ກະສິກຳ
ນະໂຍບາຍ ແລະ ການຄຸ້ມຄອງດ້ານກະສິກຳ
ການຕໍ່ສູ້ເພື່ອຫຼຸດຜ່ອນຄວາມທຸກຍາກດ້ວຍການປົກປ້ອງພູມລຳເນົາ
ກະຊວງກະສິກໍາ ແລະ ປ່າໄມ້ ແລະ ທະນາຄານໂລກ ໄດ້ເປີດຕົວໂຄງການ 57 ລ້ານໂດລາສະຫະລັດ ທີ່ຈະສ້າງວຽກເຮັດງານທໍາ ແລະລາຍຮັບຢູ່ໃນເຂດຊົນນະບົດ ໂດຍການສົ່ງເສີມການລົງທຶນໃນການຄຸ້ມຄອງປ່າໄມ້ ແລະ ຄວາມຍືນຍົງທາງດ້ານສິ່ງແວດລ້ອມ ແລະສັງຄົມ, ແລະໃນການປົກປັກຮັກສາ ທຶນທຳມະຊາດໃນປະເທດ. ໂຄງການດັ່ງກ່າວ ເລີ່ມຕົ້ນໃນເວລາທີ່ປະເທດລາວກໍາລັງປະເຊີນກັບພາລະດ້ານເສດຖະກິດ ເພີ່ມຈາກການແຜ່ລະບາດຂອງພະຍາດໂຄວິດ -19, ໂດຍການຂະຫຍາຍຕົວຂອງ GDP ຊ້າລົງ ແລະ ຄວາມທຸກຍາກເພີ່ມຂຶ້ນປະມານ 1.4-3.1 ເປີເຊັນໃນປີ 2020.ອ່ານຕໍ່ທີ່ນີ້ ...
ຂ່າວສານປະເທດລາວ
ລັດຖະບານຈະສຸມໃສ່ການພັດທະນາກະສິກຳອິນຊີທັນສະໄໝ
(ຂປລ) ກະຊວງກະສິກຳ ແລະ ປ່າໄມ້ ຈະເນັ້ນໃສ່ການພັດທະນາຂະແໜງການກະເສດໃຫ້ທັນສະໄໝ ແລະ ສຸມໃສ່ການຜະລິດສິນຄ້າທີ່ສົດ, ສະອາດ, ປອດສານເຄມີ ເຂົ້າສູ່ຕະຫຼາດພາຍໃນ ແລະ ຕ່າງປະເທດ, ທ່ານລັດຖະມົນຕີກະຊວງກະສິກຳ ແລະ ປ່າໄມ້ກ່າວ.ກະຊວງຈະເອົາໃຈໃສ່ສະໜັບສະໜູນບັນດາຄົວເຮືອນ, ທຸລະກິດຂະໜາດນ້ອຍ ແລະ ຂະໜາດກາງ ໃນຂົງເຂດການຄົ້ນຄວ້າກະສິກຳ ແລະ ປ່າໄມ້, ແລະ ສົ່ງເສີມການຜະລິດແບບຄອບຄົວ, ທ່ານລັດຖະມົນຕີ ຫຼຽນ ທິແກ້ວ ກ່າວໃນກອງປະຊຸມສະໄໝສາມັນຄັ້ງທີ 8 ຂອງສະພາແຫ່ງຊາດ ໃນວັນທີ 13 ພະຈິກ 2019.ອ່ານຕໍ່ ...
ໂຕະຂ່າວ ຂປລ
ຊາວກະສິກອນ, ເຈົ້າໜ້າທີ່ ຫາລືຊ່ອງທາງໃນການຂະຫຍາຍຕະຫຼາດ
ວຽງຈັນ (ວຽງຈັນທາມສ໌/ANN) – ຊາວກະສິກອນຈາກນະຄອນຫຼວງວຽງຈັນ ແລະ ພື້ນທີ່ພາກກາງ ໄດ້ຮ່ວມປະຊຸມໃນວັນຈັນຜ່ານມານີ້ ກັບເຈົ້າໜ້າທີ່ກະຊວງກະສິກຳ ແລະ ປ່າໄມ້, ກະຊວງອຸດສາຫະກຳ ແລະ ການຄ້າ ພ້ອມດ້ວຍຂະແໜງການທີ່ກ່ຽວຂ້ອງ ເພື່ອຫາລືຂໍ້ບັນຫາທີ່ເຂົາເຈົ້າປະສົບໃນຕົວຈິງ.“ພວກເຮົາຕ້ງການໃຫ້ຜູ້ຜະລິດ ແລະ ຜູ້ຊື້ຫາລືກ່ຽວກັບຄວາມຕ້ອງການຂອງຕົນ. ຖ້າພວກເຂົາບໍ່ສື່ສານກັນ, ຊາວກະສິກອນຈະປູກແຕ່ສິ່ງທີ່ເຂົາເຈົ້າຄິດວ່າເປັນທີ່ຕ້ອງການຂອງຕະຫຼາດ ເຊິ່ງຫຼາຍກໍລະນີກໍເກີນຄວາມຕ້ອງການ ຫຼື ບໍ່ພຽງພໍຕໍ່ຄວາມຕ້ອງການໃນຕົວຈິງ,” ເຈົ້າໜ້າທີ່ກ່ຽວຂ້ອງກ່າວໃນກອງປະຊຸມ ທີ່ສູນຄົ້ນຄວ້າກະສິກຳ ຫາດດອກແກ້ວ ເມືອງຫາດຊາຍຟອງ.ອ່ານຕໍ່ ...
ສຸກສະໄໝ ບູລົມ
ທິດຊີ້ນຳໃໝ່ກ່ຽວກັບການນຳເຂົ້າ / ສົ່ງອອກສິນຄ້າກະສິກຳໃນລາວ
ວຽງຈັນ (ວຽງຈັນທາມສ໌/ANN) – ລັດຖະບານໄດ້ຈັດລາຍການປະເພດສິນຄ້າ ແລະ ປະລິມານສິນຄ້າກະເສດ ແລະ ພືດທີ່ສາມາດນຳເຂົ້າ ແລະ ສົ່ງອອກຜ່ານດ່ານພາສີຊາຍແດນຂອງລາວ.ພາຍໃຕ້ແນວທາງໃໝ່ດັ່ງກ່າວ ແຕ່ລະຄົວເຮືອນຄວນມີເຄື່ອງມື ແລະ ເຄື່ອງຈັກການກະເສດ ເຊັ່ນ ລົດໄຖ. ແຕ່ລະຄົວເຮືອນຄວນມີລົດໄຖຢ່າງໜ້ອຍໜຶ່ງຄັນ, ມີຈັກໂປມນ້ຳ ໜຶ່ງເຄື່ອງ ແລະ ຈັກບົດອາຫານໜຶ່ງເຄື່ອງ. ນອກນີ້ຍັງຕ້ອງມີຈັກນວດເຂົ້າ ແລະ ຈັກສີເຂົ້າໜຶ່ງເຄື່ອງຕໍ່ໜຶ່ງຄົວເຮືອນ, ຕາມທິດຊີ້ນຳໃໝ່ຂອງກະຊວງການເງິນ.ຄົນໜຶ່ງຄົນສາມາດນຳເຂົ້າ ແລະ ສົ່ງອອກສິນຄ້າກະເສດ ແລະ ພືດຕໍ່ວັນດັ່ງນີ້: ສາລີຫວານ 10 ກິໂລ, ແກ່ນພືດ 200 ກຼາມ, ແກ່ນໝາກຖົ່ວ 5 ກິໂລ, ສະປໍເຫັດ 10 ຂວດ, ເຫັດສົດ 5 ກິໂລ, ປຸ໋ຍເຄມີ ສອງເປົາ, ...
ໂຕະຂ່າວ
ລາວມີເປົ້າໝາຍຂຶ້ນທະບຽນທຸລະກິດປຸ໋ຍເຄມີ, ຊີວະພາບ
ວຽງຈັນ (ວຽງຈັນທາມສ໌/ANN) – ອຳນາດການປົກຄອງ ພວມດຳເນີນການຂຶ້ນທະບຽນບໍລິສັດປຸ໋ຍເຄມີ ແລະ ຊີວະພາບ ເພື່ອຄວບຄຸມຄຸນນະພາບຂອງຜະລິດຕະພັນ ແລະ ຫຼຸດຜ່ອນຜົນເສຍຕໍ່ຄົນ ແລະ ສິ່ງແວດລ້ອມ.ປະຈຸບັນ ມີບໍລິສັດປຸ໋ຍເຄມີ ແລະ ຊີວະພາບ ສາມບໍລິສັດ ທີ່ຂຶ້ນທະບຽນຕາມກົດໝາຍ ຄື: ບໍລິສັດປຸ໋ຍ ສະຫວັນນະເຂດ ຈຳກັດ. ບໍລິສັດ ມາລິນີ ກະສິກຳ ຈຳກັດ, ແລະ ບໍລິສັດ ລາວໄກຢວນ ບໍ່ແຮ່ ຈຳກັດ, ຕາມເວັບໄຊຂອງກະຊວງອຸດສາຫະກຳ ແລະ ການຄ້າ. ອ່ານຕໍ່ ...
ໂຕະຂ່າວ
http://annx.asianews.network/content/laos-targets-chemical-biological-fertiliser-registration-106476
ຊ່ຽວຊານກະສິກຳສຳຫຼວດກວດການະໂຍບາຍການພັດທະນາ
ກອງປະຊຸມກຸ່ມເຮັດວຽກໃນຂະແໜງກະສິກຳ ແລະ ພັດທະນາຊົນນະບົດ ໄດ້ຈັດຂຶ້ນທີ່ກະຊວງກະສິກຳ ແລະ ປ່າໄມ້ ນະຄອນຫຼວງວຽງຈັນ ໃນວັນອັງຄານນີ້ ເພື່ອຫາລືບັນຫາໃນຂະແໜງກະສິກຳ.ກອງປະຊຸມໄດ້ກວດກາປະເມີນຜົນການຈັດຕັ້ງປະຕິບັດວຽກງານໃນຂະແໜງການທີ່ກ່ຽວຂ້ອງພາຍໃຕ້ກຸ່ນເຮັດວຽກ ກໍຄືບັນຫາານກະເສດຕ່າງໆເຊັ່ນ ການລະບາດຂອງບົ້ງຝູງ ແລະ ພະຍາດອະຫິວາໝູອາຟຣິກາໃນລາວ, ເຊິ່ງສົ່ງຜົນກະທົບຕໍ່ການປູກສາລີ ແລະ ການລ້ຽງໝູ.ອ່ານຕໍ່ ...
ວິສິດ ເທບພະລັດ
ສຳນັກຂ່າວ RFA ພົບສວນກ້ວຍຈີນໃໝ່ໃກ້ນະຄອນຫຼວງຂອງລາວເຊິ່ງລະເມີດຕໍ່ຄຳສັ່ງຫ້າມ
ໃນພື້ນທີ່ທີ່ຫາກໍ່ຖາກຖາງໃໝ່, ກຳມະກອນໄດ້ກະກຽມແນວພັນເພື່ອປູກສວນກ້ວຍຈີນແຫ່ງໃໝ່ຢູ່ໃກ້ກັບນະຄອນຫຼວງວຽງຈັນ ເຊິ່ງເປັນການລະເມີດຄຳສັ່ງຂອງລັດຖະບານທີ່ຫ້າມດຳເນີນໂຄງການດັ່ງກ່າວ.ໜ່ວຍຂ່າວວິທະຍຸເສຣິອາຊີ ພົບພື້ນທີ່ 30 ເຮັກຕາ ຢູ່ເມືອງນາຊາຍທອງ ຊານນະຄອນຫຼວງວຽງຈັນ ຫ່າງຈາກທາງຫຼວງປະມານ 5 ກິໂລແມັດ (3 ໄມ). ມີກຳມະກອງສິບສອງຄົນ ອາໄສຢູ່ຕາມຖຽງນາ ບໍ່ມີສຸຂາພິບານ ມີແຕ່ໜອງນ້ຳເປື້ອນເພື່ອໃຊ້ໃນລະຫວ່າງວັນ ຢູ່ພາຍໃຕ້ການກວດກາຂອງຫົວໜ້າຄົນຈີນສອງຄົນ.ອ່ານຕໍ່ ...
ໜ່ວຍຂ່າວ RFA
https://www.rfa.org/english/news/laos/china-banana-07032019140543.html
ກະຊວງກວດສອບສວນກ້ວຍເພື່ອຮັບປະກັນການຜະລິດກະສິກຳແບບຍືນຍົງ
ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ກຳລັງດຳເນີນການກວດສອບສວນກ້ວຍທົ່ວປະເທດ ແລະ ຊີ້ນຳເຈົ້າຂອງກິດຈະການໃຫ້ດຳເນີນການຜະລິດຕາມວິທີການຜະລິດກະສິກຳແບບຍືນຍົງ.ຈຳນວນນັກລົງທຶນ ແລະ ສວນກ້ວຍໃນທົ່ວປະເທດ ໄດ້ຫຼຸດປະລິມານລົງ ພາຍຫຼັງລັດຖະບານສັ່ງຫ້າມການອະນຸມັດທີ່ດິນຕອນໃໝ່ສຳລັບປູກກ້ວຍ ແລະ ສັ່ງປິດກິດຈະການທຸລະກິດທີ່ລະເມີດລະບຽບກົດໝາຍ, ທ່ານ ປອ ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ຕອບຄຳຖາມໃນລະຫວ່າງກອງປະຊຸມສະໄໝສາມັນຄັ້ງທີ 7 ຂອງສະພາແຫ່ງຊາດ.ອ່ານຕໍ່ ...
ລາວພັດທະນາແອັບມືຖືສຳລັບການຄຸ້ມຄອງການລ້ຽງສັດ
ວຽງຈັນ (ວຽງຈັນທາມສ໌/ANN) – ກົມລ້ຽງສັດ ແລະ ການປະມົງ ພາຍໃຕ້ກະຊວງກະສິກຳ ແລະ ປ່າໄມ້ ໄດ້ເຊັນສັນຍາກັບບໍລິສັດ TE-FOOD International ຂອງເຢຍລະມັນ ໃນການພັດທະນາແອັບພິເຄເຊິນສຳລັບໂທລະສັບມືຖື ເຊິ່ງຈະເຮັດໃຫ້ການຄຸ້ມຄອງຟາມລ້ຽງສັດ ມີປະສິດທິຜົນ ແລະ ປະສິດທິພາບຍິ່ງຂຶ້ນ.ເວັບໄຊຂອງບໍລິສັດ TE-FOOD International ອະທິບາຍກ່ຽວກັບອົງກອນວ່າເປັນ “ລະບົບນິເວດທີ່ສາມາດຕິດຕາມອາຫານສົດຈາກຟາມເຖິງໜ້າໂຕະຜ່ານ blockchain, ເຊິ່ງຄອບຄຸມກິດຈະກຳການຂົນສົ່ງ ແລະ ກິດຈະກຳດ້ານຄຸນນະພາບຂອງອາຫານ ແລະ ການຄຸ້ມຄອງຂໍ້ມູນຂອງຕ່ອງໂສ້ສະບຽງອາຫານ”.ອ່ານຕໍ່ ...
ອຸ່ນຄຳ ພິມມະຕະ
ລັດຖະບານລາວຢຸດໃຫ້ສຳປະທານສວນກ້ວຍແຫ່ງໃໝ່
ລັດຖະບານລາວໄດ້ສັ່ງຢຸດການອະນຸມັດການສຳປະທານສວນກ້ວຍແຫ່ງໃໝ່ ແລະ ຈະລົງໂທດເຈົ້າໜ້າທີ່ທີ່ລະເມີດຄຳສັ່ງດັ່ງກ່າວ, ທັງນີ້ກໍ່ເນື່ອງມາຈາກບັນຫາຄວາມຂັດແຍ່ງກ່ຽວກັບການໃຊ້ສານເຄມີປາບສັດຕູພືດເກີນຂະໜາດ ເຊິ່ງຊາວບ້ານເຫັນວ່າເຮັດໃຫ້ເກີດມົນລະພິດ ແລະ ທຳລາຍສະພາບແວດລ້ອມການເປັນຢູ່.ຄວາມກັງວົນກ່ຽວກັບສານເຄມີຈາກສວນກ້ວຍຂອງຈີນທີ່ໄຫຼລົງສູ່ແມ່ນ້ຳເຮັດໃຫ້ເກີດມົນລະພິດໃນເດືອນມັງກອນປີ 2017 ເຮັດໃຫ້ລັດຖະບານຕ້ອງອອກຄຳສັ່ງຫ້າມອະນຸມັດການສຳປະທານສວນກ້ວຍແຫ່ງໃໝ່, ເຖິງຢ່າງໃດກໍຕາມ ສວນກ້ວຍຫຼາຍແຫ່ງ ຍັງຄົງສືບຕໍ່ດຳເນີນການ ພາຍໃຕ້ສັນຍາສຳປະທານທີ່ຍັງໃຊ້ໄດ້ອີກຫຼາຍປີ.ອ່ານຕໍ່ ...
ຊິດນີ ໂຄດປັນຍາ