News

ເມືອງໄຊທານີ ມີຈຳນວຍຜູ້ຕິດເຊື້ອໄຂ້ເລືອດອອກສູງສຸດເປັນປະຫວັດສາດໃນນະຄອນຫຼວງວຽງຈັນ, ໃນຂະນະທີ່ກໍລະນີຄົນເຈັບໃນນະຄອນຫຼວງຍັງຄົງເພີ່ມສູງຂຶ້ນ.ມາເຖິງວັນທີ 8 ກໍລະກົດ, ນະຄອນຫຼວງວຽງຈັນພົບຄົນເຈັບພະຍາດໄຂ້ເລືອດອອກທີ່ໄດ້ຮັບການບົ່ງມະຕິແລ້ວ 4,846 ກໍລະນີ ແລະ ມີຜູ້ເສຍຊີວິດ 13 ກໍລະນີຍ້ອນເຊື້ອພະຍາດດັ່ງກ່າວ.ສຳລັບເມືອງໄຊທານີ ມີຄົນເປັນໄຂ້ຍຸງ 1,469 ກໍລະນີ ແລະ ເສຍຊີວິດ 4 ກໍລະນີ, ຕາມການລາຍງານຂອງກົມຄວບຄຸມພະຍາດຕິດຕໍ່ ກະຊວງສາທາລະນະສຸກ.ອ່ານຕໍ່ ...

(ຂປລ) ປະລິນ້ຳທີ່ປ່ອຍຈາກສະຖານນີໄຟຟ້າຊຽງຮຸ່ງ ແຂວງຢຸນນານຂອງຈີນ ຈະຫຼຸດຜ່ອນລົງປະມານ 25-45 ເປີເຊັນພາຍໃນໄລຍະເວລາຫ້າວັນ, ຕາມການແຈ້ງການຢ່າງເປັນທາງການຈາກກະຊວງຊັບພະຍາກອນນ້ຳຂອງຈີນ ທີ່ໄດ້ສົ່ງໃຫ້ແກ່ຄະນະກຳມາທິການແມ່ນ້ຳຂອງໃນວັນຈັນຜ່ານມາ.ຕາມແຈ້ງການດັ່ງກ່າວ, ທາງກະຊວງໄດ້ແຈ້ງວ່າ ປະລິມານນ້ຳຈາກເຂື່ອນຊຽງຮຸ່ງຈະເລີ່ມຫຼຸດລົງຈາກ 1,100 ແມັດກ້ອນຕໍ່ວິນາທີ (m3/s) ມາເປັນປະມານ 600-800 m3/s ແຕ່ວັນທີ 11 – 15 ສິງຫານີ້ ກ່ອນທີ່ຈະຄ່ອຍໆກັບຄືນສູ່ລະດັບປົກກະຕິ.ອ່ານຕໍ່ ...

ທະນາຄານແມນດິຣິ ທະນາຄານແຫ່ງລັດຂອງອິນໂດເນເຊຍໄດ້ສະແດງເຈດຈຳນົງໃນການເຂົ້າສູາຕະຫຼາດລາວ ແລະ ກຳປູເຈຍ.ທ່ານ ໂຣຮັນ ນາຟາສ ເລຂາທິການໃຫຍ່ຂອງທະນາຄານ ແມນດິຣິ ກ່າວວ່າ ທະນາຄານກຳລັງທຳການສຶກສາວິທີການທີ່ດີທີ່ສຸດໃນການເຈາະສອງຕະຫຼາດໃໝ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ແນະນຳໃຫ້ຊາວກະສິກອນເມືອງຫາດຊາຍຟອງ ນະຄອນຫຼວງວຽງຈັນ ທຳການປູກພືດພັນໂດຍນຳໃຊ້ວິທີການກະສິກຳອິນຊີ ພາຍຫຼັງຮູ້ວ່າຫຼາຍເຈົ້າໄດ້ມີການນຳໃຊ້ສານເຄມີ ເຮັດໃຫ້ເກີດສານພິດຕົກຄ້າງໃນພືດພັນ.ໃນການລົງຢ້ຽມຢາມຊາວກະສິກອນບ້ານບໍ່ໂອ ໃນວັນຈັນຜ່ານມາ, ພະນະທ່ານນາຍົກໄດ້ສັງເກດເຫັນວ່າ ບ້ານເຫຼົ່ານີ້ທີ່ເຄີຍເປັນຜູ້ສະໜອງພືດຜັກຕົ້ນຕໍສູ່ຕະຫຼາດໃນນະຄອນຫຼວງວຽງຈັນ, ເຄີຍປູກພືດຜັກຜົນລະປູກຕ່າງໆ ທີ່ມີຄຸນນະພາບ ແລະ ລົດຊາດທີ່ແຊບຊ້ອຍ.ແຕ່ມາໃນປະຈຸບັນພັດບໍ່ເປັນເຊັ່ນນັ້ນ, ຍ້ອນວ່າພືດຜັກຜົນລະປູກບາງຊະນິດ ເມື່ອນຳໄປກວດສອບແລ້ວພົບສານເຄມີຕົກຄ້າງ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ບໍລິສັດພັດທະນາແຫ່ງລັດ AAA ສີສວນ ຈຳກັດ ແລະ ບໍລິສັດ ASIN Intl (ລາວ) ຈຳກັດ ໄດ້ລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມືທາງທຸລະກິດ ພາຍໃຕ້ໂຄງການລິເລີ່ມຖະໜົນ ແລະ ແລວທາງ ໃນກວາງອັນ ແຂວງສີສວນ ປະເທດຈີນ.ອີງຕາມສະມາຄົມສົ່ງເສີມເສດຖະກິດການຄ້າລາວ-ຈີນ (LCETPA), ສອງຝ່າຍຈະສົ່ງເສີມການສ້າງຜົນປະໂຫຍດຮ່ວມສູງສຸດທາງດ້ານພື້ນຖານໂຄງລ່າງ “ຖະໜົນ ແລະ ແລວທາງ” ແລະ ສົ່ງເສີມການຈັດຕັ້ງປະຕິບັດແຜນຍຸດທະສາດ “ຖະໜົນ ແລະ ແລວທາງ” ໃຫ້ປະກົດຜົນເປັນຈິງ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການພັດທະນາການເປັນຜູ້ນຳທາງທຸລະກິດ ແມ່ນໜຶ່ງໃນແຜນບູລິມະສິດ ເພື່ອຈຸດປະສົງໃນການສ້າງການດຳເນີນທຸລະກິດໃນລາວໃຫ້ເຂັ້ມແຂງ, ປະສົບຜົນສຳເລັດ ແລະ ມີຄວາມຍືນຍົງຍິ່ງຂຶ້ນ ເພື່ອປະກອບສ່ວນໃນການພັດທະນາເສດຖະກິດສັງຄົມ.ເຈົ້າໜ້າທີ່ບໍລິຫາຈາກພາກສ່ວນລັດຖະບານ, ວິສາຫະກິດ ແລະ ຂະແໜງເອກະຊົນ ເຂົ້າຮ່ວມກອງປະຊຸມສຳມະນາມື້ວານນີ້ ທີ່ວຽງຈັນ ເພື່ອຮຽນຮູ້ກ່ຽວກັບການເປັນຜູ້ນຳທາງທຸລະກິດ ແລະ ວິທີການໃນການພັດທະນາແຜນເພື່ອການເປັນຜູ້ນຳດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຖິງຈະມີຂໍ້ຈຳກັດດ້ານງົບປະມານ, ການຟື້ນຟູຈາກໄພພິບັດກໍຍັງຄົງເປັນບູລິມະສິດສູງສຸດຂອງລັດຖະບານ ເພື່ອຮັກສາລະດັບການຂະຫຍາຍຕົວຂອງຂະແໜງກະສິກຳ ແລະ ການຫຼຸດຜ່ອນຄວາມທຸກຍາກໃນຊຸມຊົນທ້ອງຖິ່ນ.ທ່ານ ປອ ບຸນກວ້າງ ຄຳບຸນເຮືອງ ຮອງລັດຖະມົນຕີກະຊວງກະສິກຳ ແລະ ປ່າໄມ້ ໄດ້ລາຍງາຍຜ່ານສຳນັກຂ່າວວຽງຈັນທາມສ໌ໃນອາທິດນີ້ວ່າ ລັດຖະບານຈະຈັດສັນງົບປະມານບາງສ່ວນ ເພື່ອແກ້ໄຂບັນຫາຜົນກະທົບຈາກໄພທຳມະຊາດ,​ ໂດຍສະເພາະແມ່ນໄພນ້ຳຖ້ວມ ແລະ ໄພແລ້ງ.ອ່ານຕໍ່ ...

ເຈົ້າຂອງຮ້ານແຕ່ງຜົມໃນນະຄອນວຽງຈັນ ອາດເປັນແມ່ຍິງລາວຄົນທຳອິດທີ່ເປີດສົງຄາມທຸລະກິດທີ່ໂຈ່ງແຈ້ງກັບຊ່າງເສີມສວຍແຕ່ງຜົມຕ່າງປະເທດທີ່ນັບມື້ນັບເພີ່ມຈຳນວນຂຶ້ນ.ນາງ ສາພາວັນ ຈັນທະລັກ ເຈົ້າຂອງຮ້ານແຕ່ງຜົມໂພນຕ້ອງ ເມືອງຈັນທະບູລີ ໄດ້ແຕ່ງປ້າຍໜ້າຮ້ານໃຫ້ມີສີສັນສົດໃສ, ທັງຂຶ້ນຂໍ້ຄວາມທີ່ສະດຸດຕາເພື່ອດຶງດູດລູກຄ້າໃຫ້ຮູ້ວ່ານີ້ແມ່ນຮ້ານຂອງຄົນລາວ. ລາວໄດ້ຂຶ້ນປ້າຍດັ່ງກ່າວມາຕັ້ງແຕ່ຊ່ວງຕົ້ນປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກຮຽນນັກສຶກສາຈາກໂຮງຮຽນມັດທະຍົມ ແລະ ມະຫາວິທະຍາໄລແຫ່ງຊາດ ເຂົ້າຮ່ວມກອງປະຊຸມຢູ່ວຽງຈັນຫວ່າງໝໍ່ໆມານີ້ ເພື່ອຮຽນຮູ້ກ່ຽວກັບການຄ້າມະນຸດ, ໂດຍສະເພາະແມ່ນວິທີການໃນການຕ້ານການຄ້າມະນຸດພາຍໃຕ້ລະບຽບການສາກົນ.ຫົວຂໍ້ໃນການປະຊຸມແມ່ນຫາລືກ່ຽວກັັບເຫດການຕົວແບບຂອງອົງການສະຫະປະຊາຊາດ ເຊິ່ງຈັດຂຶ້ນຢູ່ເຮືອນຮັບແຂກຂອງອົງການສະຫະປະຊາຊາດປະຈຳນະຄອນວຽງຈັນ.ອ່ານຕໍ່ ...

ຜູ້ປະສົບໄພທີ່ລອດຊີວິດປະມານ 70 ເປີເຊັນ ເດີນທາງການບ້ານເດີມ ໜຶ່ງປີພາຍຫຼັງເກີດໄພພິບັດເຂື່ອນແຕກປີກາຍນີ້ ຢູ່ແຂວງອັດຕະປື ທ່າມກາງຄວາມພະຍາຍາມໃນການຟື້ນຟູຊີວິດການເປັນຢູ່ຂອງຜູ້ປະສົບໄພ.ໄພພິບັດດັ່ງກ່າວໄດ້ເກີດຂຶ້ນໃນຕອນກາງຄືນຂອງວັນທີ 23 ກໍລະກົດ 2018 ເມື່ອກະແສນ້ຳໄດ້ຫຼັ່ງໄຫຼຜ່ານສັນເຂື່ອນຂອງໂຄງການເຂື່ອນໄຟຟ້າເຊປຽນ ເຊນ້ຳນ້ອຍ ແຂວງຈຳປາສັກ, ເຮັດໃຫ້ມີຜູ້ເສຍຊີວິດຢ່າງໜ້ອຍ 70 ຄົນ ແລະ ອີກປະມານ 14,000 ຄົນຕ້ອງສູນເສຍທີ່ຢູ່ອາໄສ. ໄພນ້ຳຖ້ວມດັ່ງກ່າວໄດ້ສ້າງຄວາມເສຍຫາຍຢ່າງໜັກໜ່ວງຕໍ່ຊັບສິນ ແລະ ພື້ນຖານໂຄງລ່າງ.ອ່ານຕໍ່ ...