ການພັດທະນາດ້ານສັງຄົມ

ວຽງຈັນ  (ວຽງຈັນທາມສ໌/ANN) – ລາວຕິດໜຶ່ງໃນສິບອັນດັບຂອງປະເທດທີ່ມີສຸຂະພາບດີທີ່ສຸດໃນໂລກ, ຮ່ວມກັບປະເທດນ້ອຍຄືສິງກະໂປ ໃນການຈັດອັນດັບຄວາມຢູ່ດີກິນດີຂອງໂລກ, ຕາມການປະເມີນມາດຕະຖານການດຳລົງຊີວິດໂລກໃໝ່.ບັນດາປະເທດໃຫຍ່ໆທີ່ມີເສດຖະກິດຂະຫຍາຍຕົວສູງລ້ວນແຕ່ຕົກອັນດັບ, ຕາມຕົວເລກດັດສະນີຄວາມຢູ່ດີກິນດີຂອງໂລກ (GWI) ທີ່ເຜີຍແຜ່ໂດຍບໍລິສັດລົງທຶນ LetterOne ເຊິ່ງລາຍງານໂດຍສຳນັກຂ່າວ The Straits Times ແລະ Bloomberg.ອ່ານຕໍ່ ...

ໂຮງໝໍມິດຕະພາບວຽງຈັນເປີດອາຄານໃໝ່ ເຊິ່ງເປັນສ່ວນໜຶ່ງຂອງພາລະກິດການປັບປຸງມາດຕະຖານວຽກງານສາທາລະນະສຸກ ແລະ ຍົກລະດັບການບໍລິການສາທາລະນະສຸກຂອງປະເທດສູ່ມາດຕະຖານສາກົນ.ອາຄານໃໝ່ດັ່ງກ່າວລວມມີ 308 ຕຽງສຳລັບຄົນເຈັບ, ເພີ່ມເຕີມໃສ່ຄວາມສາມາດໃນການບໍລິການເດີມຂອງໂຮງໝໍເຊິ່ງມີ 300 ຕຽງ.ອາຄານດັ່ງກ່າວຈະປະກອບດ້ວຍເຄື່ອງມືທີ່ທັນສະໄໝສຳລັບການວິເຄາະບົ່ງມະຕິພະຍາດທົ່ວໄປ, ກໍຄືການສາຍລັງສີ ແລະ ຖ່າຍພາບດ້ວຍຄື້ນແມ່ເຫຼັກຕ່າໆ ແລະ ຂະແໜງຊ່ຽວຊານອື່ນໆ.ອ່ານຕໍ່  ...

ມະຫາຊົນກວ່າ  4,000 ຄົນໄດ້ທຳການຍ່າງເດີນຂະບວນຕາມຖະໜົນໃນວຽງຈັນໃນວັນອາທິດຜ່ານມາ ເພື່ອສົ່ງເສີມຄວາມຮູ້ກ່ຽວກັບບັນຫາການຖືພາໃນໄວໜຸ່ມ. ນັກແລ່ນ ແລະ ນັກຍ່າງໄດ້ເຂົ້າຮ່ວມໃນງານ Half Marathon ສາກົນວຽງຈັນຄັ້ງທີ 4, ເຊິ່ງເປົ້າໝາຍໃນປີນີ້ແມ່ນເພື່ອສ້າງຄວາມຮັບຮູ້ກ່ຽວກັບຄວາມຈຳເປັນໃນການລົບລ້າງການຖືພາໃນໄວໜຸ່ມ.ອ່ານຕໍ່ ...

(ຂປລ) ເນື່ອງໃນວັນແມ່ຍິງສາກົນ, ສະຖານທູດອົດສະຕຣາລີປະຈຳລາວ ໄດ້ສົ່ງເສີມບົດບາດເທົ່າທຽມ ແລະ ບົດບາດຂອງແມ່ຍິງໃນຂະແໜງກິລາ ດ້ວຍການຈັດເວທີການປຶກສາຫາລືລະຫວ່າງທີມບານເຕະແມ່ຍິງແຫ່ງຊາດອົດສະຕຣາລີ U-16s “the Junior Matildas” ແລະ ສະມາຄົມບານເຕະລາວ (LFF) ທີ່ວຽງຈັນ.ອ່ານຕໍ່ ...

ກະຊວງແຮງງານ ແລະ ສະຫວັດດີການສັງຄົມ ແລະ ອົງການ RADION ສາກົນ ໄດ້ຕົກລົງຢ່າງເປັນທາງການໃນການສົ່ງເສີມການສ້າງຄວາມສາມາດສຳລັບການປົກປ້ອງ ແລະ ການພັດທະນາເດັກນ້ອຍໃນຊຸມຊົນເປົ້າໝາຍໃນແຂວງພາກກາງ.ໂຄງການເພື່ອການປົກປ້ອງ ແລະ ພັດທະນາເດັກນ້ອຍ ພາຍໃຕ້ການສະໜັບສະໜູນຂອງອົງການ RADION ສາກົນ ແມ່ນແນໃສ່ການຍົກລະດັບຊີວິດການເປັນຢູ່ ແລະ ການປົກປ້ອງສິດທິຂອງເດັກດ້ອຍໂອກາດ ໃນຊຸມຊົນຕ່າງໆໃນນະຄອນຫຼວງ ແລະ ແຂວງວຽງຈັນ.ມູນຄ່າລວມຂອງໂຄງການຫ້າປີດັ່ງກ່າວ (2018-2023), ເຊິ່ງເລີ່ມຕົ້ນມາແຕ່ປີກາຍນີ້ ແມ່ນປະມານ US$600,000 ໂດລາ, ເຊິ່ງມີການດຳເນີນກິດຈະກຳຢູ່ໃນເມືອງໄຊທານີ ນະຄອນຫຼວງວຽງຈັນ ແລະ ເມືອງໂພນໂຮງ ແລະ ທຸລະຄົມ ແຂວງວຽງຈັນ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຮຽກຮ້ອງໃຫ້ເຈົ້າໜ້າທີ່ສາທາລະນະສຸກທົ່ວປະເທດ ສືບຕໍ່ເຜີຍແຜ່ຂໍ້ມູນຂ່າວສານໃຫ້ແກ່ຊຸມຊົນທ້ອງຖິ່ນ ໂດຍສະເພາະເພື່ອການປັບປຸງໝາກຜົນຂອງວຽກງານແມ່, ເດັກອ່ອນ ແລະ ເດັກນ້ອຍຕ່ຳກວ່າຫ້າປີ.ທ່ານນາຍົກໄດ້ໃຫ້ຄຳແນະນຳດັ່ງກ່າວໃນວັນພະຫັດຜ່ານມານີ້ ໃນກອງປະຊຸມປະຈຳປີຂອງຂະແໜງສາທາລະນະສຸກ ເພື່ອທົບທວນວຽກງານພາຍໃນຂະແໜງ ແລະ ຫາລືແຜນການປີ 2019.ອ່ານຕໍ່  ...

ເຈົ້າໜ້າທີ່ກະຊວງສາທາລະນະສຸກທົ່ວປະເທດໄດ້ເຂົ້າຮ່ວມກອງປະຊຸມປະຈຳປີ ທີ່ນະຄອນວຽງຈັນມື້ວານນີ້ ເພື່ອທົບທວນຄວາມຄືບໜ້າຂອງຂະແໜງການ ແລະ ຫາລືແຜນການສຳລັບປີ 2019.ໃນກອງປະຊຸມມີການທົບທວນວຽກງານການສົ່ງເສີມສຸຂະພາບ ແລະ ສຸຂະອະນາໄມ, ການປ້ອງກັນ ແລະ ຄວບຄຸມພະຍາດຕິດຕໍ່ໃນແຂວງເປົ້າໝາຍ, ການຫຼຸດຜ່ອນອັດຕາການຕາຍຂອງແມ່ ແລະ ເດັກ, ການປິ່ນປົວ ແລະ ຟື້ນຟູສຸຂະພາບ, ການຄຸ້ມຄອງອາຫານ ແລະ ຢາ, ແລະ ການປັບປຸງການວາງແຜນການເງິນ ແລະ ການຈັດງົບປະມານພາຍໃນຂະແໜງສາທາລະນະສຸກ.ອ່ານຕໍ່ ...

(ຂປລ) ປີກາຍນີ້ (2018) ລາວມີອັດຕາການຕາຍຂອງແມ່ຫຼຸດລົງເຫຼືຶອ 129 ຄົນຈາກ 151 ຄົນໃນປີ 2017, ຕາມບົດລາຍງານຂອງກະຊວງສາທາລະນະສຸກ.“ພວກເຮົາສາມາດຫຼຸດຜ່ອນອັດຕາການຕາຍຂອງແມ່ລົງ ຍ້ອນແມ່ສາມາດເຂົ້າເຖິງການຮັກສາສຸຂະພາບໄດ້ດີຂຶ້ນ ແລະ ແມ່ມີຄວາມຮູ້ຫຼາຍຂຶ້ນກ່ຽວກັບຄວາມສຳຄັນໃນການເບິ່ງແຍງຄັນ ແລະ ການໄປເກີດລູກຢູ່ໂຮງໝໍ,” ທ່ານ ດຣ ເນົາ ບຸດຕາ ເລຂາທິການປະຈຳກະຊວງສາທາລະນະສຸກໃຫ້ຄຳເຫັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຄຸ້ມຄອງຂີ້ເຫຍື້ອໃນໂຮງໝໍຍັງຄົງເປັນເລື່ອງທ້າທາຍ ເນື່ອງຈາກວ່າສະຖານພະຍາບານໃນລາວສ່ວນໃຫຍ່ບໍ່ມີລະບົບການກຳຈັດຂີ້ເຫຍື້ອທີ່ສອດຄ່ອງຕາມມາດຕະຖານຄວາມສະອາດສາກົນ.ທ່ານ ດຣ ວຽງສະຫວັນ ສອນສິມໄຊ, ການນຳຈາກກົມປິ່ນປົວ ແລະ ຟື້ນຟູສຸຂະພາບຂອງກະຊວງສາທາລະນະສຸກ ຍອມຮັບວ່າໃນໄລຍະທີ່ຜ່ານມາ ບັນດາໂຮງໝໍຍັງບໍ່ມີລະບົບການບຳບັດຂີ້ເຫຍື້ອ. ບັນດາໂຮງໝໍຍັງຂາດແຄນອຸປະກອນ ແລະ ພື້ນຖານໂຄງລ່າງໃນການຄວບຄຸມການບຳບັດຂື້ເຫຍື້ອ ແລະ ການບຳບັດຍັງຄົງປະຕິບັດຢ່າງບໍ່ເປັນທາງການໂດຍພະນັກງານອະນາໄມ ແລະ ບຸກຄົນພາຍນອກ.ອ່ານຕໍ່ ...

ກະຊວງສຶກສາທິການ ແລະ ກິລາ, ອົງການ ChildFund ເກົາຫຼີ ແລະ ອົງການ ChildFund ລາວຈະສືບຕໍ່ຊ່ວຍເຫຼືອໃນການເສີມຂະຫຍາຍການເຂົ້າເຖິງການສຶກສາຂັ້ນພື້ນຖານໃນ 62 ໂຮງຮຽນທີ່ເມືອງຫົວເມືອງ ແຂວງຫົວພັນ.ໂຄງການເສີມຂະຫຍາຍການເຂົ້າເຖິງການສຶກສາຂັ້ນພື້ນຖານໄລຍະສອງ ແມ່ນຢູ່ພາຍໃຕ້ການສະໜັບສະໜູນຂອງອົງການ ChildFund ເກົາຫຼີ ພາຍໃຕ້ງົບປະມານກວ່າ 9.4 ຕື້ກີບ (US$1.1 ລ້ານໂດລາ) ແລະ ມີໄລຍະໂຄງການແຕ່ປີ 2019-2021.ອ່ານຕໍ່ ...