ພະລັງງານ

ການຜະລິດໄຟຟ້າ

ບັນດາຜູ້ມີສ່ວນຮ່ວມ ຕັ້ງຄຳຖາມກ່ຽວກັບການປະເມີນຜົນກະທົບຂອງ MRC ສຳລັບໂຄງການເຂື່ອນໄຟຟ້າຫຼວງພະບາງຂອງລາວ

ບັນດາຜູ້ມີສ່ວນຮ່ວມ ມີຄວາມກັງວົນຕໍ່ກັບສິດທິຊອບທຳໃນຂະບວນການການມີສ່ວນຮ່ວມຫຼາຍປະເທດ ໃນການອະນຸມັດໂຄງການເຂື່ອນໄຟຟ້າຫຼວງພະບາງຂອງລາວ, ພາຍຫຼັງມີການສະເໜີຄຳແນະນຳ ໃຫ້ຫຼຸດຜ່ອນຜົນກະທົບຕໍ່ສິ່ງແວດລ້ອມ, ແຕ່ມີການຮັບຮອງເອົາເປັນສ່ວນໜ້ອຍ ໃນລະຫວ່າງກອງປະຊຸມປຶກສາຫາລືຂອງຄະນະກຳມາທິການແມ່ນ້ຳຂອງ (MRC) ໃນອາທິດແລ້ວນີ້ ທີ່ນະຄອນວຽງຈັນ.ກອງປະຊຸມດັ່ງກ່າວ ໄດ້ຈັດຂຶ້ນທີ່ນະຄອນຫຼວງວຽງຈັນ ໃນວັນທີ 5 ແລະ 6 ພະຈິກນີ້, ເຊິ່ງຄະນະກຳມາທິການ ໄດ້ອອກບົດລາຍງານກ່ຽວກັບຂະບວນການປຶກສາຫາລືລ່ວງໜ້າຫົກເດືອນ ກ່ຽວກັບໂຄງການກໍ່ສ້າງເຂື່ອນດັ່ງກ່າວ.ອ່ານຕໍ່ ...

ໜ່ວຍຂ່າວວິທະຍຸເສຣີເອເຊຍລາວ

ລັດຖະບານສົ່ງເສີມໂຄງການເຂື່ອນໄຟຟາທີ່ເປັນມິດຕໍ່ສິ່ງແວດລ້ອມ

ວຽງຈັນ (ວຽງຈັນທາມສ໌/ANN) — ລັດຖະບານສົ່ງເສີມການກໍ່ສ້າງເຂື່ອນໄຟຟ້ານ້ຳຕົກທີ່ເປັນມິດຕໍ່ສະພາບແວດລ້ອມ ເພື່ອຮັບປະກັນນະໂຍບາຍການຂະຫຍາຍຕົວສີຂຽວ ແລະ ການຫຼຸດຜ່ອນຄວາມທຸກຍາກແບບຍືນຍົງ, ຕາມເຈົ້າໜ້າທີ່ຂັ້ນສູງຂອງລັດຖະບານ.“ລັດຖະບານສະໜັບສະໜູນສົ່ງເສີມໂຄງການເຂື່ອນໄຟຟ້າທີ່ເປັນມິດຕໍ່ສິ່ງແວດລ້ອມ,” ທ່ານນາງ ບຸນຄຳ ວໍລະຈິດ ຮອງລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ກ່າວໃນວັນທີ 5 ພະຈິກທີ່ຜ່ານມາ.“ດັ່ງນັ້ນ ໂຄງການພັດທະນາທັງໝົດຕ້ອງດຳເນີນການສຶກສາໃຫ້ເລິກເຊິ່ງ ເພື່ອປະເມີນ ແລະ ຫຼີກລ່ຽງຜົນກະທົບຕໍ່ສະພາບແວດລ້ອມ ແລະ ຊຸມຊົນທ້ອງຖິ່ນ.”ອ່ານຕໍ່ ...

ເອກະພອນ ພູທອນສີ

ເຂື່ອນໄຊຍະບູລີຂອງລາວໃນສາຍແມ່ນ້ຳຂອງທີ່ເປັນທີ່ຖົກຖຽງ ເລີ່ມຕົ້ນດຳເນີນການ

ເຂື່ອນໄຊຍະບູລີ ເຂື່ອນໄຟຟ້ານ້ຳຂອງຂະໜາດໃຫຍ່ແຫ່ງທຳອິດ ໃນຈຳນວນຫ້າແຫ່ງທີ່ມີແຜນກໍ່ສ້າງໃນລາວ ໄດ້ເລີ່ມຕົ້ນການປະຕິບັດການໃນວັນອັງຄານນີ້, ເຊິ່ງເປັນການໝູນຟັນເຟືອງໃຫຍ່ອັນທຳອິດຂອງແຜນການອັນສູງສົ່ງ ແຕ່ມີຂໍ້ຂັດແຍ່ງຂອງລາວ ໃນການເປັນ “ໝໍ້ໄຟແຫ່ງອາຊີຕາເວັນອອກສຽງໃຕ້.”ເຂື່ອນດັ່ງກ່າວ ເຊິ່ງເລີ່ມຕົ້ນກໍ່ສ້າງມາແຕ່ປີ 2012 ໄດ້ເປັນສູນລວມຂອງການວິພາກວິຈານ ຈາກນັກເຄື່ອນໄຫວເພື່ອສິ່ງແວດລ້ອມ ແລະ ສິດທິມະນຸດ.ພວກເຂົາກ່າວວ່າ ໄຟຟ້າທີ່ຜະລິດຈາກເຂື່ອນຮູບແບບດັ່ງກ່າວ ຕົ້ນຕໍແມ່ນເພື່ອການສົ່ງອອກໄປຍັງບັນດາປະເທດບ້ານໃກ້ເຮືອນຄຽງ, ບໍ່ຄຸ້ມຄ່າຕໍ່ຜົນກະທົບທີ່ຮ້າຍແຮງຕໍ່ລະບົບນິເວດ ແລະ ປະຊາຊົນ ຍ້ອນການປ່ຽນແປງການໄຫຼຕາມທຳມະຊາດຂອງນ້ຳໃນແມ່ນ້ຳຂອງ.ໂຄງການພາຍໃຕ້ການສຳປະທານຂອງໄທດັ່ງກ່າວ ມີມູນຄ່າການກໍ່ສ້າງທັງໝົດ $4.47 ຕື້ໂດລາ.ອ່ານຕໍ່ ...

ໜ່ວຍຂ່າວ RFA ລາວ

ຊາວບ້ານທີ່ຫາປາໃກ້ເຂື່ອນໄຟຟ້າ ດອນສະໂຮງ ລາຍງານວ່າຫາປາໄດ້ໜ້ອຍລົງ

ຊາວບ້ານທີ່ອາໄສຢູ່ໃກ້ກັບເຂື່ອນໄຟຟ້າ ດອນສະໂຮງ ເຊິ່ງເປັນເຂື່ອນໄຟຟ້າຂະໜາດໃຫຍ່ໃນສາຍແມ່ນ້ຳຂອງ ເຊິ່ງການກໍ່ສ້າງໃກ້ຈະສຳເລັດແລ້ວ ລາຍງານວ່າຫາປາໄດ້ໜ້ອຍລົງ.ເຂື່ອນດັ່ງກ່າວ ເຊິ່ງຈະທຳການທົດສອບລະບົບໄລຍະສຸດທ້າຍໃນຕົ້ນເດືອນໜ້າ ຈະເລີ່ມເປີດດຳເນີນການເຕັມໂຕພາຍໃນທ້າຍປີນີ້.ເຂື່ອນໄຟຟ້າ ດອນສະໂຮງ ແມ່ນໜຶ່ງໃນເຂື່ອນຂະໜາດໃຫຍ່ຈຳນວນຫ້າແຫ່ງຂອງລາວ ທີ່ມີແຜນການກໍ່ສ້າງໃນສາຍແມ່ນ້ຳຂອງ, ຕາມຍຸດທະສາດຂອງລາວໃນການເປັນ “ໝໍ້ໄຟ” ແຫ່ງພາກພື້ນອາຊີຕາເວັນອອກສຽງໃຕ້, ແຕ່ຫຼາຍຄົນກໍມີຄວາມກັງວົນວ່າ ແຜນການອັນສູງສົ່ງດັ່ງກ່າວ ຈະສົ່ງຜົນກະທົບທີ່ຮ້າຍແຮງຕໍ່ສິ່ງແວດລ້ອມ ແລະ ສັງຄົມ.ອ່ານຕໍ່  ...

ໜ່ວຍຂ່າວ RFA ລາວ ແລະ ຫວຽດນາມ

ເຂື່ອນໄຟຟ້າດອນສະໂຮງ ທົດສອບການຜະລິດກະແສໄຟຟ້າ

ວຽງຈັນ (ວຽງຈັນທາມສ໌/ANN) – ການທົດສອບການຜະລິດກະແສໄຟຟ້າ ຂອງຈັກປັ່ນໄຟໜຶ່ງໃນຈຳນວນສີ່ໜ່ວຍ ຂອງເຂື່ອນໄຟຟ້າ ດອນສະໂຮງ ແມ່ນ້ຳຂອງ ແຂວງຈຳປາສັກ ໄດ້ມີຂຶ້ນໃນອາທິດແລ້ວນີ້, ພາຍຫຼັງໂຄງການກໍ່ສ້າງເລີ່ມມາແຕ່ປີ 2016.ຕາມແຜນ, ບໍລິສັດໄຟຟ້າ ດອນສະໂຮງ ຈະທົດສອບຈັກໄຟຟ້າແຕ່ລະໜ່ວຍໃນທຸກໆ 10 ວັນ ແລະ ຈັກປັ່ນໄຟທັງໝົດຈະມີການດຳເນີນການເຕັມຮູບແບບໃນທ້າຍປີນີ້, ຕາມການເປີດເຜີຍຂອງເຈົ້າໜ້າທີ່ພະລັງງານ ແລະ ບໍ່ແຮ່.ຜູ້ລົງທຶນໃນໂຄງການມູນຄ່າ US$500 ລ້ານໂດລາດັ່ງກ່າວລວມມີ ບໍລິສັດ Mega First Corporation Berhad ຂອງມາເລເຊຍ ມີຫຸ້ນຢູ່ 80 ສ່ວນຮ້ອຍ, ແລະ ບໍລິສັດ ໄຟຟ້າລາວ ຖືຫຸ້ນຢູ່ 20 ສ່ວນຮ້ອຍ.ອ່ານຕໍ່ ...

ໂຕະຂ່າວ
http://annx.asianews.network/content/generating-tests-take-place-don-sahong-dam-106221

ເຂື່ອນໄຊຍະບູລີຈະເລີ່ມດຳເນີນການທາງທຸລະກິດໃນເດືອນໜ້າ

ວຽງຈັນ (ວຽງຈັນທາມສ໌/ANN) – ເຂື່ອນໄຟຟ້ານ້ຳຂອງ ໄຊຍະບູລີ ມີກຳນົດການເລີ່ມການປະຕິບັດການເພື່ອທຸລະກິດ (COD) ໃນເດືອນໜ້າ ເຊິ່ງການກໍ່ສ້າງໃກ້ຈະສຳເລັດແລ້ວ.ພິທີເປີດເຂື່ອນ COD ຢ່າງເປັນທາງການ ຄາດວ່າຈະຈັດຂຶ້ນໃນວັນທີ 28 ພະຈິກນີ້, ແລະ ຈະເລີ່ມປະຕິບັດການແຕ່ວັນທີ 29 ພະຈິກນີ້ ພາຍໃຕ້ໄລຍະສຳປະທານໂຄງການ 29 ປີ. ອ່ານຕໍ່ ...

ໂຕະຂ່າວ
http://annx.asianews.network/content/xayaboury-dam-begin-commercial-operation-next-month-105839

ກຸ່ມອະນຸລັກແມ່ນ້ຳຂອງ ຊຸກຍູ້ໃຫ້ລາວຍົກເລີກການກໍ່ສ້າງເຂື່ອນໃຫຍ່ແຫ່ງທີຫ້າໃນສາຍແມ່ນ້ຳຂອງ

ໃນວັນອັງຄານນີ້ ກຸ່ມພັນທະມິດອົງການທີ່ບໍ່ຂຶ້ນກັບລັດຖະບານ ໄດ້ອອກມາຮຽກຮ້ອງໃຫ້ຍົກເລີກໂຄງການກໍ່ສ້າງເຂື່ອນຂະໜາດໃຫຍ່ແຫ່ງທີຫ້າໃນສາຍແມ່ນ້ຳຂອງຢູ່ລາວ, ໂດຍກ່າວອ້າງເຖິງຜົນເສຍຫາຍອັນໃຫຍ່ຫຼວງຂອງເຂື່ອນທີ່ມີໃນປະຈຸບັນ ຕໍ່ຄວາມສາມາດຂອງພາກພື້ນໃນການຮັບມືກັບວິກິດການທາງສິ່ງແວດລ້ອມ. ການກໍ່ສ້າງເຂື່ອນຢູ່ຫຼວງພະບາງນີ້ ຍິ່ງຈະເພີ່ມທະວີຄວາມຮ້າຍແຮງຂອງຜົນກະທົບຈາກການປ່ຽນແປງຂອງສະພາບອາກາດ ທີ່ກຳລັງສົ່ງຜົນຕໍ່ພາກພື້ນໃນປີນີ້, ກຸ່ມອະນຸລັກແມ່ນ້ຳຂອງ ກ່າວເປີດເຜີຍໃນບົດຂ່າວຕໍ່ສື່ມວນຊົນ.ອ່ານຕໍ່ ...

Eugene Whong
https://www.rfa.org/english/news/laos/save-mekong-coalition-luang-prabang-10082019144557.html

ເຂື່ອນໄຟຟ້ານ້ຳຕົກນ້ຳອູໄລຍະສອງ ຈະເລີ່ມປະຕິບັດການພາຍໃນທ້າຍປີນີ້

ວຽງຈັນ (ວຽງຈັນທາມສ໌/ANN) – ໂຄງການເຂື່ອນໄຟຟ້ານ້ຳອູ ໄລຍະທີສອງ ເຊິ່ງລວມມີເຂື່ອນໝາຍເລກ 1, 3, 4 ແລະ 7, ຄາດວ່າຈະເລີ່ມການປະຕິບັດການພາຍໃນທ້າຍປີນີ້.ຄະນະກຳມະການກວດສອບໂຄງການ, ພາຍໃຕ້ການມີສ່ວນຮ່ວມຂອງຂະແໜງການຂັ້ນສູນກາງ ແລະ ທ້ອງຖິ່ນ ແລະ ເຈົ້າຂອງໂຄງການ, ໄດ້ຮ່ວມປະຊຸມຢູ່ແຂວງຫຼວງພະບາງ ໃນວັນຈັນນີ້ ເພື່ອລາຍງານຄວາມຄືບໜ້າຂອງໂຄງການ ແລະ ຫາລືວິທີການໃນການແກ້ໄຂບັນຫາທາງສັງຄົມ ແລະ ສິ່ງແວດລ້ອມ.ການກໍ່ສ້າງໂຮງງານໄຟຟ້ານ້ຳອູ 1 ແມ່ນສຳເລັດແລ້ວ 71 ສ່ວນຮ້ອຍ, ໃນຂະນະທີ່ເຂື່ອນນ້ຳອູ 3 ແມ່ນສຳເລັດແລ້ວ 60 ສ່ວນຮ້ອຍ, ແລະ ເຂື່ອນໝາຍເລກ 4 ແລະ 7 ແມ່ນສຳເລັດແລ້ວ 72 ສ່ວນຮ້ອຍ, ຕາມການລາຍງານຂອງກົມຄຸ້ມຄອງທຸລະກິດດ້ານພະລັງງານ ຂອງກະຊວງພະລັງງານ ແລະ ບໍ່ແຮ່.ອ່ານຕໍ່ ...

ໂຕະຂ່າວ
http://annx.asianews.network/content/second-phase-nam-ou-dam-cascade-be-operational-year%E2%80%99s-end-105754

ການສ້າງເຂື່ອນໄຟຟ້າຫຼວງພະບາງຂອງລາວ ມາເຖິງຂັ້ນຕອນທີ່ສຳຄັນ

ວຽງຈັນ (ວຽງຈັນທາມສ໌/ANN) – ໂຄງການເຂື່ອນໄຟຟ້າຫຼວງພະບາງ ດຳເນີນມາເຖິງຂັ້ນຕອນການພັດທະນາທີ່ສຳຄັນອີນຂັ້ນໜຶ່ງ ພາຍຫຼັງທີ່ລັດຖະບານລາວໄດ້ຮຽກຮ້ອງໃຫ້ຄະນະກຳມາທິການແມ່ນ້ຳຂອງ (MRC) ຈັດການປຶກສາຫາລືລ່ວງໜ້າກ່ຽວກັບໂຄງການດັ່ງກ່າວ. ລັດຖະບານ ໄດ້ອະນຸຍາດໃຫ້ບໍລິສັດ ປີໂຕຼ ໄຟຟ້າ ຫວຽດນາມ ດຳເນີນການກໍ່ສ້າງເຂື່ອນໄຟຟ້າຫຼວງພະບາງໃນປີ 2007. ເນື່ອງຈາກເຂື່ອນດັ່ງກ່າວຈະກໍ່ສ້າງຢູ່ໃນສາຍແມ່ນ້ຳຂອງ, ລັດຖະບານຈຶ່ງໄດ້ຮ້ອງຂໍໃຫ້ MRC ຈັດການປຶກສາຫາລືລ່ວງໜ້າກ່ຽວກັບໂຄງການດັ່ງກ່າວ ພາຍໃຕ້ຂໍ້ຕົກລົງແມ່ນ້ຳຂອງປີ 1995.ອ່ານຕໍ່ ...

ເອກະພອນ ພູທອນສີ
http://annx.asianews.network/content/laos-luang-prabang-dam-reaches-key-development-stage-105442

ຄະນະກຳມາທິການແມ່ນ້ຳຂອງອອກມາປ້ອງກັນການມິດງຽບເປັນເວລາເຈັດອາທິດ ກ່ຽວກັບການຍື່ນສະເໜີໂຄງການກໍ່ສ້າງເຂື່ອນຂອງລາວ

ໃນວັນພຸດນີ້ ຄະນະກຳມາທິການແມ່ນ້ຳຂອງ (MRC) ໄດ້ອອກມາປ້ອງກັນການຕັດສິນໃຈຂອງອົງກອນ ໃນການແກ່ຍາວເວລາເກືອບເຈັດອາທິດ ກ່ອນທີ່ຈະອອກມາຖະແຫຼງຕໍ່ສາທາລະນະຊົນວ່າ ລາວໄດ້ລິເລີ່ມຂັ້ນຕອນການກະກຽມ ສຳລັບການກໍ່ສ້າງເຂື່ອນໄຟຟ້າຂະໜາດໃຫຍ່ ເຊິ່ງເປັນເຂື່ອນແຫ່ງທີຫ້າເທິງແມ່ນ້ຳຂອງ.ລັດຖະບານລາວໄດ້ແຈ້ງຕໍ່ຄະນະກຳມາທິການແມ່ນ້ຳຂອງ (MRC) ແຕ່ວັນທີ 31 ກໍລະກົດທີ່ຜ່ານມາ ກ່ຽວກັບການຍື່ນສະເໜີໂຄງການເຂື່ອນໄຟຟ້າແຂວງຫຼວງພະບາງ ເພື່ອດຳເນີນຕາມຂະບວນການປຶກສາຫາລືລ່ວງໜ້າກ່ອນຫົກເດືອນ ຕາມຂັ້ນຕອນໃນການແຈ້ງ, ການປຶກສາຫາລືລ່ວງໜ້າ ແລະ ການຕົກລົງ (PNPCA) ຂອງ MRC.ຈາກການສອບຖາມຂອງສຳນັກຂ່າວ RFA, ເລຂາທິການ MRC ໄດ້ອອກມາອະທິບາຍກ່ຽວກັບການຊັກຊ້າດັ່ງກ່າວ ວ່າຫຼາຍໂຄງການກ່ອນໜ້ານີ້ ໄດ້ມີການຖະແຫຼງຂ່າວຕໍ່ສາທາລະນະຊົນໃນທັນທີ.ອ່ານຕໍ່ ...

ໜ່ວຍຂ່າວ RFA ລາວ
https://www.rfa.org/english/news/laos/laos-mrc-silence-submission-mekong-dam-09252019170454.html

ຕິດຕໍ່ພວກເຮົາ

ຕິດຕໍ່ພວກເຮົາ

Do you have questions on the content published by Open Development Laos? We will gladly help you.

Have you found a technical problem or issue on the Open Development Laos website?

Tell us how we're doing.

Do you have resources that could help expand the Open Development Laos website? We will review any map data, laws, articles, and documents that we do not yet have and see if we can implement them into our site. Please make sure the resources are in the public domain or fall under a Creative Commons license.

ເອກະສານຖືກລຶບແລ້ວ
ຜິດພາດ!

Disclaimer: Open Development Laos will thoroughly review all submitted resources for integrity and relevancy before the resources are hosted. All hosted resources will be in the public domain, or licensed under Creative Commons. We thank you for your support.

KachJ
* ກ່ອງສະແດງຄວາມຄິດເຫັນບໍ່ສາມາດຖືກປະໃຫ້ວ່າງເປົ່າໄດ້! ມີບາງຢ່າງຜິດພາດ, ກະລຸນາສົ່ງຟອມໃໝ່! ກະລຸນາເພີ່ມລະຫັດກ່ອນຫນ້າທໍາອິດ.

ຂອບໃຈທີ່ເສຍສະຫຼະເວລາຕິດຕໍ່ພວກເຮົາ!