News

ຜູ້ອອກແຮງງານມີສິດທິຕາມກົດໝາຍໃນການຮຽກຮ້ອງຕໍ່ຜູ້ຈ້າງງານ ເພື່ອຮັບປະກັນດ້ານສຸຂະພາບ ແລະ ຄວາມປອດໄພໃນການອອກແຮງງານ, ຕາມລັດຖະດຳລັດສະບັບໃໝ່. ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເຊັນຮັບຮອງເອົາດຳລັດວ່າດ້ວຍຄວາມປອດໄພ ແລະ ສຸຂະພາບໃນການອອກແຮງງານໃນຕົ້ນເດືອນນີ້. ດຳລັດຈຳນວນ 22 ໜ້າດັ່ງກ່າວ ເຊິ່ງມີການເຜີຍແຜ່ໃນຈົດໝາຍວຽນທາງລັດຖະການໃນວັນທີ 25 ກຸມພານີ້ ຈະມີຜົນບັງຄັບໃຊ້ຫຼັງຈາກ 15 ວັນນັບແຕ່ມື້ເຜີຍແຜ່. ຜູ້ອອກແຮງງານສາມາດຍື່ນຄຳຮ້ອງຕໍ່ອົງການຄຸ້ມຄອງແຮງງານ ເພື່ອຮ້ອງຮຽນໃນກໍລະນີທີ່ນາຍຈ້າງບໍ່ດຳເນີນການປັບປຸງສະພາບແວດລ້ອມຂອງສະຖານທີ່ອອກແຮງງານໃຫ້ສອດຄ່ອງຕາມມາດຕະຖານດ້ານສຸຂະພາບ ແລະ ຄວາມປອດໄພ ຕາມການຮ້ອງຂໍຂອງຜູ້ອອກແຮງງານ.ອ່ານຕໍ່ ...

ລາວຈະສືບຕໍ່ເຮັດວຽກກັບຄູ່ຮ່ວມພັດທະນາ ກໍຄືອົງການແຮງງານສາກົນ (ILO) ເພື່ອສືບຕໍ່ປົກປ້ອງສິດ ແລະ ຜົນປະໂຫຍດດຂອງຜູ້ອອກແຮງງານ.ນີ້ແມ່ນຄຳເຫັນໃນການເປີດຕົວບົດລາຍງານທີ່ມີຊື່ວ່າ “Work for a Brighter Future” ຂອງອົງການ ILO ໃນວັນພຸດນີ້ ເພື່ອເປັນການສະເຫຼີມສະຫຼອງວັນສ້າງຕັ້ງ ILO ຄົບຮອບ 100 ປີ ແລະ ວັນຄົບຮອບ 55 ປີຂອງການເຂົ້າເປັນສະມາຊິກຂອງລາວ.ອ່ານຕໍ່ ...

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ໜ່ວຍງານວ່າດ້ວຍການປັບຕົວຕໍ່ສິ່ງແວດລ້ອມພາຍໃຕ້ການປ່ຽນແປງຂອງສະພາບອາກາດສະຫະປະຊາຊາດ ແລະ ອົງການສິ່ງແວດລ້ອມໂລກ (GEF) ຈະຮ່ວມມືກັນສົ່ງເສີມການປັບປຸງດ້ານປະສິດທິພາບ ແລະ ຜົນກະທົບຂອງການປັບຕົວຕໍ່ການປ່ຽນແປງຂອງສະພາບອາກາດໃນລາວ. ເຈົ້າໜ້າທີ່ລັດຖະບານ ແລະ ຜູ້ມີສ່ວນຮ່ວມໄດ້ເຕົ້າໂຮມທີ່ວຽງຈັນວານນີ້ ເພື່ອເຂົ້າຮ່ວມກອງປະຊຸມສຳມະນາກ່ຽວກັບການຜ່ານຮ່າງຂໍ້ສະເໜີສຳລັບການສ້າງຄວາມສາມາດໃຫ້ແກ່ລາວ ເພື່ອດຳເນີນຂະບວນການວາງແຜນໃນການປັບຕົວແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຄົມເຟີນິເຈີລາວຈະເປັນເຈົ້າພາບຈັດງານຕະຫຼາດນັດເຟີນິເຈີວຽງຈັນ ໃນວັນທີ 23-31 ມີນານີ້ ທີ່ສູນການຄ້າລາວ-ໄອເຕັກ ເພື່ອສົ່ງເສີມຜະລິດຕະພັນທ້ອງຖິ່ນ ແລະ ເພື່ອດຶງດູດນັກທ່ອງທ່ຽວຈີນເນື່ອງໃນປີທ່ອງທ່ຽວລາວ-ຈີນ.ສະມາຄົມຄາດວ່າຈະມີຜູ້ເຂົ້າຊົມງານດັ່ງກ່າວກວ່າ 250,000 ຄົນໃນຊ່ວງເກົ້າວັນຂອງງານ, ເຊິ່ງມີຈີນເປັນຕະຫຼາດໃຫຍ່ສຳລັບຜະລິດຕະພັນເຟີນີເຈີລາວ, ດັ່ງນັ້ນຜູ້ຈັດງານຈຶ່ງຄາດວ່າຈະສາມາດດຶງດູດນັກທ່ອງທ່ຽວຈາກຈີນໄດ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫວ່າງຫມໍ່ໆມານີ້ ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ຕັກເຕືອນໃຫ້ບັນກາກະຊວງ ແລະ ອຳນາດການປົກຄອງແຂວງ ແລະ ເມືອງ ຈົ່ງຢຸດເຊົາໃນການນຳໃຊ້ລະບົບເກື້ອກູນໃນການຄັດເລືອກລັດຖະກອນ.ການຕັກເຕືອນດັ່ງກ່າວແມ່ນມາຈາກທີ່ລັດຖະບານໄດ້ຮູ້ມາວ່າມີກໍລະນີການຮັບຍາດພີ່ນ້ອງ ຫຼື ເສັ້ນສາຍຫົວໜ້າ ເຂົ້າເຮັດວຽກໃນກົມກອງຂອງລັດ ໂດຍບໍ່ຄຳນຶງເຖິງລະດັບຄຸນວຸດທິການສຶກສາ ເຮັດໃຫ້ສົ່ງຜົນເສຍຕໍ່ການເຮັດວຽກພາຍໃນລັດຖະບານ.ອ່ານຕໍ່ ...

ວຽງຈັນ, 27 ກຸມພາ (ຊິນຫົວ) — ໂຄງການນ້ຳປະປາ,​ ເຊິ່ງດຳເນີນການໂດຍບໍລິສັດຈີນ China North Industries Group Corporation Limited (NORINCO) ໄດ້ສຳເລັດການກໍ່ສ້າງ ແລະ ມີການມອບຮັບໃຫ້ແກ່ເຈົ້າຂອງໂຄງການ ທີ່ນະຄອນຫຼວງວຽງຈັນ ໃນວັນພຸດນີ້.ພິທີມອບຮັບໂຄງການຂະຫຍາຍລະບົບທໍ່ສົ່ງນ້ຳປະປາສຳລັບໂຮງງານນ້ຳປະປາແສນດິນ ແລະ ປ່ຽນທໍ່ນ້ຳເກົ່າສຳລັບລັດວິສາຫະກິດນ້ຳປະປານະຄອນຫຼວງ ໄດ້ມີຂຶ້ນທີ່ຊານນະຄອນຫຼວງວຽງຈັນ, ພາຍໃຕ້ການເຂົ້າຮ່ວມຂອງທ່ານ ສິນລະວົງ ຄຸດໄພທູນ ສະມາຊິກຄະນະກຳມະການກົມການເມືອງສູນການພັກປະຊາຊົນປະຕິວັດລາວ ແລະ ເຈົ້າຄອງນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສູນຄົ້ນຄວ້າປ່າໄມ້ພາຍໃຕ້ສະຖານບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ ຈະຜະລິດເບ້ຍໄມ້ 100,000 ເບ້ຍໃນປີນີ້ ໃຫ້ເປັນສ່ວນໜຶ່ງຂອງພາລະກິດການຟື້ນຟູພື້ນທີ່ປົກຄຸມປ່າໄມ້ໃຫ້ໄດ້ 70% ພາຍໃນປີ 2020.ທ່ານ ວົງວິໄລ ວົງຄຳຊາວ ອຳນວຍການສູນ ກ່າວວ່າ ທາງສູນຜະລິດເບ້ຍໄມ້ 100,000 ຕົ້ນຕໍ່ປີ ເພື່ອເພີ່ມພື້ນທີ່ສີຂຽວຂອງປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກົມມາດຕະຖານ ແລະ ວັດແທກ ພາຍໃຕ້ກະຊວງວິທະຍາສາດ ແລະ ເຕັກໂນໂລຊີ ຈະດຳເນີນການກວດການ້ຳມັນເຊື້ອໄຟຢູ່ຕາມປ້ຳນ້ຳມັນໃນທົ່ວປະເທດໃນປີນີ້ ເພື່ອຮັບປະກັນວ່າຜະລິດຕະພັນຕ່າງໆສອດຄ່ອງຕາມມາດຕະຖານທີ່ກຳນົດໂດຍລັດຖະບານ.ໃນປີ 2017, ທາງກົມໄດ້ກວດພົບຕົວຢ່າງຂອງນ້ຳມັນເຊື້ອໄຟທີ່ຜະສົມເຫຼົ້າ, ນ້ຳກົດ ຫຼື ນ້ຳມັດກາດ ໃນ 30% ຂອງປ້ຳນ້ຳມັນທັງໝົດທີ່ກວດສອບ, ແຕ່ມາໃນປີ 2018 ຕົວເລກດັ່ງກ່າວຫຼຸດລົງເຫຼືອພຽງ 10%. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ (BOL) ເຕືອນມະຫາຊົນບໍ່ໃຫ້ແລກປ່ຽນ, ຊື້ ຫຼື ຂາຍເງິນຕາຕ່າງປະເທດ ຜ່ານຫ້າປະເພດສະຖາບັນການເງິນຈຸນລະພາກທີ່ບໍ່ແມ່ນທະນາຄານ.ຫ້າປະເພດທຸລະກິດການເງິນຈຸນລະພາກມີຄື ສະຖາບັນການເງິນຈຸນລະພາກຮັບຝາກເງິນ, ສະຖາບັນການເງິນຈຸນລະພາກບໍ່ຮັບຝາກເງິນ, ສະຫະພັນເງິນຝາກ ແລະ ສິນເຊື່ອ, ທຸລະກິດເຊົ່າ, ແລະ ທຸລະກິດຊວດຈຳ, ທ່ານ ອາລຸນ ບຸນຍົງ ຫົວໜ້າພະແນກຄຸ້ມຄອງສະຖາບັນການເງິນຂອງທະນາຄານກາງ.ອ່ານຕໍ່ ...

ອົງກອນພາກລັດທີ່ຕ້ອງການນຳໃຊ້ງົບປະມານລັດເກີນ 5 ລ້ານກີບຕ້ອງເຮັດສັນຍາປະມູນໂຄງການ, ອີງຕາມກະຊວງການເງິນ. ທ່ານ ສົມດີ ດວງດີ ລັດຖະມົນຕີກະຊວງການເງິນ ໄດ້ລົງນາມຮັບຮອງເອົາຂໍ້ຕົກລົງຂອງລັດຖະມົນຕີ ໃນຕົ້ນເດືອນນີ້ ເຊິ່ງກຳນົດຂັ້ນຕອນໃໝ່ທີ່ໜ່ວຍງານພາກລັດຕ້ອງປະຕິບັດໃນການນຳໃຊ້ງົບປະມານລັດ.ຂໍ້ຕົກລົງດັ່ງກ່າວແມ່ນໜຶ່ງໃນຄວາມພະຍາຍາມຂອງກະຊວງ ໃນການບັງຄັບໃຊ້ກົດໝາຍວ່າດ້ວຍການຈັດຊື້ແຫ່ງລັດໃນບັນດາໜ່ວຍງານລັດ ແລະ ເພື່ອຮັບປະກັນວ່າການໃຊ້ຈ່າຍງົບປະມານມີຄວາມຄຸ້ມຄ່າ ແລະ ສົມເຫດສົມຜົນ.ອ່ານຕໍ່   ...