ການຊ່ວຍເຫຼືອດ້ານການພັດທະນາເພື່ອຫຼຸດຜ່ອນຄວາມທຸກຍາກ ແລະ ຮັບປະກັນດ້ານສະບຽງອາຫານ

ອີງຕາມບົດລາຍງານ, ປະມານ 71,000 ຄົນປະສົບຄວາມບໍ່ຫມັ້ນຄົງດ້ານອາຫານທີ່ຮ້າຍແຮງ, ໃນຂະນະທີ່ 1.4 ຄົນຄາດວ່າຈະມີລະດັບປານກາງຂອງຄວາມບໍ່ຫມັ້ນຄົງດ້ານອາຫານ.ປະເທດລາວໄດ້ຖືກໝາຍວ່າເປັນ “ປະເທດທີ່ໜ້າເປັນຫ່ວງ” ໃນເດືອນສິງຫາປີກາຍນີ້ ຫຼັງຈາກຖືກຄຸກຄາມ ຈາກຄວາມບໍ່ໝັ້ນຄົງດ້ານສະບຽງອາຫານ, ອີງຕາມບົດລາຍງານຂອງອົງການ FAO/WFP ໃນປີ 2022 ຂອງອົງການ FAO/WFP ໃນການປະເມີນຄວາມໝັ້ນຄົງດ້ານສະບຽງອາຫານຂອງລາວ. ສະພາບ​ການ​ໄດ້​ຮັບ​ການ​ຜັນ​ແປ​ໄປ​ຢ່າງ​ຮ້າຍ​ແຮງ​ຍ້ອນ​ຫຼາຍ​ປັດ​ໄຈ​ລວມທັງ​ລາຄາ​ສະບຽງ​ອາຫານ, ນ້ຳມັນ​ເຊື້ອ​ໄຟ​ ແລະ ​ວັດຖຸ​ປະກອບ​ກະສິກຳ​ທີ່​ສູງ​ຂຶ້ນ, ​ໄພ​ເງິນ​ເຟີ້​ຂອງ​ຄ່າ​ແຮງ​ງານ ແລະ​ກຳລັງ​ການ​ຊື້, ລາຍ​ຮັບ​ຂອງ​ຄົວ​ເຮືອນ​ຫຼຸດ​ລົງ, ​ແລະ​ ຄວາມ​ເສຍ​ຫາຍ​ຕໍ່​ພື້ນຖານ​ໂຄງ​ລ່າງ. ອ່ານເພິ່ມເຕີມ ...

ອົງການອາຫານໂລກ (WFP) ໄດ້ມອບເງິນ 1 ລ້ານໂດລາສະຫະລັດ ໃຫ້ກະຊວງສາທາລະນະສຸກ ໃນການສະໜອງອາຫານໃຫ້ແກ່ຜູ້ອົບພະຍົບທີ່ກັບຄືນມາ ແລະ ຈັດສັນທີ່ພັກຊົ່ວຄາວຢູ່ສູນກັກກັນໃນແຂວງວຽງຈັນ, ບໍ່ແກ້ວ, ສະຫວັນນະເຂດ, ຈຳປາສັກ ແລະແຂວງໄຊຍະບູລີ. ພວກເຮົາເຫຼົ່ານັ້ນ ຈະໄດ້ຮັບອາຫານທີ່ມີທາດບຳລຸງ 3 ຄາບຕໍ່ມື້ ເຊິ່ງຊ່ວຍປ້ອງກັນພະຍາດ ແລະ ຮັກສາສຸຂະພາບຂອງເຂົາເຈົ້າ, ພ້ອມດຽວກັນນັ້ນກໍ່ຍັງຊ່ວຍຫຼຸດຜ່ອນພາລະດ້ານການເງິນໃນການຍ້າຍຖິ່ນຖານຂອງເຂົາເຈົ້າ ແລະ ຄອບຄົວ.ອ່ານເພິ່ມເຕີມ  ...

ກອງທຶນຫຼຸດຜ່ອນຄວາມທຸກຍາກ ຫຼື (PRF) ຈະແນໃສ່່ປັບປຸງຊີວິດການເປັນຢູ່ ແລະ ສົ່ງເສີມໂພຊະນາການຢູ່ໃນ 4 ແຂວງເປົ້າໝາຍໃນປີນີ້, ອີງຕາມແຜນງານໂຄງການ PRF ຈະລວມມີການຊ່ວຍເຫຼືອສວນຜັກໃນຄົວເຮືອນ, ການລ້ຽງສັດ (ສັດປີກ, ໝູ, ປາ, ກົບ) ການຄຸ້ມຄອງການສັກຢາກັນພະຍາດແບບຕ່ອງໂສ້, ສວນກ້າເບ້ຍ, ເບ້ຍລ້ຽງສັດ, ການປູກພືດ, ຕົ້ນໄມ້ໃຫ້ໝາກ, ຜະລິດຕະພັນຈາກປ່າໄມ້, ປັບປຸງແນວພັນເຂົ້າ, ແລະ ການເຮັດຫັດຖະກຳ.ອ່ານເພິ່ມເຕີມ..  ...

ກະຊວງກະສິກຳ ແລະ ປ່າໄມ້ໄດ້ເຊັນສັນຍາໃນເດືອນກຸມພາ ວ່າດ້ວຍການນຳໃຊ້ລະບົບ u-money ເພື່ອຈ່າຍເງີນຊ່ວຍເຫລືອແກ່ຜູ້ທີ່ໄດ້ຮັບຜົນປະໂຫຍດຈາກໂຄງການຫຼຸດຜ່ອນຄວາມທຸກຍາກ ແລະ ຂາດສານອາຫານໃນຊົນນະບົດ. ໂຄງການນີ້ແມ່ນ ໜຶ່ງໃນຫລາຍໆໂຄງການທີ່ໄດ້ຮັບການສະໜັບສະໜູນເງິນກູ້ຈາກທະນາຄານໂລກ. ໂຄງການດັ່ງກ່າວຈະຖືກຈັດຕັ້ງປະຕິບັດຢູ່ 4 ແຂວງພາກເໜືອ ຄື: ແຂວງຜົ້ງສາລີ, ອຸດົມໄຊ, ຫົວພັນ ແລະ ຊຽງຂວາງ ແລະ ຈະເຫັນການເບີກຈ່າຍເງິນຊ່ວຍເຫລືອຄອບຄົວທີ່ທຸກຈົນ ແລະ ຄອບຄົວທີ່ຫາກໍຫຼຸດພົ້ນຈາກຄວາມທຸກຍາກ.ອ່ານເພິ່ມເຕີມ.  ...

(ຂປລ) ເພື່ອຊ່ວຍປັບປຸງໂພຊະນາການໃຫ້ແກ່ປະຊາຊົນລາວ ໂດຍສະເພາະແມ່ນເດັກນ້ອຍ, ສະຫະລັດ ພາຍໃຕ້ການຮ່ວມມືຢ່າງໃກ້ຊິດກັບກະຊວງສາທາລະນະສຸກ,​ ໄດ້ທຳການເປີດສະຖາບັນໂພຊະນາການແຫ່ງຊາດ ແລະ ການລິເລີ່ມດ້ານໂພຊະນາການ ລາວ-ອາເມລິກາ ໃນວັນທີ 14 ພະຈິກ 2019 ທີ່ນະຄອນຫຼວງວຽງຈັນ.ສະຖາບັນແຫ່ງໃໝ່ດັ່ງກ່າວ ລວມມີ ອາຄານຄຼີນິກ ແລະ ຫ້ອງຮຽນ, ມີມູນຄ່າລວມ US$ 3.9 ລ້ານໂດລາ. ອ່ານຕໍ່ ...

ວຽງຈັນ, 17 ພະຈິກ (ຊິນຫົວ) — ບ້ານຊໍ ເມືອງສັງທອງ ຕັ້ງຢູ່ເຂດພູດອຍ ຫ່າງຈາກນະຄອນຫຼວງວຽງຈັນໄປທາງທິດເໜືອ ປະມານສອງຊົ່ວໂມງ ຕາມເສັ້ນທາງບໍ່ດີທີ່ເຕັມໄປດ້ວຍຂຸມ.ບ້ານດັ່ງກ່າວປະກອບດ້ວຍ 407 ຄອວຄົວ, ຫຼື 2,007 ຄົນ, ເຊິ່ງປະຊາຊົນປະມານເຄິ່ງບ້ານ ຢູ່ພາຍໃຕ້ຄວາມທຸກຍາກ, ມີລາຍຮັບສຸດທິຕໍ່ຫົວຄົນຕໍ່ປີ ຕ່ຳກວ່າ 700 ໂດລາ.ເຖິງຢ່າງໃດກໍຕາມ, ຖະໜົນ, ບ້ານເຮືອນ ແລະ ໄຟຖະໜົນພະລັງງານແສງອາທິດ ທີ່ຫາກໍ່ສ້າງໃໝ່ ໄດ້ສ້າງຄວາມແຕກຕ່າງຢ່າງເຫັນໄດ້ຈະແຈ້ງ ທຽບກັບພື້ນຖານໂຄງລ່າງເກົ່າທີ່ເປ່ເພ, ​ເຊິ່ງສະແດງໃຫ້ເຫັນຄວາມພະຍາຍາມໃນການພັດທະນາບ້ານດັ່ງກ່າວໃຫ້ຫຼຸດພົ້ນຈາກຄວາມທຸກຍາກ.ພາບໃຕ້ໂຄງການທົດລອງເພື່ອຫຼຸດຜ່ອນຄວາມທຸກຍາກໃນອາຊີຕາເວັນອອກ, ທີມງານຈາກຈີນ ໄດ້ຄັດເລືອກບ້ານຊໍ ເພື່ອສາທິດປະສົບການໃນການຫຼຸດຜ່ອນຄວາມທຸກຍາກຂອງຈີນ ມາແຕ່ປີ 2017.ອ່ານຕໍ່ ...

ວຽງຈັນ, 23 ຕຸລາ (Xinhua) — ເຈົ້າໜ້າທີ່ຈີນ ແລະ ລາວ ໄດ້ລົງນາມໃນເອກະສານ ເພື່ອດຳເນີນໂຄງການຊ່ວຍເຫຼືອຂອງຈີນ ໃນການຫຼຸດຜ່ອນຄວາມທຸກຍາກໃນລາວ ໃນວັນພຸດນີ້ ທີ່ນະຄອນຫຼວງວຽງຈັນ.ທ່ານ ຫວັງ ສີອຸຍ ທີ່ປຶກສາດ້ານເສດຖະກິດ ແລະ ການຄ້າ ສະຖານທູດຈີນປະຈຳລາວ ແລະ ທ່ານ ໄຊຊະນະ ສິດທິພອນ ຫົວໜ້າຫ້ອງການ ຄະນະກຳມາທິການການຮ່ວມມືລາວ-ຈີນ ໄດ້ລົງນາມໃນບົດສະຫຼຸບການຈັດຕັ້ງປະຕິບັດການຊ່ວຍເຫຼືອຂອງລັດຖະບານຈີນ ໃນການກໍ່ສ້າງສິ່ງອຳນວຍຄວາມສະດວກເພື່ອຫຼຸດຜ່ອນຄວາມທຸກຍາກໃນຊົນນະບົດຂອງລາວ.ອ່ານຕໍ່ ...

ແຂວງສະຫວັນນະເຂດ: ລັດຖະບານ, ສະຫະພາບຢຸໂຣບ (ອີຢູ) ແລະ ອົງການຢູນິເຊັບ ກຳລັງເພີ່ມທະວີຄວາມພະຍາຍາມ ພາຍໃຕ້ໂຄງການຮ່ວມມືເພື່ອການປັບປຸງໂພຊະນາການ ເຊິ່ງມີເປົ້າໝາຍແນໃສ່ປັບປຸງດ້ານໂພຊະນາການສຳລັບເດັກນ້ອຍ.ເຖິງຈະມີຄວາມກ້າວໜ້າໃນຊຸມປີຜ່ານມາ, ແຂວງສະຫວັນນະເຂດຍັງຄົງມີອັດຕາເດັກທີ່ຢູ່ໃນພາວະເຕ້ຍ, ນ້ຳໜັກຫຼຸດເກນ ແລະ ຈ່ອຍ ທີ່ສູງ ເຊິ່ງເປັນບັນຫາດ້ານສາທະລະນະສຸກ ຕາມບົດລາຍງານທີ່ເຜີຍແຜ່ຕໍ່ສື່ມວນຊົນໃນລະຫວ່າງການຢ້ຽມຢາມແຂວງສະຫວັນນະເຂດ ໃນລະຫວ່າງວັນທີ 21-22 ຕຸລານີ້, ພາຍໃຕ້ການສະໜັບສະໜູນໂດຍອົງການຢູນິເຊັບ ແລະ ອີຢູ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຫະພາບຢູໂຣບ (ອີຢູ-EU) ໃຫ້ທຶນຊ່ວຍເຫຼືອ 484 ລ້ານກວ່າກີບ (50 ລ້ານຢູໂຣ) ໃນການປັບປຸງດ້ານໂພຊະນາການ ແລະ ຫຼຸດຜ່ອນການຂາດສານອາຫານໃນລາວ.ເຈົ້າໜ້າທີ່ລັດຖະບານຈາກກະຊວງ ແລະ ທ່ານ ເນເວັນ ມີມີກາ ກຳມາທິການເພື່ອການຮ່ວມມື ແລະ ພັດທະນາສາກົນ ສະຫະພາບຢູໂຣບ ໄດ້ເປີດຕົວການລິເລີ່ມໃໝ່ມູນຄ່າ 50 ລ້ານຢູໂຣ ເພື່ອສະໜັບສະໜູນຍຸດທະສາດ ແລະ ແຜນດຳເນີນງານດ້ານໂພຊະນາການແຫ່ງຊາດລາວ ເພື່ອຊ່ວຍຫຼຸດຜ່ານການຂາດສານອາຫານໃນປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງການຮ່ວມມື ແລະ ພັດທະນາເສດຖະກິດຂອງສະຫະພັນເຢຍລະມັນ (BMZ) ຮ່ວມກັບອົງການຄິຼດຕະຈັກເພື່ອການພັດທະນາ ແລະ ບັນເທົາທຸກ ເຢຍລະມັນ (ADRA) ໄດ້ອະນຸມັດທຶນຊ່ວຍເຫຼືອກວ່າ 8.3 ຕື້ກີບ (US$961,493 ໂດລາ) ເພື່ອຊ່ວຍເຫຼືອໂຄງການສົ່ງເສີມຄວາມໝັ້ນຄົງດ້ານສະບຽງອາຫານ ແລະ ຊີວິດການເປັນຢູ່ໄລຍະສາມປີ ຢູ່ເມືອງພູກູດ ແຂວງຊຽງຂວາງ.ບົດບັນທຶກຄວາມເຂົ້າໃຈກ່ຽວກັບໂຄງການດັ່ງກ່າວໄດ້ມີການລົງນາມຫວ່າງໝໍ່ໆມານີ້ ຢູ່ແຂວງຊຽງຂວາງ ລະຫວ່າງທ່ານນາງ ກິວ ກຼໍລິມຸນ ອຳນວຍການອົງການ ADRA ປະຈຳລາວ ແລະ ທ່ານ ບຸນໂຮມ ເທດທານີ ຫົວໜ້າພະແນກກະສິກຳ ແລະ ປ່າໄມ້ແຂວງຊຽງຂວາງ.ອ່ານຕໍ່ ...