Vientiane Times/ANN

ວຽງຈັນ (ວຽງຈັນທາມສ໌/ANN) – ລາວ ແລະ ລັດເຊຍໄດ້ຕົກລົງຮ່່ວມມືກັນໃນຂະແໜງການຄ້າ, ເສດຖະກິດ, ແລະ ວິທະຍາສາດ ແລະ ວິຊາການ ເພື່ອສືບຕໍ່ສາຍພົວພັນສອງຝ່າຍ.ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນຂອງລາວ ແລະ ທ່ານ ກອນສ໌ຕັນຕິນ ໂນສ໌ກອຟ໌ ລັດຖະມົນຕີກະຊວງການພັດທະນາດິຈິຕອລ໌, ການສື່ສານ ແລະ ສື່ມວນຊົນແຫ່ງສະພັນພັນລັດເຊຍ ໄດ້ລົງນາມໃນຂໍ້ຕົກລົງການຮ່ວມມືໃນຂົງເຂດວຽກງານດັ່ງກ່າວ, ໃນລະຫວ່າງການເດີນທາງຢ້ຽມປະເທດລັດເຊຍຂອງທ່ານສຸພັນໃນອາທິດແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຫະພາບຢູໂຣບ (ອີຢູ) ໄດ້ໃຫ້ທຶນຊ່ວຍເຫຼືອຈຳນວນ 8 ລ້ານຢູໂຣ ເພື່ອສະໜັບສະໜູນໂຄງການໃໝ່ໃນເຈັດປະເທດ ລວມທັງປະເທດລາວ, ເພື່ອເປັນໜຶ່ງໃນບາດກ້າວການສ້າງຄວາມເຂັ້ມແຂງໃຫ້ແກ່ລັດຖະບານ ໃນການແກ້ໄຂບັນຫາການຄ້າສັດປ່າ ແລະ ອາດຊະຍາກຳປ່າໄມ້.ສຳລັບປະເທດລາວ ໄດ້ດຳເນີນກິດຈະກຳການລິເລີ່ມລະດັບຊາດຂອງອີຢູ ທີ່ມີຊື່ວ່າ ຄູ່ຮ່ວມງານເພື່ອຕ້ານອາດຊະຍາກຳກ່ຽວກັບສັດປ່າ ເຊິ່ງຈັດຂຶ້ນໃນວັນເສົາຜ່ານມານີ້ ທີ່ສູນຟື້ນຟູສັດປ່າ ບ້ານເກີນ ແຂວງວຽງຈັນ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ໄທກຳລັງມີການຂະຫຍາຍການສົ່ງອອກສິນຄ້າ ໂດຍການສົ່ງຂາຍສິນຄ້າເຄື່ອງໃຊ້ໄຟຟ້າ ແລະ ອິເລັກໂທຣນິກໃຫ້ແກ່ບັນດາປະເທດສະມາຊິກອາຊຽນ ໂດຍສະເພາະແມ່ນປະເທດລາວ.ມູນຄ່າການສົ່ງອອກອຸປະກອນໄຟຟ້າແຕ່ເດືອນມັງກອນຫາເດືອນພຶດສະພາຂອງປີນີ້ຂອງໄທ ແມ່ນຢູ່ທີ່ 326,934 ລ້ານບາດ, ເພີ່ມຂຶ້ນ 0.92 ເປີເຊັນທຽບກັບໄລຍະດຽວກັນຂອງປີກາຍ, ສະມາຄົມການໄຟຟ້າ, ອີເລັກໂທຣນິກ, ໂທລະຄົມມະນາຄົມ ແລະ ພັນທະມິດອຸດສາຫະກຳ ກ່າວຕໍ່ສື່ມວນຊົນລາວ ແລະ ຫວຽດນາມໃນອາທິດແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ເປັນເຈົ້າພາບຈັດການທ່ອງທ່ຽວເພື່ອສ້າງຄວາມຄຸ້ນເຄີຍໄລຍະໜຶ່ງອາທິດ ເພື່ອຢ້ຽມຢາມແຂວງບໍລິຄຳໄຊ ແລະ ຄຳມ່ວນ ເພື່ອສະແດງໃຫ້ຜູ້ປະກອບການທ່ອງທ່ຽວຕ່າງປະເທດ ແລະ ສື່ມວນຊົນ ເຫັນເຖິງຄວາມສວຍງາມຂອງທຳມະຊາດໃນພຶ້ນທີ່ດັ່ງກ່າວ.ການເດີນທາງທ່ອງທ່ຽວ ພາຍໃຕ້ຊື່ວ່າ “The Loop” ຄັ້ງນີ້ແມ່ນຈັດຂຶ້ນແຕ່ວັນທີ 12-17 ກໍລະກົດ ເຊິ່ງມີຜູ້ຕາງໜ້າຈາກ 12 ບໍລິສັດທ່ອງທ່ຽວ ພ້ອມດ້ວຍສື່ມວນຊົນຈາກ ປະເທດມາເລເຊຍ, ສິງກະໂປ, ​ໄທ, ຈີນ, ຍີ່ປຸ່ນ ແລະ ສາທາລະນະລັດເກົາຫຼີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລູກປາປະມານ 50 ລ້ານໂຕຈະຖືກປ່ອຍລົງສູ່ແມ່ນ້ຳລຳເຊໃນທົ່ວປະເທດ ເພື່ອຄົງໄວ້ ແລະ ເພີ່ມທະວີຄັງປາຂອງຊາດ ແລະ ຮັກສາຄວາມສົມດູນຂອງລະບົບນິເວດ.ໃນພິທີປ່ອຍປາລົງສູ່ແມ່ນ້ຳຂອງທາງການ ໄດ້ມີການປ່ອຍປາຈຳນວນ 250,000 ໂຕຢູ່ທີ່ນ້ຳຊວງ ເມືອງນາຊາຍທອງ ນະຄອນຫຼວງວຽງຈັນໃນວັນເສົາຜ່ານມາ ເພື່ອສະເຫຼີມສະຫຼອງວັນອະນຸລັກສັດນ້ຳສັດປ່າແຫ່ງຊາດ (13 ກໍລະກົດ).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຊິກກຸ່ມເຮັດວຽກຂອງຂະແໜງຄວບຄຸມຢາເສບຕິດ ໄດ້ລົງຢ້ຽມຢາມຂົວມິດຕະພາບລາວ-ໄທ ນະຄອນຫຼວງວຽງຈັນ ໃນອາທິດຜ່ານມາ ເພື່ອປັບປຸງຄວາມເຂົ້າໃຈກ່ຽວກັບບົດບາດຂອງເຈົ້າໜ້າທີ່ພາສີ ແລະ ກວດຄົນເຂົ້າເມືອງ ໃນການຕ້ານການຄ້າຂາຍຢາເສບຕິດ.ເຂົ້າຮ່ວມໃນພິທີດັ່ງກ່າວມີທ່ານ ພຸດສະຫວັດ ສູນທາລາ ຮອງຫົວໜ້າຫ້ອງການຄະນະກຳມະການຄວບຄຸມ ແລະ ກວດສອບຢາເສບຕິດແຫ່ງຊາດ, ທ່ານ ຢີນ-ເບີນາດ ຄາຣາຊ໌ໂກ ເອກອັກຄະລັດຖະທູດອອສ໌ເຕຣເລຍປະຈຳລາວ ພ້ອມດ້ວຍຕາງໜ້າຄະນະທູດປະເທດຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການປ່ອຍສິນເຊື່ອຂອງທະນາຄານເຂົ້າສູ່ເສດຖະກິດຍັງສືບຕໍ່ຊັກຊ້າ ທັງໆທີ່ລັດຖະບານໄດ້ອອກມາດຕະການປັບປຸງສະພາບແວດລ້ອມການລົງທຶນສຳລັບຂະແໜງເອກະຊົນ.ອີງຕາມບົດລາຍງານຫຼ້າສຸດຂອງລັດຖະບານ, ການເຕີບໂຕຂອງສິນເຊື່ອຍັງຄົງສືບຕໍ່ຊັກຊ້າໃນອັດຕາ 3.13 ເປີເຊັນໃນຊ່ວງສາມເດືອນຜ່ານມາ, ເຊິ່ງກວມພຽງແຕ່ 46.32 ເປີເຊັນຂອງລວມຍອດຜະລິດຕະພັນພາຍໃນ (GDP).ອັດຕາການຂະຫຍາຍຕົວຂອງສິນເຊື່ອແມ່ນຕ່ຳກວ່າຄາດໝາຍທີ່ສະເໜີຕໍ່ສະພາແຫ່ງຊາດຄື 55 ເປີເຊັນຂອງ GDP  ຫຼັງຈາກທີ່ມີການເຕີບໂຕສູງສຸດໃນຊຸມປີຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຄງການກໍ່ສ້າງຄອນໂດມີນຽມບາງສາເລ່ ພັດທະຍາປະເທດໄທ ພາຍໃຕ້ຊື່ວ່າ ສວນວິນແຮມ ໄອລິນບາງສະເລ່ ພັດທະຍາ ເບິ່ງເຫັນໂອກາດທາງການຕະຫຼາດໃນກຸ່ມຜູ້ຊື້ຄົນລາວ. “ພວກເຮົາເຫັນວ່ານັກລົງທຶນລາວມີທ່າແຮງ ແລະ ຄວາມສາມາດໃນການລົງທຶນໃນອະສັງຫາລະມິຊັບດັ່ງກ່າວ ເຊິ່ງຄົນຕ່າງຊາດສາມາດຊື້ ແລະ ຖືກຳມະສິດຄອບຄອງໄດ້ 100 ເປີເຊັນສຳລັບຫ້ອງພັກໃນໂຄງການພັດທະນາຂອງພວກເຮົາ,” ທ່ານນາງ ໄອລິນລະຍາ ພັດທະນະວິລະນົນ ຜູ້ອຳນວຍການໃຫຍ່ຂອງບໍລິສັດໄອລິນອະສັງຫາລິມະຊັບຈຳກັດ ກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວກະສິກອນລາວ ແລະ ສູນກ້າເບ້ຍໄມ້ໃນນະຄອນຫຼວງວຽງຈັນ ຍັງຄົງອີງໃສ່ເບ້ຍໄມ້ນຳເຂົ້າຈາກປະເທດເພື່ອນບ້ານ ໂດຍສະເພາະແມ່ນປະເທດໄທ ຕາມຄຳເຫັນຂອງເຈົ້າຂອງສວນກ້າເບ້ຍໄມ້ໃນລາວ.“ໃນແຕ່ລະປີ ຂ້າພະເຈົ້າໄດ້ນຳເຂົ້າເບ້ຍໄມ້ຫຼາຍພັນເບ້ຍ ເພື່ອນຳມາຂາຍຍ່ອຍ ເນື່ອງຈາກເບ້ຍໄມ້ບາງຊະນິດແມ່ນບໍ່ພຽງພໍກັບຄວາມຕ້ອງການ ອີກທັງມີລາຄາຖືກກວ່າພາຍໃນ,” ນາງມະນີວັນ ຈັນທະລັງສີ ເຈົ້າຂອງສວນກ້າເບ້ຍໄມ້ຈັນທາກ່າວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ອັດຕາການຕາຍຂອງແມ່ໃນລາວຫຼຸດລົງຫ້າເທົ່າ ແລະຈຳນວນແພດຜະດຸງຄັນກໍເພີ່ມຂຶ້ນກວ່າ 2,500 ຄົນໃນຊ່ວງ 25 ປີຜ່ານມາ, ເຈົ້າໜ້າທີ່ລະດັບສູງກ່າວວານນີ້.ລາວໄດ້ປະສົບຜົນສຳເລັດທີ່ພົ້ນເດັ່ນໃນຫຼາຍດ້ານ ນັບຕັ້ງແຕ່ໄດ້ມີການຈັດຕັ້ງປະຕິບັດແຜນດຳເນີນງານທີ່ຮັບຮອງໂດຍລັດຖະບານຈາກ 179 ປະເທດໃນກອງປະຊຸມວ່າດ້ວຍປະຊາກອນ ແລະ ການພັດທະນາສາກົນ (ICPD) ທີ່ກຸງໄຄໂຣ ປະເທດອີຢິບ ໃນປີ 1994.ອ່ານຕໍ່ ...