ການທ່ອງທ່ຽວ

ວຽງຈັນ (ວຽງຈັນທາມສ໌/ANN) – ລາວ ແລະ ຈີນ ຈະສືບຕໍ່ການຮ່ວມກັນສົ່ງເສີມການທ່ອງທ່ຽວ, ເພື່ອແນໃສ່ສົ່ງເສີມການຮ່ວມມືທາງດ້ານເສດຖະກິດ ແລະ ການພົວພັນການຄ້າ.ຫ້ອງການວັດທະນະທຳ ແລະ ທ່ອງທ່ຽວແຂວງຄຸນໝິງ ແລະ ບໍລິສັດທ່ອງທ່ຽວລາວແຮັບປີ້ສາກົນ ຈຳກັດ ໄດ້ຈັດກິດຈະກຳ ໃນອາທິດແລ້ວນີ ທີ່ນະຄອນວຽງຈັນ ເພື່ອສົ່ງເສີມການທ່ອງທ່ຽວໃນຄຸນໝິງ.ກິດຈະກຳດັ່ງກ່າວແມ່ນພາຍໃຕ້ການເຂົ້າຮ່ວມຂອງຄະນະຜູ້ແທນຈາກອົງການພັນທະມິດການທ່ອງທ່ຽວຕົວເມືອງມິດຕະພາບສາກົນ ກໍຄືຄະນະນັກທ່ອງທ່ຽວຈີນຈາກຄຸນໝິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການທ່ອງທ່ຽວມາເລເຊຍ ຈະໝູນໃຊ້ບຸນນະມັດສະການພະທາດຫຼວງປະຈຳປີ ໃນການໂຄສະນາສົ່ງເສີມການທ່ອງທ່ຽວໃນມາເລເຊຍ ເພື່ອດຶງດູດນັກທ່ອງທ່ຽວໃຫ້ມາຢ້ຽມຊົມສະຖານທີ່ທ່ອງທ່ຽວທາງທຳມະຊາດ ແລະ ວັດທະນະທຳ.ອົງການທ່ອງທ່ຽວດັ່ງກ່າວໄດ້ເປີດຮ້ານວາງສະແດງໃນງານບຸນ ເພື່ອເຜີຍແຜ່ຂໍ້ມູນການທ່ອງທ່ຽວ ແລະ ໂຄສະນາສະຖານທີ່ທ່ອງທ່ຽວ ເພື່ອດຶງດູດນັກທ່ອງທ່ຽວຈາກລາວ ເຊິ່ງເປັນໜຶ່ງໃນຕະຫຼາດເປົ້າໝາຍຂອງປະເທດມາເລເຊຍ.ອ່ານຕໍ່ ...

ພະທາດຫຼວງ ແລະ ຫໍພະແກ້ວທີ່ຫາກໍ່ໄດ້ຮັບການບູລະນະຈະເປັນສູນກາງຄວາມສົນໃຈ ໃນພິທີທາງສາດສະໜາທີ່ຈັດຂັ້ຶ້ນໃນງານນະມັດສະການທາດຫຼວງ.ພິທີເປີດບຸນດັ່ງກ່າວໄດ້ມີຂຶ້ນໃນຕອນຄ່ຳຂອງວັນອັນຄານນີ້ ພາຍໃຕ້ການເຂົ້າຮ່ວມຂອງເຈົ້າໜ້າທີ່ການນຳ ພ້ອມດ້ວຍພັນລະຍາ ແລະ ຄະນະທູຕານຸທູດນາໆປະເທດປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບຸນນະມັດສະການພະທາດຫຼວງເຊິ່ງຈະຈັດຂຶ້ນໃນລະຫວ່າງວັນທີ 5-11 ພະຈິກນີ້ ຈະເປີດໂອກາດໃຫ້ຫົວໜ່ວຍທຸລະກິດທ້ອງຖິ່ນວາງສະແດງ ຜະລິດຕະພັນໜຶ່ງເມືອງ, ເມືອງຜະລິດຕະພັນ (ODOP) ກໍຄືຮີດຄອງປະເພນີລາວ ສູ່ສາຍຕາຜູ້ເຂົ້າຊົມຈາກທົ່ວໂລກ, ຕາມຮອງເຈົ້າຄອງນະຄອນວຽງຈັນ.ທ່ານ ສີຫຸນ ສິດທິລືໄຊ ໄດ້ໃຫ້ຄຳເຫັນໃນງານຖະແຫຼງຂ່າວ ເຊິ່ງຈັດຂຶ້ນທີ່ທາດຫຼວງ ໃນວັນອັງຄານນີ້ ກ່ຽວກັບລາຍລະອຽດຂອງງານບຸນດັ່ງກ່າວ.ງານບຸນດັ່ງກ່າວຈະປະກອບໄປດ້ວຍຮ້ານວາງສະແດງຜະລິດຕະພັນ ODOP ແລະ ສິນຄ້າການທ່ອງທ່ຽວ 215 ຮ້ານ ທີ່ເດີ່ນພະທາດຫຼວງ ພ້ອມທັງຮ້ານຂາຍເຄື່ອງພາຍໃນ/ຕ່າງປະເທດ, ສິນຄ້າທົ່ວໄປ, ອາຫານ ແລະ ເຄື່ອງດື່ມ, ແລະ ເຄື່ອງຫຼິ້ນຕ່າງໆ ທັງໝົດ 669 ຮ້ານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດຫັດຖະກຳ 200 ກວ່າຮ້ານຈາກທົ່ວປະເທດ ເຂົ້າຮ່ວມວາງສະແດງຜະລິດຕະພັນພື້ນເມືອງ ແລະ ຮ່ວມສະໄໝຫຼາຍຮູບແບບ ໃນງານຕະຫຼາດນັດຫັດຖະກຳລາວ ນະຄອນຫຼວງວຽງຈັນ.ງານຕະຫຼາດນັດໄລຍະ 9 ວັນ ພາຍໃຕ້ຫົວຂໍ້ “ສົ່ງເສີມຫັດຖະກຳລາວຜ່ານການທ່ອງທ່ຽວ” ໄດ້ເປີດຂຶ້ນຢ່າງເປັນທາງການໃນວັນອັງຄານນີ້, ເຊິ່ງຮ່ວມຈັດຕັ້ງໂດຍ ສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ສະມາຄົມຫັດຖະກຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດລາວ ແລະ ຢຸນນານ (ຈີນ) ຈຳເປັນຕ້ອງເພີ່ມທະວີການຮ່ວມມື ເພື່ອດຶງດູດການຄ້າ, ການລົງທຶນ ແລະ ການທ່ອງທ່ຽວເຂົ້າມາລາວ.ໃນວັນອັງຄານນີ້ ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ຮ່ວມກັບສຳນັກງານທຸລະກິດຢຸນນານປະຈຳລາວ ໄດ້ຈັດກອງປະຊຸມສົ່ງເສີມການຮ່ວມມືລາວ ແລະ ຢຸນນນານ (ຈີນ) ດ້ານທຸລະກິດການທ່ອງທ່ຽວ ເພື່ອເປັນສ່ວນໜຶ່ງຂອງກິດຈະກຳການສົ່ງເສີມປີທ່ອງທ່ຽວລາວ-ຈີນ 2019 ແລະ ງານວາງສະແດງການຄ້າລາວ-ຢຸນນານ.ອ່ານຕໍ່ ...

ນະຄອນຫຼວງວຽງຈັນຂອງລາວ ໄດ້ຮັບການຈັດໃຫ້ເປັນໜຶ່ງໃນເຈັດຕົວເມືອງຂອງໂລກທີ່ເໝາະແກ່ການຍ່າງເລາະຊົມ ໂດຍເວັບໄຊ Booking.com ຍີ່ປຸ່ນ.ເວັບໄຊ Booking.com ຍີ່ປຸ່ນ ແມ່ນເຄືອຂ່າຍໃນຍີ່ປຸ່ນຂອງເວັບໄຊ Booking.com, ເວັບໄຊບໍລິການຈອງປີ້ຍົນຂອງເນເທີແລນ ແລະ ລະບົບຈອງທີ່ພັກໃນການທ່ອງທ່ຽວ.ຕາມການສຳຫຼວດຂອງເວັບໄຊ Booking.com ຍີ່ປຸ່ນ, ວຽງຈັນ ໄດ້ຮັບການຈັດໃຫ້ເປັນເມືອງທີ່ດີທີ່ສຸດສຳລັບການຍ່າງເລາະທ່ຽວ ໃນອາຊີຕາເວັນອອກສຽງໃຕ້ ທີ່ນັກທ່ອງທ່ຽວສາມາດຍ່າງເລາະຊົມຕົວເມືອງໄດ້ທັງກາງເວັນ ແລະ ກາງຄືນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈຳນວນນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ທ່ອງທ່ຽວໃນລາວໃນຊ່ວງເກົ້າເດືອນຂອງປີນີ້ ແມ່ນເພີ່ມຂຶ້ນ ເມື່ອທຽບກັບໄລຍະດຽວກັນຂອງປີຜ່ານມາ, ໃນຂະນະທີ່ຈຳນວນນັກທ່ອງທ່ຽວຈາກບາງປະເທດທີ່ຫຼຸດລົງໃນຊຸມປີຜ່ານມາ ກໍມີທ່າອ່ຽງເພີ່ມຂຶ້ນ.ໃນຊ່ວງເກົ້າເດືອນຂອງປີນີ້ ຈຳນວນນັກທ່ອງທ່ຽວໃນລາວມີປະມານ 3.4 ລ້ານຄົນ, ເພີ່ມຂຶ້ນປະມານ 11 ສ່ວນຮ້ອຍທຽບກັບປີຜ່ານມາ , ໃນຂະນະທີທ່ຈຳນວນນັກທ່ອງທ່ຽວຈາກຈີນເພີ່ມຂຶ້ນ 26 ສ່ວນຮ້ອຍ, ຕາມຂໍ້ມູນຈາກກົມພັດທະນາການທ່ອງທ່ຽວ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.ນັກທ່ອງທ່ຽວຈາກໄທ ເຊິ່ງເປັນນັກທ່ອງທ່ຽວກຸ່ມຫຼັກໃນລາວ ເພີ່ມຂຶ້ນ 6 ສ່ວນຮ້ອຍ, ໃນຂະນະທີ່ນັກທ່ອງທ່ຽວຈາກຫວຽດນາມ ເພີ່ມຂຶ້ນ 11 ສ່ວນຮ້ອຍ.ອ່ານຕໍ່ ...

ອີງຕາມແຈ້ງການຈາກສຳນັກງານນາຍົກລັດຖະມົນຕີ ໃນວັນພຸດນີ້, ລາວຈະຍົກເລີກບໍລິການອອກວິຊາກັບດ່ານສຳລັບນັກທ່ອງທ່ຽວ ໃນເກົ້າດ່ານຊາຍແດນ.ແຈ້ງການສະບັບດັ່ງກ່າວ ໄດ້ສັ່ງປິດໜ່ວຍບໍລິການວິຊາກັບດ່ານ ໃນເກົ້າດ່ານຊາຍແດນຄື:ດ່ານຊາຍແດນປາງຮົກ (ແຂວງຜົ້ງສາລີ) ຊາຍແດນຈີນດ່ານຊາຍແດນນ້ຳໂສຍ (ແຂວງຫົວພັນ) ຊາຍແດນຫວຽດນາມດ່ານຊາຍແດນນ້ຳຄານ (ແຂວງຊຽງຂວາງ) ຊາຍແດນຫວຽດນາມດ່ານຊາຍແດນນ້ຳເງິນ (ແຂວງໄຊຍະບູລີ) ຊາຍແດນໄທດ່ານຊາຍແດນນ້ຳເຮືອງ (ແຂວງໄຊຍະບູລີ) ຊາຍແດນໄທດ່ານຊາຍແດນນ້ຳພາວ (ແຂວງຄຳມ່ວນ) ຊາຍແດນຫວຽດນາມດ່ານຊາຍແດນນາເພົ້າ (ແຂວງຄຳມ່ວນ) ຊາຍແດນຫວຽດນາມສະໜາມບິນສາກົນສະຫວັນນະເຂດດ່ານຊາຍແດນພູເກືອ (ແຂວງອັດຕະປື) ຊາຍແດນຫວຽດນາມອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຖິງເວລາແລ້ວທີ່ສະຖານນີສື່ມວນຊົນດັ້ງເດີມ ເຊັ່ນ ໜັງສືພິມ, ວິທະຍຸ ແລະ ໂທລະພາບ ຕ້ອງໄປຄຽງຄູ່ກັບ ຊ່ອງທາງການເຜີຍແຜ່ຂໍ້ມູນຂ່າວສານສະໄໝໃໝ່ ກັບຂະບວນວິວັດຄວາມຕ້ອງການຂອງສັງຄົມ. ສະນັ້ນມັນຈິ່ງຄວນມີການສະທ້ອນໃນຮູບຂອງເນື້ອຫາ, ລະບົບອອນລາຍ, ວິທີການຄົ້ນຄວ້ນ ແລະ ການຕະຫຼາດ.ນີ້ແມ່ນຄຳເຫັນຂອງທ່ານ ສະຫວັນກອນ ຣາຊມຸນຕຼີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເນື່ອງໃນພິທີເປີດໂຕສອງເວັບໄຊໃໝ່ທີ່ມີທັງພາສາລາວ ແລະ ຈີນ ພາຍໃຕ້ການຄຸ້ມຄອງຂອງສື່ມວນຊົນລາວພາກພາສາຕ່າງປະເທດ.ອ່ານຕໍ່ ...