ລັດຖະບານ

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ກຳປູເຈຍ ໄດ້ລົງນາມໃນຖະແຫຼງການຮ່ວມ, ເຊິ່ງເປັນຂີດໝາຍແຫ່ງການເລີ່ມຕົ້ນຍຸກສະໄໝໃໝ່ໃນການພົວພັນ ແລະ ຮ່ວມມືລະຫວ່າງສອງຊາດເພື່ອນບ້ານ.ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ແລະ ທ່ານ ຮຸນ ເຊັນ ນາຍົກລັດຖະມົນຕີກຳປູເຈຍ ໄດ້ລົງນາມໃນຖະແຫຼງການ ສະບັບວັນທີ 12 ກັນຍານີ້ ທີ່ນະຄອນພະນົມເປັນ ຂອງກຳປູເຈຍ, ເຊິ່ງກຳນົດທິດທາງໃນການຮ່ວມມືພາຄີຊຸດໃໝ່ ທີ່ສອງຊາດມີແຜນຈັດຕັ້ງປະຕິບັດໃນຊຸມປີຕໍ່ໜ້າ.ຕາມການເປີດເຜີຍຂອງກະຊວງການຕ່າງປະເທດໃນວັນທີ 16 ກັນຍານີ້, ໜຶ່ງໃນການລິເລີ່ມທີ່ສຳຄັນກໍຄື ລັດຖະບານລາວ ແລະ ກຳປູເຈຍໄດ້ຕົກລົງຍົກລະດັບສາຍພົວພັນສອງຝ່າຍໃຫ້ເປັນການຮ່ວມມືຍຸດທະສາດທີ່ເລິກເຊິ່ງ ແລະ ລະອິດລະອ້ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ເດີນທາງເຖິງນະຄອນພະນົມເປັນ ປະເທດກຳປູເຈຍ ວານນີ້ ເພື່ອຢ້ຽມຢ່າງເປັນທາງການໄລຍະສອງວັນ ເພື່ອຫາລືບັນຫາກ່ຽວກັບການຮ່ວມມືກັບລາດຊະອານາຈັກກຳປູເຈຍ ເຊັ່ນການຮັກສາສັນຕິພາບໃນຊາຍແດນ.ທັນທີ່ທີ່ເດີນທາງເຖິງ, ທ່ານນາຍົກ ໄດ້ເຂົ້າຮ່ວມພິທີຕ້ອນຮັບຢ່າງເປັນທາງການ ແລະ ໂອ້ລົມພາຄີກັບພະນະທ່ານ ຮຸນ ເຊັນ ນາຍົກລັດຖະມົນຕີກຳປູເຈຍ, ຕາມການເປີດເຜີຍຕໍ່ສື່ມວນຊົນຂອງກະຊວງການຕ່າງປະເທດລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ກຸຍບາມີເປົ້າໝາຍເສີມຂະຫຍາຍໂອກາດທາງດ້ານການຄ້າ ແລະ ການລົງທຶນ ພາຍຫຼັງການຢ້ຽມຢາມຢ່າງເປັນທາງການຂອງຄະນະຜູ້ແທນການຄ້າລະດັບສູງຈາກກຸຍບາ ທີ່ນະຄອນຫຼວງວຽງຈັນໃນລະຫວ່າງວັນທີ 8-9 ກັນຍານີ້.ຄະະນະຜູ້ແທນກຸຍບານຳໂດຍທ່ານ ໂຣດິຼໂກ ມານມິເອກາ ດິອາສ໌ ລັດຖະມົນຕີກະຊວງການຄ້າ ແລະ ການລົງທຶນຕ່າງປະເທດ ພ້ອມດ້ວຍເຈົ້າໜ້າທີ່.ຈຸດປະສົງຂອງການຢ້ຽມຢາມໃນຄັ້ງນີ້ ແມ່ນເພື່ອຮັດແໜ້ນການຮ່ວມມືລະຫວ່າງສອງລັດຖະບານ ແລະ ເສີມຂະຫຍາຍການພົວພັນການຄ້າ ພາຍຫຼັງການຢ້ຽມຢາມຂອງເຈົ້າໜ້າທີ່ລະດັບສູງຄັ້ງກ່ອນ ເຊິ່ງລາວ ແລະ ກຸຍບາໄດ້ຕົກລົງໃນການສົ່ງເສີມການພົວພັນພາຄີທາງດ້ານເສດຖະກິດ.ອ່ານຕໍ່  ...

ປະເທດລາວ ແລະ ກຳປູເຈຍຕົກລົງກ່ຽວກັບຫຼັກການພື້ນຖານໃນການຮ່າງຂໍ້ກຳນົດການປະຕິບັດ (TOR) ເພື່ອເລັ່ງມືການແກ້ໄຂຂໍ້ຂັດແຍ່ງໃນພື້ນທີ່ຊາຍແດນ.ນີ້ແມ່ນຜົນຂອງກອງປະຊຸມລະຫວ່າງການນຳກະຊວງການຕ່າງປະເທດລາວ ແລະ ກຳປູເຈຍ, ເຊິ່ງຈັດຂຶ້ນຢູ່ນະຄອນວຽງຈັນໃນວັນສຸກແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານປະທານປະເທດ ບຸນຍັງ ວໍລະຈິດ ພ້ອມດ້ວຍທ່ານ ມູນ ແຈອິນ ປະທານປະເທດສາທາລະນະລັດເກົາຫຼີຮ່ວມຫາລືຄັ້ງສຳຄັນ ທີ່ນະຄອນຫຼວງວຽງຈັນ ໃນວັນພະຫັດນີ້ ເພື່ອຢືນຢັນຄຳ້ໝັ້ນໃນການເສີມຂະຫຍາຍສາຍພົວພັນມິດຕະພາບລະຫວ່າງສອງຊາດ ແລະ ຂະຫຍາຍການຮ່ວມມື.ກອງປະຊຸມລະຫວ່າງສອງຜູ້ນຳລາວ,​ ເກົາຫຼີ ໄດ້ຈັດຂຶ້ນທີ່ສຳນັກງານປະທານປະເທດ ຫຼັງພິທີຄຳນັບຮັບຕ້ອນຢ່າງເປັນທາງການ. ເຂົ້າຮ່ວມໃນພິທີມີບັນດາຜູ້ນຳລັດຖະບານລາວ ແລະ ເກົາຫຼີ.ອ່ານຕໍ່ ...

ທ່ານ ພຼັກ ໂສຄອນ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດກຳປູເຈຍຈະເດີນທາງຢ້ຽມຢາມລາວ ໃນວັນທີ 5-6 ກັນຍານີ້ ເພື່ອປະຕິບັດພາລະກິດແກ້ໄຂຂໍ້ຂັດແຍ່ງຊາຍແດນ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວໄດ້ກະກຽມຮັບຕ້ອນການເດີນທາງຢ້ຽມຢາມດັ່ງກ່າວ.ການຢ້ຽມຢາມໄລຍະສອງວັນດັ່ງກ່າວແມ່ນແນໃສ່ “ຮັດແໜ້ນສາຍພົວພັນ ແລະ ເສີມຂະຫຍາຍຂອບເຂດການຮ່ວມມືພາຄີ, ລວມເຖິງຫາລືບັນຫາຊາຍແດນ ກໍຄືການຮ່ວມມືໃນພາກພື້ນ ແລະ ສາກົນເພື່ອຜົນປະໂຫຍດຮ່ວມກັນ,” ຕາມການແຈ້ງການຂອງກະຊວງການຕ່າງປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຮົງກາຣີຈະຍົກເວັ້ນວີຊາສຳລັບນັກການທູດ ຫຼື ຜູ້ຖືໜັງສືຜ່ານແດນປະເພດບໍລິການການທູດ ເລີ່ມແຕ່ວັນທີ 9 ກັນຍາເປັນຕົ້ນໄປ, ເຮັດໃຫ້ຜູ້ຖືໜັງສືຜ່ານແດນປະເພດດັ່ງກ່າວ ຈາກແຕ່ລະປະເທດສາມາດພັກເຊົາໃນປະເທດພາຄີໃນໄລຍະ 90 ວັນໂດຍບໍ່ຕ້ອງມີວີຊາ.ບາດກ້າວດັ່ງກ່າວແມ່ນເປັນໄປຕາມຂໍໍ້ຕົກລົງທີ່ໄດ້ລົງນາມໂດຍລາວ ແລະ ຮົງກາຣີ ຄັ້ງວັນທີ 11 ມິນາ.ຜູ້ຖືໜັງສືເດີນທາງປະເພດດັ່ງກ່າວບໍ່ອະນຸຍາດໃຫ້ຕໍ່ເວລາໃນການພັກເຊົາເກີນກຳນົດ 90 ວັນທີ່ອະນຸຍາດ, ແຕ່ອາດສາມາດເຂົ້າປະເທດອີກຄັ້ງຫຼັງຈາກເດີນທາງອອກນອກປະເທດເປັນໄລຍະສາມເດືອນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານສັນຍາວ່າຈະສືບຕໍ່ຄວາມພະຍາຍາມໃນການປັບປຸງການບໍລິການສາທາລະນະ, ເຊິ່ງປະຊາຊົນຫຼາຍຄົນໄດ້ຮຽກຮ້ອງໃຫ້ເຈົ້າໜ້າທີ່ລັດຖະບານ ປະຕິບັດຕົວໃຫ້ເໝາະສົມຍິ່ງຂຶ້ນໃນການບໍລິການປະຊາຊົນ.ຕາມບົດຂ່າວຕໍ່ສື່ມວນຊົນຈາກກົມປະຊາສຳພັນຂອງລັດຖະບານ ທີ່ເປີດເຜີຍໃນຕອນທ້າຍຂອງກອງປະຊຸມປະຈຳເດືອນຂອງຄະນະລັດຖະບານໃນວັນທິ 19​ ສິງຫາຜ່ານມານີ້, ລັດຖະບານມີເປົ້າໝາຍເອົາໃຈໃສ່ໃນການປັບປຸງການບໍລິການສາທາລະນະໃນຊຸມເດືອນຕໍ່ໜ້າ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວສາມາດເພີ່ມທະວີຜົນສຳເລັດໃນການປົກປ້ອງສິດທິສ່ວນບຸກຄົນໃນດ້ານສຸຂະພາບ ເຊິ່ງປະຊາກອນສ່ວນໃຫຍ່ໃນປະຈຸບັນມີໂອກາດຫຼາຍຂຶ້ນໃນການເຂົ້າເຖິງການບໍລິການສາທາລະນະສຸກທີ່ມີຄຸນນະພາບກວ່າເກົ່າ.ນີ້ແມ່ນຄຳເຫັນຂອງທ່ານ ຮສ.ດຣ ບຸນກອງ ສີຫາວົງ, ລັດຖະມົນຕີກະຊວງສາທາລະນະສຸກ ໃນກອງປະຊຸມລັດຖະມົນຕີສາທາລະນະສຸກອາຊຽນຄັ້ງທີ 14 ແລະ ກອງປະຊຸມທີ່ກ່ຽວຂ້ອງ ເຊິ່ງຈັດຂຶ້ນຢູ່ເມືອງສຽມຣຽບ ປະເທດກຳປູເຈຍ.ທ່ານໄດ້ເນັ້ນໃຫ້ເຫັນເຖິງຜົນສຳເລັດຂອງເຈົ້າໜ້າທີ່ສາທາລະນະສຸກ ທີ່ເຮັດວຽກຢູ່ໃນປະເທດສະມາຊິກອາຊຽນ ໃນການໃຫ້ບໍລິການດ້ານການແພດຕໍ່ສາທາລະນະຊົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ກຳປູເຈຍຖອນກຳລັງທະຫານອອກຈາກພື້ນທີ່ຊາຍແດນທີ່ມີຂໍ້ຂັດແຍ່ງ ທີ່ເມືອງມູນລູປະໂມກ ແຂວງຈຳປາສັກ ເຊິ່ງການປະຕິບັດການແມ່ນສຳເລັດຕາມກຳນົດການ.ການຖອນກຳລັງທະຫານດັ່ງກ່າວແມ່ນເປັນໄປຕາມຂໍ້ຕົກລົງຂອງຕົວແທນທະຫານຈາກສອງຊາດໃນວັນທີ 27 ສິງຫາ, ທີ່ກຳນົດໃຫ້ມີການຖອນກຳລັງທະຫານອອກຈາກພື້ນທີ່ໄຮຂາວ ຈຸດພິກັດທີ່ຕັ້ງ E0523410, N1579776.ອ່ານຕໍ່ ...