ສູນລາວ ວີ-ເມັດ ເພື່ອການປິ່ນປົວພະຍາດຕັບອັດເສບຊະນິດ B ແລະ C ໄດ້ເປີດບໍລິການຢ່າງເປັນທາງການທີ່ວຽງຈັນ ໃນວັນຈັນນີ້, ແລະ ຍັງໃຫ້ບໍລິການປິ່ນປົວຄົນເຈັບພະຍາດ  HIV/AIDS ແລະ ພະຍາດຕິດຕໍ່ທາງເພດສຳພັນຕ່າງໆ.ສູນດັ່ງກ່າວແມ່ນຕັ້ງຢູ່ທີ່ໂຮງໝໍເສດຖາທິລາດ ເຊິ່ງເປັນການຮ່ວມມືລະຫວ່າງກະຊວງສາທາລະນະສຸກ ແລະ ບໍລິສັດລາວເຕັກໂນໂລຊີເພື່ອສັງຄົມເປີດຈຳກັດຂອງຈີນ (OTS).ອ່ານຕໍ່ ...

ຄະນະກຳມະການຮ່ວມລາວ-ຫວຽດນາມຕົກລົງຮ້ວມມືກັນໃນການເພີ່ມທະວີການລົງທຶນ ແລະ ການຄ້າຊາຍແດນຕາມແນວຊາຍແດນຮ່ວມ, ຕາມການລາຍງານຂອງກະຊວງການຕ່າງປະເທດ.ນອກນີ້ ທັງສອງຝ່າຍຍັງໄດ້ຕົກລົງໃນການເສີມຂະຫຍາຍການຮ່ວມມືດ້ານການຄຸ້ມຄອງຊາຍແດນ, ດ້ານວັດທະນະທຳ ແລະ ການທ່ອງທ່ຽວໃນພື້ນທີ່ຊາຍແດນ.ອ່ານຕໍ່ ...

ຂົວມິດຕະພາບລາວ-ໄທແຫ່ງທີ 5 ເຊິ່ງເຊື່ອມຕໍ່ແຂວງບໍລິຄຳໄຊ ກັບຈັງຫວັດບຶງການປະເທດໄທ ຈະເລີ່ມລົງມືທຳການກໍ່ສ້າງ ຫຼັງຈາກໄດ້ຮັບການອະນຸມັດຈາກທັງສອງປະເທດຢ່າງເປັນທາງການ. ໜຶ່ງໃນພະນັກງານຊວງໂຍທາທິການ ແລະ ຂົນສົ່ງ ໄດ້ລາຍງານໜັງສືພິມວຽງຈັນທາມສ໌ໃນວັນອັງຄານນີ້ວ່າ ເຈົ້າໜ້າທີ່ຝ່າຍລາວແລະໄທ ໄດ້ທຳການອະນຸມັດແຜນການດັ່ງກ່າວແລ້ວໃນການພົບປະກັນຢູ່ປາກເຊ, ແຂວງຈຳປາສັກ ໃນຕົ້ນປີນີ້. ນອກຈາກນັ້ນຍັງມີການສະເໜີການກໍ່ສ້າງຂົວມິດຕະພາບແຫ່ງທີຫົກ ເພື່ອເຊື່ອມຕໍ່ແຂວງສາລະວັນ ກັບຈັງຫວັດອຸບົນລາດຊະທານີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ໄດ້ອອກດຳລັດນາຍົກລັດຖະມົນຕີກ່ຽວກັບການຈັດຕັ້ງກອງທຶນ ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ (SME), ເຊິ່ງຄາດວ່າການແຊກແຊງດັ່ງກ່າວ ຈະຊ່ວຍສົ່ງເສີມການເຂົ້າເຖິງແຫຼ່ງທຶນຂອງຫົວໜ່ວຍທຸລະກິດ.ໃນວັນທີ 4 ກັນຍານີ້ ທ່ານ ທອງລຸນ ສີສຸລິດ ນາຍົກລັດຖະທົນຕີ ໄດ້ລົງນາມຮັບຮອງເອົາດຳລັດວ່າດ້ວຍກອງທຶນສົ່ງເສີມ SME ເພື່ອເພີ່ມທະວີກົງຈັກນິຕິບັນຍັດ ໃນການສະໜັບສະໜູນການຈັດຕັ້ງ ແລະ ການດຳເນີນການຂອງຫົວໜ່ວຍທຸລະກິດ ເພື່ອຂົນຂວາຍການອັດສິດແຫຼ່ງທຶນສຳລັບທຸລະກິດຂະໜາດນ້ອຍ ແລະ ຂະໜາດກາງ.ອີງຕາມດຳລັດທີ່ເຜີຍແຜ່ຜ່ານທາງເວັບໄຊຈົດໝາຍເຫດແຫ່ງຊາດລາວ ເຊິ່ງເປັນໜຶ່ງໃນຊ່ອງທາງຂອງລັດຖະບານ ໃນການເຜີຍແຜ່ແຜນນະໂຍບາຍ, ລະບຽບການ ແລະ ກົດໝາຍຕ່າງໆ, ກອງທຶນ SME ຈະເປັນອົງການຈັດຕັ້ງໜຶ່ງຂອງລັດທີ່ຂຶ້ນກັບກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ຫຼວງພະບາງ, 18 ຕຸລາ 2018: ບໍລິສັດການບິນລາວຈະເປີດຖ້ຽວບິນ ເພື່ອດຶງດູດນັກທ່ອງທ່ຽວຈີນຈາກເມືອງສາງຊາ ເຂົ້າມາເມືອງມໍລະດົກໂລກຫຼວງພະບາງ. ຖ້ຽວບິນດັ່ງກ່າວ ເຊິ່ງຈະເລີ່ມໃນວັນທີ 31 ຕຸລານີ້, ເປັນຖ້ຽວບິນລາຍອາທິດ ມີແຜນການບິນທຸກໆວັນພຸດ ແຕ່ຍັງບໍ່ສາມາດຈອງຜ່ານທາງເວັບໄຊຂອງການບິນລາວເທື່ອ.ອ່ານຕໍ່ ...

ລັດຖະບານໄດ້ມອບຫຼຽນການມິດຕະພາບໃຫ້ແກ່ທ່ານ ໂດມິນິກ ໂກະ ເອກອັກຄະລັດຖະທູດສິງກະໂປປະຈຳລາວ ເນື່ອງໃນໂອກາດສຳເລັດພາລະກິດທາງການທູດ ເຊິ່ງທ່ານໄດ້ປະກອບສ່ວນອັນສຳຄັນໃນການສົ່ງເສີມສາຍພົວພັນລະຫວ່າງສອງຊາດ ລາວ-ສິງກະໂປ.ທ່ານເອກອັກຄະລັດຖະທູດ ໂກະ ຈະເດີນທາງກັບປະເທດ ພາຍຫຼັງປະຈຳການໃນລາວເປັນໄລຍະກວ່າສີ່ປີ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ, ຕາງໜ້າລັດຖະບານ ແລະ ປະຊາຊົນລາວ, ມອບຫຼຽນກາມິດຕະພາບດັ່ງກ່າວໃຫ້ແກ່ທ່ານທູດໃນວັນທີ 8 ກໍລະກົດຜ່ານມານີ້ ທີ່ກະຊວງການຕ່າງປະເທດລາວ.ອ່ານຕໍ່   ...

ເລຂາທິການຄະນະກຳມາທິການແມ່ນ້ຳຂອງໄດ້ຖະແຫຼງໃນອາທິດນີ້ວ່າ ປະເທດລາວຈະທຳການປຶກສາຫາລືກັບປະເທດສະມາຊິກຄະນະກຳມາທິການແມ່ນ້ຳຂອງກ່ຽວກັບໂຄງການກໍ່ສ້າງເຂື່ອນໄຟຟ້ານ້ຳຂອງແຫ່ງໃໝ່. ເລຂາທິການຄະນະກຳມາທິການແມ່ນ້ຳຂອງໄດ້ເປີດເຜີຍຕໍ່ສື່ມວນຊົນໃນວັນພະຫັດນີ້ວ່າ ໄດ້ຮັບແຈ້ງການຈາກລັດຖະບານລາວວ່າຈະດຳເນີນຕາມຂັ້ນຕອນການປຶກສາຫາລືລ່ວງໜ້າຢ່າງເປັນທາງການ ກ່ຽວກັບໂຄງການສ້າງເຂື່ອນໄຟຟ້ານ້ຳຂອງທີ່ປາກລາຍ.ອ່ານຕໍ່ ...

(ຂປລ) ເຈົ້າໜ້າທີ່ລັດຖະບານສະຫະລັດ ແລະ ກະຊວງຍຸດຕິທຳຂອງລາວໄດ້ເປີດຕົວແອັບໂທລະສັບມືຖື ແນໃສ່ອຳນວຍຄວາມສະດວກໃຫ້ແກ່ການພັດທະນາດ້ານເສດຖະກິດຂອງລາວ ກໍ່ຄືດ້ານລະບຽບກົດໝາຍ ໃນວັນທີ 2 ພະຈິກທີ່ຜ່ານມາ ທີ່ວຽງຈັນ.ອ່ານຕໍ່ ...

ໂຮງງານໄຟຟ້າຂະໜາດໃຫຍ່ທີ່ສ້າງຢູ່ລາວ ໄດ້ເລີ່ມຕົ້ນການດຳເນີນການເພື່ອທຸລະກິດ.ເຂື່ອນໄຟຟ້ານ້ຳງຽບ 1 ເຊິ່ງປະກອບດ້ວຍສອງສະຖານນີໄຟຟ້າ ມີກຳລັງການຜະລິດປະມານ 1.6 ຕື້ກິໂລວັດໂມງຕໍ່ປີ, ຕາມການເປີດເຜີຍຂອງບໍລິສັດພະລັງງານໄຟຟ້າຄັນໄຊຂອງຍີ່ປຸ່ນ ໃນວັນສຸກແລ້ວນີ້.ບໍລິສັດໄຟຟ້ານ້ຳງຽບ 1 ເຈົ້າຂອງເຂື່ອນໄຟຟ້າດັ່ງກ່າວ ຈະສະໜອງພະລັງງານໄຟຟ້າຈາກສາຖານນີໃຫຍ່ໃຫ່ແກ່ປະເທດໄທ, ສ່ວນອີກສະຖານນີໜຶ່ງແມ່ນສຳລັບຊົມໃຊ້ພາຍໃນລາວ, ເຊິ່ງທັງສອງມີອາຍຸການສຳປະທານ 27 ປີ, ຕາມການເປີດເຜີຍດັ່ງກ່າວ.ອ່ານຕໍ່ ...

ພະຍຸລະດູຮ້ອນສອງຫົວໄດ້ນຳເອົາກະແສມໍລະສຸມເຂົ້າປົກຄຸມຫຼາຍພາກຂອງລາວ, ສ້າງຄວາມເສຍຫາຍໃຫ້ແກ່ພື້ນທີ່ກະສິກຳ, ເຮືອນຊານ, ອາຄານຕ່າງໆ ແລະ ຖະໜົນ ດ້ວຍສະພາບຝົນຕົກໜັກຕິດຕໍ່ກັນຫຼາຍວັນ.ອ່ານຕໍ່ ...

ປະເທດໄທ ແລະ ລາວ ມີເປົ້າໝາຍສົ່ງເສີມການຮ່ວມມືສອງຝ່າຍໃນສາມຂົງເຂດວຽກງານ — ການເມືອງ ແລະ ຄວາມສະຫງົບ, ເສດຖະກິດ ແລະ ການພັດທະນາສັງຄົມ — ໃນກອງປະຊຸມທົບທວນການຮ່ວມມືຄັ້ງທີ 3 (JCR) ໃນວັນພະຫັດທີ່ຜ່ານມາ ທີ່ນະຄອນວຽງຈັນອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຜະລິດກະສິກຳໃນລາວມີສາມປະເພດຫຼັກຄື – ກະສິກຳພື້ນບ້ານ, ການປູດພືດແບບປະສົມປະສານ ແລະ ການຜະລິດເພື່ອການຄ້າ, ຕາມຂໍ້ມູນຂອງກົມແຜນການ ແລະ ການລົງທຶນ ກະຊວງກະສິກຳ ແລະ ປ່າໄມ້ ໃນກອງປະຊຸມສຳມະນາເນື່ອງໃນວັນອາຫານໂລກ ແລະ ວັນສາກົນ ແລະ ອາທິດເພື່ອການລົບລ້າງຄວາມທຸກຍາກແຫ່ງຊາດ ໃນວັນອັງຄານທີ່ຜ່ານມາ ທີ່ວຽງຈັນ.ໃນຂະນະທີ່ ການຜະລິດກະສິກຳພື້ນບ້ານຄ່ອຍໆຫຼຸດໜ້ອຍຖອຍລົງ ແຕ່ກໍຍັງຄົງຄວາມສຳຄັນ ແລະ ການຜະລິດກະສິກຳແບບປະສົມປະສານກຳລັງມີການຂະຫຍາຍຕົວໃນລາວ, ການຜະລິດເພື່ອການຄ້າກໍມີລັກສະເພີ່ມຂຶ້ນໃນແຕ່ລະປີ.ອ່ານຕໍ່ ...

ຈຳນວນຄອບຄົວທີ່ທຸກຍາກອາດເພີ່ມຂຶ້ນໃນປີນີ້ ຍ້ອນໄພພິບັດນ້ຳຖ້ວມໃນຫຼາຍພາກຂອງປະເທດລາວ, ເຮັດໃຫ້ມີການສູນເສຍຊີວິດ ແລະ ຊັບສິນຢ່າງມະຫາສານ. ປະຊາຊົນຫຼາຍພັນຄົນທີ່ເຄີຍຍົກລະດັບຂຶ້ນກາຍຂີດຈຳແນກຄວາທຸກຍາກ ອາດມີການຫຼຸດລະດັບລົງຢູ່ພາຍໃຕ້ທຸກຍາກຄືນ ຫຼັງຈາກໄພນ້ຳຖ້ວມເຮັດໃຫ້ເຂົາເຈົ້າສູນເສຍເຮືອນຊານ, ເຄື່ອງປູກຂອງຝັງ, ສັດລ້ຽງ, ເຄື່ອງນຸ່ງຫົ່ມ, ແລະ ຊັບສິນອື່ນໆ.ອ່ານຕໍ່ ...

(ຂປລ) ສູນຮ່ວມມືລາວ-ສິງກະໂປ (LSCC) ໄດ້ມີການເປີດຕົວຢ່າງເປັນທາງການໃນວັນທີ 24 ມິຖຸນານີ້ ເຊິ່ງມີຈຸດປະສົງໃນການສົ່ງເສີມການຮ່ວມມືລະຫວ່າງຜູ້ມີສ່ວນຮ່ວມພາກສ່ວນຕ່າງໆ ເພື່ອນຳເອົາຄວາມຮູ້ ແລະ ທັກສະໃໝ່ໆເຂົ້າມາແກ້ໄຂບັນຫາໃນການພັດທະນາ.ສູນດັ່ງກ່າວຕັ້ງຢູ່ຊັ້ນ 5 ຂອງອາຄານໂຕໂກປະກັນໄພ, ບ້ານບຶງຂະຫຍອງ ເມືອງສີສັດຕະນາກ ນະຄອນຫຼວງວຽງຈັນ.ອ່ານຕໍ່  ...

ລາວ ແລະ ກຳປູເຈຍໄດ້ຕົກລົງຮ່ວມມືກັນເພື່່ອແກ້ໄຂບັນຫາກ່ຽວກັບເຂດຊາຍແດນທີ່ມີຂໍ້ຂັດແຍ່ງ ຕາມການພົບປະໂອ້ລົມຂອງລັດຖະມົນຕີຕ່າງປະເທດຂອງສອງຊາດ ຢູ່ວຽງຈັນໃນມື້ວານນີ້. ເນື່ອງໂດຍ ທ່ານພຣັກ ໂສຄົນ ລັດຖະມົນຕີກະຊວງການຕ່າງປະເທດແລະການຮ່ວມມືສາກົນ ແຫ່ງກຳປູເຈຍ ໄດ້ດຳເນີນພາລະກິດຢ້ຽມຢາມລາວ, ກະຊວງການຕ່າງປະເທດລາວໄດ້ເປີດເຜີຍຕໍ່ສື່ມວນຊົນອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຂະແໜງວິທະຍາສາດ, ວິສະວະກຳ, ຂໍ້ມູນຂ່າວສານ, ກະສິກຳ ແລະ ສຶກສາສາດແມ່ນຂະແໜງບູລິມະສິດທີ່ລັດຖະບານສົ່ງເສີມໃຫ້ນັກສຶກສາລົງທະບຽນຮຽນໃນຫຼັກສູດການສຶກສາ.ອ່ານຕໍ່ ...

ນັກສຶກສາລາວຫຼາຍກວ່າ 90 ຄົນໄດ້ຮັບທຶກການສຶກສາລັດເຊຍ ເພື່ອເຂົ້າສຶກສາໃນລະດັບ ປະລິນຍາຕີ, ປະລິນຍາໂທ ແລະ ປະລິນຍາເອກທີ່ປະເທດລັດເຊຍ.ອ່ານຕໍ່ ...

(ຂປລ) ປະຊາຊົນລາວທ້ອງຖິ່ນ ແລະ ຕ່າງປະເທດ ຈຳນວນຫຼາຍຫຼັ່ງໄຫຼເຂົ້າໄປສວນເຈົ້າອານຸວົງ ໃນວັນທີ 23 ມັງກອນນີ້ ເພື່ອຢ້ຽມຊົມເທດສະການອາຫານລາວ ເຊິ່ງມີບູ໊ດວາງສະແດງອາຫານ, ຜະລິດຕະພັນກະສິກຳ ແລະ ຫັດຖະກຳທັງພາຍໃນ ແລະ ຕ່າງປະເທດ ກວ່າ 180 ບູ໊ດ.ງານດັ່ງກ່າວຈະມີຂຶ້ນແຕ່ວັນທີ 23-26 ມັງກອນນີ້ ແຕ່ເວລາ 8:00 ເຊົ້າເຖິງ 10.00 ແລງ, ແນໃສ່ສົ່ງເສີມການອະນຸລັກອາຫານລາວທ້ອງຖິ່ນ ແລະ ວັດທະນະທຳທີ່ກ່ຽວຂ້ອງ, ເພື່ອດຶງດູດນັກທ່ອງທ່ຽວຕ່າງປະເທດ ໂດຍສະເພາະຈາກປະເທດອາຊຽນໃຫ້ເຂົ້າມາທ່ຽວລາວ, ແລະ ເປັນການສົ່ງເສີມໂອກາດສຳລັບຜູ້ປະກອບການແມ່ຍິງ ໃນຂະແໜງທຸລະກິດອາຫານ ໃນການນຳສະເໜີສິນຄ້າ ແລະ ການບໍລິການຂອງເຂົາເຈົ້າ, ອີງຕາມ ທ່ານນາງ ຈັນທະຈອນ ວົງໄຊ ປະທານສະມາຄົມທຸລະກິດແມ່ຍິງລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໜີ້ສິນຂອງລັດ ‘ສາມາດຈັດການໄດ້’ ເນື່ອງຈາກວ່າລັດຖະບານມີມາດຕະການຮອງຮັບໃນການຈັດການຢ່າງມີປະສິດທິຜົນ, ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນການສຳພາດຕໍ່ສຳນັກຂ່າວ Nikkei Asian Review ອາທິດແລ້ວນີ້.ທ່ານນາຍົກ ເຊິ່ງກຳລັງຢ້ຽມຢາມປະເທດຍີ່ປຸ່ນເພື່ອຮ່ວມກອງປະຊຸມ Future of Asia ກ່າວວ່າ ໃນປະຈຸບັນປະເທດລາວແມ່ນເປັນໜີ້ຫຼາຍປະເທດ ແລະ ອົງການ ເຊັ່ນ ຈີນ, ຍີ່ປຸ່ນ, ຫວຽດນາມ, ແລະ ທະນາຄານໂລກ.ມາຮອດທ້າຍປີ 2018 ໜີ້ສິນຂອງລັດຖະບານລາວເພີ່ມຂຶ້ນເປັນ US$9.761 ຕື້ໂດລາ. ໃນນີ້ 14.02% ແມ່ນເພີ່ມຂຶ້ນຈາກຕົວເລກໜີ້ສິນຂອງປີກ່ອນ, ຕາມທະນາຄານແຫ່ງ ສປປ ລາວ.ອ່ານຕໍ່ ...

ອົສຕຣາລີມີນະໂຍບາຍທີ່ຈະແຈ້ງກ່ຽວກັບການສົ່ງເສີມການຮ່ວມມື ແລະ ການພັດທະນາໃນພາກພື້ນ ເຊິ່ງລວມທັງປະເທດລາວ, ເພື່ອສືບສານສາຍສຳພັນທາງການທູດອັນຍາວນານມາກວ່າ 65 ປີ.ອ່ານຕໍ່  ...