News

ວຽງຈັນ (ວຽງຈັນທາມສ໌/ANN) – ການຂຸດເຈາະນ້ຳສ້າງໃນລາວຈະບໍ່ສາມາດເຮັດໄດ້ຕາມສະດວກຄືທີ່ຜ່ານມາ ເນື່ອງຈາກກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຈະກ້າວເຂົ້າມາຄຸ້ມຄອງກິດຈະການດັ່ງກ່າວ.ທ່ານ ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ລົງນາມໃນຂໍ້ຕົກລົງຂອງລັດຖະມົນຕີໃນທ້າຍເດືອນທີ່ຜ່ານມາ ກ່ຽວກັບການອະນຸຍາດໃຫ້ເຈົ້າໜ້າທີ່ຊັບພະຍາກອນທຳມະຊາດທຳການຄຸ້ມຄອງທຸລະກິດການຂຸດເຈາະນ້ຳສ້າງນ້ຳບາດານໃນທົ່ວປະເທດ.ນີ້ກໍເນື່ອງຈາກວ່າ ທຸລະກິດຂຸດເຈາະນ້ຳສ້າງນ້ຳບາດານດັ່ງກ່າວມີການຂະຫຍາຍຕົວຢ່າງວ່ອງໄວ. ມີປະຊາຊົນຈຳນວນຫຼາຍ ໂດຍສະເພາະໃນຊົນນະບົດ ໃຊ້ບໍລິການທຸລະກິດດັ່ງກ່າວໃນການຂຸດເຈາະນ້ຳບາດານ ເພື່ອຈຸດປະສົງການນຳໃຊ້ພາຍໃນຄົວເຮືອນ, ການລ້ຽງສັດ, ການປູກຝັງ, ຫຼື ເພື່ອການຄ້າ.ອ່ານຕໍ່  ...

ແຂວງຕ່າງໆທົ່ວປະເທດໄດ້ລາຍງານຜົນລວມຂອງຈຳນວນນັກທ່ອງທ່ຽວໃນຊ່ວງປີໃໝ່ລາວ ເຊິ່ງບາງແຂວງກໍມີນັກທ່ອງທ່ຽວຫຼາຍກວ່າປີຜ່ານມາ ໃນຂະນະທີ່ບາງແຂວງກໍ່ມີຈຳນວນຫຼຸດປີຜ່ານມາ.ທ່ານ ບຸນມີ ພົມມະວົງສາ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງວັງວຽງ ລາຍງານຕໍ່ໜ່ວຍຂ່າວວຽງຈັນທາມສ໌ ວານນີ້ວ່າ ຈຳນວນນັກທີ່ທ່ຽວໃນສະຖານທີ່ທ່ອງທ່ຽວຍອດນິຍົມໃນປີນີ້ຫຼຸດລົງປະມານ 20% ທຽບກັບປີ 2018.ອ່ານຕໍ່ ...

ໃນອາທິດນີ້ ເຈົ້າໜ້າທີ່ຕຳຫຼວດລາວໄດ້ຈັບຕົວຊາວຈີນສາມຄົນ ທີ່ພະຍາຍາມນຳໃຊ້ເງິນປອມຊື້ເສື້ອຜ້າໃນຊ່ວງປີໃໝ່ ເຊິ່ງວ່າເຈົ້າຂອງຮ້ານໄດ້ສັງເກດເຫັນຮອຍນ້ຳໝຶກທີ່ຊຶມອອກມາ, ຈຶ່ງໄດ້ແຈ້ງຕໍ່ເຈົ້າໜ້າທີ່, ຕາມແຫຼ່ງຂ່າວໃນລາວ.ຜູ້ຕ້ອງສົງໄສ ເປັນຜູ້ຊາຍສອງຄົນ ແລະ ຍິງໜຶ່ງຄົນ ໄດ້ເດີນທາງເຂົ້າມາລາວຈາກແຂວງຢຸນນານຂອງຈີນ ແລະ ພວມກຳລັງຢູ່ໃນຂັ້ນຕອນການສືບສວນສອບສວນ ແຕ່ຍັງບໍ່ທັນມີການແຈ້ງຂໍ້ກ່າວຫາ, ເຈົ້າໜ້າທີ່ຕຳຫຼວດນະຄອນຫຼວງພະບາງລາຍງານຕໍ່ໜ່ວຍຂ່າວ RFA ລາວໃນວັນພຸດຜ່ານມາ.ອ່ານຕໍ່ ...

(ຂປລ) ບໍລິສັດວຽງຈັນເຊັນເຕີມະຫາຊົນ ໄດ້ເລີ່ມເປີດຂາຍຫຸ້ນໃຫ້ກັບຜູ້ທີ່ສົນໃຈທັງພາຍໃນ ແລະ ຕ່າງປະເທດ.ພິທີເປີດໂຕການຊື້ຂາຍຫຸ້ນດັ່ງກ່າວໄດ້ມີຂຶ້ນໃນວັນພຸດຜ່ານມານີ້ ພາຍໃຕ້ການເປັນສັກຂີພະຍານຂອງທ່ານ ສາຍສະໝອນ ຈັນທະຈັກ ເລຂາທິການຕະຫຼາດຫຼັກຊັບລາວ ແລະ ຕາງໜ້າຈາກໜ່ວຍທຸລະກິດຕ່າງໆ.ບໍລິສັດດັ່ງກ່າວຈະຂາຍຫຸ້ນປະມານ 63.9 ລ້ານຫຸ້ນ ໃນລາຄາ 1,050 ກີບຕໍ່ຫຸ້ນ ເພື່ອສ້າງທຶນໃຫ້ໄດ້ຢ່າງໜ້ອຍ 67 ຕື້ກີບ, ຕາມທ່ານ ອຸລາໄທ ສັນຕິຄົງຄາ ຮອງປະທານບໍລິສັດ ວຽງຈັນເຊັນເຕີລາວຈຳກັດມະຫາຊົນ.ອ່ານຕໍ່ ...

(ຂປລ) ຕຳຫຼວດຈໍລະຈອນລາຍງານວ່າ ໃນຊ່ວງການສະເຫຼີມລະຫຼອງປີໃໝ່ລາວ ພສ 2562 ລະຫວ່າງວັນທີ 13-17 ເມສາ 2019 ມີຜູ້ເສຍຊີວິດທັງໝົດ 37 ຄົນ ແລະ ຜູ້ໄດ້ຮັບບາດເຈັບ 532 ຄົນ.ຕົວເລກດັ່ງກ່າວຫຼຸດລົງ 5% ທຽບກັບຍອດຜູ້ເສຍຊີວິດຈາກການສະຫຼອງປີໃໝ່ປີ 2018. ແຕ່ວ່າຍອດຜູ້ໄດ້ຮັບບາດເຈັບປີຕໍ່ປີແມ່ນເພີ່ມຂຶ້ນເລັກໜ້ອຍຢູ່ທີ່ 0.7%.ອ່ານຕໍ່ ...

ປັບປຸງເວລາ 3.45 P.M. ວັນທີ 2019-04-18ຊາວອາເມລິກາສາມຄົນທີ່ຖືກກັກຕົວໃນລາວມາແຕ່ອາທິດແລ້ວນີ້ ໃນຂໍ້ຫາເຂົ້າມາເຜີຍແຜ່ຄຳພີໄບເບີ້ນ ແລະ ສື່ສາດສະໜາດໂດຍບໍ່ໄດ້ຮັບອະນຸຍາດຈາກການຈັດຕັ້ງ ໄດ້ຖືກປ່ອຍຕົວ ແລະ ເນລະເທດໄປປະເທດໄທ ໃນວັນພະຫັດນີ້, ອົງການຈັດຕັ້ງສາດສະໜາທີ່ກ່ຽວຂ້ອງເຜີຍຕໍ່ໜ່ວຍຂ່າວ RFA ລາວ.ອາສາສະໝັກຈາກ ອົງການສາດສະໜາ Vision Beyond Borders ທີ່ຕັ້ງຢູ່ຫວຽວໝິງ, ໃນນາມສົມມຸດ: ເວ, ອໍທຳ ແລະ ໂຈເຊັບ ໄດ້ຖືກກັກຕົວໂດຍເຈົ້າໜ້າທີ່ຕຳຫຼວດ ທີ່ແຂວງຫຼວງນ້ຳທາ ພາກເໜືອຂອງລາວ ໃນວັນທີ 8 ເມສາ, ຫຼັງຈາກທີ່ໄດ້ລົງເຜີຍແຜ່ສື່ສາດສະໜາໃຫ້ແກ່ຊາວບ້ານ, ຕາມການບອກກ່າວຂອງເຈົ້າໜ້າທີ່ ແລະ ພະຍານ ຕໍ່ໜ່ວຍຂ່າວ RFA.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວພວມສະຫຼຸບແຜນດຳເນີນງານແຫ່ງຊາດ ເພື່ອແນໃສ່ລຶບລ້າງພະຍາດທີ່ເກີດຈາກການນຳໃຊ້ແຮ່ໃຍຫີນໃນປະເທດ ໂດຍການຢຸດການນຳເຂົ້າ ແລະ ນຳໃຊ້ວັດສະດຸກໍ່ສ້າງທີ່ເປັນອັນຕະລາຍຕໍ່ສຸຂະພາບໃນທົ່ວປະເທດ ພາຍໃນປີ 2020.ປະເທດລາວ ກໍຄືຫຼາຍປະເທດໃນພາກພື້ນອາຊຽນ ມີປະຫວັດການນຳໃຊ້ວັດສະດຸກໍ່ສ້າງດັ່ງກ່າວທັງໃນການກໍ່ສ້າງເພື່ອທຸລະກິດ ແລະ ທີ່ຢູ່ອາໄສ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສອງອົງການຈັດຕັ້ງສາກົນວາງແຜນສ້າງຕັ້ງການຮ່ວມມື ເພື່ອຊ່ວຍເຫຼືອລາວໃນການປັບປຸງຜົນການສຶກສາຮ່ຳຮຽນໃນເຂດຊາຍແດນຫ່າງໄກສອກຫຼີກ.ອົງການຈັດຕັ້ງລັດຖະມົນຕີການສຶກສາໃນອາຊິຕາເວັນອອກສຽງໃຕ້ (Seameo) ແລະ ສະມາຄົມປະຊາຊາດອາຊີຕາເວັນອອກສຽງໃຕ້ (Asean) ໄດ້ຈັດກອງປະຊຸມກຸ່ມເຮັດວຽກວິຊາການຂຶ້ນທີ່ນະຄອນວຽງຈັນ ໃນວັນທີ 4 ເມສາ ເພື່ອຫາລືກ່ຽວກັບຄວາມເປັນໄປໄດ້ໃນການຮ່ວມມືດ້ານການພັດທະນາການສຶກສາໃນພາກພື້ນ ລວມທັງໃນປະເທດລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງທຶນການຮ່ວມມືອາຊຽນ-ເກົາຫຼີ ໃຫ້ການສະໜັບສະໜູນໂຄງການຝຶກອົບຮົມກ່ຽວກັບລະບົບທຸລະກິດອິເລັກໂທຣນິກ (E-Business) ເພື່ອຂະຫຍາຍໂອກາດສຳລັບຜູ້ປະກອບການແມ່ຍິງລາວ, ການປັບປຸງດ້ານລາຍຮັບ ແລະ ຄວາມຢູ່ດີກິນດີຂອງແມ່ຍິງລາວ.ພິທີເປີດໂຄງການແມ່ນໄດ້ຮັບກຽດໃນການເປັນປະທານໂດຍທ່ານນາງ ບັນດິດ ປະທຸມວັນ ຮອງປະທານສະຫະພັນແມ່ຍິງລາວ, ແລະ ເຂົ້າຮ່ວມໂດຍຜູ້ຕາງໜ້າຈາກສະມາຄົມນັກທຸລະກິດຍິງລາວ ແລະ ຄູຝຶກຂອງສະຫະພັນແມ່ຍິງລາວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ຂະແໜງກະສິກຳຄາດວ່າຈະຂະຫຍາຍຕົວໃນອັດຕາ 3% ໃນປີນີ້, ຖ້າວ່າລາວບໍ່ຜະເຊີນກັບໄພພິບັດທາງທຳມະຊາດທີ່ຮ້າຍແຮງຄືປີຜ່ານມາ.ຕາມການຄາດຄະເນໃນບົດລາຍງານທິດທາງການພັດທະນາໃນອາຊີ (ADO) 2019, ຂະແໜງກະສິກຳຂອງລາວຈະຂະຫຍາຍຕົວໃນອັດຕາ 2.5%.ຂະແໜງດັ່ງກ່າວໄດ້ຫຼຸດຜ່ອນການຂະຫຍາຍຕົວ ຈາກ 2.9% ສຳລັບປີ 2017 ມາເປັນ 2.5% ໃນປີ 2018, ຕາມບົດລາຍງານຈາກສູນຄົ້ນຄວ້ານະໂຍບາຍເສດຖະກິດມະຫາພາກ ແລະ ການປະຕິຮູບເສດຖະກິດ ພາຍໃຕ້ສະຖາບັນຄົ້ນຄວ້າເສດຖະກິດແຫ່ງຊາດ.ອ່ານຕໍ່ ...