ວິທະຍຸເສລີເອເຊຍ

ເຂດເສດຖະກິດພິເສດ (SEZ) ບໍ່ເຕັນຂອງລາວໄດ້ຮັບຄວາມສົນໃຈເປັນພິເສດຈາກນັກລົງທຶນຈີນ ເນື່ອງຈາກໂຄງການທາງລົດໄຟລາວ-ຈີນໃກ້ສຳເລັດການກໍ່ສ້າງ, ແຕ່ວ່າຊາວບ້ານພັດມີຄວາມຢ້ານກົວຕໍ່ການປ່ຽນແປງຢ່າງໄວວາດັ່ງກ່າວ. ພວກເຂົາເວົ້າວ່າໂຄງການພັດທະນາດັ່ງກ່າວແມ່ນດີສຳລັບຊາວຈີນ, ແຕ່ວ່າບໍ່ແມ່ນສຳລັບປະຊາຊົນລາວທີ່ອາໄສຢູ່ເຂດດັ່ງກ່າວ.ເຂດເສດຖະກິດດັ່ງກ່າວ ເຊິ່ງຕັ້ງຢູ່ແຂວງຫຼວງນ້ຳທາ ມີຊາຍແດນຕິດກັບເມືອງໂມຮັນໃນມົນທົນຢຸນນານປະເທດຈີນ. ລັດຖະບານລາວຄາດວ່າເມື່ອໂຄງການສຳເລັດ ແລະ ມີການເປີດນຳໃຊ້ທາງລົດໄຟໃນປີ 2021, ນັກທ່ອງທ່ຽວຈີນຫຼາຍລ້ານຄົນຈະຫຼັ່ງໄຫຼເຂົ້າມາໃນເຂດດັ່ງກ່າວ.ອ່ານຕໍ່ ...

ນະໂຍບານທາງດ້ານເສດຖະກິດຂອງລັດຖະບານເຮັດໃຫ້ສະພາບຊີວິດການເປັນຢູ່ຂອງຄົນທຸກຍາກ ແລະ ດ້ອຍໂອກາດ ຮ້າຍແຮງລົງກວ່າເດີມ, ໃນຂະນະດຽວກັນກໍເພີ່ມຊ່ອງຫວ່າງລະຫວ່າງຄົນທຸກ ແລະ ຄົນຮັ່ງ, ຊ່ຽວຊານດ້ານສິດທິມະນຸດຂອງສະຫະປະຊາຊາດກ່າວໃນວັນພະຫັດຜ່ານມາ ເນື່ອງໃນໂອກາດສິ້ນສຸດການຢ້ຽມຢາມປະເທດລາວໄລຍະ 11​ ວັນ ຢ່າງເປັນທາງການ.ໃນບົດລາຍງານໃນຕອນທ້າຍຂອງການຢ້ຽມຢາມ ແຕ່ວັນທີ 18-28 ມີນານີ້, ທ່ານ ຟິລິບ ອາວສ໌ຕັນ, ທູດພິເສດຂອງສະຫະປະຊາຊາດກ່ຽວກັບຄວາມທຸກຍາກ ແລະ ສິດທິມະນຸດ, ໄດ້ກ່າວວ່າ ການປັບປຸງຊີວິດການເປັນຢູ່ຂອງປະຊາຊົນລາວທີ່ທຸກຍາກທີ່ສຸດ ບໍ່ໄປຄຽງຄູ່ກັບການພັດທະນາເສດຖະກິດຂອງປະເທດ.ອ່ານຕໍ່ ...

ສູນຊ່ວຍເຫຼືອຄົນອະນາຖາ, ເສຍຈິດ ແລະ ຕິດຢາໃນນະຄອນຫຼວງຽງຈັນກຳລັງຂາດແຄນງົບປະມານ ແລະ ພວມຂົນຂວາຍຫາທຶນຮອນເພື່ອສືບຕໍ່ດຳເນີນການ.ສູນສົມສະຫງ່າ ເມືອງໄຊເສດຖາ ນະຄອນຫຼວງວຽງຈັນ ກຳລັງເລັ່ງຫາທຶນຮອນເພື່ອສືບຕໍ່ເບິ່ງແຍງຜູ້ເຂົ້າມາປິ່ນປົວຈຳນວນ 230 ຄົນ, ເຊິ່ງມີຊາວໜຸ່ມອາຍຸຕັ້ງແຕ່ 15 ປີ ໄປຈົນເຖິງຄົນຊະລາ, ຕາມແຫຼ່ງຂ່າວ.ອ່ານຕໍ່ ...

ກະຊວງໂຍທາທິການ ແລະ ຂົນສົ່ງຂອງລາວໄດ້ແຈ້ງຕໍ່ຄະນະກວດສອບແຫ່ງລັດໃນກອງປະຊຸມປະຈຳປີວ່າ ໜ່ວຍສືບສວນສອບສວນໄດ້ກວດພົບວ່າມີເຈົ້າໜ້າທີ່ຫຼາຍຮ້ອຍຄົນກ່ຽວຂ້ອງກັບການສໍ້ລາດບັງຫຼວງໃນປີ 2018.ໃນຄະດີສໍ້ລາດບັງຫຼວງຈຳນວນ 1,002 ຄະດີ, ເຈົ້າໜ້າທີ່ປະມານ 850 ຄົນໄດ້ຖືກປະຕິບັດວິໄນ ແລະ 55 ຄົນຖືກດຳເນີນຄະດີອາຍາ, ຕາມສຳເນົາບົດລາຍງານຈາກໜ່ວຍຂ່າວ RFA ລາວ. ສ່ວນທີ່ເຫຼືອແມ່ນຍັງຢູ່ໃນຂັ້ນຕອນການສືບສວນສອບສວນ.ອ່ານຕໍ່ ...

ປະຊາຊົນຈຳນວນປະມານ 125 ຄອບຄົວທີ່ເມືອງວຽງທອງ ແຂວງບໍລິຄຳໄຊ ທາງພາກກາງຂອງລາວ, ທີ່ຕ້ອງຍ້າຍທີ່ຢູ່ອາໄສເນື່ອງຈາກການສ້າງເຂື່ອນໄຟຟ້ານ້ຳຕົກແຫ່ງໃໝ່ ປະຕິເສດທີ່ຈະຮັບຄ່າຊົດເຊີຍຈາກເຈົ້າຂອງໂຄງການ, ໂດຍກ່າວວ່າການຊົດເຊີຍແມ່ນໜ້ອຍບໍ່ສົມເຫດສົມຜົນ.ການກໍ່ສ້າງເຂື່ອນໄຟຟ້ານ້ຳຕົກນ້ຳເທີນ 1 ໄດ້ເລີ່ມດຳເນີນໃນປີ 2016 ແລະ ປະຈຸບັນແມ່ນສຳເລັດແລ້ວປະມານ 40%. ໂຄງການດັ່ງກ່າວຄາດວ່າໃຫ້ຈະສຳເລັດໃນປີ 2022.ອ່ານຕໍ່ ...

ຮອງນາຍົກລັດຖະມົນຕີລາວຊີ້ແຈງວ່າ ຍ້ອນການວິໃຈດິນເຮັດບໍ່ໄດ້ດີຈຶ່ງເປັນສາເຫດໃຫ້ເຂື່ອນແຕກ, ເຮັດໃຫ້ເກີດໄພນ້ຳຖ້ວມຄັ້ງຮ້າຍແຮງທີ່ສຸດໃນລາວ.ໃນກອງປະຊຸມກ່ຽວກັບນະໂຍບາຍສິ່ງແວດລ້ອມໃນອາທິດແລ້ວນີ້, ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເຊິ່ງເປັນຫົວໜ້າຄະນະກຳມະການສືບສວນສອບສວນ ຫາສາເຫດທີ່ເຮັດໃຫ້ເກີດໄພພິບັດຈາກໂຄງການເຂື່ອນໄຟຟ້າເຊປຽນ-ເຊນ້ຳນ້ອຍ (PNPC), ລະບຸສາເຫດຂອງເຂື່ອນແຕກແມ່ນມາຈາກການຂາດການກວດກາຢ່າງເຂັ້ມງວດ.ອ່ານຕໍ່ ...

ເຈົ້າໜ້າທີ່ໄດ້ສັ່ງປິດຄຣີນິກຈີນສາມແຫ່ງໃນອາທິດນີ້ ຢູ່ແຂວງຫຼວງນ້ຳທາທາງພາກເໜືອຂອງລາວ ຫຼັງຈາກທີ່ກວດພົບບັນຫາການປິ່ນປົວບໍ່ຖືກສຸຂະອະນາໄມ ແລະ ແພດບໍ່ມີຄຸນວຸດທິ ເຮັດໃຫ້ຄົນເຈັບຫຼາຍຄົນຕ້ອງເສຍຊີວິດ, ໜ່ວຍຂ່າວ RFA ລາວລາຍງານ.ຄຣີນິກສາມແຫ່ງທີ່ສັ່ງປິດມີຄື ຄຣີນິກຫົງຊິງທີ່ບ້ານຫົງຈະເລີນ, ຄຣີນິກປາຝາທີ່ບ້ານທອງໃໝ່ ແລະ  ຄຣີນິກຄຳຈັນທີ່ບ້ານຈຽງ ເຊິ່ງຕັ້ງຢູ່ເມືອງສິງ. ສ່ວນຄຣີນິກຈີນອີກສີ່ແຫ່ງໃນແຂວງຫຼວງນ້ຳທາ ຍັງຄົງສືບຕໍ່ໃຫ້ບໍລິການ ພາຍໃຕ້ການຕິດຕາມຢ່າງໃກ້ຊິດຂອງເຈົ້າໜ້າທີ່.ອ່ານຕໍ່ ...

ລາວມີຄວາມຄືບໜ້າທີ່ດີກ່ຽວກັບການຫຼຸດຜ່ອນຄວາມທຸກຍາກ, ແຕ່ກໍຍັງຕ້ອງເດີນໜ້າໃນການພັດທະນາ, ເນື່ອງຈາກປະຊາຊົນໜຶ່ງໃນສີ່ຍັງຄົງດຳລົງຊີວິດຢູ່ຫຼຸດຂີດມາດຕະຖານຄວາມທຸກຍາກ, ຕາມເຈົ້າໜ້າທີ່ UN ທີ່ຈະເດີນທາງຢ້ຽມຢາມປະເທດໃນອາຊີຕາເວັນອອກສຽງໃຕ້ໃນເດືອນນີ້.ໃນການສຳພາດຕໍ່ໜ່ວຍຂ່າວ RFA ລາວ ທີ່ບາງກອກໃນວັນອາທິດນີ້, ທ່ານ ຟີລິບ ອາວສ໌ຕັນ ທູດພິເສດສະຫະປະຊາຊາດວ່າດ້ວຍບັນຫາຄວາມທຸກຍາກ ແລະ ສິດທິມະນຸດ ກ່າວວ່າ ໃນການເດີນທາງຢ້ຽມຢາມໄລຍະ 10 ວັນນີ້ ທ່ານຫວັງວ່າຈະໄດ້ຮຽນຮູ້ວ່າດ້ວຍສາເຫດອັນໃດຄົນລາວຈຳນວນໜຶ່ງຈຶ່ງບໍ່ເຂົ້າເຖິງການສຶກສາ, ນ້ຳສະອາດ ຫຼື ການຮັກສາສຸຂະພາບທີ່ດີ ທັງໆທີ່ເສດຖະກິດຂອງປະເທດກໍມີການຂະຫຍາຍຕົວ ແລະ ຄວາມທຸກຍາກກໍໄດ້ຮັບການຫຼຸດຜ່ອນ.ອ່ານຕໍ່  ...

ໃນອາທິດແລ້ວນີ້ ກຳມະກອນລາວສາມຄົນຖືກດິນເຈື່ອນຖົມ ໃນຂະນະຂຸດຄອງເພື່ອເປັ່ງນ້ຳຈາກຫ້ວຍເຂົ້າສູ່ເຂື່ອນທີ່ຢູ່ໃກ້ຄຽງ ພົບວ່າເສຍຊີວິດແລ້ວໃນອາທິດນີ້, ໃນຂະນະທີ່ກຳມະກອນຄົນທີສີ່ໄດ້ຮັດບາດເຈັບໜັກ, ຕາມແຫຼ່ງຂ່າວພາຍໃນປະເທດ.ກຳມະກອນລາວສາມຄົນ ໄດ້ເສຍຊີວິດຍ້ອນອຸບັດຕິເຫດທີ່ເກີດຂຶ້ນໃນວັນທີ 28 ກຸມພາ ທີ່ເມືອງປາກຊ່ອງ ແຂວງຈຳປາສັກ ທາງພາກໃຕ້ຂອງລາວ, ເຊິ່ງມີ ທ້າວຮັງ ອາຍຸ 41 ປິ ກຳມະກອນຈາກແຂວງສະຫວັນນະເຂດ, ທ້າວກ່ອຍ ອາຍຸ 35 ຊ່າງຈອດຈາກແຂວງສາລະວັນ ແລະ ທ້າວໂກ້ ອາຍຸ 32 ປີ ຊ່າງກົນຈາກສະຫວັນນະເຂດ.ອ່ານຕໍ່ ...

ການເປີດສຳປະທານທີ່ດິນຂອງລັດຖະບານລາວໃຫ້ແກ່ບໍລິສັດປູກກ້ວຍຂອງຈີນ ເຮັດໃຫ້ປະຊາຊົນທ້ອງຖິ່ນໃນໜຶ່ງເມືອງທາງພາກເໜືອຂອງລາວບໍ່ມີທີ່ດິນພຽງພໍໃນການຜະລິດເພື່ອລ້ຽງປາກລ້ຽງທ້ອງ, ຕາມແຫຼ່ງຂ່າວໃນອາຊີຕາເວັນອອກສຽງໃຕ້.ຊາວບ້ານໃນເມືອງແບງ ແຂວງອຸດົມໄຊ ທາງພາກເໜືອຂອງລາວ ເຄີຍມີທີ່ດິນທຳການຜະລິດທີ່ພຽງພໍຕໍ່ການດຳລົງຊີວິດ, ເຈົ້າໜ້າທີ່ພະແນກກະສິກຳ ແລະ ປ່າໄມ້ແຂວງທີ່ບໍ່ປະສົງອອກນາມ ເປີດເຜີຍຕໍ່ໜ່ວຍຂ່າວວິທະຍຸເສຣິອາຊີ.ອ່ານຕໍ່ ...