News

ເຈົ້າໜ້າທີ່ບຸກເຂົ້າກວດສອບຮ້ານຄາຣາໂອເກະທີ່ອຳເພີເມືອງສຸໄຫງໂຄລົກ ນາລາທິວາດ ໃນຕອນຄ່ຳຂອງວັນຈັນຜ່ານມາ ແລະ ຊ່ວຍເຫຼືອສາວລາວ 12 ຄົນຈາກການຄ້າປະເວນີ.ເຈົ້າໜ້າທີ່ຈາກກົມການປົກຄອງຈັງຫວັດ ແລະ ກົມສືບສວນສອບສວນພິເສດ ພ້ອມດ້ວຍພະນັກງານອົງການຈັດຕັ້ງສາກົນທີ່ບໍ່ຂຶ້ນກັບລັດຖະບານ ໄດ້ທຳການບຸກກວດຄົ້ນສະຖານບັນເທິງ Relax Pub ໃນເວລາ 8.30 ແລງທີ່ຕົວເມືອງຊາຍແດນດັ່ງກ່າວ.ໃນນັ້ນແມ່ຍິງ 2 ໃນຈຳນວນ 12 ຄົນດັ່ງກ່າວ ສົ່ງໄສວ່າມີອາຍຸຕ່ຳກວ່າ 18 ປີ, ເຊິ່ງໄດ້ມີການສົ່ງຕົວໄປໂຮງໝໍປະຈຳຈັງຫວັດເພື່ອທຳການກວດສອບມວນກະດູກ ຢືນຢັນອາຍຸຈິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໜ່ວຍທຸລະກິດ ແລະ ສາທາລະນະຊົນນິຍົມຝາກເງິນໃນບັນຊີເງິນຕາຕ່າງປະເທດ ເຖິງວ່າທະນາຄານແຫ່ງລັດຈະສົ່ງເສີມການນຳໃຊ້ເງິນກີບ.ຕາມບົດລາຍງານປະຈຳປີຫຼ້າສຸດຂອງທະນາຄານແຫ່ງ ສປປ ລາວ, ອັດຕາສ່ວນເງິນຝາກເປັນສະກຸນເງິນກີບໃນລະບົບທະນາຄານ ຄາດຄະເນວ່າກວມພຽງ 45.8% ຂອງເງິນຝາກທັງໝົດ. ສ່ວນທີ່ເຫຼືອແມ່ນເງິນຝາກໃນບັນຊີເງິນຕາຕ່າງປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຮືອນຊານ ແລະ ສຳນັກງານຕ່າງໆໄດ້ຖືກທຳລາຍ ຫຼື ເສຍຫາຍ ຫຼັງຈາກທີ່ພະຍຸຝົນພັດຜ່ານປະເທດລາວໃນອາທິດຜ່ານມາ.ອົມອຸຕຸນິຍົມວິທະຍາ ແລະ ອຸທົກກະສາດ ພາຍໃຕ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ແຈ້ງເຕືອນກ່ຽວກັບສະພາບອາກາດທີ່ຮ້າຍແຮງທີ່ອາດເກີດຂຶ້ນທາງພາກເໜືອ ແລະ ພາກກາງຂອງລາວໃນຊ່ວງວັນທີ 25-27 ເມສາ. ເຊິ່ງຄຳເຕືອນດັ່ງກ່າວແມ່ນກ່ຽວກັບພະຍຸຝົນຟ້າຄະນອງ, ລົມແຮງ, ໝາກເຫັບຕົກ ແລະ ຝົນຕົກແຮງ ທີ່ອາດເກີດຂຶ້ນທີ່ນະຄອນຫຼວງວຽງຈັນ, ແຂວງຫົວພັນ, ຊຽງຂວາງ, ຫຼວງພະບາງ, ໄຊຍະບູລີ, ວຽງຈັນ, ໄຊສົມບູນ, ສະຫວັນນະເຂດ, ຄຳມ່ວນ ແລະ ບໍລິຄຳໄຊ.ອ່ານຕໍ່ ...

ຄຳມ່ວນ, ລາວ (ວຽງຈັນທາມສ໌/ANN) – ແຂວງຄຳມ່ວນຕາມປົກກະຕິແມ່ນທຳການຜະລິດກະສິກຳຕາມທີ່ເຄີຍປະຕິບັດສືບຕໍ່ກັບມາ ແຕ່ວ່າຊາວກະສິກອນກໍເລີ່ມມີການນຳໃຊ້ວິທີການຜະລິດທີ່ທັນສະໄໝເປັນລຳດັບ ເພື່ອຍົກລະດັບຄຸນນະພາບຂອງການຜະລິດເຂົ້າ ແລະ ເພີ່ມລາຍຮັບ.ການນຳໃຊ້ເຄື່ອງມືທີ່ທັນສະໄໝໃນການຜະລິດຄາດວ່າຈະຊ່ວຍສ້າງຄວາມສະດວກໃຫ້ແກ່ການປັກດຳ ແລະ ເກັບກ່ຽວເຂົ້າ, ນອນນີ້ຍັງມີການນຳໃຊ້ປຸ໋ຍຕ່າງໆ, ລົດໄຖນາ ແລະ ຢາປາບສັດຕູພືດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫວ່າງບໍ່ດົນມານີ້ ທ່ານ ບຸນຍັງ ວໍລະຈິດ ປະທານປະເທດລາວ ໄດ້ອອກດຳລັດປະທານປະເທດກ່ຽວກັບການປະກາດໃຊ້ກົດໝາຍວ່າດ້ວຍທາງລົດໄຟສະບັບໃໝ່, ເຊິ່ງໃຫ້ທິດຊີ້ນຳກ່ຽວກັບການກໍ່ສ້າງທາງລົດໄຟ.ກົດໝາຍທີ່ປະກອບມີຫ້າສິບໜ້າສະບັບດັ່ງກ່າວ ກຳນົດຫຼັກການ, ລະບຽບການ ແລະ ມາດຕະການໃນການຄຸ້ມຄອງ, ຕິດຕາມ ແລະ ກວດກາວຽກງານການກໍ່ສ້າງເສັ້ນທາງລົດໄຟ. ເຊິ່ງມີເປົ້າໝາຍແນໃສ່ຮັບປະກັນປະສິດທິພາບ, ປະສິດທິຜົນ, ຄວາມທັນສະໄໝ, ຄວາມຍືນຍົງ ແລະ ການກໍ່ສ້າງເສັ້ນທາງລົດໄຟທີ່ເປັນມິດຕໍ່ສິ່ງແວດລ້ອມ.ອ່ານຕໍ່ ...

ສູນກວດສຸຂະພາບແຮງງານແຫ່ງທຳອິດຂອງປະເທດໄດ້ມີການເປີດຕົວທີ່ໂຮງໝໍມິດຕະພາບ ນະຄອນຫຼວງວຽງຈັນ ໃນອາທິດແລ້ວນີ້ ແນໃສ່ປ້ອງກັນ ແລະ ປິ່ນປົວພະຍາດຕ່າງໆທີ່ເກີດຂຶ້ນຈາກການອອກແຮງງານ.ທ່ານ (ປອ) ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ຮສ ດຣ ບຸນນາກ ໄຊຊະນະສົງຄາມ ຫົວໜ້າກົມປິ່ນປົວ ແລະ ຟື້ນຟູສຸຂະພາບ ພາຍໃຕ້ກະຊວງສາທາລະນະສຸກ, ພ້ອມດ້ວຍເຈົ້າໜ້າທີ່ການນຳຈາກກະຊວງ ແລະ ແຂກຈາກພາກສ່ວນທີ່ກ່ຽວຂ້ອງ ເຂົ້າຮ່ວມໃນພິທີເປີດສູນດັ່ງກ່າວໃນວັນສຸກຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີຮຽກຮ້ອງໃຫ້ມີການຈັດຕັ້ງຄະນະດຳເນີນງານ ເພື່ອທຳການກວດກາການດຳເນີນງານທີ່ດ່ານຊາຍແດນ ເພື່ອຈຸດປະສົງອຳນວຍຄວາມສະດວກດ້ານການຄ້າ ແລະ ການບໍລິການຂ້າມຊາຍແດນ, ທັງເປັນການຫຼຸດຜ່ອນການຮົ່ວໄຫຼຂອງງົບປະມານ.ທ່ານນາຍົກໄດ້ອອກຄຳສັ່ງແນະນຳດັ່ງກ່າວ ເຊິ່ງເປັນສ່ວນໜຶ່ງຂອງແຜນງານຂອງລັດຖະບານສຳລັບເດືອນພຶດສະພາ, ໃນກອງປະຊຸມປະຈຳເດືອນເມສາຂອງຄະນະລັດຖະບານ ເຊິ່ງຈັດຂຶ້ນໃນອາທິດແລ້ວນີ້.ຄະນະດຳເນີນງານດັ່ງກ່າວຈະເປັນຜູ້ເກັບກຳຂໍ້ມູນຂ່າວສານ ແລະ ໃຫ້ຄຳແນະນຳໃນການແກ້ໄຂປະເດັນ ທີ່ເປັນຕົ້ນເຫດຂອງບັນຫາໃນດ່ານຊາຍແດນ ທີ່ສົ່ງຜົນຕໍ່ການຮົ່ວໄຫຼຂອງລາຍຮັບຂອງລັດຖະບານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເມື່ອຍ່າງລົງໄປທາງໃຕ້ຂອງສາຍນ້ຳຊອງ ເມືອງວັງວຽງ ແຂວງວຽງຈັນ ທ່ານຈະຕົກໃຈກັບມວນຂີ້ເຫຍື້ອອັນມະຫາສານ ເຊິ່ງເກີດມາຈາກການທ່ອງທ່ຽວມ່ວນຊື່ນກັບກິດຈະກຳທີ່ຫຼາກຫຼາຍຕ່າງໆຕາມລ້ອງແມ່ນ້ຳ.ໂຊກບໍ່ດີທີ່ນັກທ່ອງທ່ຽວຈຳນວນຫຼາຍ ມົວເມົານຳແຕ່ການມ່ວນຊື່ນກັບກິດຈະກຳການຂີ່ກົງເບັງ, ພາຍເຮືອ ແລະ ຂີ່ເຮືອ ຈົນລືມຖິ້ມຂີ້ເຫຍື້ອຂອງຕົນລົງຖັງທີ່ຈັດສັນໄວ້, ເຮັດໃຫ້ສິ່ງເສດເຫຼືອຕ່າງໆເຫຼົ່ານັ້ນຕ້ອງລ່ອງລອຍຢູ່ຕາມແມ່ນ້ຳ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຄາດວ່າລາຍຮັບຈາກການສົ່ງອອກເຂົ້າໃນປີ 2019 ຈະຫຼຸດລົງ ເນື່ອງຈາກໄພນ້ຳຖ້ວມເປັນບໍລິເວນກວ້າງໃນທົ່ວປະເທດໃນປີຜ່ານມາ.ລາວວາງເປົ້າໝາຍການສົ່ງອອກເຂົ້າໃນປີຜ່ານມາທີ່ US$45.6 ລ້ານໂດລາ, ແຕ່ວ່າສາມາດບັນລຸໄດ້ພຽງ US$31.4 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ໃນປີນີ້ ລັດຖະບານຄາດວ່າຈະສ້າງລາຍຮັບຈາກການສົ່ງອອກເຂົ້າພຽງແຕ່ US$25.2 ລ້ານໂດລາ ເຊິ່ງຫຼຸດລົງຫຼາຍທຽບກັບຕົວເລກໃນປີຜ່ານມາ.ຜົນຜະລິດເຂົ້າໃນ 16 ແຂວງ ແມ່ນໄດ້ໜ້ອຍເນື່ອງຈາກໄພນ້ຳຖ້ວມເປັນບໍລິເວນກວ້າງໃນລະດູຝົນປີກາຍ, ຕາມລາຍງານຂອງກະຊວງກະສິກຳ ແລະ ປ່າໄມ້. ປີກາຍນີ້ ພື້ນທີ່ປູກເຂົ້າຈຳນວນ 101,000 ເຮັກຕາໄດ້ຮັບຜົນກະທົບຈາກໄພນ້ຳຖ້ວມ, ຄິດເປັນ 12% ຂອງເນື້ອທີ່ປູກເຂົ້າທັງໝົດ 817,800 ເຮັກຕາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ໄດ້ຮ່າງແຜນການເພື່ອຮັບປະກັນການປະຕິບັດທີ່ຖືກຕ້ອງຕາມແຜນການເພື່ອບັນລຸເປົ້າໝາຍໃນຍຸດທະສາດການພັດທະນາຂະແໜງກະສິກຳເຖິງປີ 2025.ໃນບົດລາຍງານແຜນພັດທະນາຫ້າປີເຖິງປີ 2025 ກ່າວວ່າ ເປົ້າໝາຍຂອງກະຊວງແມ່ນການຂະຫຍາຍຕົວຂອງລວມຍອດຜະລິດຕະພັນພາຍໃນຂອງຂະແໜງກະສິກຳ ແລະ ປ່າໄມ້ໃນອັດຕາສະເລ່ຍ 3.4%. ນີ້ໝາຍເຖິງຂະແໜງການຈະປະກອບສ່ວນ 19% ຕໍ່ເສດຖະກິດແຫ່ງຊາດ.ອ່ານຕໍ່ ...