ຂົວຂ້າມນ້ຳຂອງແຂວງຫຼວງພະບາງແມ່ນຈຸດເຊື່ອມໂຍງທີ່ສຳຄັນໃນໂຄງການທາງລົດໄຟລາວ-ຈີນ
ຫຼວງພະບາງ, ລາວ (ວຽງຈັນທາມສ໌/ANN) – ໃນສອງປີຕໍ່ໜ້າ, ຂະບວນລົດໄຟລາວ-ຈີນຈະເດີນອອກມາຈາກອຸໂມງ, ຜ່ານຂົວທາງລົດໄຟຂ້າມນ້ຳຂອງທີ່ຫຼວງພະບາງ ແລະ ແລ່ນເຂົ້າໄປໃນສາຍພູໃນອີກຟາກໜຶ່ງ.ຢູ່ຈຸດທີ່ສ້າງຂົວ, ນ້ຳຂອງມີຄວາມກວ້າງປະມານໜຶ່ງກິໂລແມັດ, ແລະ ລົດໄຟໂດຍສາຍຈະສາມາດແລ່ນໃນລະດັບຄວາມໄວປະມານ 160 ກມ ຕໍ່ຊົ່ວໂມງ ໃນຂະນະທີ່ລົດໄຟຂົນສົ່ງສິນຄ້າຈະແລ່ນດ້ວຍຄວາມໄວ 120 ກມ ຕໍ່ຊົ່ວໂມງ.ອ່ານຕໍ່ ...
ໂຕະຂ່າວ
ວິສະວະກອນອຸໂມງທາງລົດໄຟຊອກຫ່ໍາວິທີປ້ອງກັນຄວາມເສຍຫາຍທີ່ເກີດຈາກການກັດເຊາະຂອງເກືອ
ຫຼວງນ້ຳທາ, ລາວ (ວຽງຈັນທາມສ໌/ANN) – ການກໍ່ສ້າງອຸໂມງທາງລົດໄຟ ທີ່ຊາຍແດນລາວ-ຈີນ ແຂວງຫຼວງນ້ຳທາ ອາດຕ້ອງນຳໃຊ້ວັດສະດຸກໍ່ສ້າງທີ່ສາມາດຕ້ານທານຕໍ່ການກັດເຊາະຂອງເກືອ, ເພື່ອປ້ອງກັນລາງລົດໄຟທີ່ອາດໄດ້ຮັບຜົນກະທົບຈາກບໍ່ເກືອຂະໜາດໃຫຍ່ໃຕ້ດິນ.ນັກວິສະວະກອນຈີນ ຫວັງ ສຽວຕົງ ໄດ້ເປີດເຜີຍຕໍ່ສື່ມວນຊົນລາວ ແລະ ຈີນວ່າ ທີມກໍ່ສ້າງໄດ້ຄົ້ນພົບບໍ່ເກືອສອງແຫ່ງໃນລາວ ແຕ່ບໍ່ພົບໃນຈີນ.ອຸໂມງທີ່ດ່ານຊາຍແດນດັ່ງກ່າວແມ່ນອຸໂມງທາງລົດໄຟຂະໜາດໃຫຍ່ທີ່ສຸດໃນການກໍ່ສ້າງເສັ້ນທາງລົດໄຟລາວ-ຈີນ, ແລະ ມີໄລຍະ 7,000 ແມັດໃນປະເທດຈີນ ແລະ ອີກ 2,000 ແມັດໃນປະເທດລາວ.ອ່ານຕໍ່ ...
ໂຕະຂ່າວວຽງຈັນທາມສ໌
ການກໍ່ສ້າງເສັ້ນທາລົດໄຟຄວນໃຫ້ມີການຈ້າງຄົນລາວເພີ່ມຂຶ້ນ: ປະທານປະເທດ
ວຽງຈັນ (ວຽງຈັນທາມສ໌/ANN) – ທ່ານປະທານປະເທດ ບຸນຍັງ ວໍລະຈິດ ຮຽກຮ້ອງໃຫ້ມີການຈ້າງແຮງງານຄົນລາວເພີ່ມຂຶ້ນໃນໂຄງການກໍ່ສ້າງທາງລົດໄຟລາວ-ຈີນ ໃນໂອກາດລົງຢ້ຽມຢາມການກໍ່ສ້າງຕອນທາງລົດໄຟທີ່ວຽງຈັນໃນວັນສຸກຜ່ານມາ.ຕາມບົດລາຍງານຂອງໂຄງການ ມີການຈ້າງແຮງງານທັງໝົດປະມານ 16,000 ຄົນ ໃນການກໍ່ສ້າງເສັ້ນທາງລົດໄຟໄລຍະ 414 ກມ, ໃນນັ້ນແຮງງານລາວມີພຽງ 4,500 ຄົນ. ທາງລົດໄຟດັ່ງກ່າວແມ່ນຕັດຜ່ານພາກຕາເວັນຕົກຂອງລາວຈາກຊາຍແດນບໍ່ເຕັນ-ໂມຫານ ເຊື່ອມຕໍ່ປະເທດຈີນກັບແຂວງຫຼວງນ້ຳທາ. ແລ້ວຕັດຜ່ານແຂວງອຸດົມໄຊ, ຫຼວງພະບາງ, ແລະ ແຂວງວຽງຈັນ ແລະ ສິ້ນສຸດທີ່ນະຄອນຫຼວງວຽງຈັນ.ອ່ານຕໍ່ ...
ຄອນສະຫວັນ ລາດຊະເພົາ
ຊາວແຂວງຫຼວງນ້ຳທາໃຫ້ການຕອບຮັບຕໍ່ໂຄງການທາງລົດໄຟລາວ-ຈີນ
ຫຼວງນ້ຳທາ, ລາວ (ວຽງຈັນທາມສ໌/ANN) – ປະຊາຊົນແຂວງຫຼວງນ້ຳທາ ເຊິ່ງໂຄງການທາງລົດໄຟລາວ-ຈີນທີ່ພວມຢູ່ໃນໄລຍະການກໍ່ສ້າງຈະຕັດຜ່ານ ລວມຕົວກັນຕອບຮັບຕໍ່ໂຄງການ ແລະ ສະແດງຄວາມພ້ອມທີ່ຈະເປີດຮັບໂອກາດໃນການພັດທະນາທີ່ຈະເຂົ້າມາເຖິງພື້ນທີ່.ປະຊາຊົນທີ່ນີ້ມີຄວາມເຂົ້າໃຈຕໍ່ນະໂຍບາຍພັກລັດກ່ຽວກັບການພັດທະນາປະເທດຊາດ ເຊິ່ງຈະເຮັດໃຫ້ຊີວິດການເປັນຢູ່ຂອງເຂົາເຈົ້າດີຂຶ້ນ. ການຮ່ວມມືຂອງປະຊາຊົນໝາຍຄວາມວ່າ ການກໍ່ສ້າງທາງລົດໄຟທີ່ຫຼວງນ້ຳທາຈະດຳເນີນໄປໄດ້ດີ, ເຊັ່ນດຽວກັບໃນຫຼາຍພື້ນທີ່ໃນແຂວງຫຼວງພະບາງ.ອ່ານຕໍ່ ...
ຄອນສະຫວັນ ລາດຊະເພົາ
ນັກລົງທຶນຈີນຍາດແຍ່ງເຂົ້າມາລົງທຶນໃນເຂດເສດຖະກິດພິເສດບໍ່ເຕັນກ່ອນສຳເລັດໂຄງການທາງລົດໄຟ
ເຂດເສດຖະກິດພິເສດ (SEZ) ບໍ່ເຕັນຂອງລາວໄດ້ຮັບຄວາມສົນໃຈເປັນພິເສດຈາກນັກລົງທຶນຈີນ ເນື່ອງຈາກໂຄງການທາງລົດໄຟລາວ-ຈີນໃກ້ສຳເລັດການກໍ່ສ້າງ, ແຕ່ວ່າຊາວບ້ານພັດມີຄວາມຢ້ານກົວຕໍ່ການປ່ຽນແປງຢ່າງໄວວາດັ່ງກ່າວ. ພວກເຂົາເວົ້າວ່າໂຄງການພັດທະນາດັ່ງກ່າວແມ່ນດີສຳລັບຊາວຈີນ, ແຕ່ວ່າບໍ່ແມ່ນສຳລັບປະຊາຊົນລາວທີ່ອາໄສຢູ່ເຂດດັ່ງກ່າວ.ເຂດເສດຖະກິດດັ່ງກ່າວ ເຊິ່ງຕັ້ງຢູ່ແຂວງຫຼວງນ້ຳທາ ມີຊາຍແດນຕິດກັບເມືອງໂມຮັນໃນມົນທົນຢຸນນານປະເທດຈີນ. ລັດຖະບານລາວຄາດວ່າເມື່ອໂຄງການສຳເລັດ ແລະ ມີການເປີດນຳໃຊ້ທາງລົດໄຟໃນປີ 2021, ນັກທ່ອງທ່ຽວຈີນຫຼາຍລ້ານຄົນຈະຫຼັ່ງໄຫຼເຂົ້າມາໃນເຂດດັ່ງກ່າວ.ອ່ານຕໍ່ ...
ໜ່ວຍຂ່າວ RFA ລາວ
ໂຄງການທາງລົດໄຟລາວ-ຈີນ ຄືບໜ້າກວ່າກຳນົດການ
ວຽງຈັນ (ວຽງຈັນທາມສ໌/ANN) – ວຽກງານການກໍ່ສ້າງທາງລົດໄຟລາວ-ຈີນ ມີຄວາມຄືບໜ້າກວ່າກຳນົດການ ເຊິ່ງໂຄງການຕາມແຜນແມ່ນຈະໃຫ້ສຳເລັດພາຍໃນ 2021, ຕາມເຈົ້າໜ້າທີ່ການນຳລັດຖະບານ.ທ່ານ ແສງດາຣາ ກິດຕິຍະວົງ ຮອງຫົວໜ້າກົມແຜນການ ແລະ ການຮ່ວມມື ພາຍໃຕ້ກະຊວງໂຍທາທິການ ແລະ ຂົນສົ່ງ ກ່າວໃນກອງປະຊຸມຂອງຂະແໜງໂຍທາທິການ ແລະ ຂົນສົ່ງໃນວັນສຸກຜ່ານມາວ່າ ໜ້າວຽກຂອງໂຄງການກໍ່ສ້າງມູນຄ່າ US$5.986 ຕື້ໂດລາດັ່ງກ່າວແມ່ນມີຄວາມຄືບໜ້າກວ່າແຜນການ.ອ່ານຕໍ່ ...
ສຸກສາຄອນ ແຫວນແກ້ວ
ໂຄງການທາງລົດໄຟລາວ-ຈີນ: ເກືອບເຄິ່ງໜຶ່ງຂອງຄອບຄົວທີ່ໄດ້ຮັບຜົນກະທົບໄດ້ຮັບຄ່າຊົດເຊີຍແລ້ວ
(ຂປລ) ອຳນາດການປົກຄອງທີ່ກ່ຽວຂ້ອງໄດ້ຈ່າຍຄ່າຊົດເຊີຍກວ່າ 76 ຕື້ກີບໃຫ້ແກ່ຄອບຄົວທີ່ໄດ້ຮັບຜົນກະທົບຈາກໂຄງການທາງລົດໄຟລາວ-ຈີນ ຢູ່ແຂວງຫຼວງນ້ຳທາ. ເງິນຈຳນວນດັ່ງກ່າວແມ່ນເທົ່າກັບ 47% ຂອງເງິນຊົດເຊີຍຕາມແຜນ.“ປະຈຸບັນ ເຈົ້າໜ້າທີ່ໄດ້ສຳເລັດການຈ່າຍຄ່າຊົດເຊີຍສຳລັບ 144 ໃນຈຳນວນ 317 ຄອບຄົວ ໃນສີ່ບ້ານຄື ບ້ານບໍ່ເຕັນ, ຕີນຕົກ, ບໍ່ແປກ ແລະ ນາແຕ້ ເຊິ່ງໄດ້ຮັບຜົນກະທົບຈາກໂຄງການ, ” ທ່ານ ທອງແດງ ສິທິຊົນ ຮອງເຈົ້າເມືອງຫຼວງນ້ຳທາກ່າວ.ອ່ານຕໍ່ ...
ຂປລ
ລາວ, ຈີນສຳເລັດການກໍ່ສ້າງໜຶ່ງໃນອຸໂມງທາງລົດໄຟທີ່ຍາວທີ່ສຸດ
ແຂວງຫຼວງນ້ຳທາ: ວານນີ້ ເຈົ້າໜ້າທີ່ລາວ ແລະ ຈີນໄດ້ສ້າງຂີດໝາຍຜົນສຳເລັດໃນການຂຸດເຈາະ ແລະ ກໍ່ສ້າງອຸໂມງບໍ່ເຕັນ – ອຸໂມງທາງລົດໄຟທີ່ຍາວທີ່ສຸດແຫ່ງທຳອິດໃນ 10 ແຫ່ງ ທີ່ສຳເລັດການກໍ່ສ້າງໃນໂຄງການທາງລົດໄຟລາວ-ຈີນ.ອຸໂມງຄວາມຍາວ 6,453.5 ແມັດດັ່ງກ່າວແມ່ນໜຶ່ງໃນ 10 ອຸໂມງທີ່ຍາວທີ່ສຸດໃນໂຄງການ ທີ່ມີໄລຍະເກີນ 5,000 ແມັດ.ພາຍຫຼັງເລີ່ມລົງມືກໍ່ສ້າງໃນເດືອນມີນາ 2017, ໜ້າວຽກຂຸດເຈາະ ແລະ ກໍ່ສ້າງອຸໂມງບໍ່ເຕັນ ແຂວງຫຼວງນ້ຳທາ ໄດ້ເຮັດສຳເລັດພາຍໃນໄລຍະເວລາເຈັດເດືອນ ກ່ອນໜ້າກຳນົດການກໍ່ສ້າງເດີມ.ອ່ານຕໍ່ ...
ສຸກສາຄອນ ແຫວນແກ້ວ
ທາງລົດໄຟຄວາມໄວສູງລາວ-ໄທຈະໃຫ້ບໍລິການພາຍໃນປີ 2023
ວຽງຈັນ (ວຽງຈັນທາມສ໌/ANN) – ການກໍ່ສ້າງເສັ້ນທາງລົດໄຟເຊື່ອມຕໍ່ລາວ-ຈີນຈະສຳເລັດໃນປີ 2021, ແຕ່ວ່າເສັ້ນທາງລົດໄຟດັ່ງກ່າວຈະຍັງບໍ່ມີການເຊື່ອມຕໍ່ກັບເຄືອຂ່າຍເສັ້ນທາງລົດໄຟຂອງໄທຈົນກວ່າຈະເຖິງປີ 2023.ທ່ານ ນັດທະພອນ ຈະຕຸສີພິທັກ ເຈົ້າໜ້າທີ່ການນຳໃນລັດຖະບານໄທ ກ່າວໃນອາທິດແລ້ວນີ້ວ່າ ການກໍ່ສ້າງເສັ້ນທາງລົດໄຟໄທ-ຈີນ ແຕ່ບາງບອກຫາໜອງຄາຍ ຊາຍແດນລາວ-ໄທ ໄດ້ມີເລີ່ມດຳເນີນການແລ້ວ, ເຊິ່ງລັດຖະບານໄທຈະຊຸກຍູ້ໃຫ້ສຳເລັດໃນປີ 2023.ອ່ານຕໍ່ ...
ໂຕະຂ່າວ
ໂຄງການທາງລົດໄຟ ບາງກອກ-ໜອງຄາຍຂອງໄທກັບມາເດີນໜ້າພາຍໃຕ້ການສະໜັບສະໜູນຂອງຈີນ
ການກໍ່ສ້າງເຄືອຂ່າຍທາງລົດໄຟຄວາມໄວສູງ ໃນພາກຂອງໄທ ເພື່ອເຊື່ອມຕໍ່ພາກພື້ນ ເຊິ່ງເຊື່ອມໂຍງກັບແຜນການທາງສາຍໃໝ One Belt One Road ຂອງຈີນ ກັບມາດຳເນີນອີກຄັ້ງ ຫຼັງຈາກທີ່ມີການເລື່ອນແກ່ຍາວມາຫຼາຍປີຈົນສົ່ງຜົນຕໍ່ຄວາມຄືບໜ້າຂອງໂຄງການ.ພີທິວາງສິລາເລີກສຳລັບການກໍ່ສ້າງຕອນທາງໄລຍະ 3.5 ກມ ຊຸດທຳອິດໄດ້ມີຂຶ້ນໃນເດືອນທັນວາ 2018 ພາຍໃຕ້ການເປັນປະທານຂອງທ່ານ ປະຍຸດ ຈັນໂອຊາ ນາຍົກໄທ.ໂດຍມີແຜນເຊື່ອມຕໍ່ກັນເສັ້ນທາງລົດໄຟລາວ-ຈີນທີ່ຊາຍແດນລາວ, ທາງລົດໄຟດັ່ງກ່າວຈະເຊື່ອມຕໍ່ນະຄອນຫຼວງບາງກອກຂອງໄທ ເຂົ້າກັບເມືອງໜອງຄາຍທາງພາກອິສານ ເຊິ່ງມີຊາຍແດນຕິດກັບປະເທດລາວ ໃນໄລຍະທາງ 873 ກມ (542 ໄມ).ອ່ານຕໍ່ ...
The Laotian Times