ເສດຖະກິດ ແລະ ການຄ້າ
ທະນາຄານໃນລາວ ຮ່ວມມືໃນການຈັດຕັ້ງລະບົບການຈ່າຍເງິນລວມສູນ
ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ ໃນຖານະທະນາຄານກາງແຫ່ງລັດ ໄດ້ເປີດໂຕວິສາຫະກິດຮ່ວມປະສົມ ພາຍໃຕ້ຊື່ ບໍລິສັດເຄືອຂ່າຍການຊຳລະເງິນແຫ່ງຊາດ ຈຳກັດ (LAPNet) ພາຍໃຕ້ການຮ່ວມມືກັບເຈັດທະນາຄານໃຫຍ່ໃນລາວ.ບໍລິສັດດັ່ງກ່າວແມ່ນແນໃສ່ຈັດຕັ້ງລະບົບການຊຳລະສະສາງທີ່ມີປະສິດທິຜົນຍິ່ງຂຶ້ນ ແລະ ເຮັດໃຫ້ການຊຳລະເງິນແບບອິເລັກໂທຼນິກຜ່ານບັນດາທະນາຄານ ມີຄວາມສະດວກ ແລະ ລວມສູນຍິ່ງຂຶ້ນ.ທະນາຄານແຫ່ງລັດ ແລະ ເຈັດທະນາຄານໃຫຍ່ ໄດ້ຮ່ວມກັນລົງທຶນໃສ່ບໍລິສັດ LAPNet ເພື່ອຈຸດປະສົງເຮັດໃຫ້ລະບົບການຊຳລະສະສາງມີຄວາມວ່ອງໄວ, ໜ້າເຊື່ອຖື ແລະ ສະດວກຍິ່ງຂຶ້ນ.ທະນາຄານທີ່ເຂົ້າຮ່ວມມີຄື ທະນາຄານການຄ້າຕ່ງປະເທດລາວ, ທະນາຄານພັດທະນາລາວ, ທະນາຄານສົ່ງເສີມກະສິກຳ, ທະນາຄານຮ່ວມທຸລະກິດລາວ-ຫວຽດ, ທະນາຄານຮ່ວມພັດທະນາ, ທະນາຄານເອັສ໌ທີ ແລະ ທະນາຄານ ບີຊີໄອ (ລາວ) ຈຳກັດ.ອ່ານຕໍ່ ...
ໂຕະຂ່າວ
ທະນາຄານແຫ່ງ ສປປ ລາວ ແລະ ທະນາຄານແຫ່ງເກົາຫຼີ ສະຫຼຸບໂຄງການຮ່ວມມື ດ້ານການທະນາຄານໃນລາວ
ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ ແລະ ທະນາຄານແຫ່ງເກົາຫຼີ ໄດ້ຮ່ວມແລກປ່ຽນຜົນໄດ້ຮັບຈາກໂຄງການຮ່ວມມື ເພື່ອສົ່ງເສີມຄວາມຮູ້ – ທະນາຄານແຫ່ງເກົາຫຼີ 2019 (BOK-KPP) ໃນໄລຍະເຈັດເດືອນທີ່ຜ່ານມາ ກັບພາກສ່ວນທີ່ກ່ຽວຂ້ອງ.ພາຍຫຼັງສິ້ນສຸດໂຄງການ ທີ່ເລີ່ມດຳເນີນມາແຕ່ເດືອນພຶດສະພາ, ໄດ້ມີການຈັດກອງປະຊຸມສຳມະນາ ເພື່ອເຜີຍແຜ່ຜົນໄດ້ຮັບຈາກໂຄງການດັ່ງກ່າວ ແລະ ໃຫ້ຄຳແນະນຳທາງດ້ານນະໂຍບາຍ.ອ່ານຕໍ່ ...
ໂຕະຂ່າວ
ບໍລິສັດຈີນເຊັນສັນຍາ 184 ລ້ານໂດລາເພື່ອຊື້ສິນຄ້າກະເສດຈາກລາວ
ຄຸນໝິງ, 23 ພະຈິກ (Xinhua) — ບັນດາບໍລິສັດຈີນ ໄດ້ເຊັນສັນຍາລວມມູນຄ່າ 1.3 ຕື້ຢວນ (ປະມານ 184 ລ້ານໂດລາສະຫະລັດ) ເພື່ອຈັດຊື້ສິນຄ້າ, ເຊິ່ງສ່ວນໃຫຍ່ແມ່ນສິນຄ້າກະເສດ, ຈາກຄູ່ຄ້າໃນລາວ.ສັນຍາດັ່ງກ່າວ ໄດ້ມີການເຊັນກັນໃນງານຕະຫຼາດນັດການລົງທຶນຈີນ-ລາວ 2019 ເຊິ່ງໄດ້ອັດລົງໃນວັນສຸກແລ້ວນີ້ ທີ່ນະຄອນຄຸນໝິງ, ແຂວງຢຸນນານ ທາງພາກຕາເວັນຕົກສຽງໃຕ້ຂອງຈີນ.ອ່ານຕໍ່ ...
ZX
ລາວພົວພັນກັບອົງກອນຈັດອັນດັບສາກົນ ໃນການເປີດໂຕພັນທະບັດເງິນໂດລາໃນສາກົນ
ລັດຖະບານລາວ ໄດ້ມີການພົວພັນກັບອົງການ Standard Chartered, JP Morgan, ແລະ Credit Suisse ສຳລັບແຜນການເປີດໂຕພັນທະບັດເງິນໂດລາໃນສາກົນ.ໃນເດືອນທັນວາ 2015, ລາວໄດ້ມີການຈຳໜ່າຍພັນທະບັດ ມູນຄ່າ US$182 ລ້ານໂດລາ ໃນສອງງວດ ໃຫ້ແກ່ນັກລົງທຶນສະຖາບັນໃນປະເທດໄທ ແລະ ມີການອອກພັນທະບັດເປັນເງິນບາດໄທ, ແຕ່ກໍ່ຍັງບໍ່ມີການຈຳໜ່າຍພັນທະບັດໃຫ້ແກ່ນັກລົງທຶນຕ່າງປະເທດ.ອ່ານຕໍ່ ...
Francis Savankham
ຟູດແພນດາ ເປີດໂຕການບໍລິການໃນລາວ ພາຍໃຕ້ຮ້ານອາຫານໃນເຄືອຂ່າຍກວ່າ 300 ແຫ່ງ
ຟູດແພນດາ ຜູ້ບໍລິການຈັດສົ່ງອາຫານຕາມສັ່ງສາກົນ ເປີດໂຕການບໍລິການໃນລາວຢ່າງເປັນທາງການ ພາຍໃຕ້ຮ້ານອາຫານໃນເຄືອຂ່າຍກວ່າ 300 ແຫ່ງ.ເພື່ອເປີດໂລກະທັດໃໝ່ໃນການຊິມລົດຊາດອາຫານສຳລັບຊາວນະຄອນຫຼວງວຽງຈັນ, ຂະບວນນັກຈັດສົ່ງອາຫານຟູດແພນດາສີບົວ (Foodpanda) ຈະຈັດສົ່ງອາຫານຈາກຮ້ານອາຫານໃນເຄືອກວ່າ 300 ແຫ່ງ ເຖິງເຮືອນລູກຄ້າຕາມສັ່ງ.ອ່ານຕໍ່ ...
Cameron Darke
ສະພາອຸດສາຫະກຳ ແລະ ການຄ້າແຫ່ງຊາດລາວ ຮ່ວມມືກັບ AOTS ແລະ TPA ໃນການພັດທະນາການຈ້າງງານແບບມືອາຊີບ
ວຽງຈັນ (ວຽງຈັນທາມສ໌/ANN) – ຜູ້ຕາງໜ້າຈາກຂະແໜງທຸລະກິດແຂວງອຸດົມໄຊ ເຂົ້າຮ່ວມໃນໂຄງການຝຶກອົບຮົມ ເພື່ອພັດທະນາຄຸນນະພາບທາງອາຊີບ ທີ່ຈຳເປັນສຳລັບການດຳເນີນກິດຈະການຂອງເຂົາເຈົ້າ.ໂຄງການຝຶກອົບຮົມດັ່ງກ່າວ ເຊິ່ງຈະດຳເນີນແຕ່ວັນທີ 18 ເຖິງ 22 ພະຈິກນີ້, ແມ່ນຮ່ວມກັນຈັດໂດຍ ສະພາອຸດສາຫະກຳ ແລະ ການຄ້າແຫ່ງຊາດລາວ ແລະ ຫ້ອງການອຸດສາຫະກຳ ແລະ ການຄ້າແຂວງອຸດົມໄຊ ໂດຍຮ່ວມມືກັບສະມາຄົມເພື່ອການຮ່ວມມືທາງດ້ານວິຊາການຕ່າງປະເທດ ແລະ ການມີສ່ວນຮ່ວມແບບຍືນຍົງ (AOTS) ປະເທດຍີ່ປຸ່ນ. ການຝຶກອົບຮົບດັ່ງກ່າວ ແມ່ນຈັດຕັ້ງປະຕິບັດໂດຍສະມາຄົມສົ່ງເສີມເທັກໂນໂລຢີ (ໄທ-ຍີ່ປຸ່ນ) (TPA).ອ່ານຕໍ່ ...
ໂຕະຂ່າວ
ສະພາແຫ່ງຊາດ ອະນຸມັດໃຫ້ລັດຖະບານດຳເນີນການສົ່ງເສີມຜະລິດຕະພາບ
ວຽງຈັນ (ວຽງຈັນທາມສ໌/ANN) – ໃນວັນຈັນນີ້ ສະພາແຫ່ງຊາດ (ສພຊ) ໄດ້ອະນຸມັດແຜນພັດທະນາເສດຖະກິດ-ສັງຄົມແຫ່ງຊາດ ປີ 2020, ໂດຍການສະໜັບສະໜູນໃຫ້ລັດຖະບານ ອອກມາດຕະການເພື່ອສົ່ງເສີມປະສິດທິພາບຂອງການຜະລິດ.ໃນຈຳນວນສະມາຊິກສະພາແຫ່ງຊາດ 114 ທ່ານ ທີ່ເຂົ້າຮ່ວມໃນກອງປະຊຸມສະໄໝສາມັນຄັ້ງທີ 8 ຂອງສະພາແຫ່ງຊາດຊຸດທີ 8 ໃນວັນທີ 11 ພະຈິກນີ້, ມີ 111 ສຽງ ລົງຄະແນນສະໜັບສະໜູນແຜນພັດທະນາເສດຖະກິດ-ສັງຄົມແຫ່ງຊາດປີ 2020.ອ່ານຕໍ່ ...
ໂຕະຂ່າວວຽງຈັນທາມສ໌
ຜູ້ປະກອບການທຸລະກິດລາວ ຮຽນຮູ້ກ່ຽວກັບຜົນປະໂຫຍດຂອງຂໍ້ຕົກລົງເສລີການຄ້າ
ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດລາວ ຈະສາມາດຂະຫຍາຍຕະຫຼາດສິນຄ້າຂອງຕົນໄດ້ດີຂຶ້ນ ແລະ ແຂ່ງຂັນກັບປະເທດອື່ນໄດ້ຂ້ຽວຂາດຍິ່ງຂຶ້ນ ພາຍຫຼັງຮຽນຮູ້ກ່ຽວກັບເງື່ອນໄຂ ແລະ ຜົນປະໂຫຍດຈາກຂໍ້ຕົກລົງການຄ້າເສລີ (FTAs).ກອງປະຊຸມສຳມະນາ ເຊິ່ງຈັດຂຶ້ນຢູ່ນະຄອນວຽງຈັນ ໃນວັນພະຫັດແລ້ວນີ້ ໄດ້ຫາລືກ່ຽວກັບຜົນປະໂຫຍດຂອງ FTAs ແລະ ການສ້າງທຸລະກິດ e-commerce. ເຊິ່ງມີຜູ້ເຂົ້າຮ່ວມຈາກຕາງໜ້າທຸລະກິດເກືອບ 100 ແຫ່ງ ເຊິ່ງລວມມີທຸລະກິດຂະໜາດນ້ອຍ ແລະ ຂະໜາດກາງໃນນະຄອນຫຼວງວຽງຈັນ ແລະ ເຈົ້າໜ້າທີ່ຈາກກະຊວງອຸດສາຫະກຳ ແລ ການຄ້າ.ອ່ານຕໍ່ ...
ສຸກສະໄໝ ບູລົມ
ລາວເດີນໜ້າດຳເນີນມາດຕະການ ເພື່ອຕັດຮອນການໃຊ້ຈ່າຍທີ່ບໍ່ຈຳເປັນ
ວຽງຈັນ (ວຽງຈັນທາມສ໌/ANN) – ລັດຖະບານ ມີຄວາມໝັ້ນໃຈໃນນະໂຍບາຍທີ່ເຂັ້ມງວດວ່າ ຈະຊ່ວຍຫຼຸດຜ່ອນຄວາມເຄັ່ງຕຶງດ້ານງົບປະມານ ແລະ ບັນຫາຫຍຸ້ງຍາກທາງການເງິນຢ່າງຕໍ່ເນື່ອງ ພາຍໃຕ້ຄວາມຄືບໜ້າຢ່າງຊ້າໆໃນການຈັດຕັ້ງປະຕິບັດມາດຕະການ ເພື່ອຈຳກັດການໃຊ້ຈ່າຍທີ່ບໍ່ຈຳເປັນ.ກະຊວງການເງິນ ຈະດຳເນີນການ ໂດຍສົມທົບກັບກະຊວງຕ່າງໆ ໃນການປະຕິບັດນະໂຍບາຍດັ່ງກ່າວ, ເພື່ອຊ່ວຍຫຼຸດຜ່ອນຄວາມເຄັ່ງຕຶງທາງດ້ານງົບປະມານໃຫ້ແກ່ລັດຖະບານ.ອ່ານຕໍ່ ...
ໂຕະຂ່າວ
ນາຍົກ ເຫັນພາບການຟື້ນຟູເສດຖະກິດໃນຕໍ່ໜ້າ
ວຽງຈັນ (ວຽງຈັນທາມສ໌/ANN) – ໃນວັນສຸກແລ້ວນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ສະແດງຄວາມໝັ້ນໃຈ ວ່າເສດຖະກິດລາວຈະກັບມາຂະຫຍາຍຕົວໃນປີໜ້າ ເນື່ອງຈາກໂຄງການລົງທຶນຂະໜາດໃຫຍ່ຫຼາຍໂຄງການຈະເລີ່ມເປີດສາກ.ໃນກອງປະຊຸມສະພາແຫ່ງຊາດ, ທ່ານນາຍົກ ໄດ້ເປີດເຜີຍລາຍຊື່ໂຄງການລົງທຶນຂະໜາດໃຫຍ່ ທີ່ຈະກະຕຸ້ນການຂະຫຍາຍຕົວຂອງເສດຖະກິດໃນຊຸມປີຕໍ່ໜ້າ.ເຊິ່ງລວມມີ ໂຄງການເສັ້ນທາງລົດໄຟລາວ-ຈີນ ທີ່ຈະເລີ່ມປະຕິບັດການໃນປີ 2021, ແລະ ໂຄງການກໍ່ສ້າງທາງດ່ວນ, ທາງລົດໄຟ ແລະ ຂົວເພື່ອເຊື່ອມຕໍ່ກັບບັນດາປະເທດເພື່ອນບ້ານ.ອ່ານຕໍ່ ...
ເອກະພອນ ພູທອນສີ
