News

ວຽງຈັນ (ວຽງຈັນທາມສ໌/ANN) – ທ່ານປະທານປະເທດ ບຸນຍັງ ວໍລະຈິດ ຮຽກຮ້ອງໃຫ້ມີການຈ້າງແຮງງານຄົນລາວເພີ່ມຂຶ້ນໃນໂຄງການກໍ່ສ້າງທາງລົດໄຟລາວ-ຈີນ ໃນໂອກາດລົງຢ້ຽມຢາມການກໍ່ສ້າງຕອນທາງລົດໄຟທີ່ວຽງຈັນໃນວັນສຸກຜ່ານມາ.ຕາມບົດລາຍງານຂອງໂຄງການ ມີການຈ້າງແຮງງານທັງໝົດປະມານ 16,000 ຄົນ ໃນການກໍ່ສ້າງເສັ້ນທາງລົດໄຟໄລຍະ 414 ກມ, ໃນນັ້ນແຮງງານລາວມີພຽງ 4,500 ຄົນ. ທາງລົດໄຟດັ່ງກ່າວແມ່ນຕັດຜ່ານພາກຕາເວັນຕົກຂອງລາວຈາກຊາຍແດນບໍ່ເຕັນ-ໂມຫານ ເຊື່ອມຕໍ່ປະເທດຈີນກັບແຂວງຫຼວງນ້ຳທາ. ແລ້ວຕັດຜ່ານແຂວງອຸດົມໄຊ, ຫຼວງພະບາງ, ແລະ ແຂວງວຽງຈັນ ແລະ ສິ້ນສຸດທີ່ນະຄອນຫຼວງວຽງຈັນ.ອ່ານຕໍ່ ...

ກຳປູເຈຍ, ໄທ, ແລະ ຫວຽດນາມໄດ້ຊຸກຍູ້ໃຫ້ປະເທດສະມາຊິກຮ່ວມຄະນະກຳມາທິການແມ່ນ້ຳ (MRC) ຂອງຄືລາວ ແກ້ໄຂບັນຫາກ່ຽວກັບຜົນກະທົບຕໍ່ສະພາບແວດລ້ອມ ແລະ ຂ້າມຊາຍແດນ ພາຍຫຼັງການປຶກສາຫາລືກ່ຽວກັບໂຄງການເຂື່ອນໄຟຟ້າປາກລາຍ.ໃນວັນພະຫັດທີ່ຜ່ານມາ, ປະເທດສະມາຊິກ MRC ໄດ້ຕົກຂໍ້ຖະແຫຼງການຂອງໂຄງການ ພາຍຫຼັງສະຫຼຸບຂະບວນການປຶກສາຫາລືລ່ວງໜ້າໄລຍະຫົກເດືອນ.ອ່ານຕໍ່ ...

ລາວໄດ້ເພີ່ມໝວດໃໝ່ໃນໃນກົດໝາຍອາຍາ ເຊິ່ງເວົ້າກ່ຽວກັບການລົງໂທດຕໍ່ການທາລຸນະກຳສັດ.ໝວດດັ່ງກ່າວໄດ້ລວມຢູ່ໃນກົດໝາຍສະບັບປັບປຸງຫຼ້າສຸດ, ເຊິ່ງໄດ້ມີການປະກາດໃຊ້ໂດຍລັດຖະບານ ໃນວັນທີ່ 18 ພະຈິກ 2018.ມາດຕາ 353 ຂອງກົດໝາຍອາຍາສະບັບປັບປຸງ ກ່າວວ່າ ບຸກຄົນທີ່ທຳການທາລຸນນະກຳ ຫຼື ບຽດບຽນສັດ ເຊັ່ນ ກະທຳການກັກຂັງສັດໂດຍທີ່ບໍ່ໃຫ້ອາຫານ ຫຼື ນ້ຳ, ນຳໃຊ້ແຮງງານສັດແບບບໍ່ມີການຢຸດພັກ, ທຸບຕີສັດຢ່າງໜັກ, ຂົນຍ້າຍສັດບໍ່ຖືກຕາມມາດຕະຖານ, ຂ້າສັດຢ່າງໂຫດຮ້າຍປ່າເຖື່ອນ, ຫຼື ໃຊ້ຢາເບື່ອຕໍ່ສັດ, ຈະໄດ້ຮັບໂທດຈຳຄຸກ ຫຼື ປັບໃໝຢູ່ໃນລະຫວ່າງ 500,000 ກີບເຖິງ 3,000,000 ກີບ.ອ່ານຕໍ່ ...

ທະນາຄານແຫ່ງປະເທດໄທ ແລະ ທະນາຄານແຫ່ງ ສປປ ລາວ ໄດ້ລົງນາມໃນບົດບັນທຶກຄວາມເຂົ້າໃຈ (MOU) ກ່ຽວກັບການຮ່ວມມືໃນຂົງເຂດວຽກງານນະວັດຕະກຳທາງການເງິນ ແລະ ລະບົບການຈ່າຍເງິນ ທີ່ຊຽງລາຍ ວານນີ້ ພາຍຫຼັງການພົບປະໃນກອງປະຊຸມລັດຖະມົນຕີອາຊຽນ ແລະ ກອງປະຊຸມລັດຖະບານກາງອາຊຽນ, ແລະກອງປະຊຸມອື່ນໆທີ່ກ່ຽວຂ້ອງ.ທ່ານ ວີຣະໄທ ສັນຕິພາພົບ ອຳນວຍການທະນາຄານແຫ່ງປະເທດໄທ ແລະ ທ່ານ ສົມດີ ດວງດີ ອຳນວຍການທະນາຄານແຫ່ງ ສປປ ລາວ ໄດ້ລົງນາມໃນ MOU ແນໃສ່ເສີມຂະຫຍາຍການຮ່ວມມືທາງດ້ານນະວັດຕະກຳການເງິນ ແລະ ການບໍລິການເບີກຈ່າຍ ເພື່ອສົ່ງເສີມການເຄື່ອນໄຫວທາງການເງິນພາຍໃນ ແລະ ລະຫວ່າງປະເທດໃຫ້ມີປະສິດທິພາບ ແລະ ຄວາມປອດໄພຍິ່ງຂຶ້ນ, ກໍຄືສົ່ງເສີມການນຳໃຊ້ເງິນຕາຂອງປະເທດ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ແທນກວ່າ 30 ຄົນຈາກເກົ້າປະເທດສະມາຊິກອາຊຽນ, ສະຫະພາບເອີຣົບ, ອົງການຄວາມປອດໄພທາງການບິນເອີຣົບ (EASA) ແລະ ຊ່ຽວຊານການຂົນສົ່ງທາງອາກາດພົບປະທີ່ວຽງຈັນຫວ່າງໝໍ່ໆມານີ້ ເພື່ອຫາລືບັນຫາຫ່ຽວກັບການປົກປ້ອງຜູ້ໂດຍສານ, ທົບທວນການປະຕິບັດການຂົນສົ່ງທາງອາກາດ ແລະ ຄົ້ນຄວ້າຊ່ອງທາງໃນການແກ້ໄຂບັນຫາ.ກອງປະຊຸມພາຍໃຕ້ຫົວຂໍ້ ການປົກປ້ອງຜູ້ໂດຍສານຂອງປະເທດສະມາຊິກອາຊຽນ (AMS) ໄດ້ຈັນຂຶ້ນລະຫວ່າງວັນທີ 2-4 ເມສາ ພາຍໃຕ້ການເຂົ້າຮ່ວມຂອງຊ່ຽວຊານອີຢູ. ເຊິ່ງໄດ້ຮັບການສະໜັບສະໜູນຈາກໂຄງການ ARISE Plus ຂອງສະຫະພາບເອີຣົບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ເສດຖະກິດລະດັບສູງຈາກ 10 ປະເທດສະມາຊິກອາຊຽນ, ເລຂາທິການອາຊຽນ ແລະ 4 ຄູ່ຮ່ວມເຈລະຈາ ໄດ້ປະຊຸມທີ່ວຽງຈັນໃນອາທິດນີ້ ເພື່ອທົບທວນຄວາມຄືບໜ້າໃນການຈັດຕັ້ງປະຕິບັດກິດຈະກຳທາງດ້ານເສດຖະກິດ.ກອງປະຊຸມເຈົ້າໜ້າທີ່ເສດຖະກິດລະດັບສູງອາຊຽນຄັ້ງທີ່ສອງ ເພື່ອກະກຽມສຳລັບກອງປະຊຸມລັດຖະມົນຕີເສດຖະກິດອາຊຽນຄັ້ງທີຫ້າ ແມ່ນມີຂຶ້ນໃນລະຫວ່າງວັນທີ 4-7 ເມສານີ້ ພາຍໃຕ້ການເປັນປະທານຂອງທ່ານນາງ ອໍຣະມົນ ສຸພະທະວີທຸມ ຫົວໜ້າກົມການເຈລະຈາການຄ້າ, ກະຊວງພານິດປະເທດໄທ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນຂະນະທີ່ວຽກງານການຄວບຄຸມພະຍາດຕິດຕໍ່ໄດ້ຮັບການປັບປຸງໃຫ້ດີຂຶ້ນ, ຂະແໜງການດັ່ງກ່າວຍັງຕ້ອງສືບຕໍ່ຝຶກອົບຮົມແພດໝໍ ແລະ ພະຍາບານໃນວຽກງານດັ່ງກ່າວ ເພື່ອສົ່ງເສີມສຸຂະພາບຂອງປະຊາຊົນຮອບດ້ານ.ການຝຶກອົບຮົມຈະສ້າງໂອກາດໃນການນຳໃຊ້ລະບົບການປ້ອງກັນການລະບາດຂອງພະຍາດ, ການພັດທະນາລະບົບຂໍ້ມູນຂ່າວສານສາທາລະນະສຸກ, ແລະ ສ້າງຄວາມເຂັ້ມແຂງດ້ານຄວາມສາມາດໃນການລາຍງານ ກ່ຽວກັບການລະບາດຂອງພະຍາດໃນກໍລະນີສຸກເສີນ ເພື່ອຄຸ້ມຄອງປະສິດທິພາບຂອງຂະແໜງການສາທາລະນະສຸກໃນຊ່ວງວິກິດການ.ອ່ານຕໍ່ ...

(ຂປລ) ສອງໂຄງການຂອງທະນາຄານໂລກ, ເຊິ່ງປະຈຸບັນໄດ້ໃຫ້ການຊ່ວຍເຫຼືອ ສປປ ລາວ ໃນການກໍ່ສ້າງພື້ນຖານໂຄງລ່າງ ເພື່ອຮອງຮັບຕໍ່ການປ່ຽນແປງຂອງສະພາບອາກາດ ແລະ ຊ່ວຍເຫຼືອພື້ນທີ່ທີ່ປະສົບໄພນ້ຳຖ້ວມ, ຈະໄດ້ຮັບທຶນຊ່ວຍເຫຼືອເພີ່ມເຕີມລວມທັງໝົດ  USD$50 ລ້ານໂດລາ.ທຶນຊ່ວຍເຫຼືອດັ່ງກ່າວຈະສະໜອງຜ່ານການຈັດສັນຊ່ອງເພື່ອທາງຮັບມືກັບວິກິດການ ຈາກສະມາຄົມເພື່ອການພັດທະນາສາກົນ (IDA), ເຊິ່ງເປັນກອງທຶນຂອງກຸ່ມທະນາຄານໂລກ ສຳລັບປະເທດທີ່ຕ້ອງການການຊ່ວຍເຫຼືອທີ່ສຸດ, ເຊິ່ງມີອະນຸມັດໃນວັນທີ 11 ມີນາ ໂດຍຄະນະຜູ້ບໍລິຫານທະນາຄານໂລກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງນະຄອນວຽງຈັນໄດ້ອະນຸມັດໃຫ້ບໍລິສັດຮ່ວມທຸລະກິດທີ່ຈະລົງທຶນໃນໂຄງການຄຸ້ມຄອງສິ່ງເສດເຫຼືອ ໃນການຜະລິດພະລັງງານທົດແທນ ແລະ ຜະລິດຕະພັນຈາກສິ່ງເສດເຫຼືອທີ່ມີທ່າແຮງທາງການຄ້າ.ໂຄງການຄຸ້ມຄອງສິ່ງເສດເຫຼືອນະຄອນຫຼວງວຽງຈັນຈະຈັດຕັ້ງປະຕິບັດທີ່ບ້ານນາຜາສຸກ ຫຼັກ 32 ເມືອງໄຊທານີ ພາຍໃຕ້ມູນຄ່າການລົົງທຶນທັງໝົດປະມານ US$30 ລ້ານໂດລາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະສູ້ຊົນບັນລຸເປົ້າໝາຍການນຳເຂົ້າ, ສົ່ງອອກສິນຄ້າໃຫ້ໄດ້ຢ່າງໜ້ອຍ US$11 ຕື້ໂດລາໃນປີງົບປະມານນີ້, ເຊິ່ງໃນນັ້ນມູນຄ່າສິນຄ້າສົ່ງອອກແມ່ນ US$5.516 ຕື້ໂດລາ ແລະ ສິນຄ້ານຳເຂົ້າ US$5.775 ຕື້ໂດລາ.ຕົວເລກດັ່ງກ່າວໄດ້ມີການກຳນົດໃນກອງປະຊຸມປະຈຳປີຂອງຂະແໜງອຸດສະຫະກຳ ແລະ ການຄ້າ ໃນວັນອັງຄານນີ້ ທີ່ວຽງຈັນ.ອ່ານຕໍ່ ...