News

ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດໃໝ່, ຜູ້ປະກອບການຂອງລາວ ມີໂອກາດໃນການຂະຫຍາຍກິດຈະການຂອງຕົນໂດຍການສ້າງເຄືອຂ່າຍກັບນັກລົງທຶນຕ່າງປະເທດ, ຜູ້ຈັດງານກ່າວໃນງານເຄືອຂ່າຍທຸລະກິດມືໃໝ່ ແລະ ອາຊີບ.ງານສ້າງເຄືອຂ່າຍທຸລະກິດດັ່ງກ່າວໄດ້ຈັດຂຶ້ນທີ່ນະຄອນຫຼວງວຽງຈັນ ໃນວັນພຸດຜ່ານມານີ້ ໂດຍມີການເຂົ້າຮ່ວມຂອງນັກລົງທຶນຕ່າງປະເທດ, ຜູ້ປະກອບການພາຍໃນ ແລະ ທຸລະກິດນ້ອງໃໝ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ແຜນການກໍ່ສ້າງຕົວເມືອງ ສະຫຼາດ ແລະ ປະຢັດ ຢູ່ແຂວງຫຼວງນ້ຳທາ ແລະ ອຸດົມໄຊ ນອນຢູ່ໃນວາລະບູລິມະສິດຂອງກອງປະຊຸມປະຈຳເດືອນຂອງຄະນະລັດຖະບານ ສຳລັບເດືອນຕຸລາ.ທ່ານ ທອງລຸນ ສີສຸລິດ ໄດ້ເປັນປະທານໃນກອງປະຊຸມດັ່ງກ່າວ ເຊິ່ງຈັດຂຶ້ນໃນວັນທີ 25 ຕຸລາທີ່ຜ່ານມາ, ໃນນັ້ນ ຄະນະລັດຖະບານໄດ້ມີການຫາລືຮ່າງບົດລາຍງານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດສັງຄົມຂອງປີນີ້, ແຜນງົບປະມານ ແລະ ແຜນການໃນປີຕໍ່ໜ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນພຸດນີ້ ທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະກຳມະການສູນກາງພັກປະຊາຊົນປະຕິວັດລາວ ແລະ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ແຕ່ງຕັ້ງທ່ານ ສຈ.ປອ ກິແກ້ວ ໄຂຄຳພິທູນ ຫົວໜ້າຄະນະໂຄສະນາຝຶກອົບຮົມສູນກາງພັກ ໃຫ້ວ່າການລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແທນທ່ານ ສຈ.ປອ ບໍ່ແສງຄຳ ວົງດາຣາ ທີ່ຈະອອກບຳນານ.ອ່ານຕໍ່ ...

ເຂື່ອນໄຊຍະບູລີ ເຂື່ອນໄຟຟ້ານ້ຳຂອງຂະໜາດໃຫຍ່ແຫ່ງທຳອິດ ໃນຈຳນວນຫ້າແຫ່ງທີ່ມີແຜນກໍ່ສ້າງໃນລາວ ໄດ້ເລີ່ມຕົ້ນການປະຕິບັດການໃນວັນອັງຄານນີ້, ເຊິ່ງເປັນການໝູນຟັນເຟືອງໃຫຍ່ອັນທຳອິດຂອງແຜນການອັນສູງສົ່ງ ແຕ່ມີຂໍ້ຂັດແຍ່ງຂອງລາວ ໃນການເປັນ “ໝໍ້ໄຟແຫ່ງອາຊີຕາເວັນອອກສຽງໃຕ້.”ເຂື່ອນດັ່ງກ່າວ ເຊິ່ງເລີ່ມຕົ້ນກໍ່ສ້າງມາແຕ່ປີ 2012 ໄດ້ເປັນສູນລວມຂອງການວິພາກວິຈານ ຈາກນັກເຄື່ອນໄຫວເພື່ອສິ່ງແວດລ້ອມ ແລະ ສິດທິມະນຸດ.ພວກເຂົາກ່າວວ່າ ໄຟຟ້າທີ່ຜະລິດຈາກເຂື່ອນຮູບແບບດັ່ງກ່າວ ຕົ້ນຕໍແມ່ນເພື່ອການສົ່ງອອກໄປຍັງບັນດາປະເທດບ້ານໃກ້ເຮືອນຄຽງ, ບໍ່ຄຸ້ມຄ່າຕໍ່ຜົນກະທົບທີ່ຮ້າຍແຮງຕໍ່ລະບົບນິເວດ ແລະ ປະຊາຊົນ ຍ້ອນການປ່ຽນແປງການໄຫຼຕາມທຳມະຊາດຂອງນ້ຳໃນແມ່ນ້ຳຂອງ.ໂຄງການພາຍໃຕ້ການສຳປະທານຂອງໄທດັ່ງກ່າວ ມີມູນຄ່າການກໍ່ສ້າງທັງໝົດ $4.47 ຕື້ໂດລາ.ອ່ານຕໍ່ ...

ອົງການກາແດງລາວ ໄດ້ມອບເຄື່ອງຊ່ວຍເຫຼືອເພີ່ມເຕີມ ໃຫ້ແກ່ຊຸມຊົນແຂວງພາກໃຕ້ ທີ່ໄດ້ຮັບຄວາມເສຍຫາຍຈາກໄພນ້ຳຖ້ວມທີ່ຜ່ານມາ, ເຊິ່ງເປັນເຄື່ອງບໍລິຈາກ ມູນຄ່າ 60 ກວ່າລ້ານກີບ.ໃນອາທິດແລ້ວນີ້ ອົງການກາແດງ ໄດ້ນຳເອົາອຸປະກອນການສຶກສາໄປມອບໃຫ້ແກ່ໂຮງຮຽນປະຖົມພູທອງລຸ່ມ ເມືອງຊະນະສົມບູນ ແຂວງຈຳປາສັກ ເພື່ອປ່ຽນແທນອຸປະກອນການຮຽນການສອນທີ່ຖືກເປ່ເພ ຫຼື ໄດ້ຮັບຄວາມເສຍຫາຍຈາກໄພນ້ຳຖ້ວມໃນຊ່ວງເດືອນກັນຍາທີ່ຜ່ານມາ.ອ່ານຕໍ່. ...

ວຽງຈັນ (ວຽງຈັນທາມສ໌/ANN) – ລັດວິສາຫະກິດນ້ຳປະປານະຄອນຫຼວງວຽງຈັນ ໄດ້ທຳການຕິດຕັ້ງຈັກສູບນ້ຳໃນແມ່ນ້ຳງື່ມ ເພື່ອສະໜອງນ້ຳໃຫ້ແກ່ໂຮງງານຜະລິດນ້ຳປະປາດົງໝາກຄາຍ ເມືອງໄຊທານີ, ເພື່ອຮັບປະກັນການສະໜອງນ້ຳໃຫ້ພຽງພໍກັບຄວາມຕ້ອງການຂອງປະຊາຊົນໃນທ້ອງຖິ່ນ ໃນລະດູແລ້ງນີ້.ຕາມການສຳພາດທາງໂທລະສັບກັບສຳນັກຂ່າວວຽງຈັນທາມສ໌ວານນີ້ ທ່ານ ຄຳເຜີຍ ວົງສາຄຳຜຸຍ ຫົວໜ້າລັດວິສາຫະກິດນ້ຳປະປານະຄອນຫຼວງວຽງຈັນ ເປີດເຜີຍວ່າ ຫຼັງຈາກທີ່ລະດບນ້ຳໃນແມ່ນ້ຳຫຼຸດຕ່ຳລົງ ທາງວິສາຫະກິດຈຶ່ງໄດ້ຕັດສິນໃຈຕິດຕັ້ງຈັກສູບນ້ຳ ເພື່ອດູດນ້ຳຈາກແມ່ນ້ຳຂຶ້ນສູ່ໂຮງງານ.ເຄື່ອງຈັກສູບນ້ຳດັ່ງກ່າວແມ່ນດຳເນີນການໄດ້ດີ ແລະ ເຮັດໃຫ້ການສະໜອງນ້ຳປະປາໃນແຕ່ລະຄົວເຮືອນມີຄວາມສະໝ່ຳສະເໝີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – LOCA ບໍລິການລົດຮັບສົ່ງລາຍທຳອິດຂອງລາວ ແລະ ສະມາຄົມລົດຕູ້ນະຄອນຫຼວງວຽງຈັນ ຮ່ວມມືກັນເພື່ອຍົກລະດັບການບໍລິການລົດຕູ້ໃນລາວ.ຂໍ້ຕົກລົງການຮ່ວມມື ໄດ້ມີການລົງນາມທີ່ນະຄອນວຽງຈັນໃນວັນຈັນນີ້ ລະຫວ່າງທ່ານ ສຸລິໂຍ ວົງດາລາ ຜູ້ກໍ່ຕັ້ງ LOCA ແລະ ທ່ານ ບຸນຄ້ຳ ລາດຊະວົງ ປະທານສະມາຄົມລົດຕູ້ນະຄອນຫຼວງວຽງຈັນ.ຂໍ້ຕົກລົງດັ່ງກ່າວແມ່ນແນໃສ່ສ້າງຄວາມທັນສະໄໝໃຫ້ແກ່ການບໍລິການລົດຕູ້, ກໍຄືການຫັນສູ່ດິຈິຕອລ໌ ເພື່ອເພີ່ມຄວາມສະດວກໃຫ້ແກ່ລູກຄ້າໃນການຈອງລົດ ແລະ ຕົກລົງລາຄາ.ອ່ານຕໍ່ ...

(ຂປລ) ປື້ມຄູ່ມືການຄົ້ນຄວ້າ “ຈັນຍາບັນໃນການຄົ້ນຄວ້າວິໄຈໃນລາວ ແລະ ປະເທດໃນພາກພື້ນແມ່ນ້ຳຂອງ” 250 ກວ່າສະບັບ ໄດ້ມີການແຈກຢາຍໃຫ້ແກ່ມະຫາວິທະຍາໄລວິທະຍາສາດການແພດ (UHS) ເພື່ອນຳໃຊ້ເປັນຄູ່ມືໃນການດຳເນີນການຄົ້ນຄວ້າໃຫ້ມີຈັນຍາບັນ ເພື່ອເປັນແນວທາງໃຫ້ແກ່ແພດໝໍ, ຄູອາຈານ, ນັກສຶກສາ,​ ນັກຄົ້ນຄວ້າ ແລະ ຜູ້ບໍລິຫານ ໃນການດຳເນີນການສຶກສາຄົ້ນຄວ້າ.ອ່ານຕໍ່  ...

(ຂປລ) ກະຊວງການຕ່າງປະເທດ ແລະ ການຄ້າອອສ໌ເຕຼເລຍ (DFAT) ຖະແຫຼງການຮ່ວມມືຂະແໜງການເອກະຊົນ ເພື່ອປັບປຸງຊີວິດການເປັນຢູ່ ຂອງຊາວກະສິກອນໃນລາວ ໂດຍການສ້າງຄວາມເຂັ້ມແຂງໃນການລ້ຽງຄວາຍ ແລະ ໂຄນົມ.ການຮ່ວມມືດັ່ງກ່າວຈະເຕົ້າໂຮມທຸລະກິດເພື່ອສັງຄົມ ໂຄນົມລາວ(LBD), ວິທະຍາໄລກະສິກຳປ່າໄມ້ພາກເໜືອ (NAFC), ພະແນກສາທາລະນະສຸກແຂວງ ແລະ  ກະຊວງການຕ່າງປະເທດ ແລະ ການຄ້າອອສ໌ເຕຼເລຍ (DFAT) ເພື່ອສົ່ງເສີມການລ້ຽງໂຄນົມເພື່ອປັບປຸງຊີວິດການເປັນຢູ່ໃນຊົນນະບົດ.ອ່ານຕໍ່ ...

(ຂປລ) ທະນາຄານກຸງສີ ທະນາຄານພານິດຂອງໄທ ໄດ້ເປີດໂຕບໍລິການໂອນເງິນ ບລຼ໋ອກເຊນ ກຸງສີ ເພື່ອຮັບປະກັນຄວາມສະດວກໃນການໂອນເງິນແບບຣຽວທາມ ລະຫວ່າງລາວ ແລະ ໄທ.“ບໍລິການໂອນເງິນ ບລຼ໋ອກເຊນ ກຸງສີ” ແມ່ນບໍລິການໂອນເງິນຕ່າງປະເທດແບບຣຽວທາມ ລະຫວ່າງ ສປປ ລາວ ແລະ ໄທ ສຳລັບ ທຸລະກິດ SMEs. ພາຍໃຕ້ການບໍລິການໃໝ່ດັ່ງກ່າວ, ລູກຄ້າຈະໄດ້ຮັບຄວາມສະດວກໃນການໂອນເງິນລະຫວ່າງປະເທດຜ່ານສາຂາຂອງທະນາຄານກຸງສີ,” ທ່ານ ດານ ຮາໂຊໂນ, ຫົວໜ້າພະແນກຂາຍຍ່ອຍ ແລະ ບໍລິການລູກຄ້າ ເປີດເຜີຍໃນງານເປີດໂຕ ທີ່ວຽງຈັນ ໃນວັນທີ 28 ຕຸລານີ້.ອ່ານຕໍ່ ...