ພະລັງງານ

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າຊຸກຍູ້ໃຫ້ບັນດາບໍລິສັດ ທີ່ຕ້ອງການຮັກສາສິດໃນການນຳເຂົ້ານ້ຳມັນເຊື້ອໄຟດ້ວຍຕົນເອງ ໃຫ້ປັບປຸງທຸລະກິດຂອງຕົນໃຫ້ສອດຄ່ອງຕາມດຳລັດຂອງນາຍົກລັດຖະມົນຕີ ວ່າດ້ວຍທຸລະກິດນ້ຳມັນເຊື້ອໄຟ ບໍ່ດັ່ງນັ້ນຈະບໍ່ໄດ້ຮັບອະນຸຍາດໃຫ້ດຳເນີນທຸລະກິດ.ທ່ານນາງ ບານສະຕິ ເທບພະວົງ ຫົວໜ້າຫ້ອງວ່າການລັດຖະມົນຕີ ໄດ້ເຊັນຮັບຮອງແຈ້ງການຂອງລັດຖະມົນຕີກະຊວງການຄ້າ ສະບັບວັນທີ 20, ເພື່ອແນໃສ່ແຈ້ງການເຖິງບັນດາທຸລະກິດ ທີ່ມີຄວາມຕ້ອງການຮັກສາສິດໃນການນຳເຂົ້ານ້ຳມັນເຊື້ອໄຟ ໃຫ້ຍື່ນໃບຄຳຮ້ອງເພື່ອຂຶ້ນທະບຽນທຸລະກິດກັບອຳນາດການປົກຄອງ ບໍ່ໃຫ້ກາຍວັນທີ 1 ພຶດສະພາ ປີນີ້.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການຍ້າຍຖິ່ນຖານພູມລຳເນົາຂອງປະຊາຊົນ 60,000 ຄົນຈາກ 12,000 ຄອບຄົວໃນ 200 ບ້ານທົ່ວປະເທດລາວ ໄດ້ນຳໃຊ້ງົບປະມານກວ່າ US$500 ລ້ານໂດລາ ເພື່ອດຳເນີນໂຄງການເຂື່ອນໄຟຟ້າ, ລັດຖະມົນຕີກະຊວງພະລັງງານ ແລະ ບໍ່ແຮ່ກ່າວ.ທ່ານ (ປອ) ຄຳມະນີ ອິນທິລາດ ລາຍງານຕົວເລກດັ່ງກ່າວໃນກອງປະຊຸມຄັ້ງທີສີ່ວ່າດ້ວຍການຖອດຖອນບົດຮຽນ ແລະ ແລກປ່ຽນປະສົບການກ່ຽວກັບການຍ້າຍພູມລຳເນົາ, ການຈ່າຍຄ່າຊົດເຊີຍ ແລະ ການຟື້ນຟູຊີວິດການເປັນຢູ່ຂອງປະຊາຊົນ ທີ່ໄດ້ຮັບຜົນກະທົບຈາກໂຄງການເຂື່ອນໄຟຟ້າໃນແຂວງຄຳມ່ວນໃນໄລຍະຜ່ານມາ.ອ່ານຕໍ່ແຫຼ່ງທີ່ມາ: LIWG ...

ຫຼວງນ້ຳທາ, ລາວ (ວຽງຈັນທາມສ໌/ANN) – ຫຼາຍຮ້ອຍຄົວເຮືອນໃນແຂວງບໍ່ແກ້ວ ແລະ ຫຼວງນ້ຳທາທີ່ຕ້ອງຍ້າຍຖິ່ນຖານເນື່ອງຈາກໂຄງການເຂື່ອນໄຟຟ້ານ້ຳທາ 1 ສະແດງຄວາມກັງວົນກ່ຽວກັບອະນາຄົດ ເຖິງວ່າເຂົາເຈົ້າຈະໄດ້ຮັບການຊ່ວຍເຫຼືອຢ່າງຫຼວງຫຼາຍຈາກອຳນາດການປົກຄອງ.ປະຊາຊົນກວ່າ 1,700 ຄອບຄົວຈາກ 37 ບ້ານໃນເມືອງຜາອຸດົມ ແຂວງບໍ່ແກ້ວ ແລະ ເມືອງນາແລ ແຂວງຫຼວງນ້ຳທາແມ່ນກຸ່ມທີ່ໄດ້ຮັບຜົນກະທົບຈາກໂຄງການ. ພວກເຂົາໄດ້ມີການຍ້າຍຖິ່ນທີ່ຢູ່ອາໄສໃນລະຫວ່າງເດືອນຕຸລາ ປີ 2014 ແລະ ເດືອນເມສາ ປີ 2018.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກຸ່ມບໍລິສັດລາວພັດທະນາຈຳກັດ ຈະເລີ່ມການຄົ້ນຄວ້າກ່ຽວກັບຄວາມເປັນໄປໄດ້ໃນການລົງທຶນ ແລະ ການພັດທະນາໃນໂຄງງານພະລັງງານແສງອາທິດທາງເລືອກ ໃນແຂວງຕ່າງໆໃນເດືອນໜ້າ ຫຼັງຈາກໄດ້ເຮັດຂໍ້ຕົກລົງກັບພາກສ່ວນລັດ.ບໍລິສັດດັ່ງກ່າວໄດ້ລົງນາມຂໍ້ຕົກລົງການຮ່ວມມືດ້ານວິຊາການກັບສະຖາບັນສົ່ງເສີມພະລັງງານທາງເລືອກ ແລະ ກະຊວງພະລັງງານ ແລະ ບໍ່ແຮ່ ທີ່ວຽງຈັນໃນອາທິດແລ້ວນີ້. ເຊິ່ງມີການລົງນາມຂອງທ່ານ ວິໄລສັນ ພົມມີໄຊ ປະທານບໍລິສັດ ແລະ ທ່ານ ຈັນໂທ ມີລັດຕະນະເພັງ ຕາງໜ້າສະຖາບັນ.ທ່ານ (ປອ) ວິໄລສັນກ່າວວ່າ ທາງບໍລິສັດຈະເລີ່ມດຳເນີນການຄົ້ນຄວ້າໃນເດືອນເມສາ ຫຼັງຈາກປີໃໝ່ລາວ ແລະ ຈະໃຊ້ເວລາປະມານ 24 ເດືອນ.ອ່ານຕໍ່ ...

ປະຊາຊົນຈຳນວນປະມານ 125 ຄອບຄົວທີ່ເມືອງວຽງທອງ ແຂວງບໍລິຄຳໄຊ ທາງພາກກາງຂອງລາວ, ທີ່ຕ້ອງຍ້າຍທີ່ຢູ່ອາໄສເນື່ອງຈາກການສ້າງເຂື່ອນໄຟຟ້ານ້ຳຕົກແຫ່ງໃໝ່ ປະຕິເສດທີ່ຈະຮັບຄ່າຊົດເຊີຍຈາກເຈົ້າຂອງໂຄງການ, ໂດຍກ່າວວ່າການຊົດເຊີຍແມ່ນໜ້ອຍບໍ່ສົມເຫດສົມຜົນ.ການກໍ່ສ້າງເຂື່ອນໄຟຟ້ານ້ຳຕົກນ້ຳເທີນ 1 ໄດ້ເລີ່ມດຳເນີນໃນປີ 2016 ແລະ ປະຈຸບັນແມ່ນສຳເລັດແລ້ວປະມານ 40%. ໂຄງການດັ່ງກ່າວຄາດວ່າໃຫ້ຈະສຳເລັດໃນປີ 2022.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດໄຟຟ້າລາວ (EDL)  ແລະ ການໄຟຟ້າຝ່າຍຜະລິດແຫ່ງປະເທດໄທ (EGAT) ໄດ້ຕົກລົງກ່ຽວກັບອັດຕາພາສີໄຟຟ້າ ເຊິ່ງຈະເລີ່ມນຳໃຊ້ລະຫວ່າງສອງອົງກອນໃນຕົ້ນເດືອນໜ້າ.ຕາມຂໍ້ຕົກລົງການຈັດຊື້ພະລັງງານສະບັບໃໝ່ (PPA), ເຊິ່ງສອງອົງກອນຈະຈັດຕັ້ງປະຕິບັດນັບແຕ່ວັນທີ 1 ເມສານີ້, EGAT ຕົກລົງຊື້ໄຟຟ້າຈາກ EDL ໃນອັດຕາ 1.8 ບາດຕໍ່ກິໂລວັດໂມງ (ຫົວໜ່ວຍ) ໃນຊົ່ວໂມງທີ່ມີການນຳໃຊ້ສູງ ແລະ 1.53 ບາດຕໍ່ຫົວໜ່ວຍໃນຊົ່ວໂມງທີ່ມີການນຳໃຊ້ປົກກະຕິ, ຕາມໜັງສືພິມບາງກອກໂພສ໌ອອນໄລ ໃນອາທິດນີ້.ອ່ານຕໍ່ ...

ຮອງນາຍົກລັດຖະມົນຕີລາວຊີ້ແຈງວ່າ ຍ້ອນການວິໃຈດິນເຮັດບໍ່ໄດ້ດີຈຶ່ງເປັນສາເຫດໃຫ້ເຂື່ອນແຕກ, ເຮັດໃຫ້ເກີດໄພນ້ຳຖ້ວມຄັ້ງຮ້າຍແຮງທີ່ສຸດໃນລາວ.ໃນກອງປະຊຸມກ່ຽວກັບນະໂຍບາຍສິ່ງແວດລ້ອມໃນອາທິດແລ້ວນີ້, ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເຊິ່ງເປັນຫົວໜ້າຄະນະກຳມະການສືບສວນສອບສວນ ຫາສາເຫດທີ່ເຮັດໃຫ້ເກີດໄພພິບັດຈາກໂຄງການເຂື່ອນໄຟຟ້າເຊປຽນ-ເຊນ້ຳນ້ອຍ (PNPC), ລະບຸສາເຫດຂອງເຂື່ອນແຕກແມ່ນມາຈາກການຂາດການກວດກາຢ່າງເຂັ້ມງວດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພິທີປິດການອອກຫຸ້ນກູ້ໄດ້ມີຂຶ້ນໃນວັນສຸກແລ້ວນີ້ທີ່ວຽງຈັນ ພາຍໃຕ້ການເຂົ້າຮ່ວມຂອງທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ປະທານຄະນະບໍລິຫານບໍລິສັດ.ບໍລິສັດໄຟຟ້າລາວມະຫາຊົນ (EDL-Gen) ລະດົົມທຶນໄດ້ 17,500 ລ້ານບາດຜ່ານການອອກຫຸ້ນກູ້ໃນໄທສຳລັບປີ 2018-2019.ອ່ານຕໍ່  ...

ໃນອາທິດແລ້ວນີ້ ກຳມະກອນລາວສາມຄົນຖືກດິນເຈື່ອນຖົມ ໃນຂະນະຂຸດຄອງເພື່ອເປັ່ງນ້ຳຈາກຫ້ວຍເຂົ້າສູ່ເຂື່ອນທີ່ຢູ່ໃກ້ຄຽງ ພົບວ່າເສຍຊີວິດແລ້ວໃນອາທິດນີ້, ໃນຂະນະທີ່ກຳມະກອນຄົນທີສີ່ໄດ້ຮັດບາດເຈັບໜັກ, ຕາມແຫຼ່ງຂ່າວພາຍໃນປະເທດ.ກຳມະກອນລາວສາມຄົນ ໄດ້ເສຍຊີວິດຍ້ອນອຸບັດຕິເຫດທີ່ເກີດຂຶ້ນໃນວັນທີ 28 ກຸມພາ ທີ່ເມືອງປາກຊ່ອງ ແຂວງຈຳປາສັກ ທາງພາກໃຕ້ຂອງລາວ, ເຊິ່ງມີ ທ້າວຮັງ ອາຍຸ 41 ປິ ກຳມະກອນຈາກແຂວງສະຫວັນນະເຂດ, ທ້າວກ່ອຍ ອາຍຸ 35 ຊ່າງຈອດຈາກແຂວງສາລະວັນ ແລະ ທ້າວໂກ້ ອາຍຸ 32 ປີ ຊ່າງກົນຈາກສະຫວັນນະເຂດ.ອ່ານຕໍ່ ...

(ຂປລ) ບໍລິສັດພະລັງງານໄຟຟ້າຫົງສາຈຳກັດ (HPC) ໄດ້ຮັບການຢັ້ງຢືນມາດຕະຖານການຄຸ້ມຄອງສິ່ງແວດລ້ອມສາກົນ (International Environmental Management Standard (ISO 14001: 2015)).“ບໍລິສັດຫົງສາໄດ້ປະຕິບັດຕາມພັນທະທີ່ໄດ້ຕົກລົງກັບລັດຖະບານຢ່າງເຂັ້ມງວດ ແລະ ຈະສືບຕໍ່ສົ່ງເສີມຊຸມຊົນທ້ອງຖິ່ນ,” ທ່ານ ຄະທາຍຸດ ຊູພູນ ປະທານບໍລິຫານ HPC ກ່າວ ເນື່ອງໃນພິທີມອບໃບຢັ້ງຢືນມາດຕະຖານ ວັນທີ 2 ມີນາ. ອ່ານຕໍ່ ...