸງດ້ານການເຂົ້າເຖິງ.ເຈົ້າໜ້າທີ່ກຳລັງມີການກໍ່ສ້າງສິ່ງອຳນວຍຄວາມສະດວກໃນສະຖານທີ່ທ່ອງທ່ຽວທີ່ສຳຄັນຕ່າງໆ ເຊັ່ນ ຖ້ຳຈອມອົງ, ເຊິ່ງກຳລັງກາຍມາເປັນໜຶ່ງໃນສະຖານທີ່ທ່ອງທ່ຽວທາງທຳມະຊາດທີ່ໜ້າທ່ຽວຊົມທີ່ສຸດໃນປະເທດລາວ.ອ່ານຕໍ່ ...

(ຂປລ) ປີກາຍນີ້ (2018) ລາວມີອັດຕາການຕາຍຂອງແມ່ຫຼຸດລົງເຫຼືຶອ 129 ຄົນຈາກ 151 ຄົນໃນປີ 2017, ຕາມບົດລາຍງານຂອງກະຊວງສາທາລະນະສຸກ.“ພວກເຮົາສາມາດຫຼຸດຜ່ອນອັດຕາການຕາຍຂອງແມ່ລົງ ຍ້ອນແມ່ສາມາດເຂົ້າເຖິງການຮັກສາສຸຂະພາບໄດ້ດີຂຶ້ນ ແລະ ແມ່ມີຄວາມຮູ້ຫຼາຍຂຶ້ນກ່ຽວກັບຄວາມສຳຄັນໃນການເບິ່ງແຍງຄັນ ແລະ ການໄປເກີດລູກຢູ່ໂຮງໝໍ,” ທ່ານ ດຣ ເນົາ ບຸດຕາ ເລຂາທິການປະຈຳກະຊວງສາທາລະນະສຸກໃຫ້ຄຳເຫັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ແຂວງໄຊຍະບູລີ ແລະ ການນຳບ້ານໆນາແວນ ຮ່ວມປະຊຸມກັບພະນັກງານອົງການອະນຸລັກທຳມະຊາດໂລກປະຈຳລາວ (WWF-Laos) ທີ່ເມືອງພຽງໃນຕົ້ນເດືອນນີ້ ເພື່ອທົບທວນຜົນການສຳຫຼວດ ແລະ ແຕ້ມແຜນວາດການນຳໃຊ້ທີ່ດິນຄົວເຮືອນ ແລະ ການຖືກຳມະສິດ, ລາຍຮັບ ແລະ ຕົວກຳນົດດ້ານເສດຖະກິດສັງຄົມ ແລະ ກະສິກຳ.ບ້ານນາແວນຕັ້ງຢູ່ໃນເຂດປ່າສະຫງວນຊີວະນາໆພັນແຫ່ງຊາດ (NBCA) ນ້ຳພຸຍ ແຂວງໄຊຍະບູລີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຖິງແມ່ນວ່າການເຮັດກະສິກຳອິນຊີຈະມີທ່າເພີ່ມຂຶ້ນ, ຜູ້ຜະລິດຍັງຄົງບໍ່ສາມາດຕອບສະໜອງຄວາມຕ້ອງການຂອງລູກຄ້າ ເນື່ອງຈາກບັນຫາລູກຄ້າບໍ່ສາມາດເຂົ້າເຖິງຕະຫຼາດຂອງທ້ອງຖິ່ນ.ທ່ານ ຢູກະ ກິໂນຊິຕະ ຊ່ຽວຊານຈາກໂຄງການພັດທະນາການສິກຳສະອາດໃນລາວ ອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ໄດ້ເປີດເຜີຍຜົນການຄົ້ນຄວ້າ ເຊິ່ງເປັນສ່ວນໜຶ່ງຂອງການສຳຫຼວດກ່ຽວກັບຕະຫຼາດປອດສານພິດ ໃນກອງປະຊຸມທີ່ວຽງຈັນຫວ່າງມໍ່ໆມານີ້.ອ່ານຕໍ່ ...

ເຮືອນຊານປະຊາຊົນປະມານ 30 ຫຼັງຄາເຮືອນທີ່ເມືອງຊຽງຄໍ້ ແຂວງຫົວພັນ ໄດ້ຮັບຄວາມເສຍຫາຍຈາກພະຍຸຝົນທີ່ພັດກະໜ່ຳພື້ນທີ່ໃນອາທິດຜ່ານມາ ເຊິ່ງມີທັງພະຍຸ, ຝົນ, ໝາກເຫັບ ແລະ ລົມແຮງ.ທ່ານເຈົ້າເມືອງ ພັນຕາ ທອງວົງສາ ໄດ້ລາຍງານຜ່ານວຽງຈັນທາມສ໌ໃນວັນຈັນນີ້ວ່າ ‘ພະຍຸຝົນໄດ້ພັດຜ່ານເກົ້າບ້ານຂອງເມືອງໃນວັນທີ 19 ກຸມພາ. ໃນນັ້ນ ມີສາມສິບຫຼັງຄາເຮືອນ ພ້ອມດ້ວຍໂຮງຮຽນສອງຫຼັງ ທີ່ເມືອງນາຄາງ ແລະ ມົນງາມ ໄດ້ຮັບຄວາມເສຍຫາຍໜັກ. ມີຫຼັງຄາເປີດ ແລະ ໂຄງສ້າງອື່ນໆຖືກພັດພັງເສຍຫາຍ.’ໂຊກດີທີ່ບໍ່ມີລາຍງານຜູ້ໄດ້ຮັບບາດເຈັບ.ອ່ານຕໍ່ ...

ລັດຖະບານລາວ ແລະ ຫວຽດນາມສັນຍາຈະຂົນຂວາຍຫາທຶນຮອນເພື່ອກໍ່ສ້າງທາງລົດໄຟ ເຊື່ອມຕໍ່ນະຄອນວຽງຈັນກັບທ່າເຮືອວຶງອາງ ແຂວງຮາຕີນ ທາງພາກກາງຂອງຫວຽດນາມ.ສອງຝ່າຍໄດ້ລົງນາມໃນຂໍ້ຕົກລົງທີ່ວຽງຈັນໃນວັນອາທິດແລ້ວນີ້, ສັນຍາວ່າຈະຮ່ວມກັນຜັນຂະຫຍາຍແຜນໂຄງການທີ່ມີຊື່ວ່າ ທາງດ່ວນວຽງຈັນ-ວຶງອາງ ໃຫ້ປະກົດຜົນເປັນຈິງ.ອ່ານຕໍ່ ...

ບຸນຊ້າງປະຈຳປີທີ່ແຂວງໄຊຍະບູລີໄດ້ໝູນວຽນມາອີກຄັ້ງ ເຊິ່ງໃນປີນີ້ມີຊ້າງເຂົ້າຮ່ວມ 70 ເຊືອກພ້ອມກວານຊ້າງ ແລະ ມີກິດຈະກຳຢ່າງຫຼວງຫຼາຍສ້າງຄວາມມ່ວນຊື່ນໃຫ້ແກ່ແຂກທີ່ມາທ່ຽວຊົມ.ບຸນຊ້າງ ເຊິ່ງໄດ້ຮັບຄວາມນິຍົມໃນທຸກປີນັບແຕ່ມີການເລີ່ມຈັດງານຄັ້ງທຳອິດໃນປີ 2007 ທີ່ເມືອງຫົງສາ, ໄດ້ມີພິທີເປີດຢ່າງຄືກຄື້ນໃນວັນເສົາທີ່ຜ່ານມາ ເຊິ່ງມີຫຼາກຫຼາຍກິດຈະກຳສຳລັບຮອງຮັບນັກທ່ອງທ່ຽວ ແຕ່ວັນທີ 17-28 ກຸມພານີ້.ອ່ານຕໍ່ ...

ການກຳນົດຄ່າປັບໄໝໃນອັດຕາທີ່ສູງຂອງເຈົ້າໜ້າທີ່ ຕໍ່ເຈົ້າຂອງຍານພາຫະນະຈະຊ່ວຍຊຸກຍູ້ການຈ່າຍອາກອນທາງຕາມກຳນົດການ ແລະ ຊ່ວຍສົ່ງເສີມການເກັບງົບປະມານເຂົ້າລັດ, ຕາມຄວາມເຫັນຂອງເຈົ້າໜ້າທີ່ກົມອາກອນ.ທີ່ຜ່ານມາ ລັດຖະບານຂາດດູນລາຍຮັບຈາກອາກອນທາງປະຈຳປີ ເຊິ່ງສ່ວນໃຫຍ່ແມ່ນເກັບກຳໄດ້ພຽງ 30% ຂອງຍານພາຫະນະທັງໝົດ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການຄຸ້ມຄອງຂີ້ເຫຍື້ອໃນໂຮງໝໍຍັງຄົງເປັນເລື່ອງທ້າທາຍ ເນື່ອງຈາກວ່າສະຖານພະຍາບານໃນລາວສ່ວນໃຫຍ່ບໍ່ມີລະບົບການກຳຈັດຂີ້ເຫຍື້ອທີ່ສອດຄ່ອງຕາມມາດຕະຖານຄວາມສະອາດສາກົນ.ທ່ານ ດຣ ວຽງສະຫວັນ ສອນສິມໄຊ, ການນຳຈາກກົມປິ່ນປົວ ແລະ ຟື້ນຟູສຸຂະພາບຂອງກະຊວງສາທາລະນະສຸກ ຍອມຮັບວ່າໃນໄລຍະທີ່ຜ່ານມາ ບັນດາໂຮງໝໍຍັງບໍ່ມີລະບົບການບຳບັດຂີ້ເຫຍື້ອ. ບັນດາໂຮງໝໍຍັງຂາດແຄນອຸປະກອນ ແລະ ພື້ນຖານໂຄງລ່າງໃນການຄວບຄຸມການບຳບັດຂື້ເຫຍື້ອ ແລະ ການບຳບັດຍັງຄົງປະຕິບັດຢ່າງບໍ່ເປັນທາງການໂດຍພະນັກງານອະນາໄມ ແລະ ບຸກຄົນພາຍນອກ.ອ່ານຕໍ່ ...