News

ລັດຖະບານຈີນໃຫ້ທຶນຊ່ວຍເຫຼືອລ້າຈຳນວນ 47 ຕື້ກີບ (39,060,000 ຢວນ) ເພື່ອປ້ອງກັນ ແລະ ຄວບຄຸມການແຜ່ລະບາດຂອງພະຍາດໃນສັດໃນລາວ,​ ໂດຍສະເພາະໃນພື້ນທີ່ລຽບຊາຍແດນລາວ-ຈີນ.ໂຄງການດັ່ງກ່າວ ຈະມີການຈັດຕັ້ງສູນເຝົ້າລະວັງພະຍາດສັດຂຶ້ນທີ່ບ້ານຈັນສະຫວ່າງ ເມືອງສີໂຄດຕະບອງ ນະຄອນວຽງຈັນ ກໍຄືສ້າງສະຖານນີເຝົ້າລະວັງທີ່ແຂວງຫຼວງນ້ຳທາ ແລະ ຜົ້ງສາລີ.ອ່ານຕໍ່ ...

ທ່ານ ບຸນຍັງ ວໍລະຈິດ ປະທານປະເທດ ໄດ້ປະກາດໃຊ້ກົດໝາຍສະບັບໃໝ່ ເພື່ອຮຽກຮ້ອງໃຫ້ນັກພັດທະນາ ຈ່າຍຄ່າຊົດເຊີຍໃຫ້ແກ່ປະຊາຊົນທີ່ຕ້ອງຍ້າຍອອກຈາກທີ່ຢູ່ອາໄສ ຍ້ອນການດຳເນີນໂຄງການ ພາຍໃນກຳນົດເວລາ 24 ເດືອນຫຼັງຈາກການອະນຸມັດແຜນການຊົດເຊີຍຄ່າເສຍຫາຍ.ແຕ່ວ່າການຈັດຕັ້ງປະຕິບັດແຜນດັ່ງກ່າວອາດມີການຕໍ່ເວລາໄປອີກໜຶ່ງປີ ພາຍຫຼັງການອະນຸມັດຈາກຄະນະຮັບຜິດຊອບການຕັ້ງຖິ່ນຖານ ແລະ ຈັດຫາວຽກເຮັດງານທຳ, ອີງຕາມມາດຕາ 22 ຂອງກົດໝາຍວ່າດ້າຍການຕັ້ງຖິ່ນຖານ ແລະ ການຈັດຫາງານ.ອ່ານຕໍ່ ...

(ຂປລ) ບໍລິສັດເກຍມໍເຕີ ເອເຊຍ ຂອງສະທາລະນະລັດເກົາຫຼີ ບໍລິຈາກ 100,000 ໂດລາເພື່ອຊ່ວຍເຫຼືອຜູ້ປະສົບໄພນ້ຳຖ້ວມໃນລາວ. ພິທີມອບເງິນຊ່ວຍເຫຼືອດັ່ງກ່າວແມ່ນຈັດຂຶ້ນທີ່ ກະຊວງແຮງງານ ແລະ ສະຫວັດດີການສັງຄົມ ລະຫວ່າງທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງານ ແລະ ສະຫວັດດີການສັງຄົມ ແລະ ທ່ານ ຄິມ ຮູກອນ ຜູ້ຈັດການໃຫຍ່-ບໍລິສັດເກຍມໍເຕີປະຈຳພາກພື້ນ ໃນວັນທີ 24 ຕຸລາ 2018 ທີ່ນະຄອນວຽງຈັນ.ອ່ານຕໍ່ ...

ບາງກອກ, 24 ຕຸລາ 2018: ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ສປປ ລາວ ຮ່ວມກັບຫ້ອງການປະສານງານການທ່ອງທ່ຽວແມ່ຂອງ ເປີດຕົວ Inspiring Laos, ເວັບໄຊໃໝ່ເພື່ອສ້າງແຮງຈູງໃຈສຳລັບດຶງດູດນັກທ່ອງທ່ຽວໃຫ້ເຂົ້າມາທ່ຽວ ສປປ ລາວ. ໃນບັນດາຫົກປະເທດໃນອະນຸພາກພື້ນແມ່ນ້ຳຂອງ, ລາວມີຈຳນວນນັກທ່ອງທ່ຽວຫຼຸດລົງໃນຊ່ວງສອງປີຜ່ານມາ.ອ່ານຕໍ່ ...

ສະມາຊິກສະພາທີ່ປຶກສາແຫ່ງຊາດກຳປູເຈຍ ລາຍງານຕໍ່ໜ່ວຍບໍລິການ RFA ກຳປູເຈຍວ່າ ອຳນາດການປົກຄອງທ້ອງຖິ່ນກຳລັງນຳໃຊ້ຊ່ອງຫວ່າງທາງກົດໝາຍ ເພື່ອຫຼີກລ່ຽງການປະຕິບັດຕາມລະບຽບການໃນການປົກປ້ອງຊີວິນາໆພັນໃນແມ່ນ້ຳຂອງ.ທ່ານ ກອງ ໂມນິກາ ນຳທີມໃນການສືບສວນສອບສວນຜົນກະທົບຂອງເຂື່ອນໄຟຟ້ານ້ຳຂອງ ດອນສະໂຮງ, ທີ່ພວມດຳເນີນການກໍ່ສ້າງໃກ້ກັຍຊາຍແດນລາວ-ກຳປູເຈຍ. ທ່ານໄດ້ກ່າວວ່າ ຈຸດປະສົງໃນການສືບສວນສອບສວນນີ້ ແມ່ນເພື່ອກວດສອບວ່າ ໂລມານ້ຳຈືດອິລະວະດີ (ປາຂ່າ) ທີ່ໃກ້ສູນພັນນີ້ ໄດ້ຮັບການປົກປ້ອງພາຍໃຕ້ລະບຽບກົດໝາຍຂອງແຂວງກຣັດຕີ ແລະ ສະຕັງເຕຣັງແທ້ຫຼືບໍ່.ອ່ານຕໍ່ ...

ບາງກອກ — ມັນບໍ່ແມ່ນໄພນ້ຳຖ້ວມທົ່ວໄປ. ມັນແມ່ນໄພຊຶນາມິ, ເປຣມຣຶດີ ດາວຣຸ້ງກ່າວກ່ຽວກັບກ້ອນນ້ຳອັນມະຫາສານທີ່ໄຫຼຜ່ານປ່າດົງທີ່ແຂວງອັດຕະປືຂອງລາວ, ຫອບເອົາທ່ອນໄມ້ ບໍ່ຕ່າງຫຍັງກັບໄມ້ຂີດໄຟ ເຂົ້າກວດລ້າງເຂດບ້ານທັງໝົດໃຫ້ລຽບເປັນໜ້າກອງ.ອ່ານຕໍ່ ...

ບົດລາຍງານສະບັບໃໝ່ຈາກອົງການ ສະຫະປະຊາຊາດເພື່ອການພັດທະນາ (UNDP) ແລະ ອົງການແຮງງານສາກົນ (ILO ) ເປີດເຜີຍວ່າ ການຍ້າຍຖິ່ນຂອງແຮງງານແບບສະໝ່ຳສະເໝີ ໃຫ້ຜົນທາງບວກຫຼາຍກວ່າການຍ້າຍຖິ່ນບໍ່ສະໝ່ຳສະເໝີລະຫວ່າງ ສປປ ລາວ ແລະ ໄທ.ອ່ານຕໍ່ ...

ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມເຜີຍໃຫ້ຮູ້ແຜນດັ່ງກ່າວ ເນື່ອງໃນໂອກາດການເຂົ້າຢ້ຽມຢາມຂອງທ່ານນາງ ຊູໄບ ບາຣັກ ອາລຊູໂບ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ລັດຖະມົນຕີກະຊວງເສດຖະກິດກູເຫວດ. ໃນການຢ້ຽມຢາມທາງການດັ່ງກ່າວ, ການຫາລືຕົ້ນຕໍແມ່ນເພື່ອທົບທວນວຽກງານການຮ່ວມມືໃນໄລຍະຜ່ານມາ ແລະ ເສີມຂະຫຍາຍພາລະກິດການຮ່ວມມືໃນອະນາຄົດລະຫວ່າງສອງຝ່າຍ ໂດຍສະເພາະໃນຂະແໜງແຮງງານ.ໃນຂໍ້ຕົກລົງການຮ່ວມມືດ້ານແຮງງານ ທີ່ໄດ້ລົງນາມໃນປີ 2009 ກ່ຽວກັບການເສີມຂະຫຍາຍການຮ່ວມມືໃນການຈ້າງແຮງງານ, ມີຈຸດປະສົງ​ແນໃສ່ສົ່ງແຮງງານລາວໄປເຮັດວຽກທີ່ປະເທດກູເຫວດ. ເຊິ່ງໃນຂໍ້ຕົກລົງດັ່ງກ່າວ ປະເທດກູເຫວດມີໂກຕາການຮັບແຮງງານຈາກລາວຈຳນວນ 1,000 ອັດຕາໃນທຸກໆຂະແໜງການຂອງປະເທດ.ອ່ານຕໍ່ ...

ລັດຖະບານລາວ ແລະ ສະຫະລາດຊະອານາຈັກໄດ້ຕົກລົງກັນວານນີ້ໃນການຮ່ວມມືໃນໂຄງການໃໝ່ ເພື່ອສົ່ງເສີມການຕໍ່ສູ້ຕ້ານການດື້ຢາຂອງເຊື້ອພະຍາດໃນລາວ. ການຮ່ວມມືດັ່ງກ່າວຈະຈັດຕັ້ງລະບົບການກວດສອບຄົບວົງຈອນສຳລັບການດື້ຢາຂອງເຊື້ອແບັກທີເຣຍ (AMR) ແລະ ການນຳໃຊ້ຢາຕ້ານເຊື້ອໃນຄົນ ແລະ ສັດ.ອ່ານຕໍ່ ...

ເຈົ້າແຂວງທີ່ປະສົບໄພນ້ຳຖ້ວມຈາກເຂື່ອນແຕກຂອງລາວໃນຊ່ວງປີນີ້ ໄດ້ເປີດເຜີຍການຄາດຄະເນງົບປະມານໂຄງການສຳລັບຜູ້ປະສົບໄພທີ່ສູນເສຍທີ່ຢູ່ອາໄສ, ໂດຍໃຫ້ຕົວເລກທີ່ຂັດແຍ່ງກັບແຫຼ່ງຂໍ້ມູນທາງການທີ່ເຫັນວ່າສູງເກີນຈຳເປັນ ແລະ ຂັດແຍ່ງກັບຕົວເລກທີ່ເປີດເຜີຍໃນການສຳພາດກ່ອນໜ້ານີ້.ອ່ານຕໍ່ ...