ການພັດທະນາດ້ານສັງຄົມ

ຈຳປາສັກ, ລາວ (ວຽງຈັນທາມສ໌/ANN) – ໃນວັນສຸກແລ້ວນີ້ ກະຊວງວິທະຍາສາດ ແລະ ເຕັກໂນໂລຊີໄດ້ຈັດກອງປະຊຸມສື່ມວນຊົນ ເພື່ອຖະແຫຼງກ່ຽວກັບແຜນການໃນການຈັດງານມະຫາກຳຊັບສິນທາງປັນຍາ 2019 ເຊິ່ງຈະຈັດຂຶ້ນທີ່ແຂວງຈຳປາສັກ ໃນວັນທີ 24-28 ເມສານີ້.ງານດັ່ງກ່າວຈະມີການວາງສະແດງຜະລິດຕະພັນໃນ 162 ບູທ໌ ຈາກປະເທດລາວ ແລະ ບັນດາປະເທດສະມາຊິກອາຊຽນ, ເຊິ່ງແນໃສ່ສ້າງເຄືອຂ່າຍໃຫ້ມີຄວາມເຂັ້ມແຂງ. ໃນຕອນແລງຂອງແຕ່ລະມື້ຈະມີກິດຈະກຳ ຄອນເສີດພ້ອມທັງການສະແດງ ຈາກສິລະປິນທ້ອງຖິ່ນ ແລະ ນັກສະແດງຕ່າງໆ.ອ່ານຕໍ່ ...

ການກໍ່ສ້າງວິທະຍາໄລການຊ່າງລາວ-ເຢຍລະມັນແຫ່ງທີ່ສອງໄດ້ເລີ່ມລົງມືແລ້ວ ທີ່ນະຄອນວຽງຈັນ ເຊິ່ງຈະຊ່ວຍເພີ່ມປະລິມານນັກສຶກສາໃນການຮ່ຳຮຽນຫຼັກສູດວິຊາສະເພາະທີ່ສາມາດນຳໃຊ້ໃນການປະກອບອາຊີບ ເຊັ່ນການປະຕິບັດການດ້ານກົນຈັກ.ການກໍ່ສ້າງວິທະຍາເຂດວິທະຍາໄລດັ່ງກ່າວ ແມ່ນໄດ້ຮັບທຶນຊ່ວຍເຫຼືອລ້າຈາກລັດຖະບານລາວ ແລະ ເຢຍລະມັນ ແລະ ຈະເພີ່ມທາງເລືອກສຳລັບນັກສຶກສາທີ່ຮຽນຈົບຊັ້ນມັດທະຍົມ ທີ່ຕ້ອງການຮ່ຳຮຽນໃນຂະແໜງວິຊາຊີບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານອອສ໌ເຕຣເລຍເປີດໂອກາດໃຫ້ນັກສຶກສາລາວຫຼາຍຮ້ອຍຄົນ ໃນການພົບປະກັບຕົວແທນຈາກມະຫາວິທະຍາໄລຈາກອອສ໌ເຕຣເລຍ ໃນງານວາງສະແດງການສຶກສາອອສ໌ເຕຣເລຍ ທີ່ວຽງຈັນ ແລະ ຮຽນຮູ້ກ່ຽວກັບວ່າເປັນຫຍັງ ອອສ໌ເຕຣເລຍ ຈຶ່ງເປັນໜຶ່ງໃນສາມປະເທດຕົວເລືອກຍອດນິຍົມຂອງບັນດານັກສຶກສາຕ່າງປະເທດທົ່ວໂລກ.ອອສ໌ເຕຣເລຍ ມີມະຫາວິທະຍາໄລເຈັດແຫ່ງທີ່ຕິດອັນດັບໜຶ່ງໃນຮ້ອຍຂອງມະຫາວິທະຍາໄລທົ່ວໂລກ ຄື ມະຫາວິທະຍາໄລເມວເບີນ, ຊິດນີ, ຄວີນສ໌ແລນ, ອະດິເລດ, ນິວເຊົາເວວສ໌, ມະຫາວິທະຍາໄລແຫ່ງຊາດອອສ໌ເຕຣເລຍ ແລະ ມະຫາວິທະຍາໄລໂມນາສ໌. ເຈັດມະຫາວິທະຍາໄລຊື່ດັງນີ້ ລວມເຖິງມະຫາວິທະຍາໄລອື່ນອີກເຈັດແຫ່ງ ໄດ້ເຂົ້າຮ່ວມໃນງານວາງສະແດງດັ່ງກ່າວ, ຕາມບົດຂ່າວຈາກສະຖານທູດອອສ໌ເຕຣເລຍປະຈຳ ສປປ ລາວ.ເບິ່ງ www.australiaawardslaos.org ກ່ຽວກັບລາຍລະອຽດການສະໝັກ.ອ່ານຕໍ່ ...

(ຂປລ) ເພື່ອເປັນສ່ວນໜຶ່ງຂອງການລິເລີ່ມລະບົບຂໍ້ມູນຂ່າວສານດ້ານໂພຊະນາການແຫ່ງຊາດ (NIPN), ສະຫະພາບເອີຣົບ (EU) ແລະ ອົງການຢູນິເຊັບ UNICEF ໄດ້ມີການສ້າງຄວາມສາມາດໃຫ້ແກ່ເຈົ້າໜ້າທີ່ພາກລັດ ເພື່ອປັບປຸງການນຳໃຊ້ຫຼັກຖານ ແລະ ຂໍ້ມູນຂ່າວສານໃນການສ້າງ ແລະ ຈັດຕັ້ງປະຕິບັດນະໂຍບາຍ ແລະ ໂຄງການທີ່ກ່ຽວຂ້ອງກັບວຽກງານໂພຊະນາການ ຜ່ານກອງປະຊຸມວິຊາການທີ່ວຽງຈັນໃນວັນທີ 3 ເມສາ.ກອງປະຊຸມພາຍໃຕ້ຫົວຂໍ້ “ການສະໜັບສະໜູນການຈັດຕັ້ງປະຕິບັດວົງຈອນການປະຕິບັດງານ NIPN: ການສ້າງຂໍ້ຄຳຖາມທີ່ກ່ຽວຂ້ອງກັບນະໂຍບາຍ ແລະ ການວິເຄາະຂໍ້ມູນທີ່ມີຢູ່” ໄດ້ສົ່ງເສີມການສ້າງຄວາມສາມາດຂອງທີມງານໃນການປະຕິບັດການລິເລີ່ມ, ໃຫ້ທິດທາງ ແລະ ຫາລືກ່ຽວກັບບູລິມະສິດໃນແຜນດຳເນີນງານ ສຳລັບຫົກເດືອນຕໍ່ໜ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນຂະນະທີ່ວຽກງານການຄວບຄຸມພະຍາດຕິດຕໍ່ໄດ້ຮັບການປັບປຸງໃຫ້ດີຂຶ້ນ, ຂະແໜງການດັ່ງກ່າວຍັງຕ້ອງສືບຕໍ່ຝຶກອົບຮົມແພດໝໍ ແລະ ພະຍາບານໃນວຽກງານດັ່ງກ່າວ ເພື່ອສົ່ງເສີມສຸຂະພາບຂອງປະຊາຊົນຮອບດ້ານ.ການຝຶກອົບຮົມຈະສ້າງໂອກາດໃນການນຳໃຊ້ລະບົບການປ້ອງກັນການລະບາດຂອງພະຍາດ, ການພັດທະນາລະບົບຂໍ້ມູນຂ່າວສານສາທາລະນະສຸກ, ແລະ ສ້າງຄວາມເຂັ້ມແຂງດ້ານຄວາມສາມາດໃນການລາຍງານ ກ່ຽວກັບການລະບາດຂອງພະຍາດໃນກໍລະນີສຸກເສີນ ເພື່ອຄຸ້ມຄອງປະສິດທິພາບຂອງຂະແໜງການສາທາລະນະສຸກໃນຊ່ວງວິກິດການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການປ້ອງກັນກຸ່ມສ່ຽງໃນການຮັບເຊື້ອ HIV/AIDS  ແລະ ການປິ່ນປົວແມ່ນສິ່ງທ້າທາຍຕົ້ນຕໍສຳລັບເຈົ້າໜ້າທີ່ສາທາລະນະສຸກຂອງລາວ ໃນຂະນະທີ່ອັດຕາການຮັບເຊື້ອຍັງສືບຕໍ່ເພີ່ມຂຶ້ນ.ນີ້ແມ່ນຂໍ້ຄວາມຈາກ ດຣ ພອນໄສ ຣັດຕະນະວົງ ຊ່ຽວຊານຈາກສູນຕ້ານພະຍາດ HIV/AIDS  ແລະ ພະຍາດຕິດຕໍ່ທາງເພດສຳພັນ, ເຊິ່ງເປີດເຜີຍວ່າ ອັດຕາການຕິດເຊື້ອ HIV/AIDS ໃນລາວຍັງຄົງສືບຕໍ່ເພີ່ມຂຶ້ນ ເຊິ່ງໃນແຕ່ລະປີມີລາຍງາຍຜູ້ຕິດເຊື້ອໃໝ່ 1,000 ກໍລະນີ.ອ່ານຕໍ່ ...

ໃນອາທິດແລ້ວນີ້ໄດ້ມີການປະກາດລາຍຊື່ນັກຮຽນເກັ່ງ 8 ຄົນທີ່ໄດ້ຊະນະເລີດໃນການສອບເສັງນັກຮຽນເກັ່ງຊັ້ນມັດທະຍົມແຫ່ງຊາດປະຈຳສົກຮຽນ 2018-2019 ທີ່ນະຄອນຫຼວງວຽງຈັນ. ນັກຮຽນເກັ່ງຊັ້ນມັດທະຍົມແປດຄົນໃນລະດັບຊັ້ນ ມໍ4 ແລະ ມໍ7  ໄດ້ຮັບວາງວັນຊະນະເລີດຫຼັງຈາກທີ່ສອບເສັງທົ່ວປະເທດໄດ້ຄະແນນສູງສຸດໃນວິຊາວັນນະຄະດີ, ຄະນິດສາດ, ຟິຊິກສາດ ແລະ ເຄມີສາດ.ອ່ານຕໍ່ ...

ລັດຖະບານສາທາລະນະລັດເກົາຫຼີຄາດຄະເນງົບປະມານ ປະມານ US$4 ລ້ານໂດລາເພື່ອຊ່ວຍເຫຼືອເພີ່ມເຕີມສຳລັບລາວແຕ່ປີ 2019-2023 ໃນການປັບປຸງລະບົບເຕັກໂນໂລຊີຂໍ້ມູນຂ່າວສານ ເພື່ອສະກັດກັ້ນການລະບາດຂອງພະຍາດຕິດຕໍ່.ພິທີເຊັນບົດບັນທຶກຄວາມເຂົ້າໃຈສຳລັບການຊ່ວຍເຫຼືອແມ່ນໄດ້ຈັດຂື້ນໃນວັນສຸກແລ້ວນີ້ທີ່ວຽງຈັນ ລະຫວ່າງທ່ານ (ດຣ) ສີສະຫວັດ ສຸດທະນິຣະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ທ່ານນາງ ແຮຈິງຢຸນ ຮອງປະທານບໍລິສັດເກົາຫຼີເທເລຄອມ (KT), ແລະ ທ່ານ ຈູວັງ ບຽກ ຕົວແທນຫ້ອງການມູນລະນິທິເພື່ອສຸຂະພາບສາກົນເກົາຫຼີ (KOFIH) ປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການໃຫ້ການສຶກສາເລື່ອງເພດ ແລະ ສຸຂະພາບໄວຈະເລີນພັນສຳລັບຊາວໜຸ່ມແມ່ນແນວຄິດໃໝ່ສຳລັບນັກຄົ້ນຄວ້າດ້ານວິທະຍາສາດສຸຂະພາບ. ການວິໄຈກ່ຽວກັບໄວໜຸ່ມໄດ້ສະແດງໃຫ້ເຫັນວ່າ ຄວາມຮູ້ກ່ຽວກັບສຸຂະພາບໄວຈະເລີນພັນທີ່ເຂົາເຈົ້າໄດ້ຮຽນຈາກໂຮງຮຽນແມ່ນບໍ່ພຽງພໍ.ແລະ ຄວາມຮູ້ພຽງຢ່າງດຽວອາດຍັງບໍ່ພຽງພໍສຳລັບເຂົາເຈົ້າ ເນື່ອງຈາກວ່າ ໄວໜຸ່ມຍັງມີຂໍ້ຈຳກັດຫຼາຍຢ່າງທາງດ້ານການເຂົ້າເຖິງ, ຄວາມເຂົ້າໃຈ, ການພິຈາລະນາ ແລະ ການນຳໃຊ້ຂໍ້ມູນຂ່າວສານກ່ຽວກັບສຸຂະພາບໄວຈະເລີນ ເພື່ອໃຫ້ເຂົາເຈົ້າມີສຸຂະພາບທີ່ແຂງແຮງ ແລະ ຫຼີກລ່ຽງຄວາມສ່ຽງຕໍ່ການຖືພາໃນຊ່ວງໄວລຸ້ນ ແລະ/ຫຼື ໃນຊ່ວງທີ່ບໍ່ພ້ອມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວກຳລັງຊອກຫາວິທີທາງໃນການເພີ່ມທະວີຈຳນວນນັກທຸລະກິດຍິງ ເຊິ່ງເປັນສ່ວນໜຶ່ງໃນຄວາມພະຍາຍາມຂອງລັດຖະບານໃນການສົ່ງເສີມການປະກອບທຸລະກິດໃນກຸ່ມແມ່ຍິງ ແລະ ສ້າງໂອກາດໃຫ້ແກ່ເຂົາເຈົ້າໄດ້ແບ່ງປັນຄວາມສຳເລັດໃນທຸລະກິດທີ່ບໍລິຫານໂດຍແມ່ຍິງລາວ.ເພື່ອຈຸດປະສົງດັ່ງກ່າວ, ສູນບໍລິການ SME ພາຍໃຕ້ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ເລີ່ມມີການຈັດກິດຈະກຳເພື່ອສ້າງເຄືອຂ່າຍດ້ານທຸລະກິດ ແລະ ໃຫ້ຂໍ້ມູນຂ່າວສານໃນຮອບໄຕມາດ ພາຍໃຕຫົວຂໍ້ ການສົນທະນາ ‘SSC Breakfast Talk’.ອ່ານຕໍ່ ...