News

ວຽງຈັນ (ວຽງຈັນທາມສ໌/ANN) – ລັດຖະບານລາວໄດ້ຕົກລົງເຮັດວຽກຮ່ວມກັບບໍລິສັດຂອງອອສ໌ເຕຣເລຍ ເພື່ອດຳເນີນການທົດລອງຄວາມສາມາດຂອງຕົວສ້າງຄວາມຊຸ່ມຂອງດິນ “NSA Wilt Stop” ເພື່ອຄວບຄຸມພະຍາດຈາກເຊື້ອລາໃນສວນກ້ວຍຂອງລາວ.ກົມປູກຝັງພາຍໃຕ້ກະຊວງກະສິກຳ ແລະ ປ່າໄມ້ ແລະ ບໍລິສັດ Soils North Pty ຈຳກັດຂອງອອສ໌ເຕຣເລຍ ໄດ້ລົງນາມໃນຂໍ້ຕົກລົງຄັ້ງວັນທີ 22 ເພື່ອການຮ່ວມມືໃນໂຄງການ. ໜຶ່ງໃນວັດຖຸປະສົງຂອງໂຄງການແມ່ນການກຳນົດປະສິດທິຜົນຂອງ NSA Wilt Stop ຕໍ່ກັບພະຍາດແຫ່ວທີ່ເກີດຈາກເຊື້ອລາ Fusarium.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການລົງເລິກດ້ານການປະຕິຮູບເພື່ອປັບປຸງສະພາບແວດລ້ອມໃນການດຳເນີນທຸລະກິດ, ຄວາມກ້າວໜ້າໃນການເຊື່ອມຕໍ່ກັບປະເທດເພື່ອນບ້ານ ແລະ ການສົ່ງເສີມຜະລິດຕະພາບຂອງຫົວໜ່ວຍທຸລະກິດພາຍໃນ ແມ່ນສິ່ງຈຳເປັນໃນການຮັກສາຄວາມເຂັ້ມແຂງຂອງການຂະຫຍາຍຕົວຂອງລາວ.ນີ້ແມ່ນຂໍ້ຄວາມຈາກບົດລາຍງານຂອງທະນາຄານໂລກທີ່ມີຊື່ວ່າ ‘ການເຮັດທຸລະກິດໃນ ສປປ ລາວ (Doing business in the Lao PDR)’ ທີ່ເຜີຍແຜ່ທາງເວັບໄຊຂອງອົງກອນ.ເຖິງວ່າປະເທດລາວຈະມີການຂະຫຍາຍຕົວທາງດ້ານເສດຖະກິດທີ່ກ້າວກະໂດດໃນໄລຍະ 25 ປີທີ່ຜ່ານມາ, ການຂະຫຍາຍຕົວດັ່ງກ່າວເຮັດໃຫ້ອັດຕາຄວາມທຸກຍາກຫຼຸດລົງ, ແຕ່ວ່າມັນຍັງຢູ່ໃນວົງທີ່ຈຳກັດ ແລະ ຄວາມບໍ່ສະເໝີພາບໃນສັງຄົມກໍເພີ່ມສູງຂຶ້ນ, ຕາມບົດລາຍງານດັ່ງກ່າວ.ການຂະຫຍາຍຕົວໃນຊຸມປີທີ່ຜ່ານມາສ່ວນໃຫຍ່ແມ່ນອີງໃສ່ຊັບພະຍາກອນທຳມະຊາດ, ໂຄງການພັດທະນາພື້ນຖານໂຄງລ່າງຂະໜາດໃຫຍ່ ແລະ ການໃຊ້ຈ່າຍໃນຂະແໜງການຂອງລັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນະຄອນຫຼວງວຽງຈັນຈະປະກອບສ່ວນໃນພາລະກິດຂອງປະເທດຊາດໃນການຟື້ນຟູພື້ນທີ່ປ່າໄມ້ໃຫ້ໄດ້ 70% ຂອງພື້ນທີ່ດິນທົ່ວປະເທດພາຍໃນທ້າຍປີໜ້າ, ຕາມເຈົ້າໜ້າທີ່ປ່າໄມ້.ທ່ານ ປອ ສາຍຫຼ້າ ນວນທະສິງ ຫົວໜ້າພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ກ່າວຕໍ່ໜັງສືພິມວຽງຈັນທາມສ໌ວ່າ ໃນປະຈຸບັນ ພື້ນທີ່ປ່າຜະສົມ (122,500 ເຮັກຕາ) ແລະ ພື້ນທີ່ສີຂຽວໃນນະຄອນຫຼວງວຽງຈັນແມ່ນເພີ່ມຂຶ້ນເປັນປະມານ 226,000 ເຮັກຕາ, ເຊິ່ງທຽບເທົ່າກັບ 57.7% ຂອງພື້ນທີ່ຕົວເມືອງທັງໝົດ 392,000 ເຮັກຕາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການແຕກຂອງສັນເຂື່ອນ D ຂອງໂຄງການເຂື່ອນໄຟຟ້າເຊປຽນ-ເຊນ້ຳນ້ອຍ ຢູ່ແຂວງອັດຕະປື ປີກາຍນີ້ ບໍ່ນັບວ່າເປັນເຫດສຸດວິໄສ, ເຈົ້າໜ້າທີ່ການນຳລັດຖະບານກ່າວວານນີ້.ຮອງປະທານຄະນະກຳມະການສືບສວນສອບສວນແຫ່ງຊາດ (NIC) ເຊິ່ງຈັດຕັ້ງໂດຍລັດຖະບານ ເພື່ອທຳການສວບສວນຫາສາເຫດຂອງໄພພິບັດດັ່ງກ່າວ ເຊິ່ງເຮັດໃຫ້ມີຊາວບ້ານລົ້ມຕາຍຫຼາຍສິບ ແລະ ອີກຫຼາຍພັນຕ້ອງສູນເສຍທີ່ຢູ່ອາໄສ, ຄະນະກຳມະການເຜີຍຜົນການສືບສວນສອບສວນໃນກອງປະຊຸມສື່ມວນຊົນ.ອ່ານຕໍ່ ...

ວິທີການກໍ່ສ້າງທີ່ມີຄຸນນະພາບຕ່ຳ ໂດຍການນຳໃຊ້ດິນແທນຊີມັງ ແມ່ນສາເຫດຂອງເຂື່ອນແຕກຢູ່ລາວປີກາຍນີ້, ທີມຊ່ຽວຊານດ້ານນ້ຳສະຫຼຸບ, ເຊິ່ງຂັດກັບຂໍ້ສະຫຼຸບຂອງບໍລິສັດເກົາຫຼີໃຕ້ ທີ່ເປັນຜູ້ດຳເນີນໂຄງການ.ໄພພິບັດດັ່ງກ່າວໄດ້ເກີດຂຶ້ນໃນວັນທີ 23 ກໍລະກົດ 2018 ເມືຶ່ອໜຶ່ງໃນສັນເຂື່ອນຂອງໂຄງການພະລັງງານໄຟຟ້ານ້ຳຕົກເຊປຽນ-ເຊນ້ຳນ້ອຍໄດ້ພັງລົງ ພາຍຫຼັງມີຝົນຕົນໜັກ ເຮັດໃຫ້ກະແສນ້ຳໄຫຼຖ້ວມ 12 ບ້ານ ແລະ ມີຜູ້ເສຍຊີວິດຢ່າງໜ້ອຍ 40 ຄົນຢູ່ແຂວງຈຳປາສັກ ແລະ ອັດຕະປື, ທັງມີຜູ້ສູນຫາຍອີກຈຳນວນໜຶ່ງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ, ກຳປູເຈຍ, ຫວຽດນາມຈະສົມທົບຄວາມພະຍາຍາມໃນການປົກປັກຮັກສາຄວາມຫຼາກຫຼາຍຂອງພືດພັນກະສິກຳ ຜ່ານໂຄງການຄົ້ນຄວ້າໃໝ່.ນີ້ແມ່ນຂໍ້ຄວາມຈາກທ່ານນາງ ແກ້ວໄພວັນ ດວງສະຫວັນ ສະມາຊິກສະຖາບັນຄົ້ນຄວ້າວິທະຍາສາດສັງຄົມແຫ່ງຊາດລາວ ເນື່ອງໃນກອງປະຊຸມເປີດໂຄງການຄົ້ນຄວ້າພຶກສາສາດກ່ຽວກັບພືດໃນຕະກຸນ Eriocaulaceae, Bambusoideae (Gramineae) ແລະ Zingiberaceae ໃນອິນດູຈີນ (ກຳປູເຈຍ, ລາວ, ແລະ ຫວຽດນາມ).ອ່ານຕໍ່ ...

(ຂປລ) ຜົນການສືບສວນສອບສວນ ໂດຍທີມຜູ້ຊ່ຽວຊານມືອາຊີບອິດສະຫຼະ ໃຫ້ຮູ້ວ່າຕົ້ນຕໍສາເຫດຂອງສັນເຂື່ອນ D ຂອງໂຄງການເຂື່ອນໄຟຟ້າເຊປຽນ-ເຊນ້ຳນ້ອຍແຕກບໍ່ແມ່ນເຫດສຸດວິໄສ.ໃນວັນອັງຄານຜ່ານມາ ຄະນະກຳມະການສືບສວນສອບສວນແຫ່ງຊາດໄດ້ເປີດເຜີຍຜົນຂອງການສືບສວນສອບສວນ ເຊິ່ງດຳເນີນໂດຍທີມຜູ້ຊ່ຽວຊານອິດສະຫຼະ (IEP).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ບັນລຸເປົ້າໝາຍປີ 2018 ໂດຍການເພີ່ມເນື້ອທີ່ກະສິກຳທີ່ສາມາດທຳການຜະລິດໃນລະດູແລ້ງໄດ້ 153,000 ເຮັກຕາ.ຕົວເລກດັ່ງກ່າວແມ່ນເທົ່າກັບ 83% ຂອງການຂະຫຍາຍເນື້ອທີ່ທຳການຜະລິດໃນລະດູແລ້ງ.ໃນບົດລາຍງານຫຼ້າສຸດ, ກະຊວງເຜີຍວ່າໃນປີນີ້ຄາດວ່າຈະສາມາດຂະຫຍາຍພື້ນທີ່ທຳການຜະລິດຈາກ 177,000 ເຮັກຕາໃຫ້ເປັນ 185,000 ເຮັກຕາ.ອ່ານຕໍ່ ...

ໂຮງຮຽນນາໆຊາດຮີດຟິລ໌ດ໌ ແມ່ນໂຮງຮຽນອີກແຫ່ງໜຶ່ງທີ່ຈະເປີດສອນເປັນພາສາອັງກິດ ສຳລັບພໍ່ແມ່ຜູ້ປົກຄອງທີ່ຕ້ອງການໃຫ້ລູກຫຼານໄດ້ຮຽນພາສາເຊິ່ງເປັນທີ່ຮັບຮູ້ໃນລະດັບສາກົນ.ທ່ານ ສູນທອນ ພົມມະຈັກ ອຳນວຍການໂຮງຮຽນ ໄດ້ເປີດເຜິີຍແນວທາງການສິດສອນຂອງໂຮງຮຽນໃນອາທິດແລ້ວນີ້ ໃນໂອກາດການຢ້ຽມຢາມຂອງທ່ານນາງ ຂັນທະລີ ສິຣິພົງພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ແລະ ທ່ານ ຮິວ ອີວານ ເອກອັກຄະລັດຖະທູດອັງກິດປະຈຳລາວ.ອ່ານຕໍ່ ...

ຊຽງຂວາງ, ລາວ (ວຽງຈັນທາມສ໌/ANN) – ວີນາມິວ, ບໍລິສັດນົມທີ່ໃຫຍ່ທີ່ສຸດຂອງຫວຽດນາມ ໄດ້ຈັບມືກັບບໍລິສັດລາວ ແລະ ຍີ່ປຸ່ນ ໃນການສ້າງຟາມໂຄນົມປອດສານພິດ ແລະ ຣີສອດ ຢູ່ແຂວງຊຽງຂວາງ.ການກໍ່ສ້າງໂຄງການໄດ້ເລີ່ມດຳເນີນຢ່າງເປັນທາງການໃນອາທິດແລ້ວນີ້ທີ່ພູພຽງຊຽງຂວາງ. ເຂົ້າຮ່ວມໃນພິທີວາງສີວາເລີກມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ເຈົ້າໜ້າທີ່ການນຳຈາກລາວ ແລະ ຫວຽດນາມ ແລະ ຜູ້ຕາງໜ້າຈາກບໍລິສັດ.ອ່ານຕໍ່ ...