News

ສະຫວັນນະເຂດ, ລາວ (ວຽງຈັນທາມສ໌/ANN) – ອຳນາດການປົກຄອງແຂວງສະຫວັນນະເຂດກຽມພ້ອມໃນການຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດ ສຳລັບການທ່ອງທ່ຽວແບບທຳມະຊາດ ແລະ ການອະນຸລັກໃນພື້ນທີ່ປ່າສະຫງວນແຫ່ງຊາດດົງພູວຽງ  ເມືອງພິນ ແຂວງສະຫວັນນະເຂດ.ຫວ່າງໝໍ່ໆມານີ້ ເຈົ້າໜ້າທີ່ທ່ອງທ່ຽວໄດ້ມີການເປີດຕົວແຜນທ່ອງທ່ຽວດັ່ງກ່າວທີ່ບ້ານວົງສີແກ້ວ ແລະ ບ້ານຍາງ ທີ່ຕັ້ງຢູ່ໃນເຂດປ່າສະຫງວນແຫ່ງຊາດດົງພູວຽງ ເຊິ່ງເປັນໜຶ່ງໃນຫຼາຍກິດຈະກຳເພື່ອຕ້ອນຮັບນັກທ່ອງທ່ຽວໃນປີທ່ອງທ່ຽວລາວ-ຈີນ 2019.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດວິສາຫະກິດໄຟຟ້າລາວ (EDL) ພາຍໃຕ້ກະຊວງພະລັງງານ ແລະ ບໍ່ແຮ່ແນະນຳພະນັກງານຂອງຕົນໃນທົ່ວປະເທດ ໃຫ້ຮັບປະກັນການຄິດໄລ່ຄ່ານຳໃຊ້ກະແສໄຟຟ້າໃນອັດຕາຫຼຸດຜ່ອນສຳລັບການນຳໃຊ້ໂປມນ້ຳຊົນລະປະທານ ແລະ ຟາມລ້ຽງສັດ.ທ່ານ ຄຳປະເສີດ ເທບປັນຍາ ຮອງອຳນວຍການ EDL ລາຍງານຜ່ານໜັງສືພິມວຽງຈັນທາມສ໌ວ່າ ອັດຕາຄ່າໄຟໃໝ່ໃນເລີ່ມຕົ້ນນຳໃຊ້ນັບແຕ່ ວັນທີ 1 ມັງກອນປີນີ້ ໄປເຖິງວັັນທີ 1 ມັງກອນ 2020. ການຫຼຸດຄ່າໄຟຟ້າດັ່ງກ່າວແມ່ນເພື່ອຊ່ວຍເຫຼືອຊາວກະສິກອນໃນການຟື້ນຟູຈາກໄພນ້ຳຖ້ວມໃນປີຜ່ານມາ.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີແນະນຳໃຫ້ແຂວງຈຳປາສັກແລະ ແຂວງພາກໃຕ້ອື່ນໆ ກ້າວຂ້າມອຸປະສັກ ແລະ ສິ່ງທ້າທາຍຂອງການດຳເນີນທຸລະກິດເພື່ອເພີ່ມໂອກາດໃນການດຶງດູດການລົງທຶນ.ໃນກອງປະຊຸມໄດ້ຫາລືນະໂຍບາຍ ໃນການສ້າງສະພາບແວດລ້ອມເພື່ອດຶງດູດນັກລົງທຶນໃນລາວ. ການເຮັດທຸລະກິດໃນລາວຍັງຄົງເປັນບັນຫາສຳລັບນັກລົງທຶນຈຳນວນໜຶ່ງ ແລະ ອຸປະສັກທີ່ຕ້ອງຜ່ານຜ່າກໍຄືການສົ່ງເສີມການລົງທຶນໃນທຸກຂະແໜງການ.ອ່ານຕໍ່ ...

ໂຄງການຍົກລະດັບຖະໜົນໄລຍະ 9 ກມ ຈາກສີ່ແຍກຕານມີໄຊ ເມືອງໄຊທານີ ຫາທາງແບ່ງສີເກີດ ເມືອງນາຊາຍທອງ ນະຄອນຫຼວງວຽງຈັນ ອາດຕ້ອງມີການຕໍ່ເວລາອີກ 9 ເດືອນ ເນື່ອງຈາກໜ້າວຽກຊັກຊ້າກວ່າກຳນົດການ.ໂຄງການດັ່ງກ່າວແມ່ນໜຶ່ງໃນໂຄງການບູລິມະສິດການພັດທະນາພື້ນຖານໂຄງລ່າງນະຄອນຫຼວງວຽງຈັນ ຍ້ອນວ່າການຍົກລະດັບຖະໜົນດັ່ງກ່າວຈະເຮັດໃຫ້ການສັນຈອນເຈົ້າໃນຕົວເມືອງສະດວກຍິ່ງຂຶ້ນ. ນອກນີ້ມັນຍັງເປັນທາງເວັ້ນສຳລັບລົດບັກທຸກໜັກທີ່ສັນຈອນລະຫວ່າງແຂວງພາກເໜືອ ແລະ ແຂວງພາກໃຕ້ ແລະ ການສັນຈອນຈາກຕົວເມືອງວຽງຈັນຫາຂົວມິດຕະພາບລາວ-ໄທ.ອ່ານຕໍ່ ...

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຈັບຕາເລື່ອງຄຸນນະພາບອາກາດຢູ່ນະຄອນວຽງຈັນເປັນພິເສດ ເນື່ອງຈາກນະຄອນບາງກອກກຳລັງຜະເຊີນກັບພາວະມົນລະພິດໃນອາກາດສູງ.ທ່ານ ວິລະສັກ ຈຸນດາລາ ອຳນວຍການໃຫຍ່ຂອງສະຖາບັນຄົ້ນຄວ້າຊັບພະຍາກອນທຳມະຊາດ ແລະ ສິ່ງແວດລ້ອມ ກ່າວໃນມື້ວານນີ້ວ່າ ທາງສະຖາບັນໄດ້ຕິດຕັ້ງອຸປະກອນເພື່ອຕິດຕາມຄຸນນະພາບອາກາດໃນສີ່ຈຸດໃນຕົວເມືອງວຽງຈັນຕັ້ງແຕ່ວັນຈັນທີ່ຜ່ານມາ.ອ່ານຕໍ່   ...

ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ແນະນຳຕໍ່ເຈົ້າໜ້າທີ່ແຮງງານ ແລະ ສະຫວັດດີການສັງຄົມໃນມື້ວານນີ້ ກ່ຽວກັບການດຳເນີນນະໂຍບາຍການພັດທະນາທັກສະຝີມືແຮງງານລາວ ເພື່ອຕອບສະໜອງຕໍ່ຄວາມຕ້ອງການຂອງຕະຫຼາດແຮງງານ.ທ່ານໄດ້ໃຫ້ຄຳເຫັນໃນກອງປະຊຸມຂະແໜງແຮງງານ ແລະ ສະຫວັດດີການສັງຄົມແຫ່ງຊາດເຊິ່ງຈັດຂຶ້ນໃນວັນອັງຄານຜ່ານມາທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ.ອ່ານຕໍ່ ...

(ຂປລ) ລັດຖະບານຍີ່ປຸ່ນໄ້ໃຫ້ທຶນຊ່ວຍເຫຼືອລ້າກວ່າ US$ 281,000 ໂດລາສຳລັບໂຄງການກຸມມານລະເວດແຂວງຫົວພັນ ທາງພາກເໜືອຂອງລາວ.ໂຄງການດັ່ງກ່າວມີຊື່ວ່າ “ການຍົກລະດັບລະບົບກຸມມານລະເວດແຂວງຫົວພັນ ຜ່ານການສ້າງຄວາມສາມາດໃຫ້ແກ່ບຸກຄະລາກອນການແພດ ແລະ ແພດຊຸມຊົນ” ແມ່ນກ້າວມາເຖິງປີທີສາມ ແລະ ແນໃສ່ປະກອບສ່ວນຫຼຸດຜ່ອນອັດຕາການຕາຍຂອງເດັກທີ່ມີອາຍຸຫບໍ່ເກີນ 5 ປີທີ່ເມືອງຊອນ ແລະ ເມືອງຫົວເມືອງ ໂດຍການສົ່ງເສີມການບໍລິການດ້ານກຸມມານລະເວດຕາມສຸກສາລາ ດ້ວຍການເພີ່ມທະວີຄວາມເຂົ້າໃຈຂອງຊາວບ້ານກ່ຽວກັບບັນຫາສຸຂະພາບເດັກ ຜ່ານກິດຈະກຳເພື່ອສົ່ງເສີມສຸຂະພາບຂອງຄະນະກຳມະການສາທາລະນະສຸກບ້ານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນຈັນຜ່ານມານີ້ ເຈົ້າໜ້າທີ່ລັດຖະບານຮ່ວມກັບທະນາຄານໂລກ ໄດ້ຮ່ວມເປັນສັກຂີພະຍານໃນການຝັງຊາກຊິ້ນສ່ວນສັດປ່າທີ່ຍຶດໄດ້ຈາກຕະຫຼາດຫ້ວຍນ້ຳໄສວຽງຈັນ ເຊິ່ງເປັນການສະແດງເຈດຈຳນົງຂອງລາວໃນການກວດລ້າງການຊື້ຂາຍສັດປ່າຜິດກົດໝາຍ.ກົມກວດກາປ່າໄມ້ ກະຊວງກະສິກຳ ແລະ ປ່າໄມ້ ໄດ້ສືບຕໍ່ການທຳລາຍຊີ້ນ ແລະ ຊາກສັດປ່າທີ່ຍຶດໄດ້.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານລາວຈະຫຼຸດຜ່ອນ ຫຼື ລົບລ້າງການຂາດດູນງົບປະມານສ່ວນໃຫຍ່ພາຍໃນປີໜ້າ ຕາມຄຳເຫັນຂອງທ່ານສົມດີ ດວງດີ ຮອງນາຍົກລັດຖະມົນຕີ.ໃນຊຸມປິຜ່ານມາ ລາວໄດ້ຜະເຊີນກັບການຂາດດູນທາງດ້ານງົບປະມານຢ່າງຕໍ່ເນື່ອງ ເຊິ່ງນຳໄປສູ່ການສະສົມໜີ້ສິນກ້ອນໃຫຍ່ ແລະ ຄວາມເຄັ່ງຕຶງທາງດ້ານງົບປະມານ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ຊຸກຍູ້ໃຫ້ບັນດາສະມາຊິກສະມາຄົມກາເຟລາວ ຈົ່ງເຂັ້ມງວດໃນການຮັກສາຄຸນນະພາບການຜະລິດກາເຟທ້ອງຖິ່ນ ຕາມຄຳແນະນຳຈາກຊ່ຽວຊານມາດຕະຖານກະສິກຳປອດສານພິດ.ທ່ານນາຍົກໄດ້ແນະນຳວ່າການຮັກສາມາດຕະຖານດ້ານຄຸນນະພາບຈະເຮັດໃຫ້ຜູ້ຜະລິດໄດ້ລາຄາທີ່ສູງ ອີກທັງກາເຟປອດສານພິດຍັງເປັນທີ່ຕ້ອງການສູງໃນກຸ່ມລູກຄ້າ.ອ່ານຕໍ່  ...