ໄພນ້ຳຖ້ວມ

ລັດຖະບານຄາດຄະເນວ່າຈະຕ້ອງນຳໃຊ້ງົບປະມານ 6 ພັນຕື້ກີບ ເພື່ອຟື້ນຟູຄວາມເສຍຫາຍຈາກໄພພິບັດນ້ຳຖ້ວມໃນທົ່ວປະເທດສຳລັບປີນີ້, ເຊິ່ງໃນນັ້ນຄວາມຕ້ອງການສູງສຸດແມ່ນຢູ່ໃນຂະແໜງການຂົນສົ່ງ ແລະ ກະສິກຳ.ພາລະກິດການຟຶ້ນຟູດັ່ງກ່າວຈະແບ່ງເປັນໄລຍະສັ້ນ, ໄລຍະກາງ ແລະ ໄລຍະຍາວ ເຊິ່ງແນໃສ່ຂະແໜງການສັງຄົມ, ການຜະລິດ ແລະ ພື້ນຖານໂຄງລ່າງ ແລະ ບັນຫາທີ່ກ່ຽວເນື່ອງອື່ນໆ.ອ່ານຕໍ່ ...

ບໍລິສັດກໍ່ສ້າງເຂື່ອນໄດ້ສັ່ງຊື້ເຮືອນພັກແບບປະກອບຈຳນວນ 450 ຫຼັງ ເຊິ່ງມີມູນຄ່າລວມເກີນ 29 ຕື້ກີບ ຈາກຕ່າງປະເທດ ເພື່ອມອບໃຫ້ແກ່ຄອບຄົວທີ່ຍັງບໍ່ມີທີ່ຢູ່ອາໄສ ຫຼັງຈາກເຂົາເຈົ້າໄດ້ສູນເສຍທີ່ຢູ່ອາໄສ ຍ້ອນໄພນ້ຳຖ້ວມ ທີ່ເມືອງສະໜາມໄຊ ແຂວງອັດຕະປື ໃນເດືອນກໍລະກົດທີ່ຜ່ານມາ.ຕາມການລາຍງານຂອງເຈົ້າໜ້າທີ່ເມືອງ, ຄອບຄົວທີ່ບໍ່ມີທີ່ຢູ່ອາໄສຈະໄດ້ຮັບເຮືອນປະກອບຕື່ມອີກ 50 ຫຼັງຈາກບໍລິສັດ, ເຊິ່ງຈະຈັດສົ່ງໄປແຂວງອັບຕະປືໃນເດືອນພະຈິກນີ້.ອ່ານຕໍ່   ...

ລັດຖະບານມີແຜນຢຸດພາລະກິດການຄົ້ນຫາຜູ້ສູນຫາຍ ທີ່ເມືອງສະໜາມໄຊ ແຂວງອັດຕະປື ເຊິ່ງຍັງມີປະຊາຊົນຈຳນວນໜຶ່ງທີ່ຍັງຄົງສູນຫາຍ ຫຼັງຈາກເຫດໄພນ້ຳຖ້ວມກະທັນຫັນ ເນື່ອງຈາກສັນເຂື່ອນແຕກໃນພາກໃຕ້ຂອງລາວໃນເດືອນກໍລະກົດຜ່ານມາ.ປະຈຸບັນ ກຳລັງມີການກະກຽມຖະແຫຼງການຢ່າງເປັນທາງການໃນການຢຸດພາລະກິດການຄົ້ນຫາທີ່ດຳເນີນມາກວ່າສອງເດືອນ ແລະ ຄາດວ່າຈະເປີດເຜີຍຕໍ່ມວນຊົນໃນໄວໆນີ້.ອ່ານຕໍ່ ...

ໃນການລາຍງານສະຫຼຸບຕົວເລກ ຈາກສື່ຂ່າວສານຂອງລາວໃນວັນພະຫັດນີ້ ໃຫ້ຊາບວ່າ 66 ຜູ້ໂຊກດີ ພົບວ່າຍັງມີຊີວິດຢູ່, ຂະນະທີ່ຄະນະສະເພາະກິດໄພພິບັດຂອງລັດຖະບານລາວ ນຳໂດຍຮອງນາຍົກລັດຖະມົນຕີ ລາຍງານວ່າມີ 34 ຄົນແມ່ນຢືນຢັນວ່າເສຍຊີວິດ,​ 31 ຄົນຍັງຄົງສູນຫາຍ ແລະ ພົບອີກຫົກຄວາມເສຍຫາຍທີ່ເກີດຈາກໄພພິບັດຫຼັງນ້ຳຖ້ວມທີ່ແຂວງອັດຕະປື.ພາລະກິດການຄົ້ນຫາຜູ້ປະສົບໄພທີ່ຍັງຄົງຄ້າງ ຈາກໄພພິບັດສັນເຂື່ອນ D ເຊປຽນ-ເຊນ້ຳນ້ອຍແຕກ ໄດ້ສິ້ນສຸດລົງຢ່າງເປັນທາງການ, ພາຍໃຕ້ກອງປະຊຸມ ເຊິ່ງນຳໂດຍທ່ານສອນໄຊ ສີພັນດອນ ຮອງນາຍົກລັັດຖະມົນຕີຂອງລາວໃນວັນພະຫັດນີ້ ເພື່ອພິຈາລະນາຢັ້ງຢືນບົດລາຍງານ ແລະ ບົດຂ່າວຕໍ່ສື່ມວນຊົນ ກ່ຽວກັບການສູນເສຍຊີວິດຈາກເຫດໄພພິບັດນ້ຳຖ້ວມກະທັນຫັນໃນວັນທີ 23 ກໍລະກົດ ທີ່ເມືອງສະໜາມໄຊ ແຂວງອັດຕະປື.ອ່ານຕໍ່ ...

ການສູນເສຍຊີວິດທີ່ເສົ້າສະຫຼົດ ແລະ ຜົນກະທົບໃຫຍ່ຫຼວງຕໍ່ຊີວິດການເປັນຢູ່ ຍ້ອນໄພພິບັດທີ່ເກີດຈາກການກະໜ່ຳຂອງພະຍຸຝົນ ແລະ ກະແສນ້ຳ ສະແດງໃຫ້ເຫັນຢ່າງຈະແຈ້ງວ່າປີ 2018 ເປັນປີທີ່ໜັກໜ່ວງ ແລະ ທ້າທາຍຕໍ່ປະຊາຊົນລາວ. ອ່ານຕໍ່ ...

ໃນຕອນເຊົ້າຂອງວັນອັງຄານນີ້ ພາຍຫຼັງມີຝົນຕົກໜັກອັນເປັນຜົນມາຈາກໄຕ່ຝຸ່ນມັງຄຸດ ເຮັດໃຫ້ມີແມ່ຍິງໄວ 50 ປີເສຍຊີວິດຍ້ອນນ້ຳຖ້ວມກະທັນຫັນທີ່ເມືອງຄົບ ແຂວງໄຊຍະບູລີ.ອ່ານຕໍ່ ...

ຄວາມເສຍຫາຍຕໍ່ຊັບສິນໃນສີ່ຕົວເມືອງໃນແຂວງເຊກອງຄາດຄະເນວ່າມີມູນຄ່າເກີນ 60 ຕື້ກີບ ຫຼັງຈາກທີ່ຫຼາຍກວ່າ 5,000 ຄອບຄົວໄດ້ຮັບຜົນກະທົບຈາກໄພນ້ຳຖ້ວມທີ່ຜ່ານມາ. ຕາມການລາຍງານຂອງເຈົ້າໜ້າທີ່, ຝົນຕົກໜັກທີ່ພັດກະໜ່ຳເມືອງດັກຈຶ້ງ, ລະມາມ, ທ່າແຕງ ແລະ ກະລຶມ ເຮັດໃຫ້ມີຄອບຄົວທັງໝົດ 5,584 ຄອບຄົວໄດ້ຮັບຜົນກະທົບຕໍ່ຊັບສິນໃນຫຼາຍລະດັບ.ອ່ານຕໍ່  ...

ກະຊວງກະສິກຳ ແລະ ປ່າໄມ້ຈະເລັ່ງຮ່ວມມືກັບເຈົ້າໜ້າທີ່ຂັ້ນແຂວງ ເພື່ອຂົນຂວາຍຫາທຶນຮອນໃນການສ້ອມແປງລະບົບຊົນລະປະທານທີ່ຖືກເສຍຫາຍຈາກໄພນ້ຳຖ້ວມ ແລະ ຊ່ວຍເຫຼືອຊາວກະສິກອນໃນການປູກພືດລະດູແລ້ງ. ຜ່ານມາມີໂຄງການຊົນລະປະທານກວ່າ 600 ໂຄງການໄດ້ຮັບຜົນກະທົບຈາກໄພນ້ຳຖ້ວມຢ່າງໜັກ ອັນເປັນຜົນມາຈາກ ພະຍຸລະດູຮ້ອນ ສົນຕິນ ແລະ ເບບິນກາໃນເດືອນແລ້ວນີ້.ອ່ານຕໍ່ ...

ພົບໜຶ່ງສົບຜູ້ເສຍຊີວິດທີ່ຫ້ວຍທ່າເຮົາ ບ້ານແກ້ງແຮດ ເມືອງໄຊບູລີ ແຂວງສະຫວັນນະເຂດ ໃນວັນອາທິດທີ່ຜ່ານມາ ໃນຂະນະທີ່ອີກໜຶ່ງຄົນຍັງສູນຫາຍ ແລະ ຄາດວ່າອາດຈົມນ້ຳ.ອ່ານຕໍ່ ...

ນ້ອງນັກຮຽນໃນທົ່ວປະເທດກຳລັງກັບເຂົ້າສູ່ການສຶກສາຮ່ຳຮຽນຕາມກຳນົດການ ແຕ່ວ່າເດັກນັກຮຽນທີ່ເມືອງສະໜາມໄຊ ແຂວງອັດຕະປື ພັດຜະເຊີນກັບອຸປະສັກຫຼາຍຢ່າງໃນການກັບສູ່ກິດຈະກຳການສຶກສາຕາມແຜນ.ອ່ານຕໍ່ ...