ວຽງຈັນທາມສ໌

ໃນອາທິດແລ້ວນີ້ໄດ້ມີການປະກາດລາຍຊື່ນັກຮຽນເກັ່ງ 8 ຄົນທີ່ໄດ້ຊະນະເລີດໃນການສອບເສັງນັກຮຽນເກັ່ງຊັ້ນມັດທະຍົມແຫ່ງຊາດປະຈຳສົກຮຽນ 2018-2019 ທີ່ນະຄອນຫຼວງວຽງຈັນ. ນັກຮຽນເກັ່ງຊັ້ນມັດທະຍົມແປດຄົນໃນລະດັບຊັ້ນ ມໍ4 ແລະ ມໍ7  ໄດ້ຮັບວາງວັນຊະນະເລີດຫຼັງຈາກທີ່ສອບເສັງທົ່ວປະເທດໄດ້ຄະແນນສູງສຸດໃນວິຊາວັນນະຄະດີ, ຄະນິດສາດ, ຟິຊິກສາດ ແລະ ເຄມີສາດ.ອ່ານຕໍ່ ...

ລັດຖະບານສາທາລະນະລັດເກົາຫຼີຄາດຄະເນງົບປະມານ ປະມານ US$4 ລ້ານໂດລາເພື່ອຊ່ວຍເຫຼືອເພີ່ມເຕີມສຳລັບລາວແຕ່ປີ 2019-2023 ໃນການປັບປຸງລະບົບເຕັກໂນໂລຊີຂໍ້ມູນຂ່າວສານ ເພື່ອສະກັດກັ້ນການລະບາດຂອງພະຍາດຕິດຕໍ່.ພິທີເຊັນບົດບັນທຶກຄວາມເຂົ້າໃຈສຳລັບການຊ່ວຍເຫຼືອແມ່ນໄດ້ຈັດຂື້ນໃນວັນສຸກແລ້ວນີ້ທີ່ວຽງຈັນ ລະຫວ່າງທ່ານ (ດຣ) ສີສະຫວັດ ສຸດທະນິຣະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ທ່ານນາງ ແຮຈິງຢຸນ ຮອງປະທານບໍລິສັດເກົາຫຼີເທເລຄອມ (KT), ແລະ ທ່ານ ຈູວັງ ບຽກ ຕົວແທນຫ້ອງການມູນລະນິທິເພື່ອສຸຂະພາບສາກົນເກົາຫຼີ (KOFIH) ປະຈຳລາວ.ອ່ານຕໍ່ ...

ລັດຖະບານລາວສະແດງຄວາມຮູ້ບຸນຄຸນຕໍ່ການຊ່ວຍເຫຼືອຂອງລັດຖະບານ ແລະ ປະຊາຊົນນໍເວ ໃນການພັດທະນາປະເທດລາວ ໂດຍສະເພາະ ໃນຂະແໜງການເກັບກູ້ລະເບີດ ເຊິ່ງເປັນອຸປະສັກອັນໃຫຍ່ຫຼວງໃນການພັດທະນາລາວ.ເຈົ້າໜ້າທີ່ລະດັບສູງຂອງລາວໄດ້ທຳການຕ້ອນຮັບທ່ານ ດັກ ອິງ ຢູສຕຽນ ລັດຖະມົນຕີກະຊວງການພັດທະນາສາກົນແຫ່ງປະເທດນໍເວ ເຊິ່ງເດີນທາງມາຢ້ຽມຢາມລາວຢ່າງເປັນທາງການ ໃນວັນສຸກຜ່ານມາ.ອ່ານຕໍ່ ...

ລັດຖະບານໄດ້ມີການສົ່ງເສີມການຜະລິດກາເຟໃນ 11 ແຂວງທົ່ວປະເທດ ເພື່ອສະໜອງຜະລິດຕະພັນທີ່ມີຄຸນນະພາບສູງເຂົ້າສູ່ຕະຫຼາດທັງພາຍໃນ ແລະ ຕ່າງປະເທດ. ປະເດັນດັ່ງກ່າວໄດ້ຍົກຂຶ້ນຫາລືໃນກອງປະຊຸມທີ່ວຽງຈັນໃນວັນສຸກທີ່ຜ່ານມາ ເພື່ອທົບທວນການຂະຫຍາຍແຜນການຜະລິດກາເຟສຳລັບປີ 2015-2018 ແລະ ແຜນການໃນຕໍ່ໜ້າ.ກອງປະຊຸມດັ່ງກ່າວແມ່ນພາຍໃຕ້ການເປັນປະທານຂອງທ່ານ (ປອ) ພວງ ປະຣິສັກ ປຣະວົງວຽງຄຳ ຮອງລັດຖະມົນຕີກະຊວງກະສິກຳ ແລະ ປ່າໄມ້ ແລະ ການເຂົ້າຮ່ວມຂອງພະນັກງານ ແລະ ຜູ້ປະກອບການທີ່ກ່ຽວຂ້ອງໃນຂະແໜງການຜະລິດກາເຟ.ອ່ານຕໍ່ ...

ກະຊວງໂຍທາທິການ ແລະ ຂົນສົ່ງໃຫ້ສັນຍາວ່າຈະປັບປຸງມາດຕະຖານການກໍ່ສ້າງຖະໜົນໃນອັດຕາທີ່ສົມເຫດສົມຜົນ ໃນກອງປະຊຸມຂອງຂະແໜງທົ່ວປະເທດ ເຊິ່ງຈັດຂຶ້ນທີ່ວຽງຈັນ.ໃນການກ່າວຄຳເຫັນໃນການເປີດກອງປະຊຸມໄລຍະສອງວັນມື້ວານນີ້, ທ່ານ (ປອ) ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ໄດ້ຮຽກຮ້ອງໃຫ້ຜູ້ເຂົ້າຮ່ວມແບ່ງປັນຄວາມຮູ້ ກ່ຽວກັບຜົນຂອງການປຶກສາຫາລືໄລຍະສອງວັນນີ້ ເພື່ອປັບປຸງການປະຕິບັດງານຂອງຂະແໜງການ.ອ່ານຕໍ່ ...

ປະສິດທິພາບໃນການກໍ່ສ້າງແລະ ສ້ອມແປງຖະໜົນ, ການຄຸ້ມຄອງການຂົນສົ່ງທາງບົກ, ການວາງແຜນ ແລະ ລະບຽບການທາງການເງິນທີ່ເຂັ້ມແຂງ, ການລວມຕົວ ແລະ ການເຊື່ອມຕໍ່ໃນລະດັບພາກພື້ນ ແລະ ສາກົນຂອງລາວ, ແລະ ຄວາມຮັບຜິດຊອບຂອງຂະແໜງການ ແມ່ນບັນຫາທີ່ຈະຍົກຂຶ້ນຫາລືໃນກອງປະຊຸມປີນີ້.ກະຊວງໂຍທາທິການ ແລະ ຂົນສົ່ງເປີດເຜີຍວາລະໃນກອງປະຊຸມວິຊາການເຊິ່ງໄຂຂຶ້ນວານນີ້ ທີ່ວຽງຈັນ ເພື່ອກະກຽມສຳລັບກອງປະຊຸມແຫ່ງຊາດທີ່ຈະຈັດຂຶ້ນໃນອາທິດນີ້.ອ່ານຕໍ່ ...

ລາວຕ້ອງການນະໂຍບາຍສະເພາະເພື່ອສົ່ງເສີມໂອກາດສຳລັບນັກສຶກສາແພດຈົບໃໝ່ທີ່ດີເດັ່ນ, ທ່ານ (ຮສ ດຣ) ບຸນກອງ ສີຫາວົງແນະນຳຊ່ຽວຊານໃນຂະແໜງສາທາ.ທ່ານລັດຖະມົນຕີກ່າວວ່ານະໂຍບາຍໃໝ່ຈະຕ້ອງຮັບປະກັນຕຳແໜ່ງງານໃນລະບົບໂກຕາ ເພື່ອຮັບປະກັນຊ່ອງທາງໃນການປະກອບອາຊີບສຳລັບນັກສຶກສາແພດທີ່ຮຽນຈົບໃໝ່ ເຊິ່ງເປັນສ່ວນໜຶ່ງຂອງການປະຕິຮູບການພັດທະນາຊັບພະຍາກອນມະນຸດຂອງຂະແໜງການ.ອ່ານຕໍ່ ...

ຕາງໜ້າຄູ່ຮ່ວມພັດທະນາ, ຖັນແຖວກົມກອງປະຊວງແຮງງານ ແລະ ສະຫວັດດີການສັງຄົມ ແລະ ພະນັກງານຂັ້ນແຂວງໄດ້ຮ່ວມກອງປະຊຸມໃນວັນພະຫັດຜ່ານມາ ທີ່ນະຄອນວຽງຈັນ ເພື່ອທົບທວນຄວາມພະຍາຍາມໃນການເພີ່ມທະວີໂອກາດໃນການມີວຽກເຮັດງານທຳໃນພື້ນທີ່ຊົນນະບົດ.“ກອງປະຊຸມຄະນະກຳມະການຊີ້ນຳໂຄງການ ກ່ຽວກັບຍຸດທະສາດການສົ່ງເສີມການມີວຽກເຮັດງານທຳໃນຊົນນະບົດແຫ່ງຊາດໃນ ສປປ ລາວ – ເພື່ອກ້າວໄປສູ່ການເພີ່ມໂອກາດສຳລັບການມີວຽກເຮັດງານທຳທີ່ດີ ແລະ ມີປະສິດທິຜົນໃນພື້ນທີ່ຊົນນະບົດ” ມີການເຂົ້າຮ່ວມຂອງທ່ານນາງ ໃບຄຳ ຂັດຕິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນສະມາຊິກພັກ, ທ່ານນາງ ໂຈນີ ຊິມສັນ ຜູ້ຕາງໜ້າອົງການຈັດຕັ້ງແຮງງານສາກົນ (ILO), ພ້ອມດ້ວຍເຈົ້າໜ້າທີ່ແຮງງານຈາກບັນດາແຂວງເປົ້າໝາຍ ແລະ ກະຊວງ.ອ່ານຕໍ່ ...

ລັດຖະບານຄວນສົ່ງເສີມການລົງທຶນເພື່ອຊ່ວຍສ້າງອາຊີບ ແລະ ລາຍຮັບສຳລັບຄົນໃນທ້ອງຖິ່ນ ຕາມສະຖາບັນຄົ້ນຄວ້າເສດຖະກິດແຫ່ງຊາດລາວ.ສະຖາບັນຄົ້ນຄວ້າເສດຖະກິດ ເຊິ່ງທຳໜ້າທີ່ເປັນສູນນຄົ້ນຄວ້າຫຼັກທາງດ້ານນະໂຍບາຍເສດຖະກິດ ໄດ້ໃຫ້ຄຳແນະນຳດັ່ງກ່າວແກ່ລັດຖະບານ ກ່ຽວກັບຂໍ້ມູນຫຼ້າສຸດດ້ານເສດຖະກິດ ໃນກອງປະຊຸມທາງການທີ່ວຽງຈັນໃນຕົ້ນເດືອນນີ້.ອ່ານຕໍ່ ...

ຈຸດພັກລົດໃໝ່ສຳລັບນັກຂັບຂີ່ ຢູ່ເຊໂນ ແຂວງສະຫວັນນະເຂດ ໄດ້ມີການເປີດໃຫ້ບໍລິການສຳລັບສາທາລະນະຊົນໃນອາທິດນີ້ ພາຍຫຼັງສຳເລັດໂຄງການກໍ່ສ້າງ.ສິ່ງອຳນວຍຄວາມສະດວກດັ່ງກ່າວໄດ້ຮັບການສ້າງຕັ້ງຂຶ້ນໃນພື້ນທີ່ຫວ່າງເປົ່າ ໃນເຂດທາງແບ່ງລະຫວ່າງເສັ້ນທາງແຫ່ງຊາດເລກທີ 13 ແລະ ເສັ້ນທາງແຫ່ງຊາດເລກທີ 9W ເຊໂນ, ເຊິ່ງຕັ້ງຢູ່ໃຈກາງເມືອງອຸທຸມພອນ ແຂວງສະຫວັນນະເຂດ. ການຈັດຕັ້ງປະຕິບັດໂຄງການດັ່ງກ່າວແມ່ນຢູ່ພາຍໃຕ້ການຊ່ວຍເຫຼືອຂອງລັດຖະບານຍີ່ປຸ່ນ, ເຊິ່ງລວມມີຮ້ານອາຫານ, ບ່ອນຈອດລົດ, ຫ້ອງນ້ຳ, ແລະ ສິ່ງອຳນວຍຄວາມສະດວກທີ່ຈຳເປັນອື່ນໆ.ອ່ານຕໍ່ ...