ວຽງຈັນ (ວຽງຈັນທາມສ໌/ANN) – ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ວາງເປົ້າໝາຍເພີ່ມທະວີການປະກອບສ່ວນດ້ານລາຍຮັບ ເພື່ອສົ່ງເສີມການຂະຫຍາຍຕົວຂອງເສດຖະກິດ-ສັງຄົມ ໂດຍຮຽກຮ້ອງໃຫ້ກະຊວງການຕ່າງປະເທດ ເປັນຜູ້ສະໜັບສະໜູນຕົ້ນຕໍ.ໂດຍຜ່ານການປະສານງານກັບກະຊວງການຕ່າງປະເທດ, ບັນດາສະຖານທູດ ແລະ ສະຖານກົງສຸນ ຈະຊ່ວຍສະໜອງການຊຸກຍູ້ທີ່ຈຳເປັນ ສຳລັບຂະແໜງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນການດຳເນີນພາລະກິດສົ່ງເສີມການທ່ອງທ່ຽວ ແລະ ຍົກສູງບົດບາດຂອງລາວໃນເວທີສາກົນ.ອ່ານຕໍ່ ...

(ຂປລ) ປີກາຍນີ້ (2018) ລາວມີອັດຕາການຕາຍຂອງແມ່ຫຼຸດລົງເຫຼືຶອ 129 ຄົນຈາກ 151 ຄົນໃນປີ 2017, ຕາມບົດລາຍງານຂອງກະຊວງສາທາລະນະສຸກ.“ພວກເຮົາສາມາດຫຼຸດຜ່ອນອັດຕາການຕາຍຂອງແມ່ລົງ ຍ້ອນແມ່ສາມາດເຂົ້າເຖິງການຮັກສາສຸຂະພາບໄດ້ດີຂຶ້ນ ແລະ ແມ່ມີຄວາມຮູ້ຫຼາຍຂຶ້ນກ່ຽວກັບຄວາມສຳຄັນໃນການເບິ່ງແຍງຄັນ ແລະ ການໄປເກີດລູກຢູ່ໂຮງໝໍ,” ທ່ານ ດຣ ເນົາ ບຸດຕາ ເລຂາທິການປະຈຳກະຊວງສາທາລະນະສຸກໃຫ້ຄຳເຫັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອັດຕາເງິນເຟີ້ຍັງຄົງສືບຕໍ່ເພີ່ມຂຶ້ນໃນເດືອນມີນາ, ເຊິ່ງສູນສະຖິຕິແຫ່ງຊາດລາວໄດ້ກ່າວເຖິງສາເຫດຂອງການເພີ່ມຂຶ້ນຂອງດັດສະນີລາຄາຂອງຜູ້ບໍລິໂພກປະຈຳປີ (CPI) ວ່າແມ່ນຍ້ອນການເພີ່ມຂຶ້ນຂອງລາຄາອາຫານ, ບໍ່ແມ່ນການອ່ອນຄ່າຂອງເງິນກີບດັ່ງທີ່ຫຼາຍຄົນເຊື່ອກັນ.ສູນສະຖິຕິແຫ່ງຊາດ ເຊິ່ງເປັນກົມໜຶ່ງຂອງກະຊວງແຜນການ ແລະ ການລົງທຶນ ໄດ້ເຜີຍແຜ່ບົດລາຍງານກ່ຽວກັບອັດຕາເງິນເຟີ້ຫຼ້າສຸດ, ທັງຊີ້ແຈງສາເຫດຂອງເງິນເຟີ້.ອ່ານຕໍ່  ...

ໃນວັນຄານຜ່ານມານີ້ລາວ ແລະ ຈີນໄດ້ລົງນາມໃນຂໍ້ຕົກລົງສຳລັບບົດຄົ້ນຄວາມເສດຖະກິດວ່າດ້ວຍການສ້າງຕັ້ງວິທະຍາໄລເພື່ອຝຶກອົບຮົມບຸກຄະລາກອນການລົດໄຟ ເພື່ອຮັບຜິດຊອບການຂາຍປີ້, ການບໍລິການປະຈຳສະຖານນີ, ແລະ ການບໍລິການລູກຄ້າໃນຮູບແບບຕ່າງໆອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ຊຸກຍູ້ໃຫ້ບັນດາສະມາຊິກສະມາຄົມກາເຟລາວ ຈົ່ງເຂັ້ມງວດໃນການຮັກສາຄຸນນະພາບການຜະລິດກາເຟທ້ອງຖິ່ນ ຕາມຄຳແນະນຳຈາກຊ່ຽວຊານມາດຕະຖານກະສິກຳປອດສານພິດ.ທ່ານນາຍົກໄດ້ແນະນຳວ່າການຮັກສາມາດຕະຖານດ້ານຄຸນນະພາບຈະເຮັດໃຫ້ຜູ້ຜະລິດໄດ້ລາຄາທີ່ສູງ ອີກທັງກາເຟປອດສານພິດຍັງເປັນທີ່ຕ້ອງການສູງໃນກຸ່ມລູກຄ້າ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວ ແລະ ຫວຽດນາມ ສືບຕໍ່ການຮ່ວມມື ກ່ຽວກັບໂຄງການການລົງທຶນໃນລາວໃນອະນາຄົດ ເຖິງຈະຜະເຊີນກັບສະພາບເສດຖະກິດຂະຫຍາຍຕົວຖົດຖອຍ ທຽບກັບຊຸມປີຜ່ານມາ.ໜຶ່ງໃນບັນດາໂຄງການໃຫຍ່ ກໍຄືໂຄງການກໍ່ສ້າງສະໜາມບິນໜອງຄັງ ເມືອງຊຳເໜືອ ແຂວງຫົວພັນ, ຄະນະກຳມະການການຮ່ວມມືລາວ-ຫວຽດນາມ ກ່າວໃນກອງປະຊຸມຂະແໜງແຜນການ ແລະ ການລົງທຶນ ທີ່ວຽງຈັນໃນວັນຈັນຜ່ານມານີ້.ອ່ານຕໍ່ ...

ກຳມະກອນກຳລັງກຳກຽມຖານສຳລັບການກໍ່ສ້າງສອງສະຖານນີທາງລົດໄຟລາວ-ຈີນທີ່ໃຫຍ່ທີ່ສຸດ – ສະຖານນີທີໜຶ່ງແມ່ນຢູ່ໃກ້ກັບຊາຍແດນຈີນ ແລະ ສະຖານນີທີສອງແມ່ນຢູ່ປາຍສຸດຂອງເສັ້ນທາງລົດໄຟທີ່ນະຄອນວຽງຈັນ.ພະນັກງານໂຄງການກໍ່ສ້າງທາງລົດໄຟລາວ-ຈີນ ຊຶ່ງບໍ່ປະສົງອອກນາມ ລາຍງານຕໍ່ໜັງສືພິມວຽງຈັນທາມສ໌ໃນວັນພຸດຜ່ານມາວ່າ ສະຖານນີທີ່ວຽງຈັນຈະເປັນສະຖານນີທີ່ໃຫຍ່ທີ່ສຸດ ແລະ ປະກອບມີທັງພາກສ່ວນສຳລັບຜູ້ໂດຍສານ ແລະ ສຳລັບການຂົນສົ່ງສິນຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌) – ເສດຖະກິດຂອງແຂວງຈຳປາສັກຂອງລາວຂະຫຍາຍຕົວ 8.15% ໃນປີ 2018, 0.02% ຫຼາຍກວ່າຕົວເລກເປົ້າໝາຍທີ່ສະພາແຫ່ງຊາດຕັ້ງໄວ້ຢູ່ທີ່ 8.13 %.ລວມຍອດຜະລິດຕະພັນພາຍໃນ (GDP) ບັນລຸ 19,142 ຕື້ກີບ ຫຼື 115.63% ທຽບກັບປີເປົ້າໝາຍປີ 2018 ທີ່ 16,554 ຕື້ກີບ, ຂະນະທີ່ລາຍຮັບຕໍ່ຫົວຄົນສະເລ່ຍຕໍ່ຈຳປີແມ່ນຢູ່ທີ່ US$3,153 ໂດລາ – ເພີ່ມຂຶ້ນ US$294 ໂດລາ, ທ່ານ ປອ ບຸນທອງ ດີວິໄຊ ເຈົ້າແຂວງຈຳປາສັກລາຍງານໃນກອງປະຊຸມສະພາປະຊາຊົນແຂວງ.More  ...

ເຈົ້າໜ້າທີ່ໄດ້ສັ່ງປິດຄຣີນິກຈີນສາມແຫ່ງໃນອາທິດນີ້ ຢູ່ແຂວງຫຼວງນ້ຳທາທາງພາກເໜືອຂອງລາວ ຫຼັງຈາກທີ່ກວດພົບບັນຫາການປິ່ນປົວບໍ່ຖືກສຸຂະອະນາໄມ ແລະ ແພດບໍ່ມີຄຸນວຸດທິ ເຮັດໃຫ້ຄົນເຈັບຫຼາຍຄົນຕ້ອງເສຍຊີວິດ, ໜ່ວຍຂ່າວ RFA ລາວລາຍງານ.ຄຣີນິກສາມແຫ່ງທີ່ສັ່ງປິດມີຄື ຄຣີນິກຫົງຊິງທີ່ບ້ານຫົງຈະເລີນ, ຄຣີນິກປາຝາທີ່ບ້ານທອງໃໝ່ ແລະ  ຄຣີນິກຄຳຈັນທີ່ບ້ານຈຽງ ເຊິ່ງຕັ້ງຢູ່ເມືອງສິງ. ສ່ວນຄຣີນິກຈີນອີກສີ່ແຫ່ງໃນແຂວງຫຼວງນ້ຳທາ ຍັງຄົງສືບຕໍ່ໃຫ້ບໍລິການ ພາຍໃຕ້ການຕິດຕາມຢ່າງໃກ້ຊິດຂອງເຈົ້າໜ້າທີ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຖິງແມ່ນວ່າລະດັບນ້ຳຈະຫຼຸດລົງຢ່າງຕໍ່ເນື່ອງ, ປະຊາຊົນຫຼາຍພັນຄົນທີ່ປະສົບໄພຢູ່ແຂວງພາກໃຕ້ ກຳລັງປະສົບກັບຄວາມອຶດຫິວ ແລະ ຕ້ອງການການຊ່ວຍເຫຼືອຈາກລັດຖະບານ, ອົງການຈັດຕັ້ງ ແລະ ມະຫາຊົນ.ປະຊາຊົນທີ່ປະສົບໄພຍັງບໍ່ໄດ້ຮັບການສະໜອງອາຫານ, ນ້ຳດື່ມ, ອຸປະກອນແຕ່ງກິນ, ເຄື່ອງນອນ ແລະ ເຄື່ອງໃຊ້ທີ່ຈຳເປັນ.ພະຍຸເຂດຮ້ອນໂພດູ ໄດ້ພັດຜ່ານປະເທດລາວໃນຊ່ວງທ້າຍຂອງເດືອນສິງຫາຕໍ່ໃສ່ຕົ້ນເດືອນກັນຍາ ເຮັດໃຫ້ເກີດຝົນຕົກໜັກ, ປະຊາຊົນ 377,703 ຄົນຈາກ 175,422 ຄອບຄົວ ໃນ 1,466 ບ້ານ, 43 ເມືອງໃນແຂວງຄຳມ່ວນ, ສະຫວັນນະເຂດ, ອັດຕະປື, ສາລະວັນ, ຈຳປາສັກ ແລະ ເຊກອງ ໄດ້ຮັບຜົນກະທົບຈາກໄພນ້ຳຖ້ວມ.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ສະພາອຸດສາຫະກຳ ແລະ ການຄ້າແຫ່ງຊາດລາວ (LNCCI) ຈະຂະຫຍາຍສູນບໍລິການສຳລັບທຸລະກິດຂະໜາດນ້ອຍ ແລະ ຂະໜາດກາງ (SSC) ສູ່ແຂວງຈຳປາສັກ ເພື່ອເສີມຂະຫຍາຍຄວາມສາມາດໃຫ້ແກ່ທຸລະກິດ SMEs ໃນສີ່ແຂວງພາກໃຕ້.ການນຳຈາກກົມສົ່ງເສີມ SME ພາຍໃຕ້ກະຊວງອຸດສາຫະກຳ ແລະ ການຄ້າ, ສະພາອຸດສາຫະກຳ ແລະ ການຄ້າແຫ່ງຊາດລາວ, ແລະ ສູນບໍລິການ SME ລາວ ໄດ້ປະຊຸມກັບສະພາອຸດສະຫະກຳ ແລະ ການຄ້າ (CCCI) ແຂວງຈຳປາສັກ, ເຊກອງ, ສາລະວັນ ແລະ ອັດຕະປື ເພື່ອຫາລືກ່ຽວກັບການກະກຽມສ້າງຕັ້ງສູນບໍລິການພາກດັ່ງກ່າວ. ອ່ານຕໍ່ ...

ເຊັນທາຣາ, ກຸ່ມບໍລິສັດບໍລິການແຖວໜ້າຂອງປະເທດໄທ, ນຳໂດຍທ່ານ ສຸດທິກຽດ ຈິຣາທິວັດ ປະທານຄະນະບໍລິຫານບໍລິສັດ ໄດ້ລົງນາມໃນບົດບັນທຶກຄວາມເຂົ້າໃຈ MOU ກັບບໍລິສັດການລົງທຶນ, ພັດທະນາ ແລະ ກໍ່ສ້າງອາຊີ ຈຳກັດ (AIDC), ບໍລິສັດການລົງທຶນ ແລະ ກໍ່ສ້າງໃນລາວ. ຂໍ້ຕົກລົງດັ່ງກ່າວເປັນການເລີ່ມຕົ້ນສຳລັບເຊັນທາຣາໃນການບັນລຸຂໍ້ຕົກລົງການບໍລິຫານສຳລັບການສ້າງໂຮງແຮມສາມແຫ່ງໃນລາວ ເຊິ່ງມີຫ້ອງພັກລວມກັນທັງໝົດ 214 ຫ້ອງ ທີ່ນະຄອນຫຼວງວຽງຈັນ ແລະ ເມືອງທ່ອງທ່ຽວມໍລະດົກຫຼວງພະບາງ.ອ່ານຕໍ່ ...

ລັດຖະບານມີແຜນເພີ່ມທະວີທຶນຮອນສຳລັບກິດຈະກຳການຄົ້ນຄວ້າ ເພື່ອນຳໃຊ້ຜົນການຄົ້ນຄວ້າທາງວິທະຍາສາດເປັນບ່ອນອີງໃນການພັດທະນານະໂຍບາຍການສົ່ງເສີມກະສິກຳ ຕາມການເປີດເຜີຍຂອງການນຳລັດຖະບານ.ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການເງິນ ໄດ້ກ່າວໃນກອງປະຊຸມສະພາແຫ່ງຊາດໃນທ້າຍເດືອນຜ່ານມາວ່າ ໜຶ່ງໃນມາດຕະການຂອງລັດຖະບານໃນປີ 2019 ໃນການຮັກສາຄວາມເຂັ້ມແຂງຂອງການຂະຫຍາຍຕົວດ້ານເສດຖະກິດ ແມ່ນການຈັດສັນທຶກຮອນເພີ່ມເຕີມສຳລັບການຄົ້ນຄວ້າກະສິກຳ.ອ່ານຕໍ່   ...

 ຈຳປາສັກ (ວຽງຈັນທາມສ໌/ANN) – ຊາວກະສິກອນທີ່ປູກກາເຟຢູ່ທາງພາກໃຕ້ຂອງລາວ ຮ້ອງຂໍຄວາມຊ່ວຍເຫຼືອຈາກລັດຖະບານ ໃນການຈັດຕັ້ງກອງທຶນສະໜັບສະໜູນການປຸງແຕ່ງເມັດກາເຟ ແລະ ໃຫ້ຄຳແນະນຳທາງດ້ານວິຊາການສຳລັບຊາວສວນກາເຟທ້ອງຖິ່ນ ຫຼັງຈາກທີ່ລາຄາກາເຟໃນຕະຫຼາດຕົກຕ່ຳໃນໄລຍະຜ່ານມາ.ທ່ານ ສີວິໄຊ ໄຊຍະແສງ ຫົວໜ້າສະມາຄົມກາເຟລາວ ລາຍງານຜ່ານໜັງສືພີມວຽງຈັນທາມສ໌ວ່າ “ລາຄາກາເຟຂຽວຕົກຕ່ຳລົງ ຍ້ອນມີການສະໜອງທີ່ເພີ່ມຂຶ້ນໃນຕະຫຼາດໂລກ. ໂດຍສະເພາະ ແມ່ນການເພີ່ມຂຶ້ນຂອງການຜະລິດເມັດກາເຟຂຽວຈາກອິນໂດເນເຊຍ ເຊິ່ງເປັນໜຶ່ງໃນຜູ້ສົ່ງອອກລາຍໃຫຍ່ທີ່ສຸດໃນໂລກ.”ອ່ານຕໍ່ ...

ບໍລິສັດຈີນ ຫາງຈູ ເຊັບຟາວ ເທັກໂນໂລຢີ ຈຳກັດສົນໃຈໃນການພັດທະນາພະລັງງານແສງອາທິດໃນລາວ ເນື່ອງຈາກປະເທດລາວມີພູມມິປະເທດທີ່ເໝາະສົມ ມີແສງຕາເວັນສ່ອງເກືອບຕະຫຼອດປີ.ປະຈຸບັນ ບໍລິສັດຄາດວ່າຈະດຳເນີນການສຶກສາຄວາມເປັນໄປໄດ້ກ່ຽວກັບການພັດທະນາໂຄງການພະລັງງານໄຟຟ້າແສງອາທິດເທິງໜ້າເຂື່ອນໄຟຟ້ານ້ຳງື່ມ 1 ໂດຍແນໃສ່ຊຸມຊົນບ້ານໂພນສະຫວາດ ເມືອງລ້ອງຊານ ແຂວງໄຊສົມບູນ.ອ່ານຕໍ່ ...

ລາວ ແລະ ສາທາລະນະລັດເກົາຫຼີຮ່ວມກັນສົ່ງເສີມໃຫ້ແມ່ຍິງທີ່ດ້ອຍໂອກາດໃນທົ່ວປະເທດ ເພື່ອຍົກລະດັບທັກສະໃຫ້ເຂົາເຈົ້າສາມາດສ້າງລາຍຮັບ ຜ່ານຫຼັກສູດການຝຶກອົບຮົມທີ່ອອກແບບສະເພາະ ເຊິ່ງຈັດຂຶ້ນຢູ່ນະຄອນວຽງຈັນ.ໂຄງການດັ່ງກ່າວແມ່ນການຮ່ວມມືລະຫວ່າງສູນຝຶກອົບຮົມສູນກາງສະຫະພັນແມ່ຍິງລາວ ແລະ ກະຊວງຄວາມສະເໝີພາບທາງເພດ ແລະ ຄອບຄົວແຫ່ງປະເທດເກົາຫຼີ ແນໃສ່ເພື່ອຍົກລະດັບທັກສະ, ຄວາມຮູ້ ແລະ ທ່າແຮງໃນການປະກອບອາຊີບໃຫ້ແກ່ແມ່ຍິງທີ່ດ້ອຍໂອກາດ ເພື່ອໃຫ້ເຂົາເຈົ້າຫຼຸດພົ້ນຈາກຄວາມທຸກຍາກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານສັນຍາວ່າຈະສືບຕໍ່ຄວາມພະຍາຍາມໃນການປັບປຸງການບໍລິການສາທາລະນະ, ເຊິ່ງປະຊາຊົນຫຼາຍຄົນໄດ້ຮຽກຮ້ອງໃຫ້ເຈົ້າໜ້າທີ່ລັດຖະບານ ປະຕິບັດຕົວໃຫ້ເໝາະສົມຍິ່ງຂຶ້ນໃນການບໍລິການປະຊາຊົນ.ຕາມບົດຂ່າວຕໍ່ສື່ມວນຊົນຈາກກົມປະຊາສຳພັນຂອງລັດຖະບານ ທີ່ເປີດເຜີຍໃນຕອນທ້າຍຂອງກອງປະຊຸມປະຈຳເດືອນຂອງຄະນະລັດຖະບານໃນວັນທິ 19​ ສິງຫາຜ່ານມານີ້, ລັດຖະບານມີເປົ້າໝາຍເອົາໃຈໃສ່ໃນການປັບປຸງການບໍລິການສາທາລະນະໃນຊຸມເດືອນຕໍ່ໜ້າ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວແມ່ນໜຶ່ງໃນບັນດາປະເທດອາຊີຕາເວັນອອກສຽງໃຕ້ທີ່ອາດໄດ້ຮັບປະໂຫຍດຈາກຄວາມຂັດແຍ່ງທາງການຄ້າລະຫວ່າງສະຫະລັດ ແລະ ຈີນໃນປະຈຸບັນ, ແຕ່ວ່າລັດຖະບານຕ້ອງດຳເນີນຂັ້ນຕອນການປັບປຸງສະພາບແວດລ້ອມໃນການລົງທຶນ.ນີ້ແມ່ນຂໍ້ສະຫຼຸບຈາກບົດລາຍງານຂອງສູນຄົ້ນຄວ້ານະໂຍບາຍເສດຖະກິດມະຫາພາກ ແລະ ປະຕິຮູບເສດຖະກິດ (CMER) ພາຍໃຕ້ສະຖານບັນຄົ້ນຄວ້າເສດຖະກິດແຫ່ງຊາດ (NIER).ອ່ານຕໍ່ ...

ນັກສຶກສາລາວຈຳຳນວນຫຼາຍ ທີ່ພວມພິຈາລະນາການໄປສຶກສາຢູ່ປະເທດຍີ່ປຸ່ນ ແລະ ມີຄວາມສົນໃຈຢາກຮູ້ຂໍ້ມູນຂ່າວສານ ກ່ຽວກັບວິທີການໃນການໄປສຶກສາດັ່ງກ່າວ.ງານກິດຈະກຳຕະຫຼາດນັດການສຶກສາທີ່ປະເທດຍີ່ປຸ່ນ 2019 ເຊິ່ງຈັດຂຶ້ນໃນວັນພຸດຜ່ານມານີ້ ທີ່ມະຫາວິທະຍາໄລແຫ່ງຊາດລາວ (ມຊ) ນະຄອນຫຼວງວຽງຈັນ ໄດ້ເປີດໂອກາດໃຫ້ແກ່ນັກສຶກສາທີ່ຕ້ອງການຮຽນຮູ້ກ່ຽວກັບມະຫາວິທະຍາໄລຂອງຍີ່ປຸ່ນ ແລະ ຫຼັກສູດການສຶກສາຂອງເຂົາເຈົ້າ.ກິດຈະກຳດັ່ງກ່າວເປັນປະໂຫຍດສຳລັບຄູອາຈານ, ນັກຄົ້ນຄວ້າ, ມະຫາຊົນ ແລະ ນັກສຶກສາທີ່ມີຄວາມຕ້ອງການຢາກໄປສຶກສາຢູ່ປະເທດຍີ່ປຸ່ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການສຶກສາຄວາມເປັນໄປໄດ້ໃນການສຳຫຼວດ ແລະ ການປຸງແຕ່ງຄຳໃນພື້ນທີ່ຂຸດຄົ້ນບໍ່ຄຳ 234.6 ກິໂລຕາແມັດ ບ້ານນາຕີ ເມືອງລ່ອງແຈ້ງ ແຂວງໄຊສົມບູນ ໄດ້ເລີ່ມດຳເນີນການ ພາຍຫຼັງໄດ້ຮັບການອະນຸມັດຈາກລັດຖະບານ.ໂຄງການດັ່ງກ່າວແມ່ນການຮ່ວມມືລະຫວ່າງ ບໍລິສັດພັດທະນາບໍ່ແຮ່ໂຈ້ບຸນມີ ຈຳກັດ ພາຍໃຕ້ກຸ່ມບໍລິສັດໂຈ້ບຸນມີ, ກຸ່ມບໍລິສັດທຸລະກິດຊນນຳຂອງລາວ ແລະ ກະຊວງປ້ອງກັນປະເທດ.ອ່ານຕໍ່ ...