Vientiane Times/ANN

ວຽງຈັນ (ວຽງຈັນທາມສ໌/ANN) – ໃນຊຸມປີຜ່ານມາ ມີໂຄງການລົງທຶນຂອງລັດເຖິງ 1,225 ໂຄງການທີ່ມີການຈັດຕັ້ງປະຕິບັດບໍ່ຖືກຕ້ອງຕາມລະບຽບກົດໝາຍ, ຕາມການລາຍງານຂອງຄະນະກຳມະການກວດສອບແຫ່ງລັດ (GIA) ໃນອາທິດນີ້.ໃນປີ 2017, ອົງການກວດສອບແຫ່ງລັດ (SAO) ໄດ້ສະເໜີໃຫ້ຄະນະ GIA ລົງກວດສອບໂຄງການຕ່າງໆຫຼັງຈາກກວດພົບສິ່ງຜິດປົກກະຕິ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) – ຫຼາຍຮ້ອຍຄົວເຮືອນໃນແຂວງບໍ່ແກ້ວ ແລະ ຫຼວງນ້ຳທາທີ່ຕ້ອງຍ້າຍຖິ່ນຖານເນື່ອງຈາກໂຄງການເຂື່ອນໄຟຟ້ານ້ຳທາ 1 ສະແດງຄວາມກັງວົນກ່ຽວກັບອະນາຄົດ ເຖິງວ່າເຂົາເຈົ້າຈະໄດ້ຮັບການຊ່ວຍເຫຼືອຢ່າງຫຼວງຫຼາຍຈາກອຳນາດການປົກຄອງ.ປະຊາຊົນກວ່າ 1,700 ຄອບຄົວຈາກ 37 ບ້ານໃນເມືອງຜາອຸດົມ ແຂວງບໍ່ແກ້ວ ແລະ ເມືອງນາແລ ແຂວງຫຼວງນ້ຳທາແມ່ນກຸ່ມທີ່ໄດ້ຮັບຜົນກະທົບຈາກໂຄງການ. ພວກເຂົາໄດ້ມີການຍ້າຍຖິ່ນທີ່ຢູ່ອາໄສໃນລະຫວ່າງເດືອນຕຸລາ ປີ 2014 ແລະ ເດືອນເມສາ ປີ 2018.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງການເງິນລາວ ແລະ ຫວຽດນາມໄດ້ຕົກລົງສືບຕໍ່ເສີມຂະຫຍາຍການຈັດຕັ້ງປະຕິບັດການຮ່ວມມືຍຸດທະສາດໃນຂະແໜງການເງິນ ທີ່ສອງຝ່າຍໄດ້ຮ່ວມລົງນາມສຳລັບປີ 2016-2020 ແລະ ຕົກລົງສຸມໃສ່ການປັບປຸງຫຼາຍວຽກງານ.ໃນປີນີ້ ຫວຽດນາມຕັ້ງເປົ້າຊ່ວຍເຫຼືອກະຊວງການເງິນລາວ ໃນການຮ່າງກົດໝາຍກ່ຽວກັບການຄຸ້ມຄອງອາກອນຕ່າງໆ, ຍຸດທະສາດຄັງເງິນແຫ່ງຊາດ, ລວມເຖິງດຳລັດ ແລະ ຂໍ້ຕົກລົງຂອງລັດຖະມົນຕີໃນຂົງເຂດວຽກງານຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລາວ ແລະ ຫວຽດນາມໄດ້ຢືນຢັນວ່າຈະສືບຕໍ່ການຮ່ວມມື ເພື່ອພັດທະນາທັກສະຝີມືແຮງງານໃນລາວ ແລະ ປົກປ້ອງສິດທິຂອງຜູ້ອອກແຮງງານໃນສອງຊາດ.ຜູ້ເຂົ້າຮ່ວມໃນກອງປະຊຸມຂະແໜງແຮງງານ ແລະ ສະຫວັດດີການສັງຄົມລາວ-ຫວຽດນາມປະຈຳປີ ທີ່ວຽງຈັນ ໄດ້ບັນລຸຂໍ້ຕົກລົງເອກະພາບກ່ຽວກັບມາດຕະການໃນການສົ່ງເສີມສາຍພົວພັນດ້ານແຮງງານຂອງສອງຝ່າຍ ເຊິ່ງຕົ້ນຕໍແມ່ນແນໃສ່ການສ້າງການຮ່ວມມືສອງຊາດຢ່າງເລິກເຊິ່ງ ແລະ ຍົກສູງປະສິດທິພາບຂອງແຜນການກ່ຽວກັບແຮງງານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ໄດ້ເພີ່ມທະວີຄວາມພະຍາຍາມໃນການປັບປຸງການອະນຸລັກມໍລະດົກທາງວັນທະນະທຳຮີດຄອງປະເພນີລາວ ເຊິ່ງລວມມີການເລີ່ມລົງມືກວດກາ ແລະ ຂຶ້ນທະບຽນການຮັກສາມໍລະດົກຢ່າງເປັນທາງການ.ນີ້ແມ່ນຂໍ້ຄວາມຈາກກອງປະຊຸມກ່ຽວກັບການຄຸ້ມຄອງວັດຖຸບູຮານ ແລະ ສົ່ງເສີມການປົກປັກຮັກສາມໍລະດົກທາງວັດທະນະທຳ ເຊິ່ງຈັດຂຶ້ນທີ່ຫໍວັດທະນະທຳແຫ່ງຊາດ ວຽງຈັນ ວານນີ້ ພາຍໃຕ້ການເປັນປະທານຂອງທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຄງການພັດທະນາພື້ນຖານໂຄງລ່າງຂອງລັດຫຼາຍໂຄງການ ພົບວ່າມີມູນຄ່າສູງເກີນຕົວຈິງຫຼາຍ ບາງໂຄງການກໍມີຕົ້ນທຶນສູງກວ່າມາດຕະຖານສອງເທົ່າ, ລັດຖະມົນຕີກ່າວ.ລັດຖະບານສາມາດປະຢັດງົບປະມານຫຼາຍກວ່າ 3.5 ພັນຕື້ກີບ (ປະມານ US$419 ລ້ານໂດລາ) ຈາກການກວດກາໂຄງການເຫຼົ່ານີ້, ທ່ານ (ປອ) ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງເປີດເຜີຍຕໍ່ສື່ມວນຊົນທ້ອງຖິ່ນໃນວັນຈັນນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການປະກອບສ່ວນຂອງຂະແໜງການຂຸດຄົ້ນບໍ່ແຮ່ຕໍ່ເສດຖະກິດຂອງລາວຄາດວ່າຈະສືບຕໍ່ຫຼຸດລົງໃນປີນີ້ ເນື່ອງຈາກການຜະລິດຄຳ ແລະ ທອງແດງເພື່ອການສົ່ງອອກຫຼຸດປະລິມານລົງ.ໜຶ່ງໃນໂຄງການຂຸດຄົ້ນບໍ່ແຮ່ທີ່ສຳຄັນຂອງລາວຈະປິດລົງໃນໄວໆນີ້ ແລະ ລາຄາແຮ່ທາດໃນຕະຫຼາດໂລກກໍ່ມີການຫຼຸດລົງ, ບົດລາຍງານຈາກສູນຄົ້ນຄວ້ານະໂຍບາຍເສດຖະກິດມະຫາພາກ ແລະ ປັບໂຄງສ້າງເສດຖະກິດ (CMER) ພາຍໃຕ້ສະຖາບັນຄົ້ນຄວ້າເສດຖະກິດແຫ່ງຊາດ (NEIR) ໃຫ້ຂໍ້ສະຫຼຸບ.ອ່ານຕໍ່ ...

ໄຊຍະບູລີ, ລາວ (ວຽງຈັນທາມສ໌/ANN) – ໄຊຍະບູລີເປັນແຂວງທີ່ມີຊື່ສຽງມາແຕ່ດົນນານທາງດ້ານປະຊາກອນຊ້າງທີ່ມີຈຳນວນຫຼາຍທີ່ສຸດໃນປະເທດລາວ ເຊິ່ງມັກນິຍົມນຳໃຊ້ເຂົ້າໃນການລາກແກ່ສິ່ງຂອງຕາມທົ່ງໄຮ່ທົ່ງນາ ແລະ ປ່າໄມ້, ແລະ ໃນປະຈຸບັນໄຊຍະກໍກຳລັງເປັນທີ່ນິຍົມຢ່າງກວ້າງຂວາງໃນດ້ານສະຖານທີ່ທ່ອງທ່ຽວຕ່າງໆ.ແຂວງດັ່ງກ່າວຍັງມີຈຳນວນນັກທ່ອງທ່ຽວໃນລະດັບຕ່ຳເມື່ອທຽບກັບພາກອື່ນຂອງປະເທດລາວ ແຕ່ວ່າສຳລັບຜູ້ທີ່ມັກຮັກການຜະຈົນໄພ ແມ່ນຮັບປະກັນໄດ້ເລີຍວ່າຈະໄດ້ຮັບປະສົບການທີ່ເປັນເອກະລັກ ແລະ ໃກ້ຊິດກັບທຳມະຊາດທີ່ໜ້າອັດສະຈັນຢ່າງແທ້ຈິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ (ທຫລ) ແລະ ຄູ່ຮ່ວມພັດທະນາມີຄວາມສົນໃຈໃນການສົ່ງເສີມຄວາມຮູ້ກ່ຽວກັບການເງິນໃຫ້ກັບປະຊາຊົນລາວຫຼາຍຂຶ້ນ ເຊິ່ງເປັນສ່ວນໜຶ່ງຂອງການຍົກລະດັບທັກສະທາງດ້ານເສດຖະກິດທີ່ສຳຄັນ.ທຫລ, ເຊິ່ງເປັນໜ່ວຍງານຫຼັກຂອງຂະແໜງການເງິນລາວ ໄດ້ສະຫຼຸບກ່ຽວກັບມາດຕະການໃນການປົກປ້ອງລູກຄ້າ ແລະ ສົ່ງເສີມຄວາມຮູ້ທາງດ້ານການເງິນ ໃນແຜນຍຸດທະສາດ 10ປີ ແລະ ແນວທາງໃນເຂົ້າເຖິງການບໍລິການດ້ານການເງິນ.   ນະໂຍບາຍດັ່ງກ່າວຍັງລວມເອົາການສົ່ງເສີມຄວາມຮູ້ທາງດ້ານການເງິນເຂົ້າໃນຂະບວນການຈັດຕັ້ງປະຕິບັດຍຸດທະສາດການສຶກສາດ້ານການເງິນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະກວດສອບພັດລັກແຂວງສະຫວັນນະເຂດໄດ້ສັ່ງລົງໂທດພະນັກງານ 40 ຄົນ ຕາມການລາຍງານໃນກອງປະຊຸມກວດສອບຂອງແຂວງໃນອາທິດແລ້ວນີ້.ເຈົ້າໜ້າທີ່ຂັ້ນແຂວງເຊິ່ງບໍ່ປະສົງອອກນາມ ໄດ້ເປີດເຜີຍຕໍ່ວຽງຈັນທາມສ໌ຜ່ານທາງໂທລະສັບ ກ່ຽວກັບການປະຕິບັດວິໄນພະນັກງານດັ່ງກ່າວສຳລັບປີ 2018.ອ່ານຕໍ່ ...