ຂປລ-ຂ່າວສານປະເທດລາວ

(ຂປລ) ເຈົ້າໜ້າທີ່ລັດປະມານ 40 ຄົນ ຮ່ວມກັບເຈົ້າໜ້າທີ່ຈາກສະຫະລັດ ແລະ ຫວຽດນາມ ເຂົ້າຮ່ວມກອງປະຊຸມສຳມະນາວ່າດ້ວຍອະນຸສັນຍາ Cape Town ເພື່ອຫາລືກ່ຽວກັບມາດຕະການປະຕິບັດທີ່ດີທີ່ສຸດໃນການສົ່ງເສີມສະພາບແວດລ້ອມທຸລະກິດກ່ຽວກັບການຊື້ ແລະ ການລົງທຶນດ້ານເຮືອບິນໃນ ສປປ ລາວ.ກອງປະຊຸມສຳມະນາດັ່ງກ່າວແມ່ນຈັດໂດຍສະຖານທູດສະຫະລັດ ຮ່ວມກັບກົມການບິນພົນລະເຮືອນຂອງກະຊວງໂຍທາທິການ ແລະ ຂົນສົ່ງ, ພາຍໃຕ້ການສະໜັບສະໜູນຂອງບໍລິສັດ Boeing ແລະ GE ທີ່ນະຄອນຫຼວງວຽງຈັນ ໃນວັນທີ 20 ກຸມພາ 2019.ອ່ານຕໍ່  ...

(ຂປລ) ເຈົ້າໜ້າທີ່ແຂວງ ແລະ ຜູ້ນຳຊຸມຊົນຮ່ວມປະຊຸມກັບອົງການກອງທຶນເພື່ອການອະນຸລັກສິ່ງແວດລ້ອມປະຈຳລາວ (WWF-Laos) ທີ່ເມືອງພຽງ ແຂວງໄຊຍະບູລີ ໃນວັນທີ 7 ກຸມພາ 2019 ເພື່ອທົບທວນຜົນການສຳຫຼວດ ແລະ ແຕ້ມແຜນທີ່ການນຳໃຊ້ທີ່ດິນຂອງຄົວເຮືອນ ແລະ ການຖືກຳມະສິດ, ລາຍຮັບ ແລະ ຕົວກຳນົດດ້ານເສດຖະກິດ-ສັງຄົມ ແລະ ກະສິກຳຕ່າງໆ.ອ່ານຕໍ່ ...

(ຂປລ) ໃນວັນທີ 12 ກຸມພາຜ່ານມາໄດ້ມີພິທີມອບອາຄານໂຮງຮຽນມັດທະຍົມຊົນເຜົ່າເຊໂປນທີ່ໄດ້ຮັບການສ້ອມແປງໃໝ່ ຈາກມູນນິທິ WeloveU ສາກົນ ໃຫ້ແກ່ຄະນະບໍລະຫານໂຮງຮຽນຊົນເຜົ່າ ເມືອງເຊໂປນ ແຂວງສະຫວັນນະເຂດ.ທ່ານນາງ ຄີມ ອ໋ອກຄີ ຕາງໜ້າມູນນິທິ WeloveU ສາກົນກ່າວວ່າ ການບູລະນະຄັ້ງນີ້ລວມມີ ການສ້ອມແປງຫ້ອງນ້ຳ, ຫ້ອງປະຊຸມ, ອາຄານຮຽນ ແລະ ນ້ຳບາດານ.ອ່ານຕໍ່ ...

(ຂປລ) ຕາງໜ້າຈາກອົງການເພື່ອການກຸສົນສະຫະລັດ Spirit of America ແລະ ສະຖານທູດສະຫະລັດໄດ້ມອບອຸປະກອນ ແລະ ທຶນຊ່ວຍເຫຼືອ ລວມມູຄ່າກວ່າ US$10,000 ໂດລາ ໃຫ້ແກ່ທຸລະກິດນົມຄວາຍລາວ ຢ່າງເປັນທາງການທີ່ແຂວງຫຼວງພະບາງ ໃນວັນທີ 14 ກຸມພາ 2019.ທຸລະກິດນົມຄວາຍລາວແມ່ນທຸລະກິດທີ່ລົງທຶນໂດຍຊາວອາເມລິກາ ທີ່ແຂວງຫຼວງພະບາງ ເຊິ່ງມີການເຊົ່າຄວາຍມາຈາກຊາວກະສິກອນທ້ອງຖິ່ນເພື່ອຜະລິດນົມຄວາຍ. ຈາກນັ້ນ ຈະນຳເອົານົມດັ່ງກ່າວມາຜະລິດເປັນຜະລິດຕະພັນນົມຕ່າງໆເຊັ່ນ ເນີຍແຂງ, ນົມສົ້ມ ແລະ ກະແລັມ ແລ້ວນຳໄປຈຳໜ່າຍຕາມຕະຫຼາດທ້ອງຖິ່ນ.ທຸລະກິດດັ່ງກ່າວໄດ້ຈັດຕັ້ງຕ່ອງໂສ້ການສະໜອງ ເພື່ອສົ່ງຜະລິດຕະພັນໃຫ້ແກ່ຮ້ານອາຫານຕ່າງໆໃນຫຼວງພະບາງ ແລະ ວຽງຈັນ, ແລະ ຫຼ້າສຸດມີການສັ່ງ orders ສິນຄ້າມາຈາກບັນດາປະເທດໃນອາຊີ ເຊັ່ນ ຍີ່ປຸ່ນ.ອ່ານຕໍ່ ...

(ຂປລ) ລັດຖະບານຍີ່ປຸ່ນອະນຸມັດການຊ່ວຍເຫຼືອມູນຄ່າກວ່າ US$320,000 ໂດລາສຳລັບໂຄງການບໍລິການສຸຂະພາບຊ່ອງປາກ ໃນນະຄອນຫຼວງວຽງຈັນ, ແຂວງບໍລິຄຳໄຊ, ຄຳມ່ວນ ແລະ ສະຫວັນນະເຂດ.ພິທີເຊັນສັນຍາການອະນຸມັດໂຄງການດັ່ງກ່າວໄດ້ມີຂຶ້ນທີ່ສະຖານທູດຍີ່ປຸ່ນປະຈຳນະຄອນຫຼວງວຽງຈັນ ໃນວັນທີ 13 ກຸມພາ 2019 ລະຫວ່າງທ່ານເອກອັກຄະລັດຖະທູດ ທາເຄຊິ ຮິກິຮາຣະ ແລະ ທ່ານສາດສະດາຈານ ທາເຄຊິ ມິຍາຕະ ປະທານອົງການຊ່ວຍເຫຼືອການສຶກສາຊ່ອງປາກສາກົນ (OISDE) ເຊິ່ງເປັນອົງການທີ່ບໍ່ຫວັງຜົນກຳໄລ.ອ່ານຕໍ່ ...

(ຂປລ) ຕາງໜ້າຈາກກະຊວງແຜນການ ແລະ ການລົງທຶນ, ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ຮ່ວມກັບຕາງໜ້າຈາກຂະແໜງການເອກະຊົນ ຫາລືກ່ຽວກັບການປະຕິຮູບທີ່ຜ່ານມາເພື່ອປັບປຸງສະພາບແວດລ້ອມໃນການດຳເນີນທຸລະກິດໃນ ສປປ ລາວ ໃນວັນພະຫັດທີ່ຜ່ານມາທີ່ວຽງຈັນ.ອ່ານຕໍ່ ...

ສະຖານທີ່: ແຂວງຄຳມ່ວນເວລາ: ເດືອນກຸມພາ (ຫຼືເດືອນສາມຕາມປະຕິທິນຈັນທະລະຄະຕິລາວ)(ຂປລ) ບຸນພະທາດສີໂຄດຕະບອງ ແມ່ນຈັດຂຶ້ນໃນທຸກໆປີ ໃນຊ່ວງວັນເພັງເດືອນກຸມພາ ແລະ ມີການຄົບງັນຫຼາຍວັນ. ພະທາດສີໂຄດຕະບອງແມ່ນໜຶ່ງໃນສະຖາປັດຕະຍາກຳທີ່ເກົ່າແກ່ຂອງເມືອງທ່າແຂກ ແຂວງຄຳມ່ວນ. ປະຊາຊົນຊາວແຂວງຄຳມ່ວນໄດ້ຈັດບຸນສະເຫຼີມສະຫຼອງພະທາດໃນວັນເພັງເດືອນສາມຂອງທຸກໆປີ.ອ່ານຕໍ່ ...

(ຂປລ) ຊາວກະສິກອນເມືອງຫົງສາ ແຂວງໄຊຍະບູລີ ເຂົ້າຮ່ວມຫຼັກສູດຝຶກອົບຮົມກ່ຽວກັບວິທີການປຸງແຕ່ງໝາກໄມ້.ການຝຶກອົບຮົມເຊິ່ງຈັດຂຶ້ນທີ່ບ້ານນາແກ່ນຄຳ ເມືອງຫົງສາ ແຂວງໄຊຍະບູລີ ໃນວັນທີ 3-5 ກຸມພາ ແມ່ນນຳໂດຍຄູຝຶກຈາກມະຫາວິທະຍາໄລມົງຄົນລ້ານນາ ປະເທດໄທ.ອ່ານຕໍ່ ...

(ຂປລ) ລັດຖະບານຍີ່ປຸ່ນໃຫ້ທຶນຊ່ວຍເຫຼືອ 217,000 ໂດລາສະຫະລັດ ເພື່ອສະໜັບສະໜູນໂຄງການສົ່ງເສີມບົດບາດຜູ້ພິການໃນ ສປປ ລາວ.ພິທີເຊັນສັນຍາໂຄງການໄດ້ຈັດຂຶ້ນທີ່ສະຖານທູດຍີ່ປຸ່ນໃນວັນທີ 31 ມັງກອນອ່ານຕໍ່ ...

(ຂປລ) ລັດຖະບານຍີ່ປຸ່ນໄ້ໃຫ້ທຶນຊ່ວຍເຫຼືອລ້າກວ່າ US$ 281,000 ໂດລາສຳລັບໂຄງການກຸມມານລະເວດແຂວງຫົວພັນ ທາງພາກເໜືອຂອງລາວ.ໂຄງການດັ່ງກ່າວມີຊື່ວ່າ “ການຍົກລະດັບລະບົບກຸມມານລະເວດແຂວງຫົວພັນ ຜ່ານການສ້າງຄວາມສາມາດໃຫ້ແກ່ບຸກຄະລາກອນການແພດ ແລະ ແພດຊຸມຊົນ” ແມ່ນກ້າວມາເຖິງປີທີສາມ ແລະ ແນໃສ່ປະກອບສ່ວນຫຼຸດຜ່ອນອັດຕາການຕາຍຂອງເດັກທີ່ມີອາຍຸຫບໍ່ເກີນ 5 ປີທີ່ເມືອງຊອນ ແລະ ເມືອງຫົວເມືອງ ໂດຍການສົ່ງເສີມການບໍລິການດ້ານກຸມມານລະເວດຕາມສຸກສາລາ ດ້ວຍການເພີ່ມທະວີຄວາມເຂົ້າໃຈຂອງຊາວບ້ານກ່ຽວກັບບັນຫາສຸຂະພາບເດັກ ຜ່ານກິດຈະກຳເພື່ອສົ່ງເສີມສຸຂະພາບຂອງຄະນະກຳມະການສາທາລະນະສຸກບ້ານ.ອ່ານຕໍ່ ...