News

ສະພາແຫ່ງຊາດໄດ້ຕົກລົງຮັບຮອງເອົາຊົນເຜົ່າບຣູ ເຂົ້າໃນວົງຄະນະຍາດແຫ່ງຊາດລາວຢ່າງເປັນທາງການ, ການຮັບຮອງດັ່ງກ່າວເຮັດໃຫ້ປະເທດລາວປະກອບມີ 50 ຊົນເຜົ່າຢ່າງເປັນທາງການ.ການອະນຸມັດໄດ້ມີຂຶ້ນວານນີ້ ຕາມການສະເໜີຂອງລັດຖະບານໃນກອງປະຊຸມສະໄໝສາມັນຂອງສະພາແຫ່ງຊາດທີ່ກຳລັງດຳເນີນ  ເຊິ່ງເຫັນດີລວມເອົາຊົນເຜົ່າບຣູເຂົ້າໃນໝວດຕະກຸນມອນຂະແມ.ອ່ານຕໍ່ ...

(ຂປລ) ຕາງໜ້າຈາກບັນດາກົມກອງກະຊວງ 20 ກວ່າຄົນ ເຂົ້າຮ່ວມຮຽນຮູ້ສະພາບການ ແລະ ຜົນກະທົບກ່ຽວກັບອາຫານປົນເປື້ອນ ແລະ ໜ້າທີ່ຮັບຜິດຊອບຂອງອຳນາດການປົກຄອງທີ່ກ່ຽວຂ້ອງ ໃນກອງປະຊຸມວິຊາການ ພາຍໃຕ້ການສະໜັບສະໜູນຂອງໂຄງການຊ່ວຍເຫຼືອຂອງກະຊວງການຕ່າງປະເທດ ແລະ ການຄ້ານິວຊີແລນ.ອ່ານຕໍ່ ...

ບັນຫາທາງດ້ານເສດຖະກິດ, ສັງຄົມ ແລະ ສິ່ງແວດລ້ອມ ລວມທັງບັນຫາກ່ຽວເນື່ອງອື່ນໆກ່ຽວກັບການຈັດການ ແມ່ນຈຸດຫຼັກໃນການຫາລືລະຫວ່າງລັດຖະບານ ແລະ ບັນດາຄູ່ຮ່ວມພັດທະນາໃນກອງປະຊຸມໂຕະມົນ ໄລຍະສອງວັນ ທີ່ຈະສືບຕໍ່ໃນມື້ນີ້.ປະທານຮ່ວມໃນກອງປະຊຸມດັ່ງກ່າວມີທ່ານ ປອ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານນາງ ຄາລີນາ ອິມໂມເນັນ ຜູ້ຕາງໜ້າອົງການ ຢູເອັນດີພີ ປະຈຳລາວ.ອ່ານຕໍ່  ...

ທ່ານ ທອງລຸນ ສີສຸລິດ ນາຍົກລັດຖະມົນຕີກ່າວຕໍ່ທີ່ປະຊຸມສະພາແຫ່ງຊາດ (ສພຊ) ວ່າ ລັດຖະບານຈະເພີ່ມທະວີຄວາມພະຍາຍາມໃນການປັບປຸງສະພາບແວດລ້ອມໃນການດຳເນີນທຸລະກິດ ຫຼັງຈາກທີ່ປະເທດລາວຖືກຫຼຸດອັນດັບລົງ 13 ລະດັບກ່ຽວກັບຄວາມສະດວກໃນການດຳເນີນທຸລະກິດ.ອ່ານຕໍ່ ...

ວຽງຈັນ, 4 ທັນວາ (ຊິນຫົວ) — ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານຂອງລາວ ກ່າວຕໍ່ສະພາແຫ່ງຊາດ (ສພຊ) ວ່າທີມງານກວດສອບໄດ້ສຳເລັດການກວດສອບເຂື່ອນແລ້ວຈຳນວນ 20 ແຫ່ງ ແລະຍັງອີກ 50 ແຫ່ງທີ່ຍັງຕ້ອງດຳເນີນການກວດສອບເພີ່ມ, ເຊິ່ງຄາດວ່າຈະສຳເລັດໜ້າວຽກທັງໝົດພາຍໃນປີ 2021.ອ່ານຕໍ່  ...

(ຂປລ) ທະນາຄານເພື່ອການສົ່ງອອກ-ນຳເຂົ້າ (ເອັກຊິມ) ແຫ່ງປະເທດໄທໄດ້ເປີດສຳນັກງານຕົວແທນປະຈຳວຽງຈັນຢ່າງເປັນທາງການ ໃນວັນທີ 30 ພະຈິກນີ້ ເພື່ອສະໜັບສະໜູນນະໂຍບາຍຂອງລັດຖະບານ ກ່ຽວກັບການສ້າງປຶກແຜ່ນທາງດ້ານການຄ້າ ແລະ ການລົງທຶນໃນພາກພື້ນລຸ່ມແມ່ນ້ຳຂອງ ເຊິ່ງລວມມີປະເທດກຳປູເຈຍ, ລາວ, ມຽນມາ, ໄທ ແລະ ຫວຽດນາມ.ອ່ານຕໍ່  ...

ທຸລະກິດນ້ຳກ໊ອກໃນເມືອງຫຼວງພະບາງເມືອງທ່ອງທ່ຽວອັນດັບຕົ້ນຂອງລາວ ມີທ່າແຮງສູງໃນການຂະຫຍາຍຕົວ ເນື່ອງຈາກການຂະຫຍາຍຕົວຢ່າງວ່ອງໄວດ້ານການທ່ອງທ່ຽວ, ການປະຕິບັດໂຄງການທາງລົດໄຟຄວາມໄວສູງ ແລະ ຄວາມຕ້ອງການໃນການນຳໃຊ້ນ້ຳປະປາທີ່ມີສູງໃນທົ່ວປະເທດ, ຕາມຂໍ້ມູນຈາກທະນາຄານ ເອັກຊິມ ແລະ ນັກລົງທຶນໄທໃນລາວ.ການສະໜອງນ້ຳປະປາແມ່ນເພີ່ມສູງຂຶ້ນຢ່າງໄວວາໃນຊຸມປີຜ່ານມາ ເພື່ອຕອບສະໜອງຄວາມຕ້ອງການທີ່ເພີ່ມຂຶ້ນໃນອັດຕາ 10-15 ເປີເຊັນຕໍ່ປີໃນຫຼວງພະບາງ.ອ່ານຕໍ່ ...

ເຈົ້າໜ້າທີ່ສາທາລະນະສຸກກ່າວວ່າຈະສືບຕໍ່ພັດທະນາຄວາມຮູ້ຄວາມສາມາດຂອງແພດໝໍ ແລະ ພະຍາບານ, ເພື່ອແນໃສ່ຍົກສູງຄຸນນະພາບຂອງການບໍລິການດ້ານສາທາລະນະສຸກ. ແຕ່ກໍຕ້ອງຍອມຮັບວ່າຄວາມຮູ້ສະເພາະທາງຂອງແພດໝໍລາວຍັງຄົງຈຳກັດ, ເຊັ່ນ ຄວາມສາມາດໃນການກວດ ແລະ ບົ່ງມະຕິພະຍາດ ກໍ່ຄືການປິ່ນປົວຄົນເຈັບບາງກຸ່ມຢ່າງມີປະສິດທິພາບ.ອ່ານຕໍ່ ...

ລາວຈະຮ່ວມມືກັບບັນດາປະເທດອາຊຽນໃນການພັດທະນານະໂຍບາຍລະດັບພາກພື້ນກ່ຽວກັບອຸດສາຫະກຳ ‘ສີຂຽວ’ ໃນໄລຍະສາມປີ ແຕ່ປີ 2018 ເຖິງ 2020. ເຖິງຢ່າງໃດກໍຕາມ ການພັດທະນາບຸກຄະລາກອນທີ່ມີທັກສະທີ່ກ່ຽວຂ້ອງສຳລັບຂົງເຂດວຽກງານດັ່ງກ່າວຍັງເປັນສິ່ງທ້າທາຍສຳລັບປະເທດລາວ.ອ່ານຕໍ່  ...

ລາວສາມາດປະຢັດງົບປະມານໄດ້ກວ່າ 3.5 ພັນຕື້ກີບ (ຫຼືເກືອບ 419 ລ້ານໂດລາສະຫະລັດ) ໂດຍການສະກັດກັ້ນງົບປະມານທີ່ຈະຖືກໃຊ້ຈ່າຍໃນໂຄງການທີ່ມີມູນຄ່າສູງເກີນຕົວຈິງ, ຕາມການລາຍງານຂອງທ່ານລັດຖະມົນຕີຕໍ່ສະພາແຫ່ງຊາດ.ຈາກການກວດສອບໂຄງການການລົງທຶນຂອງລັດ ເປີດເຜີຍວ່າມີການໃຊ້ຄ່າອັດຕາເງິນເຟີ້ທີ່ບໍ່ຖືກຕາມຕົວຈິງ, ຕາມການເປີດເຜີຍຂອງທ່ານ ປອ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ໃນກອງປະຊຸມສະໄໝສາມັນຂອງສະພາແຫ່ງຊາດອາທິດແລ້ວນີ້.ອ່ານຕໍ່ ...