ພື້ນຖານໂຄງລ່າງ
ນາຍົກກ່າວ: ເສັ້ນທາງລົດໄຟຈະສ້າງຜົນປະໂຫຍດທາງດ້ານເສດຖະກິດ ແລະ ການພັດທະນາ
ສຳນັກຂ່າວນິເຄອິຂອງຍີ່ປຸ່ນໄດ້ລາຍງານໃນວານນີ້ວ່າ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ກ່າວໃນກອງປະຊຸມທີ່ປະເທດຍີ່ປຸ່ນວ່າ ເສັ້ນທາງລົດໄຟລາວ-ຈີນ ເຊິ່ງເປັນສ່ວນໜຶ່ງການລິເລີ່ມເສັ້ນທາງເຊື່ອມໂຍງດ້ານການຄ້າຂອງຈີນ ຈະສ້າງຜົນປະໂຫຍດໃຫຍ່ຫຼວງຕໍ່ເສດຖະກິດ ແລະ ພາບລວມການພັດທະນາຂອງລາວ. ຈາກເປົ້າໝາຍການຫຼຸດພົ້ນຈາກສະຖານະພາບດ້ອຍພັດທະນາທີ່ສຸດ ທ່ານນາຍົກໄດ້ກ່າວໃນກອງປະຊຸມວ່າດ້ວຍອະນາຄົດຂອງອາຊີ ທີ່ກຸງໂຕກຽວວ່າ ລັດຖະບານລາວມີເຈດຈຳນົງຫັນປ່ຽນປະເທດລາວຈາກປະເທດທີ່ບໍ່ມີທາງອອກສູ່ທະເລ ໄປສູ່ປະເທດທີ່ເປັນຂົວຕໍ່ເຊື່ອມໂຍງພາກພື້ນ ແລະ ການສ້າງເສັ້ນທາງລົດໄຟນີ້ແມ່ນໜຶ່ງໃນບາດກ້າວສຳຄັນຂອງແຜນການດັ່ງກ່າວ.ອ່ານຕໍ່ ...
ວຽງຈັນທາມສ໌
ລາວ-ຍີ່ປຸ່ນພິຈາລະນາການປັບປຸງການບໍລິການໂດຍສານຂົນສົ່ງໃນວຽງຈັນ
ການຮ່ວມມືລາວ ແລະ ຍີ່ປຸ່ນແມ່ນແນໃສ່ການປັບປຸງການບໍລິການຂົນສົ່ງສາທາລະນະໃນວຽງຈັນ ຜ່ານໂຄງການຍົກລະດັບລະບົບການຄຸ້ມຄອງລົດເມ ເຊິ່ງຈັດຕັ້ງປະຕິບັດໂດຍບໍລິສັດ ອີໂກບັສ ແຫ່ງປະເທດຍີ່ປຸ່ນ. ບັນຫາດັ່ງກ່າວໄດ້ມີການປຶກສາຫາລືກັນໃນກອງປະຊຸມລາຍງານຜົນກ່ຽວກັບໂຄງການ “ສຳຫຼວດກວດກາລະບົບຄຸ້ມຄອງກິດຈະການລົດເມ” ເຊິ່ງໄດ້ຈັດຂຶ້ນໃນວັນພະຫັດທີ່ຜ່ານມານີ້.ອ່ານຕໍ່ ...
ວຽງຈັນທາມສ໌
ຊ່ຽວຊານລັດຖະບານ ແລະ ສາກົນ ຄົ້ນຄວ້າບັນຫາຖະໜົນພັງ
ເຈົ້າໜ້າທີ່ລັດຖະບານ ແລະ ສະມາຊິກອົງການຈັດຕັ້ງສາກົນໄດ້ປະຊຸມກັນທີ່ວຽງຈັນໃນມື້ວານນີ້ ເພື່ອປຶກສາຫາລືການກ່ຽວກັບສ້ອມແປງຖະໜົນຫົນທາງ ແນໃສ່ປັບປຸງການສັນຈອນບົນທ້ອງຖະໜົນ ແລະ ປ້ອງກັນຄວາມເສຍຫາຍຂອງຖະໜົນເນື່ອງຈາກລົດບັນທຸກໜັກເກີນຂອບເຂດ.ອ່ານຕໍ່ ...
ວຽງຈັນທາມສ໌
ຕາຂ່າຍໄຟຟ້າລາວຫັນເປັນທັນສະໄໝ
ຂັ້ນຕອນກ່ຽວກັບການຕິດຕາມ, ຕິດຕັ້ງ ແລະ ແກ້ໄຂບັນຫາກ່ຽວກັບເຄືອຂ່າຍໄຟຟ້າມີປະສິດທິຜົນກວ່າເດີມ ຫຼັງຈາກມີການນຳໃຊ້ລະບົບຂໍ້ມູນຂ່າວສານດ້ານພູມສາດເຂົ້າໃນຂະແໜງການພະລັງງານໃນລາວ.ອ່ານຕໍ່ ...
ວຽງຈັນທາມສ໌
ລາວ, ເກົາຫຼີ ຄົ້ນຄວ້າການຍົກລະດັບເສັ້ນທາງເລກທີ 8
ຊ່ຽວຊານຈາກລັດຖະບານລາວ ແລະເກົາຫຼີ ໄດ້ສືບຕໍ່ຄົ້ນຄວ້າກ່ຽວກັບການຍົກລະດັບເສັ້ນທາງເລກ 8 ຢູ່ແຂວງບໍລິຄຳໄຊ ຕາມມາດຕະຖານເສັ້ນທາງອາຊຽນ. ທັງສອງຝ່າຍໄດ້ພົບປະກັນຢູ່ວຽງຈັນເພື່ອຄົ້ນຄວ້າກ່ຽວກັບ “ບົດວິພາກເສດຖະກິດລະອຽດໃນການຍົກລະດັບເສັ້ນທາງຫຼວງແຫ່ງຊາດເລກທີ 8 ຢູ່ແຂວງບໍລິຄຳໄຊ ຕາມ “ມາດຕະຖານເສັ້ນທາງຫຼວງອາຊີ (AH15)”.ອ່ານຕໍ່ ...
ວຽງຈັນທາມສ໌
ຄັດເລືອກສາມບໍລິສັດກໍ່ສ້າງທາງດ່ວນວຽງຈັນ
ສາມບໍລິສັດໄດ້ຖືກຄັດເລືອກໃຫ້ດຳເນີນການກໍ່ສ້າງເສັ້ນທາງດ່ວນເຊື່ອມຕໍ່ໃຈກາງນະຄອນຫຼວງວຽງຈັນຫາເຂດຊານເມືອງ ເພື່ອຈຸດປະສົງຫຼຸດຜ່ອນຄວາມຄັບຄາໜາແໜ້ນໃນການຈໍລະຈອນໃນເຂດຕົວເມືອງ. ເສັ້ນທາງດ່ວນເຊິ່ງມີໄລຍະທາງ 15 ກມ ດັ່ງກ່າວ ແມ່ນເລີ່ມຕົ້ນແຕ່ບໍລິເວນສູນການຄ້າລາວໄອເຕັກ ເມືອງໄຊເສດຖາ ໄປຫາບ້ານດົງໝາກຄາຍ ເມືອງໄຊທານີ. ເສັ້ນທາດັ່ງກ່າວເປັນຈະສ້າງເປັນຖະໜົນສີ່ເລນ, ກວ້າງ 54 ແມັດ, ຕັດຂະໜານໄປຕາມຖະໜົນໄກສອນພົມວິຫານ.ອ່ານຕໍ່ ...
ວຽງຈັນທາມສ໌
ລັດຫາຄູ່ຮ່ວມທຸລະກິດສຳລັບການບິນລາວ
ລັດຖະບານກຳລັງຊອກຫາຄູ່ຮ່ວມທຸລະກິດທີ່ເໝາະສົມເພື່ອຮ່ວມດຳເນີນທຸລະກິດການບິນລາວ ເພື່ອເພີ່ມປະສິດທິພາບ ແລະ ຜົນກຳໄລໃນການດຳເນີນທຸລະກິດຂົນສົ່ງແຫ່ງຊາດດັ່ງກ່າວ. ຕາມແຫຼ່ງຂ່າວຂອງກະຊວງໂຍທາທິການ ແລະຂົນສົ່ງລາຍງານວ່າ ມີນັກລົງທຶນຕ່າງປະເທດທີ່ມີທ່າແຮງຫຼາຍລາຍ ທີ່ມີຄວາມສົນໃຈໃນການສ້າງວິສາຫະກິດຮ່ວມຜະສົມດັ່ງກ່າວກັບລັດຖະບານລາວ.ອ່ານຕໍ່ ...
ສຸກສາຄອນ ແຫວນແກ້ວ
ບໍລິສັດຮັບເໝົາກຽມເດີນໜ້າກໍ່ສ້າງສາຍທາງດ່ວນ ວຽງຈັນ-ປາກເຊ
ລັດຖະບານກຽມລົງນາມໃນບົດບັນທຶກຄວາມເຂົ້າໃຈກັບ 4 ບໍລິສັດຜູ້ຮັບເໝົາກໍ່ສ້າງຂອງລາວ ແລະ ຈີນ ເພື່ອດຳເນີນການສຳຫຼວດ, ເຮັດບົດວິພາກເສດຖະກິດ, ແລະ ອອກແບບລາຍລະອຽດໃນການກໍ່ສ້າງເສັ້ນທາງດ່ວນ ວຽງຈັນ-ປາກເຊ.ອ່ານຕໍ່ ...
ວຽງຈັນທາມສ໌
ເປີດໄຟຂຽວການສ້າງຂົວມິດຕະພາບລາວ-ໄທແຫ່ງທີ 5
ຂົວມິດຕະພາບລາວ-ໄທແຫ່ງທີ 5 ເຊິ່ງເຊື່ອມຕໍ່ແຂວງບໍລິຄຳໄຊ ກັບຈັງຫວັດບຶງການປະເທດໄທ ຈະເລີ່ມລົງມືທຳການກໍ່ສ້າງ ຫຼັງຈາກໄດ້ຮັບການອະນຸມັດຈາກທັງສອງປະເທດຢ່າງເປັນທາງການ. ໜຶ່ງໃນພະນັກງານຊວງໂຍທາທິການ ແລະ ຂົນສົ່ງ ໄດ້ລາຍງານໜັງສືພິມວຽງຈັນທາມສ໌ໃນວັນອັງຄານນີ້ວ່າ ເຈົ້າໜ້າທີ່ຝ່າຍລາວແລະໄທ ໄດ້ທຳການອະນຸມັດແຜນການດັ່ງກ່າວແລ້ວໃນການພົບປະກັນຢູ່ປາກເຊ, ແຂວງຈຳປາສັກ ໃນຕົ້ນປີນີ້. ນອກຈາກນັ້ນຍັງມີການສະເໜີການກໍ່ສ້າງຂົວມິດຕະພາບແຫ່ງທີຫົກ ເພື່ອເຊື່ອມຕໍ່ແຂວງສາລະວັນ ກັບຈັງຫວັດອຸບົນລາດຊະທານີ.ອ່ານຕໍ່ ...
ຄອນສະຫວັນ ລາດຊະເພົາ
ເສັ້ນທາງບໍລິຄຳໄຊຮອງຮັບເສັ້ນທາງຫຼວງວຽງຈັນ-ຮ່າໂນ້ຍ
ລາວ ແລະ ຫວຽດນາມໄດ້ອະນຸມັດແຜນການກໍ່ເສັ້ນທາງຫຼວງວຽງຈັນ-ຮ່າໂນ້ຍ ຕັດຜ່ານແຂວງບໍລິຄຳໄຊໃຈກາງຂອງລາວ ແລະ ແຂວງເງອັນໃຈກາງຂອງຫວຽດນາມ ເຊິ່ງມີຄວາມຍາວປະມານ 700 ກມ. ພະນັກງານແຂວງບໍລຄຳໄຊຜູ້ສະຫງວນນາມ ໄດ້ລາຍງານຕໍ່ສຳນັກຂ່າວວຽງຈັນທາມສ໌ໃນມື້ວັນຈັນນີ້ວ່າ ເສັ້ນທາງຫຼວງດັ່ງກ່າວຈະຕັດຂະໜານໄປກັບເສັ້ນທາງເລກທີ 13 ໃຕ້ເດີມ ແລ້ວຫັກເຂົ້າໃສ່ຊາຍແດນລາວຫວຽດ ນ້ຳພາວ-ແກວເຈົາ ທີ່ເມືອງຄຳເກີດແຂວງບໍລິຄຳໄຊ.ອ່ານຕໍ່ ...
ຄອນສະຫວັນ ລາດຊະເພົາ
