News

ແຂວງສະຫວັນນະເຂດ: ໃນວັນພຸດຜ່ານມານີ້ ເຈົ້າໜ້າທີ່ລັດຖະບານນຳໂດຍທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ນຳເອົາເຄື່ອງບັນເທົາທຸກສຸກເສີນ ມູນຄ່າ 161 ລ້ານກວ່າກີບ ໄປມອບໃຫ້ແກ່ຊຸມຊົນເມືອງຊົນບູລີ ທີ່ປະສົບໄພນ້ຳຖ້ວມໃນໄລຍະຜ່ານມາ.ທ່ານ ສອນໄຊ ປະທານຄະນະສະເພາະກິດຮັບຜິດຊອບການຮັບມືຫຼັງໄພພິບັດແຫ່ງຊາດ ພ້ອມດ້ວຍຄະນະ ໄດ້ເດີນທາງໄປມອບເຄື່ອງຊ່ວຍເຫຼືອດັ່ງກ່າວໃນນາມຂອງລັດຖະບານ.ເຄື່ອງຊ່ວຍເຫຼືອດັ່ງກ່າວແມ່ນເຄື່ອງທີ່ໄດ້ຮັບບໍລິຈາກມາຈາກມະຫາຊົນ ມີມູນຄ່າລວມ 161,400,000 ກີບ. ເຊິ່ງລວມມີເຂົ້າສານ, ນ້ຳດື່ມ, ເຄື່ອງນຸ່ງຫົ່ມ, ໝີ່, ແລະ ເກີບສຳລັບຜູ້ໃຫຍ່ ແລະ ເດັກນ້ອຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການປະຕິບັດການບໍລິການຮັບສົ່ງໃນລາວຈະເປັນຕົວແທນປະເທດລາວ ຢູ່ໃນກອງປະຊຸມການລິເລີ່ມນະວັດຕະກຳການທ່ອງທ່ຽວ ພາກພື້ນແມ່ນ້ຳຂອງ (MIST) ທີ່ປະເທດໄທໃນອາທິດໜ້ານີ້.LOCA, ທຸລະກິດນະວັດຕະກຳໃໝ່ ແລະ ໜຶ່ງດຽວທີ່ໃຫ້ການບໍລິການລົດຮັບສົ່ງໃນລາວ ໄດ້ຮັບການຄັດເລືອກໃຫ້ເປັນຕົວແທນປະເທດລາວ ໃນການເຂົ້າແຂ່ງຂັນຮອບສຸດທ້າຍໃນກອງປະຊຸມ MIST ໃນລະຫວ່າງວັນທີ 8-9 ຕຸລານີ້ ທີ່ນະຄອນບາງກອກ. ທ່ານ ສຸລິໂຍ ວົງດາລາ ຜູ້ກໍ່ຕັ້ງ ແລະ ຫົວໜ້າວິຊາການຂອງ LOCA ກ່າວໃນວັນພຸດນີ້ວ່າ ຂະແໜງການທ່ອງທ່ຽວແມ່ນສ່ວນປະກອບໜຶ່ງທີ່ສຳຄັນໃນ GDP  ແລະ ການລິເລີ່ມທາງນະວັດຕະກຳຈະຊ່ວຍດຶງດູດນັກທ່ອງທ່ຽວໃຫ້ເຂົ້າມາລາວ ຍ້ອນການບໍລິການທີ່ສະດວກສະບາຍຄືຂອງທາງບໍລິສັດ.ອ່ານຕໍ່ ...

ນັກສຶກສາລາວຈຳຳນວນຫຼາຍ ທີ່ພວມພິຈາລະນາການໄປສຶກສາຢູ່ປະເທດຍີ່ປຸ່ນ ແລະ ມີຄວາມສົນໃຈຢາກຮູ້ຂໍ້ມູນຂ່າວສານ ກ່ຽວກັບວິທີການໃນການໄປສຶກສາດັ່ງກ່າວ.ງານກິດຈະກຳຕະຫຼາດນັດການສຶກສາທີ່ປະເທດຍີ່ປຸ່ນ 2019 ເຊິ່ງຈັດຂຶ້ນໃນວັນພຸດຜ່ານມານີ້ ທີ່ມະຫາວິທະຍາໄລແຫ່ງຊາດລາວ (ມຊ) ນະຄອນຫຼວງວຽງຈັນ ໄດ້ເປີດໂອກາດໃຫ້ແກ່ນັກສຶກສາທີ່ຕ້ອງການຮຽນຮູ້ກ່ຽວກັບມະຫາວິທະຍາໄລຂອງຍີ່ປຸ່ນ ແລະ ຫຼັກສູດການສຶກສາຂອງເຂົາເຈົ້າ.ກິດຈະກຳດັ່ງກ່າວເປັນປະໂຫຍດສຳລັບຄູອາຈານ, ນັກຄົ້ນຄວ້າ, ມະຫາຊົນ ແລະ ນັກສຶກສາທີ່ມີຄວາມຕ້ອງການຢາກໄປສຶກສາຢູ່ປະເທດຍີ່ປຸ່ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາການຄ້າ ແລະ ອຸດສາຫະກຳແຫ່ງຊາດລາວ ກຳລັງດຳເນີນການປະເມີນວິທີການທີ່ບັນດາແຂວງ ແລະ ນະຄອນຫຼວງວຽງຈັນນຳໃຊ້ ເພື່ອສ້າງຄວາມສະດວກໃຫ້ແກ່ການລົງທຶນ ແລະ ການຄ້າ, ພາຍໃຕ້ໂຄງການ ProFIT ໄລຍະທີ 2.ໂຄງການດັ່ງກ່າວຈະທຳການສຳຫຼວດ ແລະ ປະເມີນວິທີການເພື່ອໃຫ້ຂະແໜງທຸລະກິດໄດ້ຮັບປະໂຫຍດຈາກການຈັດຕັ້ງປະຕິບັດມາດຕະການເພື່ອປັບປຸງສະພາບແວດລ້ອມການລົງທຶນ ແລະ ການດຳເນີນທຸລະກິດ ຂອງອົງການຈັດຕັ້ງລັດຖະບານ, ລວມເຖິງໜ່ວຍງານບໍລິການພາກລັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຄງການເຂື່ອນໄຟຟ້າຫຼວງພະບາງ ດຳເນີນມາເຖິງຂັ້ນຕອນການພັດທະນາທີ່ສຳຄັນອີນຂັ້ນໜຶ່ງ ພາຍຫຼັງທີ່ລັດຖະບານລາວໄດ້ຮຽກຮ້ອງໃຫ້ຄະນະກຳມາທິການແມ່ນ້ຳຂອງ (MRC) ຈັດການປຶກສາຫາລືລ່ວງໜ້າກ່ຽວກັບໂຄງການດັ່ງກ່າວ. ລັດຖະບານ ໄດ້ອະນຸຍາດໃຫ້ບໍລິສັດ ປີໂຕຼ ໄຟຟ້າ ຫວຽດນາມ ດຳເນີນການກໍ່ສ້າງເຂື່ອນໄຟຟ້າຫຼວງພະບາງໃນປີ 2007. ເນື່ອງຈາກເຂື່ອນດັ່ງກ່າວຈະກໍ່ສ້າງຢູ່ໃນສາຍແມ່ນ້ຳຂອງ, ລັດຖະບານຈຶ່ງໄດ້ຮ້ອງຂໍໃຫ້ MRC ຈັດການປຶກສາຫາລືລ່ວງໜ້າກ່ຽວກັບໂຄງການດັ່ງກ່າວ ພາຍໃຕ້ຂໍ້ຕົກລົງແມ່ນ້ຳຂອງປີ 1995.ອ່ານຕໍ່ ...

ເຈົ້າໜ້າທີ່ແຂວງຫົວພັນ ກ່າວວ່າຕ້ອງການຍົກເລີກການສັນຍາການສຳຫຼວດຂອງບໍລິສັດຖ່ານຫີນຈີນ ຫຼັງຈາກພົບວ່າການດຳເນີນການຂອງບໍລິສັດໄດ້ສ້າງຄວາມລຳບາກໃຫ້ແກ່ຊາວບ້ານ ເຊິ່ງຍັງບໍ່ໄດ້ຮັບການຊົດເຊີຍໃດໆ.ຈາກການລາຍງານ ບໍລິສັດດັ່ງກ່າວໄດ້ສ້າງຄວາມເສຍຫາຍໃຫ້ແກ່ພື້ນທີ່ນາແປດເຮັກຕາ, ແລະຍັງເຮັດໃຫ້ດິນເຈື່ອນ ເນື່ອງຈາກການຂຸດຄອງເໝືອງເພື່ອການສຳຫຼວດ.ເຈົ້າໜ້າທີ່ພະແນກພະລັງງານ ແລະ ບໍ່ແຮ່ໄດ້ກ່າວຕໍ່ໜ່ວຍຂ່າວວິທະຍຸເສລີອາຊີລາວວ່າ ການສຳປະທານດັ່ງກ່າວຄວນໄດ້ຮັບການຍົກເລີກ ເນື່ອງຈາກເຫດຜົນທາງສະພາບແວດລ້ອມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກທ່ອງທ່ຽວທີ່ຕັ້ງຕາລໍຄອຍ ສາມາດເຂົ້າມາຮ່ວມມ່ວນຊື່ນກັບກິດຈະກຳທີ່ຫຼາກຫຼາຍ ແລະ ຊົມຄວາມສວຍງາມຂອງທຳມະຊາດໃນສວນອຸດທິຍານ ພູຜາສຸກ ແຂວງສາລະວັນ ເຊິ່ງຈະກັບມາເປີດໃຫ້ບໍລິການຕາມປົກກະຕິໃນກາງເດືອນນີ້.ທ່ານ ປັນຍາ ມຸດສິກະ ເຈົ້າໜ້າທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໄດ້ເປີດເຜີຍຜ່ານສຳນັກຂ່າວວຽງຈັນທາມສ໌ວ່າ ສວນອຸດທິຍານດັ່ງກ່າວໄດ້ທຳການປິດໃຫ້ບໍລິການໃນຊ່ວງລະດູຝົນຂອງທຸກໆປີ ເນື່ອງຈາກມີຝົກຕົກໜັກ ແລະ ເພື່ອຈຸດປະສົງໃນການບູລະນະສ້ອມແປງ.ສວນອຸດທິຍານດັ່ງກ່າວ ປະກອບດ້ວຍຖ້ຳຫຼາຍແຫ່ງ, ໃນນັ້ນມີຖ້ຳ ພູຜາສຸກ ຊຶ່ງເປັນໜຶ່ງໃນຖ້ຳທີ່ສວຍງາມທີ່ສຸດ. ແຕ່ວ່າໃນຊ່ວງລະດູຝົນ ລະດັບນ້ຳພາຍໃນຖ້ຳດັ່ງກ່າວຈະຂຶ້ນສູງ ແລະ ບໍ່ສາມາດເຂົ້າຊົມໄດ້.ອ່ານຕໍ່ ...

ແຂວງຄຳມ່ວນ: ອຳນາດການປົກຄອງແຂວງກຳລັງທຳການຕິດຕາມ ແລະ ຄຸ້ມຄອງລາຄາສິນຄ້າບໍລິໂພກ ໂດຍສະເພາະແມ່ນເຂົ້າສານ ແລະ ຊີ້ນ ພາຍໃຕ້ສະພາບຄວາມຂາດແຄນອັນເນື່ອງມາຈາກໄພນ້ຳຖ້ວມໃນຫົກເມືອງ.ແຂວງຄຳມ່ວນແມ່ນແຂວງໜຶ່ງທີ່ໄດ້ຮັບຜົນກະທົບຈາກໄພນ້ຳຖ້ວມ ເນື່ອງຈາກພະຍຸເຂດຮ້ອນ ໂພດູ ພັດຜ່ານເຮັດໃຫ້ເກີດຝົນຕົກໜັກ ໃນຊ່ວງທ້າຍເດືອນສິງຫາເຖິງຕົ້ນເດືອນກັນຍາທີ່ຜ່ານມາ. ສ້າງຄວາມເສຍຫາຍໃຫ້ແກ່ພື້ນທີ່ດິນນາ ແລະ ດິນທຳການຜະລິດຫຼາຍເຮັກຕາ, ຕາມຂໍ້ມູນຈາກພະແນກກະສະກຳ ແລະ ປ່າໄມ້ແຂວງ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ການຄ້າໃນຫົກແຂວງຂອງລາວ ແລະ ແຂວງດຽນບຽນຟູຂອງຫວຽດນາມ ໄດ້ຕົກລົງຈັດບັ້ນສົນທະນາທາງທຸລະກິດຂຶ້ນໃນປີໜ້າ ເພື່ອສົ່ງເສີມດ້ານການຄ້າ.ແຜນການຈັດບັ້ນສົນທະນາດັ່ງກ່າວ ແມ່ນສ່ວນໜຶ່ງຂອງແຜນການຮ່ວມມືສຳລັບປີ 2019-2020 ເຊິ່ງໄດ້ມີການຫາລືໃນກອງປະຊຸມຫຼ້າສຸດ ລະຫວ່າງສອງຝ່າຍ ຢູ່ແຂວງຫຼວງພະບາງ.ອ່ານຕໍ່ ...

ຕາມການລົງນາມໃນຂໍ້ຕົກລົງການກະກຽມການປະຕິບັດ (PAs) ສອງສະບັບທີ່ສະໜັບສະໜູນເຊິ່ງກັນແລະກັນໃນວັນທີ 17 ກັນຍານີ້, ອົງການພະລັງງານປະລະມະນູສາກົນ (IAEA) ໄດ້ຈັດຕັ້ງຂອບໂຄງສ້າງການຮ່ວມມືໃຕ້-ໃຕ້ ທີ່ກ່ຽວຂ້ອງກັນສາມປະເທດສະມາຊິກໃນພາກພື້ນອາຊີ ແລະ ປາຊິຟິກ ຄຽງຄູ່ກັບ IAEA.ຂໍ້ຕົກລົງການກະກຽມດັ່ງກ່າວ ແມ່ນເປັນຂອບໂຄງສ້າງເພື່ອການຮ່ວມມື ໃນຂົງເຂດວຽກງານບູລິມະສິດລະດັບກວ້າງ, ນັບແຕ່ການທົບສອບປະລະມະນູໂດຍສັນຕິ ແລະ ການນຳໃຊ້ເພື່ອອຸດສາຫະກຳ ໄປເຖິງການນຳໃຊ້ນິວເຄຼຍໃນທາງການແພດ ແລະ ການປັບປຸງທາງພັນທຸກຳ. ພາຍໃຕ້ຂອບໂຄງສ້າງດັ່ງກ່າວ, ປະເທດຫວຽດນາມຈະເປັນຜູ້ສະໜັບສະໜູນໂຄງການສຶກສາອົບຮົມໃນໄລຍະສັ້ນ ແລະ ໄລຍະຍາວໃຫ້ແກ່ປະເທດກຳປູເຈຍ ແລະ ສປປ ລາວ.ອ່ານຕໍ່ ...