News

ວຽງຈັນ (ວຽງຈັນທາມສ໌/ANN) – ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ແລະ ສະມາຄົມອຸດສາຫະກຳ ແລະ ການຄ້າທົ່ວປະເທດຈີນ (ACFIC) ໄດ້ລົງນາມໃນຂໍ້ຕົກລົງການຮ່ວມມື ເຊິ່ງເປັນການສ້າງສາຍພົວພັນການຮ່ວມງານອັນໃກ້ຊິດລະຫວ່າງສອງອົງກອນສູ່ອະນາຄົດ.ພາບໃຕ້ຂອບການລິເລີ່ມແລວທາງ ແລະ ຖະໜົນ, ທັງສອງຝ່າຍໄດ້ຕົກລົງປະຕິບັດວຽກງານໃຫ້ສອດຄ່ອງຕາມລະບຽບກົດໝາຍຂອງທັງຝ່າຍລາວ ແລະ ຈີນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດໄພບູນການຄ້າ ຂາເຂົ້າ-ຂາອອກ (ການຄ້າ APT) ແລະ ສະຫະກອນຫວຽດນາມ Hop Tac Xa Ngoc Lan ໄດ້ລົງນາມຂໍ້ຕົກລົງກ່ຽວກັບໂຄງການສົ່ງເສີມການຜະລິດ ແລະ ບໍລິໂພກໝາກໄມ້ ໃນວັນອາທິດຜ່ານມາ.ໂຄງການດັ່ງກ່າວຈະຊ່ວຍໃຫ້ປະຊາຊົນທີ່ອາໄສຢູ່ເມືອງຊຽງຄໍ້, ສົບບາວ, ແລະ ວຽງໄຊ ແຂວງຫົວພັນ ມີສ່ວນຮ່ວມໃນໂຄງການກໍ່ສ້າງຄອບຄົວ ແລະ ບ້ານສາມັກຄີເພື່ອຫຼຸດຜ່ອນຄວາມທຸກຍາກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກທຸລະກິດໜຸ່ມ ແລະ ນັກສຶກສາໄດ້ຮຽນຮູ້ວິທີການໃນການຂໍທຶນຈາກທະນາຄານ, ການສ້າງແຜນທຸລະກິດ ແລະ ສຶກສາເພີ່ມເຕີມກ່ຽວກັບການປະກອບການທາງດ້ານທຸລະກິດ ຫຼັງຈາກເຂົ້າຮ່ວມກິດຈະກຳໃນວັນນັກທຸລະກິດລາວ 2019 ທີ່ມະຫາວິທະຍາໄລແຫ່ງຊາດໃນອາທິດແລ້ວນີ້.ງານດັ່ງກ່າວໄດ້ຮັບການສະໜັບສະໜູນໂດຍມະຫາວິທະຍາໄລແຫ່ງຊາດລາວ, ສະຖານທູດຍີ່ປຸ່ນປະຈຳລາວ, ອົງການຈັດຕັ້ງແຮງງານສາກົນ (ILO), ສະຖານບັນພັດທະນາຊັບພະຍາກອນມະນຸດລາວ-ຍີ່ປຸ່ນ (LJI), ແລະ ກົມສົ່ງເສີມທຸລະກິດ SME ຂອງກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ, 27 ພຶດສະພາ (Xinhua) — ຜົນການສຳຫຼວດຫຼ້າສຸດເປີດເຜີຍວ່າ ຊາວຕ່າງປະເທດສ່ວວນໃຫຍ່ທີ່ມາຢ້ຽມຢາມລາວ ແມ່ນມາເພື່ອທ່ອງທ່ຽວພັກຜ່ອນ.ການສຳຫຼວດ ແມ່ນດຳເນີນໂດຍກົມການພັດທະນາການທ່ອງທ່ຽວ ຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ. ຜົນການສຳຫຼວດແມ່ນມາຈາກຂໍ້ມູນທີ່ເກັບກຳມາຈາກນັກທ່ອງທ່ຽວຕ່າງປະເທດຈຳນວນ 2,918 ຄົນ ທີ່ເດີນທາງມາລາວໃນລະຫວ່າງເດືອນເມສາຫາເດືອນທັນວາ 2018, ຕາມການເປີດເຜີຍຂອງໜັງສືພິມທ້ອງຖິ່ນ ວຽງຈັນທາມສ໌ ໃນວັນຈັນນີ້.ການສຳຫຼວດແມ່ນດຳເນີນຢູ່ສະໜາມບິນສາກົນວັດໄຕ ນະຄອນຫຼວງວຽງຈັນ ແລະ ຂົວມິດຕະພາບລາວ-ໄທແຫ່ງຕ່າງໆ, ນັກທ່ອງທ່ຽວສ່ວນໃຫຍ່ແມ່ນເດີນທາງເຂົ້າມາວຽງຈັນ, ແຂວງຫຼວງພະບາງທາງພາກເໜືອ ແລະ ແຂວງຈຳປາສັກທາງພາກໃຕ້.ອ່ານຕໍ່ ...

ບໍ່ແກ້ວ, ລາວ (ວຽງຈັນທາມສ໌/ANN) – ການລັກລອບວາງເພີງເປັນສາເຫດໃຫ້ເກີດຄວາມເສຍຫາຍຕໍ່ພື້ນທີ່ປ່າໄມ້ເກືອບ 1,000 ເຮັກຕາ ຫຼັງຈາກທີ່ໄຟປ່າໄດ້ໃໝ້ລາມເຂົ້າເຂດປ່າສະຫງວນແຫ່ງຊາດນ້ຳຄານ ແຂວງບໍ່ແກ້ວ.ທ່ານຄຳເຫຼັກ ແສນຄຳວາງ ເຈົ້າໜ້າທີ່ປ່າສະຫງວນແຫ່ງຊາດດັ່ງກ່າວ ໄດ້ບອກກັບໜັງສືພິມວຽງຈັນທາມສ໌ວ່າ ນັບແຕ່ວັນທີ 10 ພຶດສະພາເປັນຕົ້ນມາ ໄຟປ່າໄດ້ເຜົາທຳລາຍພື້ນທີ່ປ່າໄມ້ເກືອບ 1,000 ເຮັກຕາແລ້ວໃນຂົງເຂດສາມບ້ານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການພັດທະນາຄົນພິການອາຊີ (ADDP) ຢືນຢັນວ່າຈະສືບຕໍ່ໃຫ້ການຊ່ວຍເຫຼືອຄົນພິການໂດຍການສ້າງໂອກາດໃນການມີວຽກເຮັດງານທຳໃຫ້ແກ່ພວກເຂົາ.ADDP ໄດ້ລົງນາມໃນບົດບັນທຶກຄວາມເຂົ້າໃຈກັບກະຊວງແຮງງານ ແລະ ສະຫວັດດີການສັງຄົມ ກ່ຽວກັບການສະໜັບສະໜູນໂຄງການຊ່ວຍເຫຼືອໃນໄລຍະທີສອງ ໃນວັນສຸກຜ່ານມາ.ໂຄງການທີ່ມີຊື່ວ່າ “ສູນຝຶກອົບຮົມວິຊາຊີບສຳລັບຄົນພິການ” ແນໃສ່ຊ່ວຍເຫຼືອຄົນພິການໃນກນຮຽນທັກສະຕ່າງໆເຊັ່ນ ການເຮັດສວນ ແລະ ການເກັບກ່ຽວພືດພັນ ເພື່ອຊ່ວຍໃຫ້ເຂົາເຈົ້າສາມາດເພິ່ງພາຕົນເອງໃນການດຳລົງຊີວິດໃຫ້ຫຼາຍທີ່ສຸດເທົ່າທີ່ເປັນໄປໄດ້.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ເພື່ອເປັນການຟື້ນຟູສະພາບແວດລ້ອມ ແລະ ເພີ່ມທະວີເນື້ອທີ່ປ່າໄມ້ໃຫ້ໄດ້ 70% ຂອງພື້ນທີ່ທົ່ວປະເທດພາຍໃນປີ 2020, ອຳນາດການປົກຄອງແຂວງຈຳປາສັກມີແຜນປູກຕົ້ນໄມ້ໃຫ້ໄດ້ 950 ເຮັກຕາໃນປີນີ້.ທ່ານ ກັນຫາ ແກ້ວບົວລະພາ ຮອງຫົວໜ້າພະແນກກະສິກຳ ແລະ ປ່າໄມ້ແຂວງກ່າວວ່າ ທາງພະແນກ ແລະ ຂະແໜງການຕ່າງໆພວມກະກຽມການປູກຕົ້ນໄມ້ໃນເນື້ອທີ່ 950 ເຮັກຕາໃນບັນດາເຂດ ແລະ ເມືອງຕ່າງໆທົ່ວແຂວງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວສາມາດບັນລຸເປົ້າໝາຍດຶງດູດນັກທ່ອງທ່ຽວຈີນ ໜຶ່ງລ້ານຄົນໃນປີ 2019, ຕາມບົດລາຍງານ.ຄວາມພະຍາມຍາມໃນການບັນລຸເປົ້າໝາຍອັນສູງສົ່ງນີ້ແມ່ນໄດ້ຮັບການຊຸກຍູ້ຈາກແຜນລາຍການສົ່ງເສີມການທ່ອງທ່ຽວຕ່າງໆຂອງເຈົ້າໜ້າທີ່ຝ່າຍລາວ ແລະ ຈີນ ເນື່ອງໃນໂອກາດປີທ່ອງທ່ຽວລາວ-ຈີນ 2019.ບົດລາຍງານໂດຍໜັງສືພິມວຽງຈັນທາມສ໌ ໄດ້ມີການນຳສະເໜີໃນກອງປະຊຸມປະຈຳເດືອນພຶດສະພາຂອງລັດຖະບານ, ເຊິ່ງຄະນະລັດຖະບານໄດ້ມີການຮັບຮອງເອົາບົດລາຍງານດັ່ງກ່າວ. ນັບແຕ່ຕົ້ນປີນີ້ຈົນເຖິງປະຈຸບັນ ມີນັກທ່ອງທ່ຽວຈາກຈີນເຂົ້າມາທ່ຽວລາວຈຳນວນ 259,205 ຄົນ – ເພີ່ມຂຶ້ນ 16% ທຽບກັບໄລຍະດຽວກັນຂອງປີຜ່ານມາ. ຕົວເລກດັ່ງກ່າວສະແດງທ່າແຮງຄວາມເປັນໄປໄດ້ໃນກັນບັນລຸຍອດນັກທ່ອງທ່ຽວຈາກຈີນໃຫ້ໄດ້ໜຶ່ງລ້ານຄົນສຳລັບໝົດປີ.ອ່ານຕໍ່ ...

ບໍ່ແກ້ວ, ລາວ (ວຽງຈັນທາມສ໌/ANN) – ພິທີມອບຮັບໂຮງຮຽນເຕັກນິກ-ວິຊາຊົບແຂວງບໍ່ແກ້ວທີ່ໄດ້ຮັບການປົວແປງໄດ້ມີຂຶ້ນຢ່າງເປັນທາງການຫວ່າງໝໍ່ໆມານີ້.ການປັບປຸງໂຮງຮຽນໃຫ້ທັນສະໄໝ ແລະ ການຂະຫຍາຍອາຄານຮຽນແມ່ນໄດ້ຮັບທຶນຊ່ວຍເຫຼືອຈາກລັດຖະບານລາວ ແລະ ລັດຖະບານເຢຍລະມັນຜ່ານໂຄງການ KfW, ເຊິ່ງມີມູນຄ່າລວມເກືອບ 1 ລ້ານຢູໂຣ.ໃນປີ 2015 ໂຮງຮຽນດັ່ງກ່າວໄດ້ເຂົ້າຮ່ວມໂຄງການຮ່ວມມືລາວ-ເຢຍລະມັນ VELA-FC (ການສຶກສາວິຊາຊີບໃນລາວ) ເຊິ່ງແນໃສ່ຍົກລະດັບການສຶກສາ ແລະ ການຝຶກອົບຮົມສຳລັບໂຮງຮຽນວິຊາຊີບໃນລາວ ທັງໃນດ້ານປະລິມານ ແລະ ຄຸນນະພາບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງທອນໂລກໄດ້ຄາດຄະເນງົບປະມານກວ່າ 2 ລ້ານໂດລາເພື່ອຊ່ວຍເຫຼືອລາວແຕ່ປີ 2018 ເຖິງປິ 2020 ໃນການລຶບລ້າງພະຍາດໄຂ້ປ່າ ແລະ ຫຼຸດຜ່ອນຜົນກະທົບຈາກການດື້ຢາຫຼາຍຊະນິດໃນຫ້າແຂວງຂອງລາວ.ຂໍ້ຕົກລົງກ່ຽວກັບທຶນດັ່ງກ່າວໄດ້ຮັບການລົງນາມໃນວັນສຸກແລ້ວນີ້ ທີ່ນະຄອນຫຼວງວຽງຈັນ ລະຫວ່າງທ່ານ ດຣ ສີສະຫວາດ ສຸດທະນີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ແລະ ທ່ານ ໂຣນາວໂດ ເອັສ໌ເຕີຣາ ອຳນວຍການອົງການ Health Poverty Action ປະຈຳລາວ.ອ່ານຕໍ່ ...