ວິທະຍຸເສລີເອເຊຍ

ໂຄງການພັດທະນາການທ່ອງທ່ຽວຂອງຈີນໃນລາວໄດ້ຖືກສັ່ງໂຈະແບບບໍ່ມີກຳນົດ ຫຼັງຈາກທີ່ຊາວບ້ານ ແລະ ຊາວຄ້າຂາຍສະແດງເຈດຈຳນົງຕໍ່ຕ້ານ.ໃນກາງເດືອນມັງກອນ, ຜູ້ຮັບເໝົາໂຄງການໄດ້ເລີ່ມຕົ້ນການສຳຫຼວດໃນບ້ານພູດິນແດງ, ຫ້ວຍສະງົວ ແລະ ປາກໂພ ເຊິ່ງຕັ້ງຢູ່ໃນເຂດທ່ອງທ່ຽວເມືອງວັງວຽງ, ຫ່າງຈາກນະຄອນວຽງຈັນປະມານ 4 ຊົ່ວໂມງ.ອ່ານຕໍ່  ...

ບໍລິສັບຮັບເໝົາທີ່ຈະໄດ້ຮັບປະມູນການກໍ່ສ້າງເຮືອນພັກຖາວອນສຳລັບຜູ້ປະສົບໄພນ້ຳຖ້ວມໃນລາວຕ້ອງຈ່າຍຄ່ານາຍໜ້າ 10 ຫາ 26% ຂອງມູນຄ່າໂຄງການໃຫ້ແກ່ອຳນາດການປົກຄອງ ຖ້າຕ້ອງການຜ່ານການປະມູນ, ຕາມແຫຼ່ງຂ່າວ.ເຈົ້າໜ້າທີ່ລັດຖະບານແຂວງອັດຕະປື, ເຊິ່ງປະສົບໄພເຂື່ອນແຕກປີກາຍນີ້ ເຮັດໃຫ້ມີຜູ້ເສຍຊີວິດຢ່າງໜ້ອຍ 40 ຄົນ ແລະ ອີກຫຼາຍພັນຄົນຕ້ອງສູນເສຍທີ່ຢູ່ອາໄສ, ຈະຕ້ອງເຊັນຮັບຮອງການປະມູນການກໍ່ສ້າງ ກ່ອນທີ່ຈະຍື່ນສະເໜີຕໍ່ສູນກາງເພື່ອອະນຸມັດໂຄງການ.ອ່ານຕໍ່ ...

ນັກຮ່າງກົດໝາຍລາວໄດ້ຮຽກຮ້ອງໃຫ້ລັດຖະບານເພີ່ມຄວາມເຂັ້ມງວດຕໍ່ຫົວໜ່ວຍທຸລະກິດຕ່າງຊາດໃນລາວ ເພື່ອອະນຸລັກສິ່ງແວດລ້ອມ ແລະ ປົກປ້ອງຊີວິດການເປັນຢູ່ຂອງປະຊາຊົນ.ທ່ານ ຄຳສະພອນ ໄຊຍະວົງ ສະມາຊິກສະພາຈາກເມືອງອຸດົມໄຊ ແຂວງອຸດົມໄຊ ທາງພາກເໜືອຂອງລາວ ຮຽກຮ້ອງໃຫ້ລັດເພີ່ມຄວາມເຂັ້ມງວດຕໍ່ບໍລິສັດລົງທຶນຂອງຕ່າງປະເທດ ໃນກອງປະຊຸມສະພາແຂວງໃນອາທິດຜ່ານມາ.ອ່ານຕໍ່ ...

ລັດຖະກອນໃນຫຼາຍແຂວງຂອງລາວຍັງຄົງບໍ່ໄດ້ຮັບເງິນເດືອນເດືອນມັງກອນ ເຊິ່ງເປັນການລະເມີດຄຳສັ່ງຂອງລັດຖະບານທີ່ວ່າພະນັກງານຈະຕ້ອງໄດ້ຮັບເງິນເດືອນພາຍໃນວັນທີ 25 ຂອງທຸກໆເດືອນ, ເຊິ່ງສະແດງວ່າຄຳສັ່ງຂອງລັດຖະບານບໍ່ມີຜົນໃນການແກ້ໄຂບັນຫາຍືດເຍື້ອກ່ຽວກັບການຂາດງົບປະມານຂອງແຕ່ລະພາກເພື່ອເບີກຈ່າຍໃຫ້ແກ່ພະນັກງານຕາມກຳນົດການ.ພະນັກງານພະແນກສາທາລະນະສຸກແຂວງສະຫວັນນະເຂດ — ແຂວງທີ່ໃຫຍ່ທີ່ສຸດໃນປະເທດລາວ — ຍັງຄົງບໍ່ໄດ້ຮັບເງິນເດືອນຕາມກຳນົດເວລາ, ຕາມຄຳບອກເລົ່າຂອງພະນັກງານຈາກໜ່ວຍງານດັ່ງກ່າວທີ່ບໍ່ປະສົງອອກນາມ ຍ້ອນຢ້ານກົວຕໍ່ການລົງໂທດ ແລະ ໄລ່ອອກຈາກວຽກ.ອ່ານຕໍ່ ...

ລັດຖະບານລາວຕ້ອງຮັບປະກັນວ່າ ກຸ່ມຄົນທຸກຍາກສາມາດເຂົ້າຮ່ວມຮ່ວມໃນຂະບວນການຕັດສິນໃຈທີ່ສົ່ງຜົນກະທົບຕໍ່ຊີວິດຂອງເຂົາເຈົ້າ, ກຸ່ມສິດທິມະນຸດກ່າວໃນວັນພຸດຜ່ານມາ, ກ່ອນໜ້າພາລະກິດການຄົ້ນຫາຄວາມຈິງໃນປະເທດອາຊີຕາເວັນອອກສຽງໃຕ້ຂອງຊ່ຽວຊານສະຫະປະຊາຊາດ.ອ່ານຕໍ່ ...

ຊາວໜຸ່ມໃນບັນດາແຂວງພາກເໜືອຂອງລາວ ມີການຍ້າຍຖິ່ນຂ້າມຊາຍແດນໄປຈີນຫຼາຍຂຶ້ນ ເພື່ອຊອກຫາວຽກເຮັດງານທຳ ແລະ ຄ່າແຮງງານທີ່ສູງກວ່າ.ຍ້ອນທ່າແຮງທີ່ຈຳກັດໃນລາວ, ຊາວໜຸ່ມຈາກເຂດພູດອຍຫ່າງໄກສອກຫຼີກ ເລືອກທີ່ຈະເປັນຜູ້ຍ້າຍຖິ່ນໂດຍບໍ່ມີເອກະສານ ໄປແຂວງຢຸນນານປະເທດຈີນ ເຊິ່ງເຂົາສາມາດຫາເງິນໄດ້ຫຼາຍກວ່າໃນການອອກແຮງງານໃນໜ້າວຽກດຽວກັນຢູ່ລາວ.ອ່ານຕໍ່  ...

ໂຮງງານຕັດຫຍິບລາວກຳລັງປະສົບພາວະຂາດແຄນແຮງງານ ເນື່ອງຈາກແຮງງານລາວມັກໄປຂາຍແຮງງານທີ່ປະເທດໄທເຊິ່ງມີລາຍຮັບທີ່ສູງກວ່າ ຕາມຂໍ້ມູນຈາກແຫຼ່ງຂ່າວ.ເຈົ້າຂອງໂຮງງານແຫ່ງໜຶ່ງໃນນະຄອນຫຼວງວຽງຈັນ ເຊິ່ງບໍ່ປະສົງອອກນາມ ລາຍງານຕໍ່ຜູ້ສື່ຂ່າວ RFA ໃນຕົ້ນເດືອນນີ້ວ່າ “ຕາມຜົນຂອງການສຳຫຼວດໃຫ້ຮູ້ວ່າ ພວກເຮົາຕ້ອງການແຮງງານເພີ່ມອີກ 10,000 ອັດຕາ”.ການຂາດແຄນດ້ານແຮງງານດັ່ງກ່າວແມ່ນເນື່ອງມາຈາກຄ່າແຮງງານໃນລາວຕ່ຳ ເມື່ອທຽບກັບການໄປອອກແຮງງານໃນໜ້າວຽກດຽວກັນທີ່ປະເທດໄທ.ອ່ານຕໍ່    ...

ໂຄງການທາງລົດໄຟ ເພື່ອເຊື່ອມຕໍ່ປະເທດລາວທີ່ບໍ່ມີຊາຍແດນຕິດທະເລ ເຂົ້າກັບປະເທດຈີນ ຄາດວ່າຈະສ້າງປະໂຫຍດທາງດ້ານເສດຖະກິດໃຫ້ແກ່ປະເທດລາວ ດ້ວຍການຫຼຸດຜ່ອນຕົ້ນທຶນການສົ່ງອອກ ແລະ ສິນຄ້າບໍລິໂພກ ເຊິ່ງຈະຊ່ວຍສົ່ງເສີມການພັດທະນາເສດຖະກິດສັງຄົມບົນຜືນແຜ່ນດິນອັນທຸກຍາກທີ່ມີປະຊາກອນເກືອບເຈັດລ້ານຄົນນີ້.ແຕ່ທັງນີ້ທັງນັ້ນ ໂຄງການທາງລົດໄຟດັ່ງກ່າວ ເຊິ່ງຄາດວ່າຈະສຳເລັດໃນປີ 2021 ໄດ້ສົ່ງຜົນກະທົບຕໍ່ 4,400 ຄອວຄົວໂດຍປະມານທີ່ຕ້ອງເສຍສະຫຼະທີ່ດິນຂອງຕົນ. ຕາມດຳລັດສະບັບເລກທີ 84 ເດືອນເມສາ 2016, ພົນລະເມືອງລາວທີ່ຕ້ອງສູນເສຍທີ່ດິນໃຫ້ແກ່ໂຄງການພັດທະນາຕ້ອງໄດ້ຮັບເງິນຊົດເຊີຍສຳລັບການສູນເສຍລາຍຮັບ, ຊັບສິນ, ເຄື່ອງປູກຂອງຝັງ ແລະ ພືດພັນທັນຍາຫານ.ອ່ານຕໍ່ ...

ປະຊາຊົນລາວທີ່ອາໄສຢູ່ເຂດທິວທັດທາງພາກເໜືອຂອງນະຄອນຫຼວງວຽງຈັນ ພະຍາຍາມກິດກັ້ນການສຳຫຼວດທີ່ດິນສຳລັບໂຄງການພັດທະນາຂອງຕ່າງປະເທດ, ຍ້ອນຢ້ານວ່າຈະຖືກສັ່ງໃຫ້ຍົກຍ້າຍຈາກທີ່ຢູ່ອາໄສ ເນື່ອງຈາກໂຄງການການທ່ອງທ່ຽວໃໝ່ຂອງຈີນ, ຕາມແຫຼ່ງຂ່າວພາຍໃນປະເທດ.ແຫຼ່ງຂ່າວຍັງໃຫ້ຮູ້ຕື່ມອີກວ່າ ໂຄງການດັ່ງກ່າວ ເຊິ່ງຢູ່ພາຍໃຕ້ການຄຸ້ມຄອງຂອງບໍລິສັດພັດທະນາພື້ນທີ່ໃໝ່ລາວ-ວັງວຽງຂອງຈີນ ຈະສົ່ງຜົນກະທົບຕໍ່ 22 ບ້ານເຊິ່ງຕັ້ງຢູ້ທາງທິດຕາເວັນຕົກຂອງນ້ຳຊອງ ແລະ ໄດ້ຮັບການອະນຸມັດຈາກລັດຖະບານໃນການດຳເນີນການແລ້ວ.ອ່ານຕໍ່ ...

ສານເຄມີທີ່ປ່ອຍລົງສູ່ແມ່ນ້ຳຈາກສວນກ້ວຍຈີນ ໃນຊານເມືອງຂອງນະຄອນຫຼວງວຽງຈັນ ເຮັດໃຫ້ປາຕາຍກວ່າ 300 ກິໂລກຣາມໃນເດືອນພະຈິກນີ້, ເຮັດໃຫ້ເຈົ້າໜ້າທີ່ຕ້ອງອອກແຈ້ງເຕືອນບໍ່ໃຫ້ປະຊາຊົນລົງອາບນ້ຳໃນແມ່ນ້ຳ ຫຼື ນຳເອົາປາທີ່ຕາຍຍ້ອນມົນລະພິດໃນແມ່ນ້ຳມາກິນ, ຕາມແຫຼ່ງຂ່າວພາຍໃນປະເທດ.ແຫຼ່ງຂ່າວຍັງໃຫ້ຮູ້ວ່າ ການປ່ອຍສານເຄມີ ໃນລະຫວ່າງວັນທີ 7 ແລະ 9 ພະຈິກນີ້ ໄດ້ສົ່ງຜົນກະທົບຕໍ່ບ້ານເຕົາໃຫ, ບ້ານໃຫຍ່-ນາຈະເລີນ ແລະ ບ້ານກົ້ວ ທີ່ຕັ້ງຢູ່ໃກ້ກັບນ້ຳຕອນ ເມືອງສັງທອງ ນະຄອນວຽງຈັນ.ອ່ານຕໍ່  ...