News

ລັດຖະບານ ແລະ ຄູ່ຮ່ວມພັດທະນາ ໄດ້ປະຊຸມກັນທີ່ວຽງຈັນ ໃນວັນສຸກຜ່ານມາ ເພື່ອຫາລືລາຍລະອຽດຄຳແນະນຳຈາກກອງປະຊຸມໂຕະມົນປີ 2018 ເພື່ອຜັນຂະຫຍາຍການປະຕິບັດການຕິດຕາມຢ່າງເປັນຮູບປະທຳ.ກອງປະຊຸມທົບທວນປະຈຳປີ ເພື່ອກະກຽມສຳລັບກອງປະຊຸມໂຕະມົນ 2019 ເຊິ່ງໄດ້ມີການຫາລືແນວທາງສູ່ການຈັດຕັ້ງປະຕິບັດກອງປະຊຸມໂຕະມົນ 2019 ເຊິ່ງຈະຈັດຂຶ້ນໃນທ້າຍປີ ມີການເຂົ້າຮ່ວມຂອງທ່ານ ປອ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານນາງ ຄາຣິນາ ອິມໂມເນັນ ຜູ້ປະສານງານປະຈຳອົງການສະຫະປະຊາຊາດ ແລະ ຜູ້ຕາງໜ້າປະຈຳອົງການ UNDP,​ ພ້ອມດ້ວຍຕາງໜ້າຈາກຂະແໜງເອກະຊົນ ແລະ ອົງການຈັດຕັ້ງສັງຄົມສົງເຄາະ.ອ່ານຕໍ່ ...

ເຈົ້າໜ້າທີ່ການສຶກສາໄດ້ທຳການອະນຸມັດໃຫ້ວິທະຍາໄລເອກະຊົນຈຳນວນໜຶ່ງ ກ່ຽວກັບການຍົກລະດັບຫຼັກສູດຂອງສະຖາບັນການສຶກສາເອກະຊົນ ໃຫ້ສາມາດເປີດຄືນຫຼັກສູດປະລິນຍາຕີ ແລະ ຊັ້ນສູງ.ປະຈຸບັນ ມີສອງສະຖານບັນ ຄື ວິທະຍາໄລລັດຕະນະບໍລິຫານທຸລະກິດ (RBAC) ແລະ ວິທະຍາໄລແສງສະຫວັນ, ວຽງຈັນ ໄດ້ຮັບການອະນຸມັດຢ່າງເປັນທາງການ ໃນການເປີດຄືນຫຼັກສູດປະລີນຍາຕີ ຫຼັງຈາກທີ່ມີການລະງັບໃບອະນຸຍາດຊົ່ວຄາວໃນສົກສຶກສາ 2013-14.ອ່ານຕໍ່ ...

(ຂປລ) ຕາງໜ້າຈາກອົງການເພື່ອການກຸສົນສະຫະລັດ Spirit of America ແລະ ສະຖານທູດສະຫະລັດໄດ້ມອບອຸປະກອນ ແລະ ທຶນຊ່ວຍເຫຼືອ ລວມມູຄ່າກວ່າ US$10,000 ໂດລາ ໃຫ້ແກ່ທຸລະກິດນົມຄວາຍລາວ ຢ່າງເປັນທາງການທີ່ແຂວງຫຼວງພະບາງ ໃນວັນທີ 14 ກຸມພາ 2019.ທຸລະກິດນົມຄວາຍລາວແມ່ນທຸລະກິດທີ່ລົງທຶນໂດຍຊາວອາເມລິກາ ທີ່ແຂວງຫຼວງພະບາງ ເຊິ່ງມີການເຊົ່າຄວາຍມາຈາກຊາວກະສິກອນທ້ອງຖິ່ນເພື່ອຜະລິດນົມຄວາຍ. ຈາກນັ້ນ ຈະນຳເອົານົມດັ່ງກ່າວມາຜະລິດເປັນຜະລິດຕະພັນນົມຕ່າງໆເຊັ່ນ ເນີຍແຂງ, ນົມສົ້ມ ແລະ ກະແລັມ ແລ້ວນຳໄປຈຳໜ່າຍຕາມຕະຫຼາດທ້ອງຖິ່ນ.ທຸລະກິດດັ່ງກ່າວໄດ້ຈັດຕັ້ງຕ່ອງໂສ້ການສະໜອງ ເພື່ອສົ່ງຜະລິດຕະພັນໃຫ້ແກ່ຮ້ານອາຫານຕ່າງໆໃນຫຼວງພະບາງ ແລະ ວຽງຈັນ, ແລະ ຫຼ້າສຸດມີການສັ່ງ orders ສິນຄ້າມາຈາກບັນດາປະເທດໃນອາຊີ ເຊັ່ນ ຍີ່ປຸ່ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງແຂວງໄຊສົມບູນໄດ້ຄັດເລືອກເອົາບໍລິສັດຄຳໄພຊະນະກຣຸ໊ບຈຳກັດ ໃຫ້ດຳເນີນການສຳຫຼວດຄວາມເປັນໄປໄດ້ໃນໂຄງການພັດທະນາແຫຼ່ງທ່ອງທ່ຽວພູເບ້ຍທີ່ເມືອງອານຸວົງ. ໂຄງການດັ່ງກ່າວມີເປົ້າໝາຍແນໃສ່ພັດທະນາການທ່ອງທ່ຽວໃນພື້ນທີ່ຕາມມາດຕະຖານແຫ່ງຊາດ ຄຽງຄູ່ກັບການປັກປັກຮັກສາສິ່ງແວດລ້ອມ ແລະ ພັດທະນາຊົນນະບົດ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ແອເອເຊຍ AirAsia ສາຍການບິນລາຄາປະຢັດທີ່ດີທີ່ສຸດລະດັບໂລກມາເປັນເວລາ 10 ປີພາຍໃຕ້ການບໍລິຫານຂອງ Skytrax, ສືບຕໍ່ເປີດໂຕຖ້ຽວບິນໂດຍກົງຫາປະເທດລາວ ແລະ ປະຈຸບັນສາມາດສ້າງເສັ້ນທາງເຊື່ອມຕໍ່ລາວກັບ 130 ຈຸດໝາຍປາຍທາງໃນເຄືອຂ່າຍພາກພື້ນອາຊີຕາເວັນອອກສຽງໃຕ້ ແລະ ອາຊີ.ປະຈຸບັນ ແອເອເຊຍໃຫ້ບໍລິການຖ້ຽວບິນໃນສອງເມືອງຂອງລາວຄື ວຽງຈັນ ແລະ ຫຼວງພະບາງ, ເຊິ່ງມີເສັ້ນທາງບິນໂດຍກົງຈາກວຽງຈັນ-ບາງກອກ (ດອນເມືອງ), ວຽງຈັນ-ກົວລາລຳເປີ, ມາເລເຊຍ ແລະ ຫຼວງພະບາງ-ບາງກອກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານພັດທະນາລາວ (LDB) ຈະຮ່ວມມືກັບສູນພະທະນາບຸກຄະລາກອນລາວ-ຍີ່ປຸ່ນ (LJI) ໃນການສົ່ງເສີມການສ້າງຄວາມສາມາດສຳລັບທຸລະກິດຂະໜາດນ້ອຍ-ຂະໜາດກາງ (SMEs) ໃນລາວ. ບົດບັນທຶກຄວາມເຂົ້າໃຈພາຍໃຕ້ການຮ່ວມມືຂອງອົງການຮ່ວມມືສາກົນຍີ່ປຸ່ນ (JICA) ໃນຂະແໜງການພັດທະນາ SME ໄດ້ມີການລົງນາມທີ່ວຽງຈັນວານນີ້ ລະຫວ່າງທ່ານ ປອ ອາຄົມ ປຣະເສີດ ອຳນວຍການບໍລິຫານຂອງ LDB ແລະ ທ່ານ ຮສ ບຸນລ້ວນ ດວງເງິນ ອຳນວຍການ LJI.ອ່ານຕໍ່ ...

ອຸດົມໄຊ ,ລາວ (ວຽງຈັນທາມສ໌/ANN) – ຖ້າມີໂອກາດໄປຢ້ຽມຢາມແຂວງອຸດົມໄຊທາງພາກຕາເວັນຕົກສຽງເໜືອຂອງລາວ, ຢ່າລືມໄປຊົມວັດພະເຈົ້າສິງຄຳ ທີ່ເມືອງຫຼາ ແລະ ໄປໄຫວ້ບູຊາພະເຈົ້າສິງຄຳອົງສັກສິດ. ວັດດັ່ງກ່າວແມ່ນສະຖານທີ່ທ່ອງທ່ຽວທາງວັດທະນະທຳທີ່ມີຊື່ສຽງຂອງເມືອງຫຼາ ແລະ ເປັນບ່ອນສະຖິດຂອງພະພຸດທະຮູບພະເຈົ້າສິງຄຳ ທີ່ເຊື່ອກັນວ່າມີຄວາມສັດສິດ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ສອງອົງການກອງທຶນໂລກຮ່ວມມືກັນໃນການສະໜັບສະໜູນລັດຖະບານລາວ ກ່ຽວກັບການຈັດການບັນຫາການການປ່ຽນແປງຂອງສະພາບອາກາດ. ອົງການກອງທຶນສິ່ງແວດລ້ອມໂລກ (GEF) ແລະ ກອງທຶນສະພາບອາກາດສີຂຽວ (GCF) ໄດ້ຖະແຫຼງໃນກອງປະຊຸມຮ່ວມກັບຕາງໜ້າລັດຖະບານໃນອາທິດນີ້ວ່າ ຈະຈັດຕັ້ງພາລະກິດຮ່ວມໃນການຊ່ວຍເຫຼືອລາວເພື່ອຈັດຕັ້ງປະຕິບັດມາດຕະການຮັບມືຕໍ່ການປ່ຽນແປງຂອງສະພາບອາກາດໃຫ້ເກີດດອກອອກຜົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວຕໍ່ບັນດາກະຊວງ ແລະ ອົງການຈັດຕັ້ງພາກລັດ ໃຫ້ຮັບປະກັນເລື່ອງການຄັດເລືອກລັດຖະກອນໃໝ່ໃນປີນີ້ ໃຫ້ດຳເນີນໄປໃນຮູບແບບທີ່ ‘ຍຸດຕິທຳ, ຊອບທຳ,  ເປີດເຜີຍ ແລະ ມີຄວາມສາມາດ’.ຫວ່າງໝໍ່ໆມານີ້ ທ່ານນາຍົກໄດ້ອອກຄຳສັ່ງແນະນຳເລກທີ 05 ກ່ຽວກັບການຈັດສັນຈຳນວນ (ໂກຕາ) ລັດຖະກອນໃໝ່ສຳລັບແຕ່ລະກົມກອງ ແລະ ໃຫ້ທິດຊີ້ນຳກ່ຽວກັບຂັ້ນຕອນການຄັດເລືອກ.ອ່ານຕໍ່ ...

ລັດຖະກອນໃນຫຼາຍແຂວງຂອງລາວຍັງຄົງບໍ່ໄດ້ຮັບເງິນເດືອນເດືອນມັງກອນ ເຊິ່ງເປັນການລະເມີດຄຳສັ່ງຂອງລັດຖະບານທີ່ວ່າພະນັກງານຈະຕ້ອງໄດ້ຮັບເງິນເດືອນພາຍໃນວັນທີ 25 ຂອງທຸກໆເດືອນ, ເຊິ່ງສະແດງວ່າຄຳສັ່ງຂອງລັດຖະບານບໍ່ມີຜົນໃນການແກ້ໄຂບັນຫາຍືດເຍື້ອກ່ຽວກັບການຂາດງົບປະມານຂອງແຕ່ລະພາກເພື່ອເບີກຈ່າຍໃຫ້ແກ່ພະນັກງານຕາມກຳນົດການ.ພະນັກງານພະແນກສາທາລະນະສຸກແຂວງສະຫວັນນະເຂດ — ແຂວງທີ່ໃຫຍ່ທີ່ສຸດໃນປະເທດລາວ — ຍັງຄົງບໍ່ໄດ້ຮັບເງິນເດືອນຕາມກຳນົດເວລາ, ຕາມຄຳບອກເລົ່າຂອງພະນັກງານຈາກໜ່ວຍງານດັ່ງກ່າວທີ່ບໍ່ປະສົງອອກນາມ ຍ້ອນຢ້ານກົວຕໍ່ການລົງໂທດ ແລະ ໄລ່ອອກຈາກວຽກ.ອ່ານຕໍ່ ...