ເຈົ້າໜ້າທີ່ໂພຊະນາການກະຊວງສາທາລະນະສຸກ ໄດ້ຮັບທິດຊີ້ນຳໃນການສົ່ງເສີມການຮ່ວມມືກັບບັນດາຄູ່ຮ່ວມພັດທະນາ ແລະ ອຳນາດການປົກຄອງທ້ອງຖິ່ນ ໃນການຫຼຸດຜ່ອນອັດຕາການຂາດສານອາຫານໃນລາວ.ອ່ານຕໍ່ ...

 ວຽງຈັນ (ວຽງຈັນທາມສ໌/ANN) – ໂຄງການກັ່ນນ້ຳມັນເຊື້ອໄຟ ລາວ-ຈີນໄດ້ມີການເລື່ອນແຜນການຜະລິດເປັນຄັ້ງທີສອງນັບແຕ່ປີ 2017 ເນື່ອງຈາກບັນຫາຄວາມຫຍຸ້ງຍາກຂອງນັກລົງທຶນໃນການຫາແຫຼ່ງທຶນຈາກຈີນເພື່ອສຳເລັດການກໍ່ສ້າງ.ໂຮງກັ່ນນ້ຳມັນ, ເຊິ່ງຈະດຳເນີນການໂດຍບໍລິສັດ ປີໂຕຣເຄມິຄອລ ດົງຍານ ລາວ-ຈີນ ຈຳກັດ, ມີຜູ້ຖືຫຸ້ນ 5 ລາຍຈາກຈີນ ແລະ ລາວ, ໃນນັ້ນມີລັດວິສາຫະກິດນ້ຳມັນເຊື້ອໄຟລາວ. ການກໍ່ສ້າງດັ່ງກ່າວໄດ້ເລີ່ມມາຕັ້ງແຕ່ປີ 2014 ແຕ່ກໍມີຄວາມຊັກຊ້າ.ອ່ານຕໍ່ ...

ທີມ Okayama Rivets ທີມປິ່ງປ່ອງອາຊີບຂອງຍີ່ປຸ່ນ ບໍລິຈາກຊຸດເຄື່ອງກິລາປິ່ງປ່ອງ ໃຫ້ແກ່ສະມາຄົມປິ່ງປ່ອງລາວ, ໂດຍຢືນຢັນຈະສືບຕໍ່ສະໜັບສະໜູນລາວ ເພື່ອສົ່ງເສີມອຸດສາຫະກຳກິລາປິ່ງປ່ອງ.ທີມ Okayama Rivets ມີການສ້າງຕັ້ງໃນປີ 2018, ເປັນທີມປິ່ງປ່ອງຂອງເມືອງ ໂອກາຢາມະ ທີ່ເຂົ້າຮ່ວມໃນບັ້ນແຂ່ງຂັນປິ່ງປ່ອງອາຊີບຂອງຍີ່ປຸ່ນ ທີ່ເອີ້ນວ່າ T League.ທີມກິລາດັ່ງກ່າວ ໄດ້ທຳການບໍລິຈາກແຜ່ນຢາງຕີປິ່ງປ່ອງ 300 ແຜ່ນ, ໄມ້ຕີປິ່ງປ່ອງ 26 ອັນ ແລະ ລູກປິ່ງປ່ອງ 30 ໜ່ວຍ, ຕາມການເປີດເຜີຍຂອງ ບໍລິສັດ Sanko ກໍ່ສ້າງ, ຜູ້ສະໜັບສະໜູນທີມ Okayama Rivet.ອ່ານຕໍ່ ...

ອັດຕາການເຕີບຕົວດ້ານເສດຖະກິດຂອງລາວມີການຂະຫຍາຍຕົວຢ່າງເຂັ້ມແຂງ ທຽບກັບບັນດາປະເທດໃນພາກພື້ນ, ແຕ່ວ່າປະເທດລາວຍັງຄົງມີຄວາມສ່ຽງຍ້ອນໜີ້ສິນຂອງລັດທີ່ສູງ, ຕາມການເພີ່ມຂຶ້ນຂອງສ່ວນແບ່ງໜີ້ສິນເຊິ່ງບໍ່ຢູ່ພາຍໃຕ້ເງື່ອນໄຂການສຳປະທານ,​ ຕາມບົດລາຍງານການຕິດຕາມສະພາບເສດຖະກິດລາວຂອງທະນາຄານໂລກ ສະບັບຫຼັງສຸດ . ໃນປີນີ້ ການເຕີບຕົວທາງດ້ານເສດຖະກິດຂອງລາວຄາດຄະເນຢູ່ໃນລະດັບ 6.7 ເປີເຊັນ ຂະນະທີ່ໜີ້ສິນຂອງລັດແມ່ນຕົກຢູ່ປະມານ 61 ເປີເຊັນຂອງ GDP ໃນທ້າຍປີ 2017.ອ່ານຕໍ່ ...

ທ່ານ ມຸນ ແຈອິນ ປະທານນາທິບໍດີ ແຫ່ງສາທາລະນະລັດເກົາຫຼີກ່າວຕໍ່ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ທີ່ປະເທດສິງກະໂປໃນອາທິດນີ້ວ່າຈະເພີ່ມທະວີການສະໜັບສະໜູນ ແລະ ຊ່ວຍເຫຼືອໃຫ້ແກ່ລາວ, ຕາມຂໍ້ມູນຈາກກະຊວງການຕ່າງປະເທດລາວ.ອ່ານຕໍ່ ...

ທ່ານ ບຸນຍັງ ວໍລະຈິດ ປະທານປະເທດ ໄດ້ແຕ່ງຕັ້ງສອງເອກອັກຄະລັດຖະທູດຄົນໃໝ່ເພື່ອປະຕິບັດພາລະກິດການທູດ ທີ່ປະເທດກຳປູເຈຍ ແລະ ປະເທດເຢຍລະມັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຈຳເປັນຕ້ອງນຳໃຊ້ທ່າແຮງຈາກເທັກໂນໂລຊີດິຈິຕອລ໌ ເພື່ອຂັບເຂື່ອນການພັດທະນາດ້ານເສດຖະກິດ ແລະ ຕ້ອງມີລະບົບທີ່ພຽງພໍເພື່ອຂ້າມຜ່ານສິ່ງທ້າທາຍໃນອະນາຄົດ.ນີ້ແມ່ນຂໍ້ຄວາມຈາກທ່ານ ຫຸມພັນ ອິນທິລາດ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ໃນລະຫວ່າງກອງປະຊຸມສຳມະນາ ການຫັນສູ່ຍຸກອຸດສາຫະກຳ 4.0 ທີ່ວຽງຈັນ ອາທິດແລ້ວນີ້.ອ່ານຕໍ່ ...

ໃນວັນສຸກແລ້ວນີ້ ກະຊວງການຕ່າງປະເທດໄດ້ຈັດກອງປະຊຸມ ເພື່ອເຜີຍແຜ່ເນື້ອໃນກົດໝາຍວ່າດ້ວຍອົງກອນຜູ້ຕາງໜ້າ ສປປ ລາວຢູ່ຕ່າງປະເທດ ໃຫ້ແກ່ລັດຖະກອນ.ໃຫ້ກຽດເປັນປະທານໃນກອງປະຊຸມດັ່ງກ່າວມີທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ.ສະພາແຫ່ງຊາດໄດ້ຮັບຮອງເອົາກົດໝາຍສະບັບດັ່ງກ່າວໃນກອງປະຊຸມສະໄໝສາມັນໃນເດືອນທັນວາປີກາຍນີ້ ແລະ ຈາກນັ້ນອີກໜຶ່ງເດືອນ ທ່ານປະທານປະເທດ ບຸນຍັງວໍລະຈິດ ກໍໄດ້ຖະແຫຼງການປະກາດໃຊ້ກົດໝາຍສະບັບທີ່ສອງດັ່ງກ່າວສຳລັບຂະແໜງການຕ່າງປະເທດຢ່າງເປັນທາງການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວມີທ່າອ່ຽງຈະສ້າງຜົນກຳໄລຈາກການຄ້າປະມານ US$121 ລ້ານໂດລາ ສຳລັບຊ່ວງຫົກເດືອນທຳອິດຂອງປີນີ້ ເຖິງວ່າລັດຖະບານໄດ້ຄາດຄະເນວ່າລາວຈະຂາດດູນການຄ້າ ປະມານ US$259 ລ້ານໂດລາສຳລັບປີ 2019.ຄາດຄະເນການສົ່ງອອກສຳລັບຊ່ວງຫົກເດືອນຕົ້ນປີແມ່ນປະມານ US$2,409 ລ້ານໂດລາ ຫຼື 55.2 ເປີເຊັນຂອງແຜນການປະຈຳປີ (US$5,516 ລ້ານໂດລາ) ເຊິ່ງໃນນັ້ນການນຳເຂົ້າແມ່ນຢູ່ທີ່ US$2,288 ລ້ານໂດລາ ຫຼືປະມານ 39.6 ເປີເຊັນຂອງແຜນປີ (US$5,775 ລ້ານໂດລາ), ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ລາຍງານໃນກອງປະຊຸມລະຫວ່າງຄະນະລັດຖະບານ, ເຈົ້າແຂວງ ແລະ ເຈົ້າຄອງນະຄອນຫຼວງ ທີ່ວຽງຈັນໃນອາທິດແລ້ວນີ້.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວ ແລະ ການາດາ ໄດ້ລົງນາມໃນບົດບັນທຶກຄວາມເຂົ້າໃຈກ່ຽວກັບການໃຫ້ຄຳປຶກສາ ແລະ ການຮ່ວມມືທາງການເມືອງລະຫວ່າງກະຊວງການຕ່າງປະເທດຂອງລາວ ແລະ ກົມການຕ່າງປະເທດ, ການຄ້າ ແລະ ການພັດທະນາຂອງການາດາ.ອ່ານຕໍ່ ...

(ຂປລ) ອົງການອະນຸລັກສິ່ງແວດລ້ອມ WWF (ໃນວັນທີ 6 ກັນຍາ) ໄດ້ສະແດງຄວາມຍິນດີຕໍ່ລັດຖະບານລາວໃນການຈັດກອງປະຊຸມລະດັບພາກພື້ນທີ່ສຳຄັນກ່ຽວກັບການຄ້າສັດປ່າຂ້າມຊາຍແດນຜິດກົດໝາຍ ແລະ ຕໍ່ຄຳໝັ້ນຂອງລາວທີ່ຈະຈັດການກັບອາດຊະຍາກຳການຄ້າສັດປ່າ ເຊິ່ງສ້າງໄພຄຸກຄາມຕໍ່ພັນສັດປ່າໃກ້ສູນພັນ ເຊັ່ນ ຊ້າງ, ເສືອ, ໝີ ແລະ ລິ່ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງວິທະຍາສາດ ແລະ ເທັກໂນໂລຢີ ຈະສືບຕໍ່ຮ່ວມມືກັບສູນຄົ້ນຄວ້າເຂດຮ້ອນຫວຽດນາມ-ຣັດເຊຍ ໃນຂົງເຂດການຄົ້ນຄວ້ານິເວດວິທະຍາເຂດຮ້ອນ ເພື່ອສົ່ງເສີມສາຍພົວພັນສາມປະເທດ.ທ່ານ ສຈ.ປອ ບໍ່ວຽງຄຳ ວົງດາຣາ ລັດຖະມົນຕີກະຊວງວິທະຍາສາດ ແລະ ເທັກໂນໂນຢີກ່າວໃນວັນຈັນຜ່ານມານີ້ວ່າ ທ່ານມີຄວາມຍິນດີທີ່ໄດ້ຕ້ອນຮັບທ່ານ ດົງ ຮົງ ຕຣຽນ ອຳນວຍການສູນຄົ້ນຄວ້າເຂດຮ້ອນຫວຽດນາມ-ຣັດເຊຍ ພ້ອມດ້ວຍຄະນະ.ທັງສອງຝ່າຍໄດ້ຕົກລົງເຮັດວຽກຮ່ວມກັນໃນຂົງເຂດນິເວດວິທະຍາ, ການປົກປ້ອງຊີວະນາໆພັນ ແລະ ສັດວິທະຍາ.ອ່ານຕໍ່ ...

ລັດຖະບານຫວຽດນາມສືບຕໍ່ໂຄງການຊ່ວຍເຫຼືອ ດ້ວຍການໃຫ້ທຶນການສຶກສາ 1,273 ທຶນສຳລັບນັກສຶກສາ ແລະ ພະນັກງານລາວເພື່ອການສຶກສາຮ່ຳຮຽນໃນປະເທດລາວ ແລະ ຫວຽດນາມໃນປີນີ້.ລາວລະອຽດໄດ້ມີການເຜີຍແຜ່ໃນບົດລາຍງານທາງການໃນກອງປະຊົມທີ່ນະຄອນຫຼວງວຽງຈັນວານນີ້ ເພື່ອລາຍງານຜົນສຳເລັດດ້ານການຮ່ວມມື ແລະ ແຜນການໃນຕໍ່ໜ້າ ລະຫວ່າງກະຊວງສຶກສາທິການ ແລະ ກິລາຂອງລາວ ແລະ ກະຊວງສຶກສາ ແລະ ຝຶກອົບຮົມຂອງຫວຽດນາມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງການເງິນລາວ ແລະ ຫວຽດນາມໄດ້ຕົກລົງສືບຕໍ່ເສີມຂະຫຍາຍການຈັດຕັ້ງປະຕິບັດການຮ່ວມມືຍຸດທະສາດໃນຂະແໜງການເງິນ ທີ່ສອງຝ່າຍໄດ້ຮ່ວມລົງນາມສຳລັບປີ 2016-2020 ແລະ ຕົກລົງສຸມໃສ່ການປັບປຸງຫຼາຍວຽກງານ.ໃນປີນີ້ ຫວຽດນາມຕັ້ງເປົ້າຊ່ວຍເຫຼືອກະຊວງການເງິນລາວ ໃນການຮ່າງກົດໝາຍກ່ຽວກັບການຄຸ້ມຄອງອາກອນຕ່າງໆ, ຍຸດທະສາດຄັງເງິນແຫ່ງຊາດ, ລວມເຖິງດຳລັດ ແລະ ຂໍ້ຕົກລົງຂອງລັດຖະມົນຕີໃນຂົງເຂດວຽກງານຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຄົມທຸລະກິດລາວ ແລະ ຫວຽດນາມຈະຮ່ວມມືກັນເພື່ອສົ່ງເສີມການຂະຫຍາຍຕົວຢ່າງໝັ້ນຄົງ ແລະ ຍືນຍົງຂອງເສດຖະກິດລາວ ເຊິ່ງເປັນສ່ວນໜຶ່ງຂອງເປົ້າໝາຍຮ່ວມໃນເພື່ອໄປສູ່ຄວາມຈະເລີນຮຸ່ງເຮືອງ.ສະມາຄົນນັກທຸລະກິດໜຸ່ມລາວ (YEAL) ແລະ ສະມາຄົມທຸລະກິດຫວຽດນາມເພື່ອການຮ່ວມມື ແລະ ການລົງທຶນໃນລາວ (BACI) ໄດ້ຕົກລົງຮ່ວມງານກັນເພື່ອສົ່ງເສີມການຂະຫຍາຍຕົວຂອງເສດຖະກິດລາວຢ່າງຍືນຍົງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕາງໜ້າຂະແໜງທຸລະກິດຫຼາຍຮ້ອຍຄົນຈາກຫ້າແຂວງ ໄດ້ຮັບຜົນປະໂຫຍດຈາກຫຼັກສູດຝຶກອົບຮົມກ່ຽວກັບການພັດທະນາວິຊາຊີບ ແນໃສ່ສົ່ງເສີມການຄຸ້ມຄອງໃນສະຖານທີ່ເຮັດວຽກໃຫ້ມີປະສິດທິຜົນ.ນັບແຕ່ປີ 2016, ນັກຝຶກອົບຮົມກວ່າ 500 ຄົນ ຈາກບໍລິສັດຕ່າງໆໃນລາວໄດ້ເຂົ້າຮ່ວມການຝຶກອົບຮົມວິຊາຊີບພາຍໃຕ້ໂຄງການດັ່ງກ່າວ, ເຊິ່ງຈັດຕັ້ງໂດຍສະພາການຄ້າ ແລະ ອຸດສາຫະກຳແຫ່ງຊາດ (LNCCI) ແລະ ສະມາຄົມສົ່ງເສີມເທັກໂນໂລຢີ (ໄທ-ຍີ່ປຸ່ນ).ອ່ານຕໍ່ ...

ວຽງຈັນ — ໃນວັນອັງຄານນີ້ ລັດຖະບານລາວ ແລະ ກຸ່ມບໍລິສັດຫວຽດພວງ (VPG) ຫວຽດນາມໄດ້ເຊັນສັນຍາສຳປະທານການຂຸດຄົ້ນ ແລະ ປຸງແຕ່ງແຮ່ອາລູມິນຽມ ແລະ ການສ້າງຕັ້ງໂຮງງານຜະລິດອາລູມິນຽມທີ່ແຂວງເຊກອງ ປະເທດລາວ.ໂຄງການດັ່ງກ່າວມີມູນຄ່າການລົງທຶນກປະມານ 650 ລ້ານໂດລາສະຫະລັດ ເຊິ່ງເປັນໂຄງການລົງທຶນທີ່ໃຫຍ່ທີ່ສຸດຂອງຫວຽດນາມໃນຂະແໜງການຂຸດຄົ້ນບໍ່ແຮ່ຂອງລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ພາກລັດໄດ້ປະຊຸມກັບຕາງໜ້າຈາກອົງການຮ່ວມມືສາກົນຍີ່ປຸ່ນ (JICA) ແລະ ສະຖານທູດຍີ່ປຸ່ນປະຈຳລາວ ທີ່ນະຄອນຫຼວງວຽງຈັນໃນວັນສຸກແລ້ວນີ້ ເພື່ອຫາລືກ່ຽວກັບການປັບປຸງຂົງເຂດວຽກງານການຄຸ້ມຄອງການລົງທຶນສາທາລະນະ (PIM).ຜູ້ເຂົ້າຮ່ວມກອງປະຊຸມໄດ້ມີການປຶກສາຫາລືກ່ຽວກັບໂຄງສ້າງຂອງຄະນະກຳມະການນຳພາໂຄງການ, ຄຽງຄູ່ກັບການຮ່າງ ແລະ ພັດທະນາຂອບເຂດກຳນົດເວລາສຳລັບແຜນດຳເນີນງານເພື່ອການປັບປຸງ PIM.ອ່ານຕໍ່  ...

ລາວເປັນໜຶ່ງໃນຫ້າປະເທດໃນພາກພື້ນອາຊີ ແລະ ປາຊິຟິກ ທີ່ໄດ້ຮັບລາງວັນຊາວນາແບບຢ່າງຂອງອົງການ FAO 2018, ເຊິ່ງພິທີມອບລາງວັນດັ່ງກ່າວໄດ້ຈັດຂຶ້ນທີ່ບາງງກອກ ໃນວັນທີ 19 ຕຸລານີ້. ບັນດາປະເທດທີ່ໄດ້ຮັບລາງວັນໃນປີ 2018 ເນື່ອງໃນວັນອາຫານໂລກ, ລວມມີ ສາທະລະນະລັດ ປະຊາທິປະໄຕ ເກົາຫຼີ, ລາວ, ເມົາດິຟ, ​ໄທ ແລະ ວັນນໍຕູ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງປະຊຸມສະຖາບັນກວດສອບຂັ້ນສູງສາກົນ ຄັ້ງທີ XXIII (XXIII INCOSAI) ທີ່ປະເທດລັດເຊຍ ຫວ່າງໝໍ່ໆມານີ້ ມີຜູ້ເຂົ້າຮ່ວມທັງໝົດ 600 ກວ່າຄົນຈາກ 168 ສະຖາບັນ ເຊິ່ງເປັນສະມາຊິກຂອງອົງການສະຖາບັນກວດສອບຂັ້ນສູງສາກົນ (INTOSAI).ຄະນະຜູ້ແທນລາວທີ່ເດີນທາງເຂົ້າຮ່ວມໃນກອງປະຊຸມດັ່ງກ່າວ ນຳໂດຍທ່ານ ປອ. ວຽງທອງ ສີພັນດອນ ປະທານອົງການກວດສອບແຫ່ງລັດ.ອ່ານຕໍ່ ...