News

ຄົນງານຢູ່ເຂດເສດຖະກິດພິເສດ (SEZ) ຢູ່ພາກເໜືອຂອງລາວ ທີ່ເຮັດວຽກບໍລິການແກ່ນັກພະນັນຊາວຈີນ ສິ້ນຫວັງທີ່ຈະກັບຄືນບ້ານຂອງເຂົາເຈົ້າທ່າມກາງການລະບາດຂອງພະຍາດໂຄໂຣນາ ທີ່ເຮັດໃຫ້ເກີດມີການປິດປະຕູໃນຕົ້ນອາທິດນີ້, ໂດຍກ່າວວ່າເຂົາເຈົ້າບໍ່ໄດ້ຮັບເງິນມາເປັນຫຼາຍເດືອນ ແລະ ບໍ່ກໍບໍ່ສາມາດຮັບຜິດຊອບຄ່າເຊົ່າ ແລະ ອາຫານໄດ້ອີກຕໍ່ໄປ. ອ່ານຕໍ່ທີ່ນີ້  ...

ລາວ ແລະ ສະວິດເຊີແລນ ໄດ້ລົງນາມໃນຂໍ້ຕົກລົງເພື່ອເສີມຂະຫຍາຍສາຍພົວພັນ ແລະ ການຮ່ວມມືອັນຍາວນານ ລະຫວ່າງສອງຝ່າຍ, ໃນລະຫວ່າງການຢ້ຽມຢາມລາວເປັນທາງການເປັນເວລາສອງມື້ຂອງທ່ານ Ignazio Cassis ຮອງປະທານປະເທດ. ສັນຍາດັ່ງກ່າວມີຈຸດປະສົງເພື່ອລົງເລິກການຮ່ວມມືໃນຂົງເຂດວຽກເຮັດງານທໍາ ແລະ ການຝຶກອົບຮົມວິຊາຊີບ, ກະສິກໍາ ແລະ ຄວາມໝັ້ນຄົງດ້ານສະບຽງອາຫານ, ການປ່ຽນແປງດິນຟ້າອາກາດ, ການປົກຄອງ ແລະ ການມີສ່ວນຮ່ວມຂອງພົນລະເມືອງ, ແລະການຊ່ວຍເຫຼືອດ້ານມະນຸດສະທໍາ. ພາຍໃຕ້ຂໍ້ຕົກລົງ, ທັງສອງຝ່າຍໃຫ້ຄຳໝັ້ນສັນຍາເຄົາລົບຫຼັກການປະຊາທິປະໄຕ ແລະ ສິດພື້ນຖານ, ເປົ້າພັດທະນາແບບຍືນຍົງໃນປີ 2030ອ່ານຕໍ່ທີ່ນີ້  ...

ພາຍໃຕ້ການເຊັນສັນຍາຂໍ້ຕົກລົງຮ່ວມກັນ ກຳນົດເວລາ 12 ເດືອນ ຂອງຖານະຄູ່ຮ່ວມມືໃນນາມເປັນສ່ວນໜຶ່ງຂອງວຽກງານການເຄື່ອນໄຫວອົງການຈັດຕັ້ງທາງສັງຄົມ ແລະ ໂຄງການເພື່ອຫຼຸດຜ່ອນການລະບາດຂອງພະຍາດໂຄວິດ-19, ຊຶ່ງຈະປັບປຸງການຮັບມືໃນໄລຍະຍາວຂອງປະເທດ ກໍຄືຂອງໂລກ. 10 ໂຄງການຂອງອົງການຈັດຕັ້ງທາງສັງຄົມນີ້ ພາຍໃຕ້ການສະໜັບສະໜູນໂດຍອົງການສະຫະພາບເອີຣົບ ຈະເຂົ້າຫາປະຊາຊົນຈຳນວນ 100,000 ຄົນທົ່ວທັງ 102 ໝູ່ບ້ານໃນ 16 ເມືອງ, ລວມທັງການສະໜອງຈຸດລ້າງມືຈຳນວນ 62 ແຫ່ງຢູ່ໂຮງຮຽນ 46 ແຫ່ງ, 5 ແຫ່ງຂອງຈຸດບໍລິການດ້ານສາທາລະນະສຸກ ແລະ ຢູ່ຕະຫຼາດ 10 ຈຸດ. ອ່ານເພິ່ມເຕີມ  ...

ອີງຕາມຂໍ້ຕົກລົງທາງການ  ຈາກສະຖາທູດລາວປະຈຳປະເທດໄທກ່າວວ່າ ລັດຖະບານໄທໄດ້ຕົກລົງອຳນວຍຄວາມສະດວກໃນການສັກວັກຊິນປ້ອງກັນພະຍາດໂຄວິດ-19 ໃຫ້ຕ່າງປະເທດ ລວມທັງແຮງງານລາວທີ່ອາໃສຢູ່ປະເທດໄທ. ຊຶ່ງຈະໄດ້ດຳເນີນການສັກໃຫ້ກຸ່ມບູລິມະສິດທີ່ມີອາຍຸ 60 ປີຂື້ນໄປແລະ ຜູ້ທີ່ມີພະຍາດປະຈຳຕົວ. ອ່ານເພິ່ມເຕີມ  ...

ລະດັບແມ່ນ້ຳໄດ້ເພິ່ມຂື້ນ ແລະ ຖ້ວມບັນດາຜົນລະປູກ, ທົ່ງນາ, ສວນ, ໜອງປາ ແລະ ເຮືືອນປະຊາຊົນ ພາຍຫຼັງຝົນຕົກໜັກເປັນເວລາສາມວັນຢູ່ບັນດາສອງແຂວງທາງພາກເໜືອ. ສອງຕົວເມືອງ ແລະ ເຂດເສດຖະກິດພິເສດບໍເຕັນ ແຂວງຫຼວງນ້ຳທາແມ່ນເຂດທີ່ໄດ້ຮັບຜົນກະທົບໜັກກ່ວາໝູ່. ອ່ານເພິ່ມເຕີມ  ...

ລັດຖະບານລາວ ແລະ ບັນດາຄູ່ຮ່ວມມືໃນໂຄງການນຳເທີນ 2 ໄດ້ຕົກລົງພັດທະນາໂຄງການພະລັງານແສງອາທິດນຳເທີນ ຊຶ່ງອາດຈະກາຍເປັນໜຶ່ງໃນໂຄງການພະລັງງານແສງອາທິດແບບປະສົມປະສານຂະໜາດໃຫຍ່ຂອງໂລກ.​ ມີຄວາມຈຸທັງໝົດ 240 ເມກາວັດ, ຊຶ່ງຈະສ້າງຂື້ນຢູ່ອ່າງເກັບນ້ຳເທີນ 2.​ອ່ານເພິ່ມເຕີມ  ...

ໄດ້ມີການລາດຕະເວນຊາຍແດນຕາມລຳແມ່ນ້ຳຂອງຂື້ນ ທີ່ແຂວງຈຳປາສັກ ແລະ ສະຫວັນນະເຂດ ເພື່ອປ້ອງກັນຄົນເດີນທາງເຂົ້າມາປະເທດລາວແບບຜິດກົດໝາຍຈາກປະເທດໄທ ພາຍຫຼັງທີ່ມີການກວດພົບຜູ້ຕິດເຊື້ອໂຄວິດ-19. ສປປ ລາວ ໄດ້ກວດພົບຕົວເລກຈຳນວນຜູ້ຕິດເຊື້ອຈາກການນຳເຂົ້າສູງນັບແຕ່ຕົ້ນເດືອນນີ້ເປັນຕົ້ນມາ. ມີຫຼາຍກໍລະນີຕິດເຊື້ອໃໝ່ທີ່ມາຈາກບັນດາແຮງງານລາວທີ່ກັບມາຈາກປະເທດໄທ. ໃນວັນທີ 12 ກໍລະກົດ, ໄດ້ກວດພົບທັງໝົດ 106 ກໍລະນີຜູ້ຕິດເຊື້ອໃໝ່ ຊຶ່ງຕົວເລກລວມທັງໝົດປັດຈຸບັນແມ່ນສູງເຖິງ 2,825 ຄົນ. ອ່ານລາຍລະອຽດເພິ່ມເຕີມ ...

ງານພົບປະທາງອອນລາຍຈັດຂື້ນໂດຍກະຊວງສາທາລະນະສຸກ ພາຍໃຕ້ການຮ່ວມມືຈາກກອງທຶນເພື່ອປະຊາກອນຂອງອົງການສະຫະປະຊາຊາດ ປະຈຳລາວ ພາຍໃຕ້ຫົວຂໍ້: “ຕິດຕາມຂໍ້ມູນ, ລົງທຶນໃສ່ຂະແໜງການແພດຜະດຸງຄັນ” ໂດຍເນັ້ນໃສ່ບົດບາດຄວາມສຳຄັນຂອງວຽກງານຜະດຸງຄັນ ແລະ ເດັກນ້ອຍ ທີ່ຍັງມີຄວາມຕ້ອງການການຊ່ວຍເຫຼືອ. ສິ່ງສຳຄັນຂອງຂະບວນການ SRMNAH ໃນ ສປປ ລາວນີ້ ໄດ້ຮັບການປັບປຸງຈາກ 19% ໃນປີ 2014 ມາເປັນ 62% ທຽບກັບບົດລາຍງານ SoWMy (2021) ທີ່ຜ່ານມາ, ມີພຽງແຕ່ປະມານ 12% ຂອງແພດຜະດຸງຄັນທີ່ໄດ້ຮັບການຝຶກອົບຮົມຢ່າງເຕັມສ່ວນຕາມມາດຕະຖານສາກົນ.ອ່ານເພິ່ມເຕີມ.  ...

ຂະບວນການຄ້າມະນຸດຂອງເພດຍິງຈາກ ປະເທດລາວ ເພື່ອໄປເປັນເມຍຂອງເພດຊາຍຈີນ ຫຼື ໄປເຮັດວຽກໃນອາຊີບຂາຍບໍລິການທາງເພດໄດ້ເພິ່ມຂື້ນ ຍ້ອນຄວາມກົດດັນທາງເສດຖະກິດໃນຊ່ວງພະຍາດລະບາດໂຄວິດ-19.ການຄ້າມະນຸດໂດຍທົ່ວໄປແມ່ນດຳເນີນໂດຍຜ່ານຮູບແບບການເປັນນາຍໜ້າ ທີ່ໄດ້ຊອກຫາໄວໜຸ່ມເພດຍິງ ຫຼື ດ້ວຍການຕົວຍວະໂນ້ມນ້າວພໍ່ແມ່ຂອງເຂົາເຈົ້າ ເພື່ອໃຫ້ລູກສາວເຂົາເຈົ້າແຕ່ງການກັບຊາວຕ່າງຊາດ. ນາຍໜ້າເລິ່ມຕົ້ນຈາກການຊ່ອງຫາຜ່ານທາງເຟສບຸກ ແລະ ດ້ວຍການຍື່ນຄຳໝັ້ນສັນຍາວ່າເງິນຈະຕາມມາພາຍຫຼັງການແຕ່ງງານກັບເພດຊາຍຈີນ. ອ່ານເພິ່ມຕື່ມ  ...

ຄະນະສະເພາະກິດເພື່ອປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ໄດ້ຖະແຫຼງແກ່ມວນຊົນວ່າ ປະຊາຊົນທີ່ອາໃສ່ຢູ່ ສປປ ລາວ ຈະຕ້ອງໄດ້ຕິດຕັ້ງແອັບພີເຄຊັນໂທລະສັບ LaoKYC ໃສ່ໃນໂທລະສັບມືຖື ແລະ ແຊັກອິນດ້ວຍລະຫັດຄິວອາ ຊຶ່ງເປັນສ່ວນໜຶ່ງຂອງກົດລະບຽບໃນການຄິດຕາມການເຄື່ອນໄຫວຂອງຜູ້ສຳພັດ. ການນຳໃຊ້ລະບົບລະຫັດຄິວອາຈະຊ່ວຍໃຫ້ຄະນະແພດສາທາລະນະສຸກໃນການຕິດຕາມການເຄື່ອນໄຫວຂອງປະຊາກອນ ແລະ ສະດວກໃນການຕິດຕາມສະພາບເຫດການແຜ່ລະບາດຂອງພະຍາດໂຄວິດ-19ໃນຊຸມຊົນ.  ສືບຕໍ່ອ່ານ   ...