ເດີເນເຊິນ

ລັດຖະບານລາວໄດ້ສະແດງຄວາມຮູ້ບຸນຄຸນຕໍ່ໄທ ໃນການສົ່ງອຸປະກອນຂ້າເຊື້ອເຂົ້າມາຊ່ວຍໃນການຕ້ານການລະບາດຂອງພະຍາດອະຫິວາໝູອາຟຣິກາ ຢູ່ແຂວງສາລະວັນ.ທ່ານ ສໍຣິວິດ ຖານິໂຕ ຫົວໜ້າກົມການພັດທະນາການລ້ຽງສັດຂອງໄທ ກ່າວໃນວັນອາທິດຜ່ານມານີ້ວ່າ ກົມລ້ຽງສັດ ແລະ ການປະມົງຂອງລາວໄດ້ສົ່ງຈົດໝາຍສະແດງຄວາມຂອບໃຈຕໍ່ການຊ່ວຍເຫຼືອຂອງໄທໃນດ້ານອຸປະກອນເພື່ອສະກັດກັ້ນການລະບາດຂອງພະຍາດໃນຊ່ວງເດືອນນີ້.ອ່ານຕໍ່ ...

ເພື່ອຊ່ວຍໃນການສືບຕໍ່ສະໜັບສະໜູນການລົງທຶນໃນລາວ, ທະນາຄານກະສິກອນໄທ ຈຳກັດ ປະຈຳ ສປປ ລາວ ໄດ້ສະໜອງແຫຼ່ງທຶນໃຫ້ແກ່ ເຄືອຂ່າຍໂຮງໝໍບາງກອກ (BCH), ເຊິ່ງເປັນບໍລິສັດຊັ້ນນຳຂອງໄທ, ໃນການກໍ່ສ້າງໂຮງໝໍສາກົນກະເສມລາດວຽງຈັນ ຂະໜາດ 254 ຕຽງນອນ, ເຊິ່ງມີແຜນເປີດດຳເນີນການໃນປີ 2021.ທ່ານ ພັດຕະນະພົງ ຕັນສົມບູນ ປະທານທະນາຄານກະສິກອນໄທ (ເຄແບັງ) ປະຈຳລາວ ກ່າວວ່າທາງທະນາຄານມີເປົ້າໝາຍຊຸມຍູ້ການຂະຫຍາຍຕົວດ້ານເສດຖະກິດຂອງປະເທດອາຊຽນ, ໂດຍສະເພາະແມ່ນລາວ, ເຊິ່ງມີການຂະຫຍາຍຕົວຢ່າງວ່ອງໄວ ແລະ ການຂະຫຍາຍຕົວດ້ານອຸດສາຫະກຳ, ເຊິ່ງເຫັນໄດ້ຈາກເພີ່ມຂຶ້ນຂອງອຳນາດຊື້ຂອງຄົນລາວທີ່ຕ້ອງການສິນຄ້າ ແລະ ການບໍລິການທີ່ມີຄຸນນະພາບ.ອ່ານຕໍ່ ...

ເຈົ້າໜ້າທີ່ບຸກເຂົ້າກວດສອບຮ້ານຄາຣາໂອເກະທີ່ອຳເພີເມືອງສຸໄຫງໂຄລົກ ນາລາທິວາດ ໃນຕອນຄ່ຳຂອງວັນຈັນຜ່ານມາ ແລະ ຊ່ວຍເຫຼືອສາວລາວ 12 ຄົນຈາກການຄ້າປະເວນີ.ເຈົ້າໜ້າທີ່ຈາກກົມການປົກຄອງຈັງຫວັດ ແລະ ກົມສືບສວນສອບສວນພິເສດ ພ້ອມດ້ວຍພະນັກງານອົງການຈັດຕັ້ງສາກົນທີ່ບໍ່ຂຶ້ນກັບລັດຖະບານ ໄດ້ທຳການບຸກກວດຄົ້ນສະຖານບັນເທິງ Relax Pub ໃນເວລາ 8.30 ແລງທີ່ຕົວເມືອງຊາຍແດນດັ່ງກ່າວ.ໃນນັ້ນແມ່ຍິງ 2 ໃນຈຳນວນ 12 ຄົນດັ່ງກ່າວ ສົ່ງໄສວ່າມີອາຍຸຕ່ຳກວ່າ 18 ປີ, ເຊິ່ງໄດ້ມີການສົ່ງຕົວໄປໂຮງໝໍປະຈຳຈັງຫວັດເພື່ອທຳການກວດສອບມວນກະດູກ ຢືນຢັນອາຍຸຈິງ.ອ່ານຕໍ່ ...

ທະນາຄານແຫ່ງປະເທດໄທ ແລະ ທະນາຄານແຫ່ງ ສປປ ລາວ ໄດ້ລົງນາມໃນບົດບັນທຶກຄວາມເຂົ້າໃຈ (MOU) ກ່ຽວກັບການຮ່ວມມືໃນຂົງເຂດວຽກງານນະວັດຕະກຳທາງການເງິນ ແລະ ລະບົບການຈ່າຍເງິນ ທີ່ຊຽງລາຍ ວານນີ້ ພາຍຫຼັງການພົບປະໃນກອງປະຊຸມລັດຖະມົນຕີອາຊຽນ ແລະ ກອງປະຊຸມລັດຖະບານກາງອາຊຽນ, ແລະກອງປະຊຸມອື່ນໆທີ່ກ່ຽວຂ້ອງ.ທ່ານ ວີຣະໄທ ສັນຕິພາພົບ ອຳນວຍການທະນາຄານແຫ່ງປະເທດໄທ ແລະ ທ່ານ ສົມດີ ດວງດີ ອຳນວຍການທະນາຄານແຫ່ງ ສປປ ລາວ ໄດ້ລົງນາມໃນ MOU ແນໃສ່ເສີມຂະຫຍາຍການຮ່ວມມືທາງດ້ານນະວັດຕະກຳການເງິນ ແລະ ການບໍລິການເບີກຈ່າຍ ເພື່ອສົ່ງເສີມການເຄື່ອນໄຫວທາງການເງິນພາຍໃນ ແລະ ລະຫວ່າງປະເທດໃຫ້ມີປະສິດທິພາບ ແລະ ຄວາມປອດໄພຍິ່ງຂຶ້ນ, ກໍຄືສົ່ງເສີມການນຳໃຊ້ເງິນຕາຂອງປະເທດ. ອ່ານຕໍ່ ...

ນັກວິຈານໄດ້ເຕືອນກ່ຽວກັບຕົ້ນທຶນເຊື່ອງຊ້ອນທີ່ຕິດພັນກັບການພັດທະນາເຂື່ອນການໂຕ້ຖຽງ ກ່ຽວກັບຍຸດທະສາດຂອງລາວໃນການເປັນ “ໝໍ້ໄຟແຫ່ງອາຊີ” ຍັງຄົງສືບຕໍ່ມີມາຫຼາຍເດືອນ ຫຼັງຈາກເຫດໄພພິບັດເຂື່ອນແຕກທີ່ເຊປຽນ-ເຊນ້ຳນ້ອຍ, ໃນຂະນະທີ່ລັດຖະບານລາວຍັງຄົງມີແຜນສືບຕໍ່ການກໍ່ສ້າງເຂື່ອນໄຟຟ້າ. ເຖິງແມ່ນວ່າ ໃນໄລຍະຜ່ານມາ ລັດຖະບານໄດ້ຕົກລົງລະງັບໂຄງການເຂື່ອນໄຟຟ້ານ້ຳຕົກໃໝ່ໆ ແລະ ນັກວິໄຈຍັງຄົງເປັນຫ່ວງຕໍ່ກັບຜົນກະທົບຂ້າມຊາຍແດນຂອງເຂື່ອນຕໍ່ສິ່ງແວດລ້ອມ ແລະ ຊີວິດການເປັນຢູ່ຂອງປະຊາຊົນໃນລ້ອງແມ່ນນ້ຳຂອງ, ເຈົ້າໜ້າທີ່ລາວຍັງຄົງຢືນຢັນຄວາມຈຳເປັນໃນການລົງທຶນໃນການພັດທະນະພະລັງງານໄຟຟ້ານ້ຳຕົກ ເພື່ອລົບລ້າງຄວາມທຸກຍາກ ແລະ ສົ່ງເສີມເສດຖະກິດ.ອ່ານຕໍ່ ...

ອຳນາດການປົກຄອງຂອງລາວກ່າວວ່າ ໄດ້ມີການເລີ່ມເປີດສາກການເຈລະຈາກ່ຽວກັບການຊົດເຊີຍສຳລັບຜູ້ປະສົບໄພ ຈາກກໍລະນີເຂື່ອນເຊປຽນ-ເຊນ້ຳນ້ອຍແຕກໃນປີຜ່ານມາ,  ແຕ່ວ່ານັກອະນຸລັກສິ່ງແວດລ້ອມ ແລະ ນັກສິດທິມະນຸດຕ້ອງການໃຫ້ເຈົ້າຂອງໂຄງການເຂື່ອນຊ່ວຍເຫຼືອນອກເໜືອຈາກການຈ່າຍເງິນ – ພວກເຂົາຄວນຊ່ວຍເຫຼືອໃນການຟື້ນຟູຊີວິດການເປັນຢູ່ຂອງຜູ້ປະສົບໄພ.ຜູ້ລອດຊີວິດກວ່າ 7,000 ຄົນ ຈາກໄພພິບັດເຂື່ອນແຕກທີ່ເມືອງສະໜາມໄຊ ແຂວງອັດຕະປືທາງພາກໃຕ້ຂອງລາວ ຍັງຄົງປະສົບຄວາມຫຍຸ້ງຍາກໃນການດຳລົງຊີວິດມາເກືອບເຈັດເດືອນແລ້ວ.ອ່ານຕໍ່ ...

ຫົກເດືອນຫຼັງຈາກສັນເຂື່ອນເຊປຽນ-ເຊນ້ຳນ້ອຍແຕກຢູ່ທາງພາກໃຕ້ຂອງລາວ ເຮັດໃຫ້ເກີດໄພນ້ຳຖ້ວມທຳລາຍເຮືອນຊານບ້ານຊ່ອງ, ປະຊາຊົນທີ່ລອດຊີວິດໃນປະຈຸບັນກຳລັງຜະເຊີນໄພຈາກພະຍາດໄຂ້ຍູງ ແລະ ພາວະທຸພະໂພຊະນາການ.ອ່ານຕໍ່ ...

Fears linger for livelihoods as new villages being built for Lao victims may not be suitable for agricultureTHE VICTIMS of the Xi Pian-Xe Namnoi Dam collapse may not be able to return to their normal lives any time soon because the locations of their new ...

ຜູ້ປະສົບໄພຈາກເຂື່ອນເຊປຽນ-ເຊນ່ໍ້ຳນ້ອຍແຕກໃນລາວຍັງຄົງຢູ່ໃນທີ່ພັກຕາມຍະຖາກຳ ພາຍໃຕ້ອະນາຄົດອັນບໍ່ແນ່ນອນເຖິງແມ່ນວ່າຈະເປັນໄລຍະຫົກເດືອນມາແລ້ວ ຫຼັງຈາກການແຕກຂອງສັນເຂື່ອນເຊປຽນ-ເຊນ້ຳນ້ອຍ ໄດ້ທຳລາຍເຮືອນຊານປະຊາຊົນເປັນຈຳນວນຫຼວງຫຼາຍໃນພາກໃຕ້ຂອງລາວ, ຜູ້ປະສົບໄພຍັງຄົງຕ້ອງພັກອາໄສຢູ່ໃນທີ່ພັກຊົ່ວຄາວ ໂດຍບໍ່ຮູ້ຊະຕາກຳໃນອະນາຄົດ.ຜູ້ທີ່ອາໄສຕາມແຄັມທີ່ພັກຊົ່ວຄາວຍັງຄົງຂາດແຄນເຊິ່ງເຄື່ອງໃຊ້ສອຍທີ່ຈຳເປັນ ເນື່ອງຈາກສິ່ງຂອງທີ່ໄດ້ຮັບຈາກການບໍລິຈາກນັບມື້ໝົດໄປ ແລະ ບໍ່ມີສຳນັກຂ່າວໃດສົນໃຈພາດຫົວຂ່າວ. ອ່ານຕໍ່ ...

ທຸລະກິດນ້ຳກ໊ອກໃນເມືອງຫຼວງພະບາງເມືອງທ່ອງທ່ຽວອັນດັບຕົ້ນຂອງລາວ ມີທ່າແຮງສູງໃນການຂະຫຍາຍຕົວ ເນື່ອງຈາກການຂະຫຍາຍຕົວຢ່າງວ່ອງໄວດ້ານການທ່ອງທ່ຽວ, ການປະຕິບັດໂຄງການທາງລົດໄຟຄວາມໄວສູງ ແລະ ຄວາມຕ້ອງການໃນການນຳໃຊ້ນ້ຳປະປາທີ່ມີສູງໃນທົ່ວປະເທດ, ຕາມຂໍ້ມູນຈາກທະນາຄານ ເອັກຊິມ ແລະ ນັກລົງທຶນໄທໃນລາວ.ການສະໜອງນ້ຳປະປາແມ່ນເພີ່ມສູງຂຶ້ນຢ່າງໄວວາໃນຊຸມປີຜ່ານມາ ເພື່ອຕອບສະໜອງຄວາມຕ້ອງການທີ່ເພີ່ມຂຶ້ນໃນອັດຕາ 10-15 ເປີເຊັນຕໍ່ປີໃນຫຼວງພະບາງ.ອ່ານຕໍ່ ...