News

ໃນອາທິດນີ້ ກະຊວງອຸດສາຫະກຳ ແລະ ການຄ້າລາວໄດ້ຮຽກຮ້ອງໃຫ້ຈີນ ພິຈາລະນາປັບໂກຕາການນຳເຂົ້າເຂົ້າຈາກລາວໃຫ້ເປັນ 50,000 ໂຕນ ຄຽງຄູ່ກັບການຮັບເອົາສິນຄ້າອຸດສະຫະກຳອື່ນໆ ເພື່ອເປັນການສົ່ງເສີມການຄ້າສອງຝ່າຍ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າຂອງລາວ ໄດ້ຍື່ນຂໍ້ສະເໜີດັ່ງກ່າວໃນວັນອັງຄານນີ້ ໃນລະຫວ່າງກອງປະຊຸມກັບຄະນະຜູ້ແທນຈີນ ເຊິ່ງນຳໂດຍທ່ານ ໜິງ ຊິເຈ ຮອງປະທານຄະນະກຳມາທິການເພື່ອການພັດທະນາ ແລະ ປະຕິຮູບແຫ່ງຊາດ (NDRC) ຂອງສາທາລະນະລັດປະຊາຊົນຈີນ ທີ່ວຽງຈັນ.ອ່ານຕໍ່ ...

ນັກຂັບຂີ່ຈະພົບຄວາມສະດວກໃນການສັນຈອນໃນນະຄອນຫຼວງ ເມື່ອການກໍ່ສ້າງເສັ້ນທາງເຊື່ອມຕໍ່ລະຫວ່າງພື້ນທີ່ບຶງທາດຫຼວງ ແລະ ຖະໜົນສາຍອື່ນໆດຳເນີນສຳເລັດ.ເຂດເສດຖະກິດພິເສດບຶງທາດຫຼວງພວມວາງແຜນລົງທຶນປະມານ US$7 ໂດລາ, ເຊິ່ງລວມມີຄ່າຊົດເຊີຍ, ຄ່າຍົກລະດັບຖະໜົນບໍລິເວນພື້ນທີ່ເຂດ ເພື່ອເຊື່ອມຕໍ່ຖະໜົນສາຍຕ່າງໆໃນນະຄອນຫຼວງວຽງຈັນ ເພື່ອຫຼຸດຜ່ອນຄວາມໜາແໜ້ນຂອງການຈໍລະຈອນ.ອ່ານຕໍ່ ...

(ຂປລ) ເຈົ້າໜ້າທີ່ລັດປະມານ 40 ຄົນ ຮ່ວມກັບເຈົ້າໜ້າທີ່ຈາກສະຫະລັດ ແລະ ຫວຽດນາມ ເຂົ້າຮ່ວມກອງປະຊຸມສຳມະນາວ່າດ້ວຍອະນຸສັນຍາ Cape Town ເພື່ອຫາລືກ່ຽວກັບມາດຕະການປະຕິບັດທີ່ດີທີ່ສຸດໃນການສົ່ງເສີມສະພາບແວດລ້ອມທຸລະກິດກ່ຽວກັບການຊື້ ແລະ ການລົງທຶນດ້ານເຮືອບິນໃນ ສປປ ລາວ.ກອງປະຊຸມສຳມະນາດັ່ງກ່າວແມ່ນຈັດໂດຍສະຖານທູດສະຫະລັດ ຮ່ວມກັບກົມການບິນພົນລະເຮືອນຂອງກະຊວງໂຍທາທິການ ແລະ ຂົນສົ່ງ, ພາຍໃຕ້ການສະໜັບສະໜູນຂອງບໍລິສັດ Boeing ແລະ GE ທີ່ນະຄອນຫຼວງວຽງຈັນ ໃນວັນທີ 20 ກຸມພາ 2019.ອ່ານຕໍ່  ...

(ຂປລ) ເຈົ້າໜ້າທີ່ແຂວງ ແລະ ຜູ້ນຳຊຸມຊົນຮ່ວມປະຊຸມກັບອົງການກອງທຶນເພື່ອການອະນຸລັກສິ່ງແວດລ້ອມປະຈຳລາວ (WWF-Laos) ທີ່ເມືອງພຽງ ແຂວງໄຊຍະບູລີ ໃນວັນທີ 7 ກຸມພາ 2019 ເພື່ອທົບທວນຜົນການສຳຫຼວດ ແລະ ແຕ້ມແຜນທີ່ການນຳໃຊ້ທີ່ດິນຂອງຄົວເຮືອນ ແລະ ການຖືກຳມະສິດ, ລາຍຮັບ ແລະ ຕົວກຳນົດດ້ານເສດຖະກິດ-ສັງຄົມ ແລະ ກະສິກຳຕ່າງໆ.ອ່ານຕໍ່ ...

ກຸ່ມລັດວິສາຫະກິດເຄມີແຫ່ງຊາດຫວຽດນາມ (Vinachem) ຕັດສິນໃຈຖອນໂຄງການຂຸດຄົ້ນ ແລະ ປຸງແຕ່ງແຮ່ທາດໂປເຕຊຽມຢູ່ແຂວງຄຳມ່ວນຂອງລາວ ຫຼັງຈາກທີ່ໄດ້ທຸ່ມທຶນຫຼາຍພັນຕື້ດົງໃນໂຄງການຂະໜາດໃຫຍ່ໄລຍະ 15 ປີດັ່ງກ່າວ, ຕາມການລາຍງານຂອງໜັງສືພິມ Tuoi Tre Online.ການຖອນໂຄງການດັ່ງກ່າວແມ່ນເປັນຜົນມາຈາກການຂາດດູນງົບປະມານຂອງລັດຢ່າງມະຫາສານ, ຕາມນັກກວດສອບຕໍ່ກະຊວງອຸດສາຫະກຳ ແລະ ການຄ້າຫວຽດນາມ.ອ່ານຕໍ່ ...

ເປັນເວລາຫົກເດືອນມາແລ້ວທີ່ທົ່ວໂລກໄດ້ຮັບຮູ້ກ່ຽວກັບເຫດໄພພິບັດສັນເຂື່ອນແຕກທີ່ໜ້າສະເທືອນຂວັນໃນປະເທດລາວ.ເຫດການດັ່ງກ່າວແມ່ນເກີດໃນທ້າຍເດືອນກໍລະກົດ 2018 ທີ່ສັນເຂື່ອນເຊປຽນ-ເຊນ້ຳນ້ອຍໄດ້ແຕກ ເຮັດໃຫ້ມວນນ້ຳມາຫາສານໄຫຼຖ້ວມຢ່າງກະທັນຫັນ ສົ່ງຜົນກະທົບຕໍ່ປະຊາຊົນກວ່າ 13,000 ຄົນທີ່ແຂວງອັດຕະປື ທາງພາກໃຕ້ຂອງ ສປປ ລາວ. ມວນນ້ຳດັ່ງກ່າວໄດ້ພັດຖ້ວມເຮືອນຊານຂອງປະຊາຊົນກວ່າ 6,000 ຄົນ ແລະ ໄດ້ປະເສດຊາກຂີ້ຕົມ ແລະ ກ້ອນຫີນໄວ້ຕາມພື້ນທີ່ກະສິກຳເຊິ່ງເປັນອູ່ເຂົ້າອູ່ປາ ແລະ ແຫຼ່ງລາຍຮັບຂອງຫຼາຍຄອບຄົວໃນພື້ນທີ່.ມາເຖິງປະຈຸບັນ ຫຼາຍຄອບຄົວທີ່ໄດ້ຮັບຜົນກະທົບໄດ້ກັບຄືນສູ່ບ້ານເຮືອນຂອງຕົນທີ່ໄດ້ຮັບການປົວແປງ, ຂະນະທີ່ຜູ້ທີ່ບ້ານເຮືອນເພພັງເຫຼືອແຕ່ເສດຊາກ ຍັງຄົງລໍຄອຍທີ່ຢູ່ອາໄສຖາວອນໃໝ່ ທີ່ທາງລັດຖະບານກຳລັງຈັດສັນກໍ່ສ້າງ.ອ່ານຕໍ່  ...

ເພື່ອເປັນການສົ່ງເສີມສຸຂະພາບ ແລະ ຄວາມປອດໄພຂອງພົນລະເມືອງລາວ, ເຈົ້າຄອງນະຄອນຫຼວງວຽງຈັນໄດ້ອອກມາດຕະການສັ່ງຫ້າມຂາຍເຄື່ອງດື່ມທີ່ມີທາດເຫຼົ້າໃນນະຄອນຫຼວງວຽງຈັນກ່ອນເວລາ 4 ໂມງແລງ.ຕາມຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ ລົງວັນທີ  21 ທັນວາ 2018 ວ່າດ້ວຍມາດຕະການຫຼຸດຜ່ອນອຸບັດຕິເຫດ ແລະ ສົ່ງເສີມຄວາມປອດໄພຕາມທ້ອງຖະໜົນ, ເຈົ້າໜ້າທີ່ຈະເລີ່ມມີການກວດກາ ແລະ ປັບໃໝລົງໂທດຫ້າງຮ້ານ ແລະ ກິດຈະການຕ່າງໆທີ່ຈຳໜ່າຍເຄື່ອງດື່ມທີ່ມີທາດເຫຼົ້າທີ່ບໍ່ປະຕິບັດຕາມລະບຽບການ ເລີ່ມແຕ່ວັນທີ 1 ມັງກອນ 2019 ເປັນຕົ້ນໄປ.ອ່ານຕໍ່  ...

ຮ່າໂນຍ (ວຽງຈັນທາມສ໌/ANN) – ລາວ ແລະ ຫວຽດນາມຈະສືບຕໍ່ຮ່ວມມືດ້ານການຄ້າຂາຍໄຟຟ້າ  ຫຼັງຈາກຄະນະນຳຈາກກກະຊວງພະລັງງານ ແລະ ບໍ່ແຮ່ລາວ ເດີນທາງຢ້ຽມຢາມເຈົ້າໜ້າທີ່ກະຊວງອຸດສາຫະກຳ ແລະ ການຄ້າຫວຽດນາມ ທີ່ນະຄອນຮ່າໂນຍ ປະເທດຫວຽດນາມ.ການຢ້ຽມຢາມດັ່ງກ່າວແມ່ນນຳໂດຍທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່  ໃນວັນທີ 16-19 ກຸມພາ, ເພື່ອຮັດແໜ້ນສາຍພົວພັນດ້ານການຄ້າໄຟຟ້າ ລະຫວ່າງສອງປະເທດແຕ່ເໜືອເຖິງໃຕ້, ເຊິ່ງລວມມີ 9 ຈຸດໃນລະບົບສາຍສົ່ງ 220kV, 230 kV ແລະ 500kV.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈຳນວນຜູ້ຕິດເຊື້ອ HIV ໃໝ່ໃນປີ 2018 ເພີ່ມເປັນສອງເທົ່າທຽບກັບປີ 2017 ໃນກຸ່ມສ່ຽງ, ຕາມເຈົ້າໜ້າທີ່ສາທາ.ທ່ານນາງ ຈິນຕະນາ ສົມຄານ ຫົວໜ້າມູນນິທິປິ່ນປົວພະຍາດ AIDS ລາວ ກ່າວວ່າຍອກຜູ້ຕິດເຊື້ອແຕ່ປີ 1990-2018 ມີເກືອບ 12,000 ກໍລະນີ ເຊິ່ງໃນນັ້ນປະມານ 1,500 ກໍລະນີ ຕິດເຊືື້ອໃນປີ 2017.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາອຸດສາຫະກຳ ແລະ ການຄ້າແຫ່ງຊາດລາວ (LNCCI) ຈະສົມທົບກັບກະຊວງແຮງງານ ແລະ ສະຫວັດດີການສັງຄົມ ແລະ ອົງການແຮງງານສາກົນ (ILO) ໃນການສ້າງຄຳແນະນຳກ່ຽວກັບການກຳນົດອັດຕາຄ່າແຮງງານຂັ້ນຕ່ຳໃນລາວ.ຫວ່າງບໍ່ດົນມານີ້ ກະຊວງແຮງງານ ແລະ ສະຫວັດດີການສັງຄົມໄດ້ມີການອະນຸມັດຄ່າແຮງງານຂັ້ນຕ່ຳໃຫ້ເປັນ 1,100,000 ກີບຕໍ່ເດືອນ ແລະ ກຳລັງມີການຈັດຕັ້ງປະຕິບັດ. ເຖິງຢ່າງໃດກໍ່ຕາມ, ຂະແໜງທຸລະກິດ, ໃນນາມຂອງຜູ້ຈ້າງງານ, ໄດ້ມີການຮຽກຮ້ອງໃຫ້ມີຂັ້ນຕອນການຄິດໄລ່ທີ່ສົມເຫດຜົນ ແລະ ເປັນວິທະຍາສາດ ກ່ອນທຳການປັບຂຶ້ນຄ່າແຮງງານຂັ້ນຕ່ຳ.ອ່ານຕໍ່ ...